海王漁港

Open Now

Now Closed

粉嶺食飯 同屋企人聚埋 五個人小菜就正常發揮穩陣嘅冇乜特別長腳蟹大隻新鮮 夠曬食 啖啖肉 幾香好過自助餐既成家人食到好夠 唔駛兩千銀落樓穩陣安全 唔駛中伏集團嘢都係咁上下不過明顯唔夠人手班啊姐侍應掛住吹水又落錯單 隔離枱班啊叔又嘈到痴線下次都未必啦 嘈過大排檔

爺爺生日我都全家訂左兩枱超值歡樂宴，差唔多兩年冇試過咁齊人一齊食飯啦。而家只要三份二人打咗針就可以12人一張枱，真係唔容易呀，其實之前都食過一次覺得OK，所以今次再食，星期一至四$1698 12人，星期五/六/日或公眾假期在$1890 12人。講吓有咩食先，海港燒鵝王一隻、上湯焗蝦球伊麵、西蘭花炒帶子蚌柳、百花炸釀蟹鉗、竹笙海皇燴生翅/濃湯花膠煲螺頭湯、陳皮蒸大連鮑魚、翡翠炒龍躉球、蟲草花蒸龍躉件同埋歡樂大蟠桃，九樣嘢食，份量好多，而且全部味道唔差，仲送大百威啤酒兩支同埋自家製飲品兩渣（我哋飲嘅係杏仁茶）價錢已經包括埋加一，除翻開每人都係百零蚊真係超值🙌🏻重點係唔差嘅，因為佢哋都係海港集團㗎👍🏻下次可以繼續encore

聯和墟有一間海港，一間海王漁港，我愛到海王漁港，因為樓底較高，空間感十足，除了小菜，還可選擇海鮮蒸氣鍋，另外更有燒烤食物提供。是日到海王漁港，疫情下，客人不多，門口設有搓手液燒鵝特價紫色的地毯，增添優雅感我們選了隻近三斤的南澳龍蝦，$268/斤芝士焗加$35，伊麵底加$65，我選擇了上湯，不用額外收費。南澳龍蝦肉爽口彈牙，上湯味道恰到好處，好多件啖啖肉既龍蝦肉，鮮味十足。另外叫了特價燒鵝$59，價錢優惠，上枱唔夠熱，鵝肉有點鞋。侍應勤快，有主動換骨碟，服務態度不錯。這分店，環境、食物、服務合格以上。龍蝦約$8XX，埋單$9XX。南澳龍啖啖肉，大滿足的一餐。

A very typical dim sum restaurant. Nothing special and food quality very much below average.EnvironmentVery much what you would expect from a typical dim sum restaurant. Circular tables with tableware already set up and dim sum order sheets for you to order your food. Noisy as you would expect and not one of the cleanest places you will ever go to. This is one of the newer dim sum restaurants in this area so the décor is slightly newer. It is more open and spacious than other dim sum restaurants

今日簡左海王漁港黎食生日飯，因為我哋俾特大的阿拉斯加長腳蟹吸引，所以就6個人黎食生日飯。食左好多野，9個餸，又飲左啤酒，都只係$16xx/6個人，好抵呀！阿拉斯加長腳蟹是今餐的重要，我哋叫左3斤幾，簡清蒸，已經好有海水味，啖啖肉，超正! 真心值得推介!此外，粉絲煲都唔錯架，夠晒入味! 仲有，鮑魚雞煲啲鮑魚夠乾身，好味，不過雞就「鞋」左啲。另外，這裡好凍呀！記得帶褸! 而且入左房，所以收得唔到網絡，冇電話用的一餐，哈!

