添寶手撕雞 (祥華邨) (Closed)

本身平時都有幫襯開粉嶺祥華邨添寶手撕雞，今次一如既往買佢半隻手撕雞嚟食再加雞腎，店員係一位戴眼鏡哥哥，我唔知道呢位哥哥呢一日心情係咪好差定係唔知發生咩事啦！整個購買過程，佢都好似唔願意答我問題，唔緊要，因為真係想食咪買囉！自問我同佢對答嘅態度係良好！佢唔願意答我嘅問題，我就問多佢一次，咁之後佢都有回答我嘅！好啦，重頭戲到俾錢啦！因為祥華邨街市要用八達通俾錢係要有一部機嚟嘟嘅，好啦，佢部機其實接觸不良，反應亦都比較慢 (因為之前幫襯一次已知係反應好慢)，今次俾錢亦如是，嘟咗一陣冇反應，就再等啦！最後我先生幫手用佢張八達通俾錢，其實反應都係慢，但唔緊要比到錢就OK，比完錢後，呢位戴眼鏡哥哥將成部俾錢機一夜調埋落去牆度！態度擺到明係發爛渣，但因為祥華邨街市係有儲分又係要用嗰部機嚟scan QR code, 所以個哥哥又要行返去嗰埲牆攞返部機嚟俾我scan，scan完佢又再次掉返去牆到，當然又係發爛渣Mode! 可能呢位哥哥心情真係好差啦，但都唔明白點解要喺客人面前掉低部機！你覺得部機反應慢係咪應該要換過部呢？而唔係響客人面前咁樣發爛渣！仲要佢每掉一次部機，其他檔口都望過嚟，成個購買過程都極之

今日同朋友行完流水響，見附近有街市就行去睇下有冇好野食，行左陣決定試試手撕雞，因為入門口就見到，環境衞生都好整潔，小食都好吸引我地睇左陣餐牌，店員推介我地二人餐，因為好肚餓，就決定叫二人套餐加一份小拼盤，重有飲品跟埋，套餐$128加拼盤$55，總共$183蚊，價錢算合理，份量都滿滿的另外轉個彎就有位置坐低慢慢食，好方便，最後兩個人真係食唔哂，小食味道唔會太重，喜歡手撕雞帶麻油香味，麻醬撈麵可以推介比大家，因為下午茶都$30蚊，又多小食選擇。

今天去買70蚊有一個大餸4個小餸，其實眼見已經款式不多，而且每款更得好少，詢問店員，店員話今日提早收工，所以不放太多出嚟，因為曾經响屯門新墟買過數次，覺得好味想買比家人試下，剛巧經過祥華邨店所以膽粗粗都買啦，以為買店員會加返啲入去，點知盤入面有幾多就比幾多，例如我要豬腸，盤入面有4至5舊，店員就挾4、5舊比妳，我再詢問為何咁少，我响屯門新墟買有好多，店員竟回答佢哋已經係比其他店份量多，我話一定唔會，屯門我買過幾次，一定多好多，係好多，店員無回應。奉勸大家不是不幫襯，但幫襯祥華店時要諗清楚