洪記粥品 (Closed)

🦐🥣🧂粥 x 腸粉在晚上▫️只收現金☑️窩蛋碎牛粥 -$30粥都好大碗，好綿，有蔥花係面，碎牛都好多，比得幾重手，碎牛有6-7大舊，但咬落有啲碎骨要小心，窩蛋可以撈粥食，或就咁食都可以，唔夠味嘅話枱面仲有鹽同胡椒粉可以加。☑️蝦米腸粉 -$16蝦米腸有6條分成12件上，好足料，有大量蝦米同蔥花，腸粉皮都滑同埋吾會覺得成舊粉甘。豉油店員已經淋咗落去，但腸粉好快索晒，份量略嫌唔夠，枱面有麻醬、甜醬、芝麻，呢3樣係任加的。麻醬夠香滑，幾好味。

今天叫外賣生滾肉片粥。首先，未行過去叫外賣前，我是講緊電話，然後到我行過去準備叫外賣，等呀姐出聲問要咩，呀姐唔出聲，於是我開口，叫外賣生滾肉片粥，走蔥走花生，呀姐串返我話：「等咗你好耐啦。」我見呀姐無回我句走蔥走花生，於是我再講多一次，呀姐只答我無花生。我再講「哦，咁走蔥呀」生滾肉片粥是$35。比錢時，問呀姐外賣是否要加$1，呀姐唔答人，我比$45，推返個$5比我，然後找返$6，我比得$5，就唔想要散銀。比完錢後，見呀姐行入去。重點比錢之前，有叫走蔥，最後碗粥拎到返去，是勁多勁多蔥囉。

“世紀豪雨”過後, 我見外面無落雨就出去行下, 順便搵野食去到洪記, 當時未夠5點, 下午茶時段就唔多人, 得幾個客坐喺度堂食, 樓面2個, 足夠應付有餘我睇完餐牌諗住買個炒麵外賣返屋企食, 個樓面幫我打完單, 後面又有個客買油器 (夾完就走得), 我等左大概5分鐘就攞到盒外賣走, 當時樓面阿姨無對我單就俾盒外賣我 (咁得我一個買啫)點知返到屋企打開個盒變左蝦米腸 (唔知兩者價錢有無分別, 但份量好少), 我唔特登行返去換喇, 唯有照食算啦, 但係腸粉皮偏厚, 食落唔夠滑, 敗筆之作!建議店舖改善食物味道及其服務質素, 否則留返個舖位俾其他有心做嘅食肆😌

在Delivery app叫了外賣，等了15分鐘店家都沒有接單，於是打去問今天是否接外賣單，我跟店員說在Delivery app叫了外賣，但你們一直不接我的外賣單，然後店員說「好啦好啦小姐，係咁先啦」然後就收我線。 服務態度好差！好嬲！

在藍田居住多年 ，粥店非常少 。洪記一開， 我興奮到不得了 。好多時都會去食早餐，但是近幾年，因人手不足外，可見到服務員經常轉換。 開店時間也推到十點鐘。 人手不足， 出品自然好慢 。 今日人手足夠，但是好多新服務員都不識做嘢。 落單又漏單， 送食物又唔知什麼枱。 送餐又送錯 ，成日大叫。 總之， 一個字 ‘’ 亂‘’ 。 今日我兩足足坐了45分鐘都冇得食。 我只叫兩碟蝦米腸 一碗艇仔粥和 一個及第粥 。但有些客遲來先上岸。 最終 原來新服務員没有幫我打单。 等了又等， 我見到有兩碟蝦米腸已經做好，但是沒有服務員去送， 做腸粉的同事也叫他們送餐但是都仍然沒有人去送，沒想到這兩碟腸粉原來就是我們，但一吃就已經冰涼了，吃完腸粉粥品也沒有到，最終我們不等了，馬上離開。請問艇仔粥要花多長時間去煮呢 ？今日去食之後我估計以後都唔會再去。 今次真係令我們太失望。 洪記洪記 點解你會唔爭氣呢！！！

今天中午突然想食點粥，但這家我是沒有食過的，先來說說我叫的粥，平叫了艇仔粥,了5底都是有味的但今天這家奇怪了，淡淡的雖然說質地上是很好比較多米，比較黏口，但味道差點😐😐平想食炸兩但上次在另一家粥店嚇怕了,所以今天叫了蝦米腸，意外地好好食，黏的，滑的，而且沒有爛掉，還是原整的，這個帶給我驚喜🩷🩷今天就試了這2個，下次再試其他的

