海濱甜品屋

Open Now

Now Closed

喺這家餐廳，我點咗一啲好有家鄉feel嘅嘢食🍴。首先，水餃翅真係出奇嘅好食，啖啖肉餡同金黃誘人嘅脆皮簡直係絕配，攞呢啲嚟招待朋友，保證面子十足！再嚟係白菜水餃米線，呢個好過癮，個個餃子係咁肥嘟嘟彈牙🥟，而家啲米線都唔會過於軟爛，湯底清新，富有胡椒香，真心係幾夠晒水準。當然，唔可以唔提佢哋嘅涼粉同湯圓，涼粉入口即化，加上芒果嘅清甜，晚上食正！至於嗰碟芝麻湯圓，真係香糯可口至極，隻隻湯圓都滿滿嘅芝麻，溫暖暖嘅同時亦都治愈咗我嘅味蕾。講到這些，最抵歎嘅應該係海濱屋果陣嘅咖哩魚蛋同埋蒜蓉墨魚，辣味夠晒撲鼻，加上魚蛋同墨魚嘅新鮮，咬落去簡直係鮮嫩嘅代名詞！總括黎講，呢類平民化嘅美食其實多得係，但揾到心水菜餚、加上得嗰份人情味，簡直係雪中送炭🎉。下次再過嚟，我一定會再試下其他菜式，但係啲經典嘅我相信肯定會再點！

同車友們踩去睇完藍眼淚, 我都係第一次睇, 好開心.睇完就返去荃灣宵夜放甜.都唔知呢度有間糖水店, 價錢又唔貴, 又有出面座位可以方便睇住O的單車.呢排我喉嚨好乾確, 所以我選擇左木瓜雪耳潤下喉.其他人就有咋喳同唔記得乜豆溝乜野, 另外再叫左腸粉同燒賣大家分O黎食.一個唔錯O既吹水地方.  我都唔知吹到重有幾分鐘就尾班車, 立即飛去車站趕上車.

雜果西米露 酸左？ 定唔知罐頭汁問題有西瓜 木瓜 一粒椰果 一堆罐頭雜果…西米啲汁勁酸..放唔到入口但唔想浪費 食哂啲水果佢就算..小店黎講 算貴..早知食格離果間….去到深夜十點 仲有開門 所以幫襯左..但真係無下次…

街坊生意甜品店呢間甜品店細細個都成日食，仲記得以前一個炒面都只係＄12－13，今日一去都已經＄20。呢間以前一直都係食開甜品，最鍾意食佢個椰汁黑糯米，仲要係凍個隻，貪佢入面有清心丸，黑糯米仲有小小ge 小丸子。今次想食番呢個甜品，點知已經同之前好唔同！ T^T我叫左個熱ge 椰汁黑糯米（＄26）, 可能因為係熱啦，所以佢特別甜，甜到我食左一半已經有d頂唔順…同埋佢而家都冇埋清心丸喇，可能都因為成本問題卦…覺得冇左清心丸都差咁d，冇咁有咬口另外，我地仲叫左份腸粉（＄13）腸粉就冇咩太特別，份量我估就係3條到呢間真係街坊生意，過下口引我覺得ok

今日個lunch唔算太飽 於是決定去附近糖水屋買啲小食食吓 呢間糖水屋都幾多小食食 肚餓嘅我買咗腸粉同魚蛋 個人都好好服務 仲即刻蒸熱啲腸粉 算係唔話得 26蚊嚟講雖然算小貴 但係質素算係咁 同埋都夠多 算係一餐唔錯嘅下午茶 值得一食

以前中學時期住荃灣，記得當年最鍾意黎呢間海濱甜品屋食糖水，相隔多年再幫襯，味道依然無變，而且老闆人情味依舊，難怪呢間小店多年來響社區屹立不倒～今次同家姐過嚟回味當年街頭小食嘅味道，佢就點左水餃翅，份量好足料，味道濃郁，非常抵食～～而我就叫左一碗白菜水餃米線，湯底好清，但係胡椒味重，唔會太淡～每隻餃菜肉比例均勻，咬落好清新，米線亦十分彈牙，好耐冇食過呢種嘅質感今次食完已經好飽，所以冇試甜品，不過呢度嘅甜品做得十分出色，而且價錢唔貴；老闆十分健談，會同食客主動傾計，好好人～十分推介！

細個喺海濱住已經會食呢間糖水舖，好鍾意係個椰汁黑糯米，以前入邊會有一啲清心丸，但而家唔知係咪減低成本，就冇清心丸，不過都係會叫黎食，可能係童年回憶。佢嘅白菜餃，炒麵，腸粉都幾好食架。不過價錢越嚟越貴囉。

