海南雞專門店

Open Now

Now Closed

琴晚咁啱過開海，特登過去嗌咗一隻雞起骨，再加一份雞腎同一份雞潤。頂佢個肺返到屋企先滿心歡喜開餐，點知又俾佢fake咗我啲潤同腎。最大鑊我係住喺屯門，唔係太安樓樓上。都唔係第一鑊，今次又係因為驚抄牌，所以冇打開check到。諗住打電話過去啦，點知佢哋又冇電話，下次返去同佢講都唔知有冇用。都唔係錢嘅問題，返到屋企冇得食嗰下先炆憎⋯不過冇計，佢啲海南雞同埋油飯真係好食。佢哋係慣犯，建議大家check清楚先好攞外賣。

慕名而來專登買一盒海南雞飯仲加咗十蚊加雞！！結果非常失望 唔知係咪 忘記咗我加咗錢加雞，嗰份量少得可憐 ，就算當冇加十蚊原本雞嘅份量都少得好誇張，食過味道好一般 ， 我隨時喺奇趣燒味舖啲雞都好食過佢， 最慘啲飯唔係油飯又硬，以後都唔會再幫襯！ 之前睇社交平台 啲人又話排長龍又盛， 赞到不得了 應該係收咗錢寫！仲有個冬瓜泥湯不知所謂 呢間海南雞專門店 肯定係blacklist之選

今日行過一間好有人情味嘅小店，店頭排滿咗饞嘴嘅街坊，我都忍唔住湊個熱鬧。試嘅係佢哋出名嘅海南雞飯，一上桌，我已經聞到雞肉嗰陣香淡淡嘅，真係夠香口啊！🍗雞肉滑得嚟唔會過嫩，食落去啖啖肉，微微嘅雞皮彈牙，駛唔使好大力就咬斷，真係惹味！佢嗰碟黃油飯，粒粒分明，有啲Q彈口感，食落去唔會覺得油膩，真係食完仲想再食個口🍚！最出奇嘅係佢隨餐送嘅湯，淨淨哋晶瑩剔透，加咗冬瓜嘅清甜，正！飲完一碗湯，覺得成個人都清爽哂，啱晒啱啱食完油飯後嘅我。🥣整體黎講，呢度嘅海南雞飯真係靚仔又實在，雞肉嘅口感、飯嘅質感、湯嘅清新，全部都得我心。下次還有街坊叫我推介食乜，我一定會叫佢哋嚟呢度，試吓正宗嘅好味道！

【太安樓海南雞專門店】平時去太安樓都係掃街去食小食，但其實入面都收藏咗啲好食、賣主食嘅舖頭。好似呢間海南雞專門店咁樣，當日就試咗佢嘅無骨海南雞飯$40，滑嫩得嚟又有雞味🥰呢個雞湯都唔係味精湯，油飯夠散，唔會黏埋一舊👍🏻絕對係lunch 抵食之選！除咗海南雞飯，佢地仲有賣雞翼、雞腎、咖喱牛腩飯，價錢亦都唔貴！性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️建議：平日lunch time都多人排，要預番啲時間等～

今日中午去咗買咗半隻海南雞拎走，再加一份雞潤$105+$10 佢哋好忙 我拎走嗰陣時已經再同佢問多一次，係咪加咗雞潤 佢話係 返到屋企發覺冇雞潤 佢哋又冇電話 真係要下次行開去問佢攞返 唔知認吾認算。－個月有買－次 呢佢嚟講佢算係數一數二 唔會太鹹或者太冰鮮味。

每次黎太安樓掃街都一定會幫襯呢間海南雞飯雖然佢唔係小食類企係到食真係唔方便但都係唔介意企係到清哂去😆試過加錢食雞髀其實普通都好正睇你有幾愛食雞髀亦見唔少街坊1隻1隻雞咁買真係加餸一流見雞腎都唔少人買下次要試！講番雞飯咁既價錢真係冇嘢挑剔雞夠滑 有肉味飯粒粒分明配埋醬汁 好快清哂女仔食一碗都唔太飽如果大份d就好啦～————————————————————————————————————————————————-

把這種香噴噴的海南雞吃進口裡，簡直是美味的享受。肉質鮮嫩且味道醇香，撒上碎蔥並加上香甜的油飯，真是絕配！它通常搭配雞油和辣椒醬，讓它更加美味。不要猶豫，馬上去海南雞店品嚐吧！

本身呢坐丁丁去附近唔係食佢嘅， 同埋同事仔當日想人小小去遠啲搵食。😆在丁丁途中講開呢間海南雞飯好食， 但有target就食左target 先， 點知target 事日休息😂。 ( 咁真係整定食海南雞飯啦 )由於早到， 排隊唔洗太耐， 等咗6， 7個就到， 仲有位坐。叫左個海南雞飯加雜( 雞潤加雞腎), 真心雞同腎都好食， 個雞潤真係出式， 色澤金黃仲好甘香， 50包柸湯， 味道有驚喜收貨有找。😆😆😆Anyway, 我會再來， 不過遲咗可能外賣搵地方食， 因為呢度嘅店比較小位。🤭