10月7日是重陽節，我哋成個family通常都會一齊掃完墓就一齊食圍餐。圍餐我哋食最貴果個，3千幾蚊果款，平均3百元一人，晚餐黎講，價錢算係咁，因為又有鮑魚，又有龍蝦，仲有燕窩及燒鵝乳豬等貴價菜! 仲要包啤酒飲品!服務方面: 我哋入左大房，有人 service 我哋，又有電視睇，唔差!環境方面: 夠光! 廁所都唔太污糟!食品方面: 夠大碟同算好味及飽肚，尤其是最尾食果籠壽包，超大籠!超大個，有奶黃同蓮蓉，奶黃好好味呀，好少會做奶黃包，好味!另外，炒飯出其地粒粒分明，我好鐘意!當然，海鮮個啲係好味架啦～

呢日同屋企人一齊去食蒸氣海鮮鍋 主打都係蝦同龍蝦 蒸氣鍋只係大檯先有當日晚市都有唔少人 可能想食蒸鍋要早d去等，蒸鍋可以自己調較火侯又得 就好似又有得食又有d野做下咁 搵staff幫你mon住佢蒸都得 大概要夾到10個人左右share一個套餐咁 一開始爐入面就有好滑既白粥 等啲海鮮蒸完之後嘅汁滴落去最後撈上黎就好有鮮味 主要都係蒸蝦 小籠包 之後就係龍蝦同魚嗰啲 魚蒸嗰陣會有塊荷葉包住個底 避免啲魚骨跌落啲粥到 非常細心 蒸完海鮮就會蒸蔬菜等等 最後就蒸包做甜品 整體黎講 海鮮好新鮮熬出黎既粥都好鮮 

4人餐唔知咩名 價錢$968（已包埋加一）飲品（薏米水👍🏻、竹蔗茅根👍🏻）頭盤刺身（三文魚👍🏻、北寄貝👍🏻、甜蝦👍🏻）烤串燒（牛😋👍🏻、雞👌🏻、三文魚👌🏻）蒸窩（蜆<有沙>、扇貝👍🏻、鮑魚🙂、龍蝦😍😋👍🏻、龍躉👌🏻、牛肉球）（番薯、南瓜、芋頭、准山）粥底很夠料呢間個場比較大 坐得都算鬆動一直有人服侍 基本上都唔使自己郁手不過如果蒸緊海鮮 個計時器夠鐘 自己郁手好過等佢幫你整呀 蒸龍躉等到過左龍就唔夠滑了

如此APP推廣跟本是【垃圾】，沒有員工知怎用？派這樣推廣跟本《玩弄客人》，APP上客人都留罵聲；口口聲聲說聽客意見😧!那會是聽客意見，似在《做樣》多些。店舖食品是沒有問題，但有跟這樣尾巴【玩客就】!

本身之前食好好食 今次食 實在令人失望態度差 侍應連枱號也不知那裡 亂指客人去 連茶都要客人主動叫才有 點了湯浸小籠包 吃了一口 是有霉味的。。。落了單的食物 沒有來到 提點了一次 還是沒有來 結帳時 還理直氣壯說食物只落了單數分鐘 還要不要 當時真係唔想同對方說太多 只想快快走 不會再去吃。。。。。。。。。。。。。。。。。。。。。。。。。。。。。。。重點 態度真是十分差

一開張做得好好食，好有心機，態度好好。但而家出左名之後，越黎越冇心做，糯米卷又蒸得唔熱，裡面啲糯米硬掘掘，好似食緊未煮嘅米咁🤦🏼‍♀️之後啲冷盤全部用哂啲肥豬肉整，凍哂油淋淋唔知點食總結就係越做越差，越做越冇心機

阿媽打牌贏左錢話請大家食好西！咁岩見到有有長腳蟹promotion，晚餐就決定去試試佢！打去book個陣酒樓職員話得番d大蟹，所以6個人叫左隻最細都4斤幾既長腳蟹蟹腳真係好粗！6條友淨係食隻蟹都食到飽飽地！蟹肉的確仙甜，加埋邊邊有蛋白中和一下，好夾不過食到最後食蟹蓋，d蟹膏唔知點解好苦，可能今次唔係咁新鮮，最後蟹蓋就放棄左（阿媽之前食過一次話好甜）其後仲叫左個黑椒豬手，大大隻仲要100蚊有找！非常抵食！味道唔會太鹵，汁撈埋飯好唔錯，推薦！

