清真牛肉館 (打鼓嶺道)

Open Now

Now Closed

很久未去過请真牛肉館，有點兒掛住佢出名既🐂肉餅同咖喱🍛，今日中秋佳節，就約呀妹到這𥚃午餐吃過痛快😎。現在有港鐵到九龍城十分方便，系宋皇臺站B 3出口行大約4分鐘就到這店，以為平日去會少人，怎料也要等位！入座後即點我想吃的咖喱羊腩飯、鷄肉湯餃和🐂肉餅。牛肉餅熱上，一份有兩件，多汁加滿滿牛肉饀，必食之選👍🏻，美味不變！羊腩無羶味，咖喱幾香，飯多必定夠飽，雞肉湯餃一般，無乜鷄肉味。這裡设設加一，平民價錢來說這老店的食物屬水準之作，牛肉餅更是全香港只此一家👣，只是冷氣不夠，坐近門口位比較熱，沖沖吃罷即要走。

蝦球好香脆，裏面除咗麵粉之外 都有唔少蝦肉在內🦐牛肉餅幾正😳💕好多牛肉餡，唔知點解本身以為佢會臭臭地，但真係幾香🫢麵真係好普通🥲🥲下次再黎 一定唔會再食！

清真牛肉館老店由細食到大，最喜歡高汁牛肉餅，牛肉餅嚟到煎得熱騰騰，急不及待咬一口，肉汁超多鮮味𣊬即包圍味蕾，外皮酥脆，配上牛肉饀肉汁多重口感，味美無窮咖哩牛腩飯～咖哩汁濃郁微辣送飯一流，牛腩比較瘦鞋有點痴牙，咖哩汁比牛腩出色，白飯粒粒分明軟硬適中咖哩羊腩飯～同咖哩牛腩的咖哩汁一樣都是濃郁可口送飯首選，羊腩有點羶但可接受，羊腩軟滑肉質鮮嫩算不錯高力豆沙～熱騰騰上碟即叫即做，蛋白包著豆沙夾著沙糖一起甜到入心，仲和剛才的咸辣味，飯後甜品首選。九龍城老店午飯時間人也多等了5分鐘入座，座位比較迫，上菜也快只是高力豆沙要等耐少少……此店由細到大最喜歡都是食「牛肉餅」、「高力豆沙」，其它就一般啦！

【九龍城區】【清真牛肉館】同屋企人食飯，從來我都好少畀意見，除非係去一啲我去過嘅地方。適逢今次家兄話食嘅呢間我又真係聽過而未食過，咁就去啦。一行五人叫咗三客 $48 嘅兩件「牛肉餅」，爆晒汁咁，要小心啲食，味道都真係唔錯。之後到 $86 嘅「蔥爆牛片」，我覺得比較一般，清真菜嘅特色係冇豬，我 expect 佢哋處理牛可以處理得更好。但之後 $85 嘅「香茜牛肉羹」就幾好，我都飲咗幾碗。不過以上呢三款牛嘅菜式，的確係嚟得最快嘅，而且非常熱。跟住到 $55 嘅「羊肉小籠包」，呢味係我話要嗌嘅，感覺同其他小籠包分別不大，只係個餡嘅肉香好似濃啲咁。之後 $142 嘅「芝味年糕蝦球」好一般，幾樣嘢好似唔係好夾咁。一款我最期待，一款最高價錢，但效果麻麻。最後就有 $96 嘅「椒鹽鮮魷」同 $88 嘅「蝦子鍋塔豆腐」，前者都係普通，反而後者幾惹味，整到啲豆腐有鮮味咁。咁多樣嘢加埋係 $696，但加埋我唔知畀咗七百幾嘅，因為埋單嗰吓先知佢哋只收現金，我已經唔記得幾錢喇。。。（地址：九龍城打鼓嶺道33-35號地舖）#1amfoodie #foodie #hkfoodie #thatfoodiething

