深仔記

Open Now

Now Closed

今天下午同朋友4個人經過深仔記茶餐廳，門口有個侍應好有禮貌問我地食飯未，於是我地便入咗去試下，我問侍應有乜好食，佢就介紹咗雲吞麵，豬手河粉，咖喱，同星米，我地叫左咖哩豬扒飯，焗意大利吉列魚柳意粉，星州炒米，同雲吞麵，咖喱好味，焗飯芝士多亦好味，星州炒米好夠獲氣，最美味不過是雲吞麵，雲吞超爽。跟住飲品，我地叫左奶茶同凍華田仲有一個羅宋湯和忌廉湯飲品 ok,兩個湯都好飲，齊體我同朋友亦大讚，好 yummy. 一定會再來。😋😋😋

又黎觀塘食個靚早餐!其實觀塘區太多選擇!前前後後試左都幾間,今次行遠小小去左駿業里個邊見到有間深仔記 ！就揀左佢一入到去比想像中大同寬敞坐低後望望餐牌😗$29個早餐！！！仲要唔係出面二幾蚊得碗粉加野飲！佢係有埋炒蛋同豬仔油包！心諗都算平吧🧐等左6-8分鐘就到啦тoтal 叫左3個餐！先說в餐沙爹牛肉麵！麵是偏硬身我最愛😍沙嗲味非常香濃！完全合格雞蛋炒得很滑但有點油，唯一唔好就係個豬仔包極少牛油☹️ѕad另一個叉燒意粉餐，意粉夠彈性！但叉燒完全沒有味道！不太新鮮喔媽媽叫了一份咸牛肉蛋三文治！好好食！熱辣辣冇得挑剔😛杯奶茶熱到適中！入口剛好但可以多點奶呢втw呢度既服務態度都唔錯👍🏻👍🏻

看見外面菜單北姑撈麵下面有相有北姑有菜。叫了北姑撈麵，找了良久，只有北姑，遺憾未能發現如圖上的蔬菜。舉手詢問，店小二一號回答一向北姑撈麵只有北姑。愕然，再三追問店小二二號，馬尾小姐態度嘴臉惡劣，堅持北姑撈麵從來只有北姑跟圖片沒有關係，再三說明圖片是圖片，出品是出品，沒有可能給到圖片中的東西，更可況圖片只供參考。（菜單上的圖片與菜單上的菜沒有關係的話你放上去做咩？不是誤導？）良久不願加菜，后我提及消費者委員會后以非常不滿的態度及不情願的嘴臉說：你要我咪加比你囖！（撈麵另送西面黑面嘴嘟嘟很可愛）不必了。免得廚師/店小二加料給些許圖片以外的東西，影響健康及心情。北姑，味可；面，又西又黑挺可口；環境可以；服務下等。不推薦。

知新開無耐，經過就試吓。有下午茶，真好！今次試星洲炒米，唔錯！唔太辣，唔會多味粉，材料適中。隻蝦都大隻，新鮮。係杯菜蜜遲咗少少上，但ok接受到！聽到隔壁枱話抵食，好，認同！

忽然想食雲吞河，見到易拉架廣告介紹便行過來試下，叫了一個下午茶，雲吞大大粒入面好多蝦肉，蝦好大隻而用好少豬肉做餡料，比例好啱我口味，希望可以keep住水準，河粉則粗咗少少如果滑啲就更好，隔離枱叫了雲吞麵，麵質睇落幾爽口，下次再來會試下食麵。埋單下午茶餐$32有咁嘅質素好抵食，比附近Apm出名嘅灑家雲吞好食，暫時係觀塘區食過最好味嘅雲吞。

官塘APM 商場行下午茶週圍搵食見到這間於是入去炒沙爹牛肉烏冬吾夠香冇乜沙爹味老實說食炒野最緊要食落夠鑊氣，呢度好似一旱已經炒好之後keep 在暖爐有客到之後夾上碟比你似撈烏冬多過炒將貨就價牛肉份量又少，烏冬都少試埋果個xo醬雞扒炒公仔麵．賣相可以接受，雞扒切碎比例都可以食落感覺同撈麵差不多吾覺有xo醬味加埋佢地的辣椒油好D總結下午茶出品吾好下次都係食番佢拿手湯粉麵烏冬，公仔麵都係$29送熱野飲、凍飲加三蚊順帶一提：凍咖啡都不錯，因為走糖都吾苦

今日下午無咩野做，去左觀塘搵個老友吹下水咁啦，咁吹水就當然係搵間餐廳食下午茶啦，跟住我朋友就建議我地去佢樓下果個深仔記wor,我就當然ok無問題啦。落到去，都好爆，不過好彩剛剛有張卡枱，咁我行埋去張枱果陣見到個個都食雲吞麵，咁就等我望下個餐牌先。舖頭都種類非常多元化，有飯，有麵，多士等等，而我就選擇左招牌鮮蝦雲吞麵再加杯凍檸檬茶啦，我朋友就剛剛食飽啦，佢淨飲凍檸檬茶就算啦。上菜時間非常之快，碗麵一上枱就好香，試下啖湯先，d大地魚湯都好濃，同埋無梘水味，d麵我就選左幼麵，麵質非常爽口彈牙，煮嘅時間剛剛好，好好味，鍾意食辣嘅就可以加d潮州辣椒醬，味道更加夾，成碗麵好快就俾我食晒啦，而杯凍檸檬茶就係標準野，無咩特別!有機會會再去。

