深仔記

Open Now

Now Closed

今日下午無咩野做，去左觀塘搵個老友吹下水咁啦，咁吹水就當然係搵間餐廳食下午茶啦，跟住我朋友就建議我地去佢樓下果個深仔記wor,我就當然ok無問題啦。落到去，都好爆，不過好彩剛剛有張卡枱，咁我行埋去張枱果陣見到個個都食雲吞麵，咁就等我望下個餐牌先。舖頭都種類非常多元化，有飯，有麵，多士等等，而我就選擇左招牌鮮蝦雲吞麵再加杯凍檸檬茶啦，我朋友就剛剛食飽啦，佢淨飲凍檸檬茶就算啦。上菜時間非常之快，碗麵一上枱就好香，試下啖湯先，d大地魚湯都好濃，同埋無梘水味，d麵我就選左幼麵，麵質非常爽口彈牙，煮嘅時間剛剛好，好好味，鍾意食辣嘅就可以加d潮州辣椒醬，味道更加夾，成碗麵好快就俾我食晒啦，而杯凍檸檬茶就係標準野，無咩特別!有機會會再去。