海怡半島住戶俱樂部餐飲部(中菜廳)

Open Now

Now Closed

年三十去左海怡會所既海悅酒家食團年飯。7點半入座，現場人山人海，座無虛席，好不熱鬧。第一道菜 -- 龍蝦伊麵🦞龍蝦好足料，十二人每人一件都仲有3、5件淨。伊麵入味多汁。第二道菜 -- 發財鮑片好市蠔是中蠔來的。髮菜量就真係比較少。味道幾好。有水準。第三道菜 -- 大蝦象拔蚌炒勤菜🍤 ，都好爽口。正常發揮第四道菜 -- 有啲驚喜，大大粒炸物係芋泥包帶子。帶子保持到鮮甜多汁，芋泥不膩之後係竹絲雞響螺湯，個湯睇落好清，入口好甜，有水準。我飲左2碗🤭跟住係蒸老虎班，魚皮又厚又彈牙，我至愛。可惜蒸得耐左少少。鵝掌鮑魚菜苗，鵝掌在外圍包住鮑魚，合晒新年寓意👍🏼然後上菜速度慢左好多… 等左好耐才上燒雞… 又再15分鐘才上糯米飯.. 好味又份量足，係不似前幾道菜咁熱騰騰了。雙皮奶甜品 甘香嫩滑。開心返最後仲有壽包食🤣 我飽到食唔落喇。長輩們食話個蓮蓉餡輕身濕潤，好食。

團年飯叫了－碟大龍𧄌兩味－份，$398。上枱時炒球只有3-4片。叫經理查詢，態度奇差。還回應「係咁㗎啦，咩時勢」跟著轉身離去，態度惡劣。此歺廳是屬於住客俱樂部歺廳，只接待屋苑內住客，理應態度更殷勤。但身為經理未能以身作質，待客為先。完全是錯誤的榜樣。此種員工實是公司負資產。😡😡😡😡

海怡半島住戶俱樂部餐飲部(中菜廳) 我常看OPENRICE聽取各食家意見,現執筆,寫個食評回饋一下~可惜,沒拍照,可嘆沒圖沒真相~要說的是海怡半島會所下午優惠點心時段,從前真的很優惠, 整張點心紙好像只有頂點外, 其餘$11,現在沒這支歌仔唱了,改為大概有6款$11,又有4款$11的小盅飯及4款$22的大碟粉麵飯~雖說是會所內的餐廳, 因已交寶湖營運, 不是海怡住客也可到內進食。它是一處有至少7成地方可觀看海景的餐廳, 景觀絕對是舒揚, 是一大優勢。開始時間是下午1:45pm, 食客也習慣在那時間之前取飛等叫位。當天, 我三位大概2:10才到也只等了6,7分鐘已有位。其實, 我本身是不想來這邊吃的, 原因是上兩次嘗過的優惠點心質素太參差, 我對這餐廳牛失去信心, 也有一段時間沒來。這次來的原因是同區的淘園酒樓, 事前不讓我帶走點心紙回家看, 挑戰我的尊嚴, 太看不起人了 (我也不知道在生什麼氣, 大概生活太無聊), 但當我在會所餐廳外看見它把點心紙大方地張貼出來, 明碼實價, 佩服!我學乖, 只點了優惠外的點心, 希望不會張貨就價。紅油抄手: 餃OK, 但不是紅色辣油, 是鼓油+辣椒粒

我們–行八人定了八人套餐, $1438 免收加一, 但不包啤酒汽水, 茶芥和酸菜, 而且水準奇差, 味道普通, 真係好–般, 其中最離譜係條魚, 菜單寫洧蒸大海斑一條, 但上菜時只是海斑仔一條, 估計應是二至四人餐的, 點會夠八人食, 問 waiter 這鱼有幾重, 他好老實答得十兩重, 十兩重的石斑仔, 點會叫大海斑呀?! 加拿大龍蝦伊麵, 只見散收收的龍蝦頭, 龍蝦尾, 手手腳腳, 龍蝦身那裹去了?! 三色美菓蝦仁象拔蚌, 蝦仁冇味, 象拔蚌不見. 蟹肉扒西蘭花, 我哋只食西籣花, 蟹肉只得雪味. $1438 加八位茶位和酸茶, 要 $1600 落棲, 完全不值的–餐飯.