食物質素差到不行, 猶如糟蹋食物。叫咗皮蛋瘦肉粥、炸両、炒麵, 但係炒麵碎上到好似 BB 嘢食咁, 賣相顏色偏淡之餘仲要勁稔, 完全冇溫度, 食落唔熱仲冇咩味, 唔知食緊咩嘢！炸両要脆先好食, 而佢係完全唔脆, 都唔知擺咗幾多個鐘, 感覺好似食緊海綿一樣, 同樣冇溫度, 粉皮又厚。店內衛生情況唔理想, 一打開筷子櫃桶就見到好幾條曱甴腳, 仲要咁啱有隻新鮮曱甴仔移動緊, 即刻唔想食, 成個餐六十幾蚊簡直浪費金錢, 浪費食物, 唔會想再幫襯, 亦提醒大家商場仲有好多選擇。

上星期我老爺奶奶朝早落咗藍田拎passport,順便買早餐俾我同呀仔食,呀仔唔舒服,奶奶就去咗呢間洪記粥店買咗兩碗皮蛋瘦肉粥,一個炒米粉,一份炸兩,一個煎堆,首先個皮蛋瘦肉粥跟本唔可以叫佢做粥因為係浠到水咁,搞均咗個底d肉都係凍既炒米粉好淋冇味既炸兩都叫正常既煎堆勁薄今日1點係附近食完lunch買野返工今晚食,我又想食牛俐酥,就行去買啦,行到收銀同呀姐講:"我要個牛俐酥,唔該"呀姐(好悔氣):"我好忙呀,您企陣先"其實隔離就係牛俐酥個位只係用佢兩分鐘時間都唔得？！最後我即刻走唔買

啲野食已經退步晒，油炸鬼又縮晒水都算，今日六點左右我老豆話想買條油炸鬼就諗住照買，問佢幾時炸起，佢話「吓？幾時炸起？第一次聽人問，中午炸起呀，要唔要呀？」真係火都黎埋，唔熱唔脆點買呀，仲要咁既態度，二幾條留番佢自己食飽佢以後都唔會再去

之前已經係將軍澳分店食過好幾次,今日經過先知原來藍田又有間分店.好在佢既牛肉生滾粥同炸兩都係一樣甘好味💙份量好足.一定可以飽肚!!!啲粥夠曬熱夠曬滑.不過呢間分店無冷氣夏天真係唔得.一路食一路出悶汗.下次都係買番屋企食.一個人一粥一小食$53💙價錢都合理

員工態度極差，$10生意嫌小仲鬧客，不知所謂，就算食物質素好唔好都唔會再幫襯事源見到油炸鬼好想食，諗住買一條返屋企食，兩個阿姐企喺門口傾計，我就企喺收銀枱等佢行返入嚟收錢，個阿姐行返入嚟問我要咩，我話一條油炸鬼，佢問我仲有無其他嘢要，我話冇，佢就即刻好悔氣咁話我唔早啲出聲，要佢行返出去夾油炸鬼比我，油器柜同收銀枱只係隔離，佢只係行兩步，我又唔知你哋係可以唔使比錢先就可以攞食物，只係買嘢食啫咁都要比人話，依家仲要投訴冇門，唯有喺呢個平台發佈

在光顧上店時，落了单一碗粥及一碟腸粉，碗粥到咗後好久碟腸粉都未到，等了20分鈡都未到，跟住同當值侍應生反影，第一次話人多要等，跟住再過了一陣，第二位客人剛到5分鈡到冇，叫咗同一樣食品就即時到咗，即時同D侍應反影，你諗都諗唔倒佢的答覆係乜，佢話係咁㗎啦，如果你趕時間就唔好要，取消佢啦。本人即時要求向該店付责人投訴，D侍應話付責人唔係度，問佢地會幾時返佢哋話唔知，另外食品D粥好似水咁，差到死。總知奉劝各位别再光雇，要有心理准備。

近來藍田匯景商場開咗一間粥品舖頭 「洪記粥品」， 此店在將軍澳及大埔亦有分店。 舖頭位於藍田地鐵A出口 匯景商場惠康超級市場旁邊。第一次黎呢間鋪頭，今次係外賣自取，見到佢堂食座位亦坐得舒服。一於試下好唔好食先，今日買咗三樣嘢，分別係即拉牛肉腸($17)，生滾鮮牛粥($31)，同埋油炸鬼($10)。先試試即拉牛肉腸 ($17) 都幾抵食，新鮮熱辣。生滾粥粥底綿滑 31蚊唔算太貴，係我鍾意嘅類型。最後油炸鬼($10)喺保溫箱拎出嚟，拎上手熱辣辣，香脆可口，配著粥食一流啊！而且油炸鬼唔係度度有得買，難得有一間可以食到油炸鬼，一定會再嚟食過！