北上公幹前來一個快餐，因為不想吃油炸品，來這兒點了一個常餐。由於是１１：４５左右來到，店內人客不多，可隨意就坐。這個＄４０～的套餐份量是充足的，但味道嘛。。。先說那個招牌沙嗲牛肉麵，來的時候湯不是很熱，已扣了點分數，麵是大光麵，一貫的味道平平，但最敗筆的是那個沙嗲牛肉，居然是凍的？！味道單一的甜，沒有香味，何來招牌可言？！炒蛋尚可，蛋味亦充足。最好的的是那奶油豬仔包，熱的，帶點微脆。１２時後，人流漸多，大家多是選擇是日午餐或常餐，反而這裡的名菜－雲吞卻不見影踪，難道它如那沙嗲牛肉一樣，掛著「招牌」郤非一般的正選？！

因為超級肚餓所以叫咗一人份嘅芝士焗飯眼闊肚窄嘅結果就係食唔曬早知叫扣底但係唔係因為唔好食因為實在係好大份又夠曬足料呢個海鮮飯 有魚有大蝦有蠔仔 仲有日式魚片 (我真係唔知 呢樣嘢叫咩)佢個焗飯唔係 白汁底咁簡單真係佈滿曬芝士有扯絲效果炒飯底夠曬邪惡 飯粒 粒粒分明唔會一pat pat但係佢明明冇西蘭花竟然畀我搵到一粒西蘭花物體算啦我諗 係唔小心跌咗落去一齊焗埋當佢係伴碟嘅蔬菜啦可能我自己接受唔到蠔仔喺 呢個飯入面出現我覺得有啲腥但係整體上呢個飯真係幾好味

呢個舖位前身都係一間茶餐廳, 但我未試過, 但呢間深仔記我又好想試, 因為呢間茶記有多款食物種類選擇, 餐廳其實唔算好大, 但逼到好多人入去, 所以圓枱係會坐到背貼背, 查實都幾唔鍾意常餐 - 沙嗲牛麵配炒蛋奶油豬 - 賣相係唔差, 奶油豬唔脆口但夠軟熟, 加上勁多奶, 所以好好味, 炒蛋仲有蛋漿喺到既, 好滑, 沙嗲牛肉好明顯係就咁放上面, 因為涼既, ,公仔麵好爽口豉椒班腩飯 - 賣相不錯, 班腩肉都新鮮, 五顏六色椒都好爽口咸蛋蒸肉餅飯 - 呢個係本星期四午餐餐牌之一, 每日都唔同既, 一睇蒸肉餅個碟就知大份, 呢個碟多數用嚟放焗意粉焗飯既凍檸茶 - 最愛餐廳用呢款杯, 因為確保一定凍, 飲到最尾果啖都係凍既, 味道都唔差總結 : 以後LUNCH又多間茶餐廳幫襯啦, 不過輸蝕在太擠逼

今日食了一個很好味的港式早餐。環境很乾淨！空調很足。地方寬敞。]沙爹牛肉麵 。沙嗲味非常香濃。雞旦燶邊好好味。公仔麵夠彈性奶茶非常濃郁香滑 熱到適中食咗一個非常好味嘅早餐

今日試新野，深仔記係kt新蒲點係不二之說😝😝.食早餐一定要歎杯野，今日揀左凍檸茶，茶底勁苦，扣分，要學過基本功羅丁面熱ok朱包要一讚，香港少有下次可以試下佢其他野.近縣人人喜，來船岸岸移。偶因小泊處，恰是早餐時。禁係我落單後，久不見我個丁面，向姐姐查詢一下，佢既欣勤服務態度令我有賓至如歸既感覺，世間有愛，有人情味既好好例子，加油吧，香港情好重要嫁🙂🙂🙂🙂🙂🙂🙂🙂🙂🙂🙂🙂🙂

話說在我公司對面開了一間深仔記，以前的皇馬食過一次即肚柯，今日見到有新餐廳應該係開心既事，可惜食左次失望既早餐。本身打算去第間食，但無奈十一點想食既餐廳都無哂早餐食，唯有試試新餐廳，唯一好的地方是佢地早餐到十一點半，入去叫左個早餐A 火腿仿鮑魚絲公仔麵，再叫了凍奶茶。奶茶味道幾好，但偏細杯，呢樣都唔係最可恨，最可恨既係仿鮑魚絲只得兩條，普通過唔普通，味道又唔算特別好。影相都唔想影，失望到爆炸。可惜可惜！