海記合桃坊甜品

Open Now

Now Closed

開頭以為雪樂冰係似沙冰但原來係雪糕，仲係有果肉嘅雪糕食落creamy又有果味以甜品店嘅雪糕嚟講有驚喜值得再另加雪糕球嚟食開心果，椰子，龍眼味都好食小丸子煙韌度適中，呢個配搭有啲似糖不甩

我哋叫咗兩個甜品🍨一個芒果西米露，一個開心果合桃味雪冰！芒果西米露幾好食，料亦足，值得試！👍🏻開心果合桃味雪冰，諗住試吓，其實係合桃味雪糕上放粒合桃，開心果雪糕面上加點開心果粒，再加個小cone 同小丸子係側邊！整體一般，下次不會試！

打咗電話落order叫外賣又唔肯幫人落單🤨去到先至話現在再同你落單唔接外賣單可以講或者唔好聽電話就係想節省等嘅時間先會打個電話過嚟叫咗外賣先兩碗糖水唔係多太好生意唔優做

記得第一次喺土瓜灣食到可呢一間舖頭嘅合桃糊都真係有啲經為天人，可惜今天再幫襯，味道似乎冇第一次咁好食，當然呢個可能都係先入為主嘅感覺啦，我覺得佢今次冇之前咁好食最大嘅原因就係個合桃唔夠香味，而放喺合桃糊面嘅合桃稅感覺上亦都係冇以前咁香脆。反而佢個綠豆沙有驚喜，首先啲綠豆真係起沙，第二就係應該有落臭草，咁先至會令綠豆沙啲味出啲。

太子海記合桃方甜品綠豆沙芝麻糊綠豆沙芝麻糊甜味十分足夠，屬於傳統嘅味道及煮法，依家潮流興健康偏淡少甜，此店較為偏甜的一類。綠豆煑得夠晒時間起沙，如果加強黏稠濃度則更加完美，海帶嘅香氣及味道就啱啱好，綠豆沙有水準。綠豆沙芝麻糊兩溝之後味道及香氣唔係太過突出，可能係因為芝麻糊唔夠香，兼且唔夠幼滑，唔知係咪用攪拌機打芝麻，如果用磨機會有唔同嘅效果，芝麻糊會非常軟滑綿密細膩。小店裝修簡單清新明亮光猛，座位枱桌則較為逼夾，食完後不合適久留。碗碟匙羹清潔衛生合格，店員服務態度有禮貌。

⭐️口味:出品真的不錯!點了合桃糊，超級正啊!很滑!一點也不水!好足料，食得出滿滿ge核桃味！怪唔之得夜晚就要排隊喇!⭐️環境:靠近太子站，就在太子始創中心背後對面馬路，好容易搵！附近都好多食肆。也比較寬敞舒適，人唔多ge果時，可以隨便揀位坐。⭐️性價比:價格相對喺旺角黎講比較正常，不算貴，也不算最便宜了!畢竟質量也擺在那裡!推薦:沙沙核桃糊-⭐️只收現金!只收現金!希望可以多增添其他付款方式就更好啦！

食飽飯但同朋友未傾夠，決定搵間糖水舖坐下。經過俾佢門口個開心果糖水吸引咗！最近好多鋪頭都做同開心果有關嘅產品，想試下！五個人去，叫咗一個龍眼冰，一個開心果西米露，一個芝麻糊，一個芋圓，同一個燉奶。燉奶同龍眼冰味道都唔錯！但係開心果西米露同芝麻糊好失望！開心果西米露口感好杰好鞋，完全冇西米露清爽嘅感覺！反而越食越口渴！芝麻糊就有種太稀既感覺，兩碗我地都食唔曬！好失望。佢仲開心果燉奶，本身有啲想試，但驚會太飽！但應該不會再試佢既開心果產品！

天氣乾燥又涼涼地🌬️, 忽然好想食d甜野😍, 都係食甜品時間😄入面坐滿客人, 都要等一陣, menu見到眼花撩亂🤪, 見好多人叫沙沙合桃糊, 最後叫左椰皇🥥燉鮮奶🥛, 滋潤一下, 等左一陣送上😙, 用保鮮紙包住, 熱辣辣😉👍 食一啖, 好香椰青的香味😁好好食, 也食到少少奶味😋, 一啖一啖慢慢食, 覺得好滋潤舒服🥰😜, 食到最尾再用羮食佢d椰皇肉🥥😁😋也是好香🤩好滿足, 下次再來食過😗😛

食完晚飯尚算早，我提議去食甜品，朋友建議去呢間店舖食，我哋嚟到唔使等位就可以入座，裏面環境唔算大，座位有啲迫，食物種類一般多，我揀咗當榴槤遇上芒果，另外兩位朋友就揀咗龍眼冰仙草凍同埋紫芋芋圓仙草凍。有椰子雪糕，椰子清甜可口，龍眼味道都好清甜，果肉爽脆，仲有淡淡青草香嘅仙草配埋椰果同清心丸，簡直絕配，好味！聽個名就已經好吸引，裏面有榴槤雪糕好香甜，龍眼好清甜，果肉好清脆，柚子肉有啲酸甘味，芒果好酸甜，香氣濃郁，配埋有口感嘅西米，有甜味又有酸味，幾樣加埋味道好夾，好食！芋圓煙靭彈牙，加上淡淡芋頭香味，仲有淡淡青草香嘅仙草配埋紫芋雪糕，更加惹味，好食！