每次去太安樓買嘢食嘅時候，都會見到呢一間海南雞飯排晒長龍，今日同朋友終於去咗試，佢都油飯好好食，海南雞都好滑，價錢平民，質素OK，我哋另外加咗$10叫埋雞腎，個雞腎都好好食😋

其實兩年前，有幫襯過，覺得好好食，所以今次想去食嘢，掃下街，開頭食嘅時候覺得覺得係好食，但係冇諗過，好戲在後頭，攞咗個碗倒咗啲汁出嚟，真係嚇死，係超污糟，外賣汁裏面有小強，以後唔會幫襯，絕對唔會幫襯，絕對唔會幫襯，重要嘅事講三次，估計就係因為生意太好，清潔能力不足，同埋可能啲汁不停加水煮，嚇到即刻全部嘢抌晒，希望改善返清潔乾淨，唔好食到人哋肚痛.同埋令到人哋有嚴重嘅心理陰影，估計佢入邊啲汁都唔方乾淨，希望佢好好清潔一下.

#海南雞專門店 早兩日工作時經過太安樓，早已聞名依度有好多平靚正美食，可惜次次唔係路過就係大排長龍，今次趁中午飯前有空檔，馬上把握機會試吓！其中依間海南雞已經有唔少網友叫我去試，今時唔同往日已經要$40一份。因為之前食咗早餐所以冇加大，附送一杯 #薏米水雞肉係幼條狀，食落口係非常嫩滑，質素高真係唔錯，難怪要加雞👍 幼條狀做法似新加坡，當年係牛車水食2蚊坡紙就係依個雞絲。油飯少少硬身但可以接受，兩色醬加薑蓉比較普通。另外薏米水都有驚喜，雖然細細杯但杯底好多薏米，潮濕天氣正好🙂雞的確係唔錯，可以考慮成隻買，至於雞飯$40都算可以，但份量就應該唔夠飽😅 加上堂食環境唔理想，未試過可以試吓，試過可以買外賣會較好。海南雞專門店西灣河筲箕灣道57-87號太安樓地下A32B號舖@foodiehck2022 #港飲港食平靚正 #太安樓美食 #西灣河美食 #午餐 #人氣之選 #排長隊 #海南雞飯

咁啱出開港島要係西灣河搵食，第一次進入太安樓結界，成個環境都幾似葵廣😂知好多嘢都出名，見到雞飯好多人排隊同埋有得堂食就揀咗佢。大部分既餐廳都係外賣多咁餐牌主要都係海南雞，見到好多人叫雞翼飯加腎/潤。不過我哋就冇試佢啲內臟淨係叫咗雞飯買完個飯就可以拎去對面食，不過位置就有啲偏細成個餐個賣相都好靚，雞既份量都唔少（以40蚊嚟講係抵食）而且佢配足哂咗多款汁。雞好滑本身起好哂骨👍🏻👍🏻飯係油飯仲要都好大碟飯辣汁就比一般既辣，醬油都唔錯另外，買飯會跟一個冬瓜雞湯，有好多冬瓜既料係入面而且唔太油膩

在傍晚時份在太安樓偶遇「海南雞專門店」, 該店在港島區聞名已久, 心念不如行動, 回過神來已然成為眾多食客中的一員傍晚該店食客偏多, 排隊大概需要十分鐘, 店內除了售賣招牌海南雞飯, 還有加底, 加雞, 或其他菜式選擇, 此處略過不提剛買到的海南雞飯, 飯的份量適中, 打開飯盒還有淡淡的油香, 飯面加上了三種不同類型的海南雞調味料, 與一般市面海南雞飯不同的是他們所使用的泰式辣醬, 和自家的薑蔥配料合成的香味恰到好處雞肉方面可以說是意料之外, 情理之中, 入口嫰滑鬆軟, 配以醬料拌飯亦不枉他海南雞專門店之名. 可惜飯方面油香未夠重, 未能與雞肉完美配合

佢地自己做唔切，漏左我張單，只係問一句：係咪未整我個外賣？店員eq低情緒化回答。 店：岩岩咪問左個飯係邊個囉， 又唔應！對話結束 店員補個外賣比我買你個飯，只係想食個飯開心，知唔知我係比錢支持緊你？卻如此對待客人，推卸責任，比錢買難受各位自己諗啦！唔係多人排就正！

太安樓依間海南雞專門店已經開左好耐。不論周圍嘅店執左再開，再左再執，佢依然存在，可想而知佢有好受歡迎！雞嘅質素保持水準，好嫩,而家無骨，最緊要係抵食😊值得一試！