海濱甜品屋

Open Now

Now Closed

在街樓下 所以已幫襯無數次每次光顧都必食 炒麵 咖哩魚蛋 八爪魚有時還會白菜餃當晚餐早前 家人轉轉口味-- 腐竹清心丸wow 一試之下 發現原來 腐竹清心丸 實屬佳品甜度適中 清心丸有咬口 清涼清甜可口!!它便成為我的心頭好了**但不得不提 千萬不要吃楊枝金露 太甜又多渣**還有晚上12時後 人客不多時 班女火伙計閒話家常 嘈得要命-__-所以 叫外賣好了

男朋友& fds最近成日o係海濱打網球..我有時都會陪佢地去..無無聊聊一個人o係海濱逛...臨返去搵佢地都會買燒賣同腸粉食..另外都會買多碗碗仔翅比男友...佢鍾意o個度ge碗仔翅...而燒賣同腸粉就整得好好味...之前仲試過佢地d糖水..都ok架！

男友建議來海濱外買宵夜，都好，橫掂都有一段曰子沒來。這裡晚上極旺場，很受街坊歡迎，我們外賣了$16元6粒的白菜豬肉餃，等了近15分鐘，食物才可帶走。水餃皮滑，厚身有咬口，白菜豬肉餡沒下太多醃料，味道原始新鮮，湯底亦不太味精，味道像雲吞麵湯，我和男友都覺得唔錯。雖店名以糖水作招來，但糖水依舊不突出，還是小食較有質素。

街坊野啦.......好耐無食，最近食返.餃子大不如前了，有味精不特止，還有不新鮮的異味。=(糖水還是不過不失啦，大大碗又算便宜，不錯。紫米露加清心丸就最好味。好像易過手，不是以前的老闆(肥仔和他的媽媽)，所以可能水準欠了些。不過，蒜蓉墨魚還是一樣的出色、咖哩魚蛋也夠辣，小食和以前一樣好!!!

昨晚男友駕車在附近兜風，無意中見到瑟縮一角的海濱甜品屋，好似幾多人幫襯，於是便泊車前往一試。環境比想像中企裡，全店禁煙，招乎亦唔錯，feel到係有放心機經營的家庭式小店。除了糖水，這裡也供應簡單麵食和特色小食。我倆已食飽飽，所以只點了糖水。這裡的糖水超大碗，是坊間的兩倍，價錢由$10蚊至$18蚊不等。我的綠豆沙只賣$11蚊，偏甜，水還水，渣還渣，其實唔算掂，只可說是大碗抵食。男友的腐竹白果清心丸($12)仲甜，係甜到漏嗰隻，糖水和腐竹分開煲，毫無誠意。清心丸和白果分量多，不過啲清心丸成陣麵粉味，破壞了糖水味道。此店以糖水作招來，但糖水質素卻強差人意。