好好食😋好開心椰子球入邊仲有肉👏👏👏好少會俾龍眼肉好甜好大粒👍👍椰子肉新鮮，載住啲椰子啫喱真係好食😂我上: 兩個椰子雪糕球，仲有啲龍眼肉，椰果，椰汁西米露下： 椰子，椰子啫喱，椰子雪糕，士多啤梨，芒果

尋晚路過，見好耐未食過，又掛住佢啲雪花冰，於是便入內品嚐。點知冇再做雪花冰，於是揀左香芋椰汁西米露。整碗甜品口感豐富，有大西米和爆爆珠，有兩球雪糕，仲有芋泥，非常之正，38蚊又非常之抵，下次再試紫薯芋圓食品。

已經唔係第一次幫襯，不過今晚遇到一個極之離譜嘅女店員不禮拜對待（女店員特徵：身形細小，瘦），可以講係甘多年黎最差最離譜嘅服務，只針對工作表現。女店員可能對我一枱人有不滿，落咗單之後餐牌仲係客人手上，佢一手搶過，感受到有敵意，搶過餐牌後好粗魯甘收走，同枱另一人感到敵意，說話較強硬表示餐牌唔洗收，可能尼個舉動女店員已經記咗係心，最後女店員粗暴到餐牌都跌埋落地，正面向我地表示不滿，全程無表情，此舉已極之有惡意，原來香港依家服務真係甘有個性不過當然只係尼位女店員品格有問題。送甜品上枱依然係尼位女店員送餐，佢粗手粗腳甘放到枱，刻意甘將糖水倒瀉係曾經強硬話唔收餐牌嘅客人身上，仲要唔係小小，係連D料都倒埋上身，然後一句唔好意思，同處理都無，面無表情甘衝衝行開，之後無返黎清理。此情此境，當然友人有大聲話一句唔好意思都無有無搞錯？但女店員一早行開咗，連反駁都賴得理我地。其實倒瀉一刻我地大家都無大反應，因為真係一句唔好意思，清潔返就已經了事。但條友走咗去，同埋擺出一副就係要玩你啊。吹咩嘅樣真係令人嘩然。。。。食物再好，餐廳請到個甘嘅員工真心無運行，控制唔到情緒真係唔好返工，甘嘅服務連基本都提供唔到，老闆仲

話說今晚喺隔離食完河粉，想食下糖水，嗌咗芒果西米露同龍眼冰西米露，龍眼冰就中規中矩，芒果唔係幾新鮮，一擺到上黎聞到芒果醬似係擺好耐陣味😵‍💫最後啱食完仲俾阿嬸趕🙄完全唔建議，其它糖水鋪都好過呢間

打開餐卡就先嚟個「沙沙合桃糊」，一啖嘆落去，合桃嘅香幾得意👅！糊嘅口感夠綿密，啖啖啃到合桃碎，呢個配合真係夠晒滿足。添咗個「清心丸」，食落去Q彈又滑口，清新提神。再來過咗個「椰皇燉鮮奶」，入口即溶，感覺好像綿綿糖一樣軟滑；搞兩粒「芋圓」入口，Q中帶勁，芋香撲鼻，啱晒我呢啲芋頭控。最後呢，一定少不了「芋圓喳咋」配啲「Q果」。豆類嘅香味混合埋芋頭同西米嘅獨特口感，真係好食到停唔到口。腦海入面即刻閃過：下次仲要再嚟轉轉！總括來講，呢度嘅食物質素同服務都幾正！啱晒我哋呢啲唔駛太花巧、求個真材實料嘅食客。下次覺得餓嗲，知道邊度有得搵啖好食啦！🍰🍮💯

🍁🍂天氣涼涼地、🍂🍁又乾燥， 食飽好想搵個糖水食下，滋潤一下！🤓以前成日排長龍嘅海記， 週末簡直係人山人海咁😆😆我就唔排喇！ 今晚係平日嘅夜晚，又唔洗排隊，入去即刻有位！🍨蛋白杏仁糊 - $32🤓夠晒潤就呢個啦！杏仁糊嘅部份維持一貫嘅水準，香滑濃厚，杏仁味都夠濃，但係唔知點解啲蛋白唔係彈彈口，而係一pat pat好似啲糊粉未開好、有啲杰杰嘅粉醬感覺，😆😆但係佢明明睇落去係蛋白， 我就百思不得其解！🤣🤣🍨腐竹薏米蓮子清心丸糖水 $36 。 因為頭先食完烤肉朋友就話要清下啲熱氣，咁就嗌咗呢一個組合，薏米係夠淋，我就喜歡再軟身啲，而家就有啲咬口，腐竹就煲到溶晒，仲見到少少腐竹碎碎飄浮😋清心丸彈口，又唔會太甜都唔錯👍#糖水 #甜品 #腐竹薏米糖水 #杏仁茶 #杏仁糊 #蛋白杏仁茶 #糊粉未開好 #請加油 #hkig #hkfoodiea #eatplayfunclub #foodablelee #海記