清心齋 (Closed)

再一次嚟到清心齋買佢嘅豆腐花食，每次口淡淡又唔想食西式甜品太滯，都會搵吓豆花呢類食物潤吓喉嚨😊😊實在係好舒服。一如既往豆腐花好好味，加咗黃糖十分清甜，質地滑嘟嘟又細緻冇粉感，好順口，同時都食到輕輕豆味。叫咗先望到餐牌原來有黑白兩溝，即係芝麻糊豆腐花，下次一定要試吓。買開見到啲有啲賀年炸物，同平時長賣嘅甜糕、小食，又忍唔住手買咗少少番屋企哈哈🐽🐽笑口棗脆卜卜，鍾意佢係一口size，唔會太大粒，可以成粒啪落口👍🏻仲有個腐皮卷，入面餡料有三樣嘢，分佈好平均，每一啖都咬到豐富嘅層次，調味啱啱好，呢個小食有驚喜！🔥🔥🔥

這一間齋店係街市裡面來講質素都唔錯，店舖有豆腐花、芝麻糊、豆漿、 齋鹵味、還有好多不同款式糕點 而我最鍾意食首選就係酸齋，味道非常開胃，唔會過酸，細size＄25份量都幾多。其次係豆漿和豆腐花店員話這2款每日新鮮製造沒有防腐劑，豆漿有好香濃黃豆味

呀媽平時成日係到買餸都話呢間嘢好好食，佢外賣返黎我地成家試過又真係幾好味喎😹今日終於落去睇下佢仲有咩賣順便外賣啲比朋友，咁熱緊係買枝凍豆漿飲涼下先啦，店員姐姐介紹原來佢地全部都係自家制，每日都用新鮮有機黃豆去整，唔怪之得有好香濃既黃豆味啦，而且飲完都飽飽地證明好重本好多豆，有少糖同無糖既選擇，我另外都買左紅豆糕同彩虹椰汁糕請朋友食，佢地都話紅豆糕好多豆好味，糕底口感又綿密，彩虹椰汁糕則係椰奶味好濃郁，有唔同顏色既水果味啫喱粒混合埋，好睇又好食👍

作為芝麻糊粉絲既我，去到甜品鋪一定係揀芝麻糊食，今次經過街市就試下呢間小店，E到集合左包點，糕點同素食於一生，小吃同糕點來說佢地都幾多選擇，應該總有一款啱你地，姐姐們好熱情又有禮貌👍芝麻糊一碗都係12蚊，平時食最擔心就係過稀，溝左好多水唔夠芝麻味，但呢碗完全唔洗驚，佢地用石磨芝麻，磨得夠細滑入口一啖滑落肚，甜度又啱啱好，一打開已經好香濃既芝麻味，好好味。我都買試左佢個蘆薈椰汁糕，椰汁糕底有濃郁既椰奶味，溝埋啲蘆薈粒一齊令個口感更加清甜又爽口。

夏天熱熱地就想搵啲又甜又凍既嘢食下，咁就緊係搵甜品😂😂見個桂花杞子糕好似幾靚咁，晶瑩剔透，see-through咁既效果睇到埋入面既杞子粒同桂花，賣相黎講的確係唔錯，咬落個質地似啫喱，彈彈的，味道清清地，特別啲長輩好中意食呢啲清甜又爽口既甜品😂 第二樣買左紅豆糕，平時好中意飲紅豆冰而家就試下紅豆糕，估唔到佢個椰奶味可以做到咁重咁濃郁，平時好多都溝淡左冇咁甜，但呢個紅豆糕足料超多豆得黎又夠甜，完全hit中我既期望

介紹下呢間小店係南昌街市入面，住附近或者會黎買餸既你地就要試下啦！先推介下佢地個馬豆糕，有一粒粒既口感加埋好重好香濃既椰奶味，食落口感好綿滑，又有啲彈牙滑捋捋既感覺。跟住就係芝麻糕，呢個糕點個人認為比較特別，因為出面比較少見，芝麻糊就食得多，芝麻糕就真係第一次見😂芝麻香口感又好爽口，呀媽話似以前舊式既芝麻卷咁😂第三樣係桂花杞子糕，清清地有啲花香味，淡淡既清甜杞子味，口感又彈滑，琥珀色好靚，買左啲返去比屋企人食佢地都好中意，特別係啲長輩唔中意食咁甜，呢款甜品就啱曬佢地！😂

是日係素食之日因為自己既宗教同埋最近想食健康啲😹所以去街市買餸個陣就要睇下有啲咩靚齋食下先！見呢間清心齋幾多人排隊咁就試下，佢地素食都幾多款可以揀，有蔬菜魚柱餅，盛惠35蚊一份，睇上去份量都幾多咁，又有素菲力牛排，盛惠50蚊，仲有素叉燒，佢地整到啲齋好似肉既質感咁，希望等客人可以更加易接受素食呢個生活style，山葵芝士丸都幾香芝士味，黃色一粒粒又爽彈，打邊爐做餸都得，仲有甜酸齋又開胃彈牙，大家下次經過不妨試下，推介！