今晚我們喺粉嶺做完嘢之後行過綠悠軒商場嘅「海王漁港」見到差唔多每檯人客都係食緊蒸氣鍋，而且我們又未食晚飯，所以我們就決定入去食蒸氣鍋晚餐！我們叫咗個$880波士頓龍蝦+刺身蒸鍋全包宴：三色刺身拼盤有：軟滑厚身嘅三文魚、鮮甜嘅帆立貝同爽脆嘅八爪魚，全部都好新鮮！波士頓龍蝦「2隻」嘅肉質非常爽甜彈牙，啖啖肉，真係好正呀！水庫大魚頭「1個」係將大魚頭切開四件，咁樣比較容易蒸得熟，肉質超鮮甜滑溜！紅棗雲耳蒸走地鷄「半隻」嘅肉質好鬆軟嫩滑，而且香甜嘅紅棗味滲透晒入啲鷄肉入面，所以食落更加惹味！黑蒜豚肉丸「6粒」嘅肉質好軟滑彈牙，而且有好濃郁嘅黑蒜味！爽滑黑豚肉嘅肉質相當爽滑鬆軟，肉味亦好香濃！鮮甜沙白蜆好鮮甜肥美，最好係無沙！本灣肉蟹「1隻」嘅肉質好鮮甜嫩滑！蒜蓉蒸貴妃蚌「4隻」相當肥美大隻，質感非常鮮甜爽脆！生猛海蝦「4隻」每隻都好大隻，肉質超結實彈牙，所以我們另外加多幾隻嚟食！新鮮菜芯好清甜爽脆！粗糧拼盤嘅南瓜係最香甜軟綿！瑤柱鹹排骨粥底係最正㗎，因所有食材嘅精華都溶入晒軟綿綿嘅粥底入面，真係好正呀！另外值得一讚嘅係他們會喺餐牌或餐單上印著邊樣食材要蒸幾多分鐘，咁人客就唔駛將啲食材蒸到過咗火

我未試過見到沒有粥的粥底！真的太差！本身還很期待蒸氣火鍋後，粥底會很吸引，但原來等待既結果系差，差，差，差，差！只得粥水，一粒米都沒有既粥！真系點食得落！真系太失望！爸爸的生日飯，得到這個結果，如何令人接受？仲要啲人一聽到我地既投訴，服務態度立即變差，這只能說，不能接受投訴的別在這工作吧！

由於今日係表姐細仔百日宴嘅大日子，我們喺出發去百日宴前，我們就約埋幾個姨媽一齊喺粉嶺綠悠軒商場嘅「海王漁港」飲下午茶！我們叫咗即焗燕窩蛋撻嘅燕窩份量超多，差唔多舖滿整個蛋撻嘅面，而撻皮係牛油皮，質感焗得相當鬆脆，而且牛油味亦好香濃，至於蛋漿就好夠滑同有好香蛋味！咕嚕鮮淮山開頭睇到個名覺得好特別，因平日食開通常都係咕嚕肉、咕嚕斑球或其他，但用淮山嚟做真係好有創意，因淮山相當清甜爽脆，而且完全唔會有油膩嘅感覺，真係超正呀！金網米網腸係用軟滑嘅腸粉包著炸得非常金黃香脆嘅米網，食落外軟內脆，層次感好豐富！竹炭流沙包由於係竹炭做，所以包身係黑色，而且再喺表面搽上幾條粗身嘅金線，令到賣相增添咗一份神秘又高貴嘅感覺，撕開一半就有效果做得相當好嘅流沙餡流晒出嚟，味道好香甜濃郁！翡翠筍蝦餃皇嘅餃皮好煙韌薄身，蝦肉好爽甜彈牙！吉品鮑魚燒賣嘅燒賣肉質相當爽滑彈牙，而且有超多肉汁，而舖面嘅主角鮑魚都幾大隻，質感超爽滑彈牙！竹炭甜薄罉嘅薄罉亦都係黑色嘅，質感好煙煙韌韌，入面嘅餡料有椰絲同花生碎粒，而且多到漏晒出嚟，真係相當足料！日式海鮮手打烏冬嘅海鮮有帶子、蝦球、花枝片、鮮魚菇、等等等等⋯⋯真係份量十足，而烏冬