最近天氣終於冇咁凍,又係時候食吓糖水la.咁今日趁夜晚係屋企附近打完籃球，出咗成身汗，但又肚餓想食d野過下口癮，所以就諗住睇下有無啲清涼嘅嘢食可以食下。咁因為打完波都已經夜晚11點，而屋企附近其實都冇乜好揀，海濱甜品屋係呢個時候就係最佳選擇。其實不嬲都鍾意食海濱甜品屋啲甜品，貪佢夠簡單，有人情味得黎又唔會好貴。不過平時呢通常都係食佢嘅腐竹糖水，又或者啲小食例如魚蛋燒賣或者佢嘅餃子都好好食嘅。但係今次因為打完波想食啲清涼啲嘅嘢食，所以就揀咗呢度ge凍綠豆沙。唔好睇依碗綠豆沙好似好簡單咁，但係其實都好足料㗎-佢裏面落咗海帶，清熱彈牙，而且又唔會一粒粒綠豆分散曬咁，而係好似沙一樣都幾綿滑。而且最緊要佢夠清甜，實在係一個解熱清涼嘅好選擇。而且屋村甜品屋嘅好處就係唔會好多人排隊，所以嘢食又來得好快，嗌左唔夠5分鐘就有得食，正。食完真係十分滿足，清涼晒。

今日下午遊走在海濱～成日係呢頭都係第一次食呢間$21係貴左d, 不過支持下小店，麻油呀胡椒粉等自己落，碗仔翅不是很傑個種，但有好多肉絲，略覺得唔夠多翅，不過呢類屋苑店買少見少，專登幫佢寫個食評，希望多d荃灣人睇到，幫襯下婆婆～

宵夜有d餓 於是叫左芒果涼粉 芝麻湯圓 紅豆莎 同埋兩串魚蛋+魷魚芒果涼粉d芒果永遠都係咁甜 涼粉上面有一層芒果漿汁 好清涼芝麻湯圓有8粒 配上薑糖水 喉嚨好舒服 而且湯圓皮簿芝麻多 芝麻又香 熱食推介紅豆莎好香陳皮味 紅豆同紅豆糖水比例大概2/5 不錯 其實呢間魚蛋同魷魚d汁唔錯 蒜香味濃 每次必叫

熱紅豆西米露很足料，未碗以上都係紅豆同西米，紅豆都起沙，西米仲係一粒粒可以食得出，其實比起很多出名的甜品店，也比不過這兒的紅豆西米露！唯一係交通唔方面，荃灣海濱花園同很多人來說都很少會到，如果各位有機會一定要來這店試試！這店晚上也出乎意外地熱鬧！同區比絕對是冠絕群雄！魚肉水餃魚肉中有蝦米碎，魚肉很好吃，絕對要一試，水餃更是新鮮包，有九菜和白菜選，九菜很香，這店仲有得外賣生水餃，生菜都很新鮮，都係5-6塊，其實這店價錢不比旺區平，但是旺區錢都給了租金，這兒錢都給了新鮮食材，絕對是很值得付啊！

食宵夜係我家人經常做的事，而海濱甜品屋亦是我家深夜或者零辰必嗌外賣的店鋪！！！它的「芒果涼粉」很值得推介，真的很好吃！個底你可以叫佢擇落芒果汁（其實係芒果漿）ｏｒ落花奶通常我會擇落花奶，我喜落花奶配芒果的感覺但我的家人則通常主張嗌我落芒果汁。。。。（因為佢地話唔好蝕喎）辣魚旦同燒賣都好好食！！！（最緊要叫佢放多ｄ辣同蒜，超好吃的。）

炒麵係正既不過有芒果既糖水就麻麻地八爪魚要一試都真係幾唔錯不過好少位 加上都等幾耐而且差不多2點先開通常就食下午茶或宵夜就幾好因為佢都收得幾夜下嫁#最好就叫外賣

白菜餃質素極為普通湯底不值一提糖水選擇甚少 價錢略高 (因為附近的住戶都是富貴人家?)楊枝甘露的份量和松記的幻彩明珠差不多 但索價$24芒果粒很甜 但芒果汁頗酸 裡頭還有大概是布甸粒的東....最有質素的是柚子肉 甜 不苦(不知是否因為芒果汁太酸 所有配料都感覺很甜)以這種價錢來說 不值得再光顧順帶一提 附隨糖水的匙上有芝麻糊的殘漬............還好沒有放到碗裡去......

係海濱既時候，成日都想搵野食，於是就搵左就近一間糖水鋪。入到去，食左個椰汁黑糯米，我幾鐘意嫁^^佢會送埋清心丸。不過我唔鐘意食清心丸，我會叫佢走左佢。食多幾次，想試下其他，叫左個炒麵，一吃愛上左。佢D蒜蓉炒得好香，你叫外賣，佢會比好多你。不過間野最衰就係，佢開得遲，開2點到所以有時早左，就吃唔到。