晏晝放飯時間係附近跟同事搵食，大家都唔係特別肚餓就買小小嘢食下就算。呢間鋪頭仔有好多糕點同包點選擇，食兩三件都已經好full，有馬拉盞，芋蓉包同蕃薯包，個個包都好大個足料，馬拉盞好香，糖份比例啱啱好唔會太淡味，咬落去好鬆化，似海綿既口感好正，芋蓉包又好香芋頭味，我地仲另外買左啲糕點仔試下，全部都8蚊件好抵食，彩虹椰汁糕又靚又甜，仲有啫喱係入面添，下次肚餓可以試下佢個午餐，飯盒/意粉加豆漿都只係三十幾蚊！

食物：一開始經過係比佢個香芋糕吸引左😹😹因為好少見紫色既甜品仲要係我最中意既香芋味，平時紫色多數都係紫薯個啲，口感好正因為有好香芋頭味，食得出入面有啲芋粒，唔係得個味而且裏面真係有餡，咬落好滑似mousse既感覺，價錢都只係8蚊雞咋，佢仲好有多唔同既甜品賣例如馬豆糕同紅豆糕，大部分都係8蚊件，好味又抵食。環境：街市店舖黎講佢都算乾淨，唔會周圍濕糴糴好污糟既感覺，地方又光猛，全部食物同價錢都好清楚display曬出黎

到街市買菜去時在想晚餐要吃清淡一點，於是便選擇了到齋鋪看看有什麼好吃😊這家店鋪的店員十分友善，經常路過都看到她們與街坊們互相閒談，有說有笑，之前有吃過他們的自家制豆腐花和豆漿都很好吃，黃豆味很香濃，豆腐花又香滑，值得一試再試。而這次則試了他們的素食看看質素如何，結果同樣地也很好吃啊，特別是咖哩筋，蠔油筋和甜酸筋，三款都非常入味好吃，醬汁足夠因此很濃味，甜酸筋特別開胃，咖哩筋辣度則恰到好處，他們還有素鴨和素雞，分別是10元和18元一整條，好吃又便宜呢！👍👍

經過鋪頭好口渴就買支冰凍豆漿飲下，始終咁鬼熱都要對自己好啲爽下既～呢間啲豆漿全部都係自家制架，好鬼足料，完全無唸過飲完枝豆漿都可以咁飽，鋪頭標榜用新鮮有機黃豆包保健康之選，有啲人中意飲淡啲就可以揀無糖，但係又想甜返啲有啲味道呢就可以揀少糖，因應個人口味自己選擇，我就試左無糖因為佢黃豆味好香濃，所以即使無糖都好香口幾好飲，因為佢好多豆所以會好飽，之後再食啲小食就啱啱好啦👍👍朋友試左個豆腐花好滑漏同樣都好香黃豆味，姐姐話係招牌菜好多街坊都黎幫襯架！

小胖媽講明今晚想食齋咁就買黎返去做餸啦，齋滷味黎講呢到都幾多款，有咖哩筋，酸甜筋又有蠔油筋，全部都整得好入味，就口感來說，啲麵筋都好彈牙有咬口，但同時又唔會好似橡筋咁咬唔開，又唔係淋到一pat野咁，口感適中係幾好味的，雖然3款都好味，但個人最推薦係咖哩筋，味道比較獨特，辣得黎又有好香既椰奶味，甜辣度平衡得好好，少少辣又會惹味啲令人好想繼續食，至於甜酸筋2種味都調得恰好，唔會太酸而好難入口，蠔油筋又唔會太咸

去街市買晚餐材料因為今晚要為家人煮大餐，但晚餐前家人表示想先吃一些甜點作下午茶，於是我便在街市找了家中式甜品店速遞回家給他們品嘗。我先私自試了新鮮豆腐花，店員說這是他們每天新鮮自家制的，售完即止，黃豆味十足，非常香濃，豆腐花的質感又非常滑溜溜，一口吞下就像滑梯般滑過喉嚨，搭配黃糖更是一流的甜點，淡甜的豆腐花與黃糖真是絕配，至於芒果西米糕也是推介的，因為聽到前面很多人買，於是也跟了，椰汁糕底得香，甜度恰到好處，芒果是時候因此也香甜，西米也令糕點口感更特別。

係街市食新既齋滷味鋪頭先，平時食開一間今日就想轉下新嘢，比次機會其他鋪頭啊嘛 佢地啲原來都有幾多款式，麵筋有蠔油筋啦、酸甜筋啦仲有咖哩筋，口感煙煙韌韌幾好咬，啲醬汁唔會令到齋既質感過份地稔變到一pat野，仲幾彈牙添，酸甜筋既味道平衡得好好，唔會太酸或太甜，證明店鋪整齋功夫到家，至於咖啡喱同埋蠔油筋都幾好味，咖哩筋個咖哩唔係好辣所以易入口，佢地仲落左椰汁落去調味所以令到個咖啡多左陣椰香味添！推介大家去試下！

今日出街買餸呀仔話想食甜嘢，於是就係街市到買啲小食比佢滿足下佢啦，見呢間鋪頭幾多人排隊就買啲黎試下，我揀左份彩虹椰汁糕，首先因為自己私心中意食椰汁糕，第二就緊係見到佢個外相幾靚，七彩顏色咁，呀仔應該會幾中意就試下，通常小朋友都中意呢啲架嘛，椰汁好重既糕底搭配埋彩色啫喱粒，有唔同既水果味，味道又唔會太甜，我同呀仔都幾中意食，跟住我再買左份芒果西米糕比老公食，同樣都係好香既椰汁味，不過呢個溝埋西米口感就特別啲，另外芒果肉都好新鮮呀！