寫一下之前的團年飯.已經記不起點了多少個菜, 就只寫一下個別有拍照的菜式吧~10個讚的是佛跳牆, 超好吃! 這個湯是原盅燉的, 材料超豐富, 有很多元貝, 瘦肉, 冬菇等等, 超級甜的湯, 沒味精, 各位一定要試!另一個讚的是這個生炒排骨, 做得很好, 排骨是炸得脆的, 肉不太肥, 不太瘦, 剛好是有點肥也有點瘦, 所以吃起來比較鬆化, 汁也做得很好, 是有點甜也有點酸, 不太結.這個生菜鴨掌, 是飲宴的菜式, 生菜, 炒得鮮緑, 冬菇同鴨掌炆得夠稔, 但是有點太稔了. 不是我的茶.大蝦E面, 不能吃蝦, 只吃了E面, 那個面, OK, 但是汁沒什麼味道, 不喜歡這個炸雞, 也是飲宴的菜式, 水準是不錯的, 也是炸得剛好, 不會太干, 肉也有肉汁, 份量超大~總體來說, 座位太迫, 可能是近新年的關係, 食物質素不錯, 湯做得最好!

this is just another usual family dinner down at the clubhouse.we've always liked this restaurant, the food's not bad, and most importantly, it's near XPmost of the time the food's good, but there are times that it ain't.like last time, i think about a week ago, the food's disappointing x(but this meal's quality is back to normal, and it made me want to write about it, and share to y'all about my dinner ;)we originally just planned to order dishes randomly. however, when we're about to order foo

星期四放假, 等埋剛下班的他,一同到吃club house 中菜廳飲茶.住咗海怡咁耐, 第一次到這裏飲茶，我以為平日無人，其實生意也不俗，兩點鐘來到門口拿籌飲下午茶，已經見到一堆人在等位，幸好職員們好敏捷咁收恰，約１０分鐘我哋就安排就座。　我哋坐中間，都唔會太迫或嘈，難怪平日都高朋滿座，當然如果有海景位或卡位應該更好下午茶沒有特價雙皮奶（＄１３），但有幾款＄８點心，我哋叫咗山竹牛肉，韮菜餃，鮮竹卷，桂花糕，牛肉腸，麻沙糍，已經好飽。　點心味道一般,　但茶很濃，加上不收加一，每人食咗＄３０，經濟抵食。

星期六到海怡clubhouse飲茶，竟然唔洗等位。相較晚市，午市嘅setting無咁迫。午市食物選擇都是一些大路之選，唔算太多，質素味道都係普普通通。特價椰皇雙皮奶($13)味道唔錯，夠滑又有椰皇清香，可以一試。

繼上月做冬有好經歷，今次團年再encore一次。是次menu比上次更貴千多元，不過無論食物份量、質素及味道都比之前差了一點。如以荔芋香酥帶子為例，內裡竟然只得帶子半隻(仲係打直一開二)，比較求其及孤寒囉！對此店的評分有待觀察審視！

做冬第二擊，到海怡clubhouse食了一個$2688全包宴，食物ok，份量足，幾抵食喎！ 上湯焗龍蝦伊底：雖只是波士頓龍蝦，味道ok；伊麵雖略為碎了一點，但配合上湯龍蝦汁來吃，依然好味法式焗釀南非鮑粒：餸料置於南非鮮鮑殼原隻上碟，賣相不錯，味道亦good玉環瑤柱甫：普普通通醬皇花姿珊瑚蚌：醬皇很惹味，但不嗜辣者則未必合適。花姿珊瑚蚌很鮮甜脆口，唔錯肘子菜膽雞燉中鮑翅：不是一般的生粉獻；上湯是用老雞、金華火腿及菜膽餚制，以燉盅個別上，賣相good，味道亦佳；中鮑翅雖不算很粗針，但份量算多，good翡翠雁掌深海鮑片：普普通通青蒸大花斑(老虎班)：酒家免費容許由大青斑轉兩條中等size嘅老虎班，肉質當然嫩滑很多，good招牌葱油雞(炸子雞)：葱油雞變炸子雞？肉質較「鞋」及韌彩虹鴛鴦米炒飯：一般南翔小籠包：皮較厚，湯汁較少，味濃，一般精美甜品(紅豆沙/壽包)：紅豆沙唔得；壽包ok，不過咸蛋王只得少少，唔係好夠，哈哈生果盤：柑一盤，無食到，唔知甜唔甜