又到舊同事每月一聚嘅飯局，又係我出馬揾地方食飯，今次揀咗九龍城嘅「清真牛肉館 」，放工行到過去門口已經有好多人排隊，要人齊先入得架，不過真係好抵食，嗌咗9樣野每人都只係$200++雞絲粉皮大大碟，雞肉嫩滑，青瓜絲夠爽脆，麻醬多，可惜粉皮唔夠滑溜酸辣湯材料豐富，有木耳、冬菇絲、筍絲、肉絲、腐皮、豆腐，但酸味較重，唔夠辣，要加豆瓣辣醬先夠味牛三拼我地牛𦟌、牛筋、牛肚，凍食煙煙韌韌口感Q彈，點上蒜蓉辣豉油，好食👍🏻回鍋牛肉醬汁味道香濃，牛肉夠入味又軟稔咖喱牛腩一定要送飯，叻喱汁香濃，牛腩份量又夠多，鬆化稔身，如果可以多啲薯仔會更加好牛肉餅招牌牛肉餅當然冇得輸，餡餅入面充滿牛肉汁，又鮮又香熱辣辣，第一啖要咬開少少先，飲咗啲湯汁，皮薄得黎仲脆脆地，肉餡多，不過比之前少咗啲😅奶油津白奶香味濃，津白又稔又甜燒雞燒雞好香醬油味，用醬汁浸住，我覺得幾好食，但同行朋友都唔太鍾意，因為啲皮浸到淋晒豆沙鍋餅比之前差咗好多，皮硬豆沙份量少亦冇乜甜味📍清真牛肉館 (打鼓嶺道) (九龍城)九龍城打鼓嶺道33-35號地舖人均消費：$200-300食物：⭐️⭐️⭐️⭐️環境：⭐️⭐️⭐️回頭率：⭐️⭐️⭐️⭐

*:.｡..｡.:* 清真牛肉館-九龍城*:.｡. .｡.:*✨牛肉餅-$48/2件✨必食爆汁牛肉餅👍🏻❤️煎到外皮脆卜卜，餅内餡料好熱，一咬就爆晒爆汁。牛肉餡混合左京蔥，食落好夾👍🏻✨酸辣湯-$39（細）✨味道正常，偏辣但唔會太酸✨京燒羊肉-$99✨同男朋友都好鐘意食羊肉，於是點左呢款燒羊腩試下。份量對我地來就剛剛好，外皮燒到好脆 好好味😋，帶點脂肪嘅羊肉食落好淋，但某啲部分就好柴😮‍💨😮‍💨可以一試✨羊肉小籠包-$55/4粒✨滿懷期待嘅小籠包最黎令我有點失望🙃羊肉餡但無羊肉味⋯⋯⋯同牛肉餅餡顏色一樣，味道亦都差唔多。無咩特別呢間平均每人消費都係$150左右，CP值正常，可以一試

第一次試呢間野，買左個2人餐（如圖），牛腩粉絲：牛腩x3.5舊，粉絲小量（個兜似乎= /＞1人份量？？！） 芝麻雞： </=例牌，幾舊肉+雞中翼x1, 雞翼尖x1辣子羊肉： 份量裝滿外賣盒的1/7牛肉餅： 算係最大份最正常坦白，味道係唔錯嘅，但份量真係小得可憐，一個女仔都食得曬，但呢個係2人餐，承惠$288+$4外賣，完全唔值🫠全程係食左陣風💨

Honey回港三星期，明天又要出去了。臨離開香港前，他說想吃清真牛肉餅，所以特意搭車到九龍城。之前幫襯過幾次，沒有留意這一張回教圖片。到清真牛肉館，吃牛肉餅是必定的，幾乎每枱都點。為什麼咁出名？熱辣辣、脆卜卜的。皮很薄，只有兩三毫米。餡料豐富，充滿肉汁！小心一咬下去，肉汁爆出來……好像好跨張😄不過，有圖有真相。看看：擔擔麵賣相看似不太好，吃就好味。湯汁非常濃稠，好濃的花生香。有羊肉小籠包、清真小籠包，我不知道有什麼分別。Honey點清真小籠包。餡料跟牛肉餅一樣，不過，我就嫌有點鹹，根本不用沾醋。同樣爆汁！

The beef bun is excellent here. The quality keeps well. Crispy skin and juicy content inside!!! Excellent flavour!!! The first time I tried many years ago, the beef bun costed $3.5, the current one costs $24!!!The curry beef brisket tastes well but I like the Malaysian style with coconut milk more!!! We order the green onion pancake. Soak the pancake into curry sauce. Yummy!!! The dumplings with soup tastes well. Remember to order with soup and more green onion. The soup is strong in beef flavo

星期五 晚上9:30 到. 好彩唔使等位.叫左牛肉餅, 牛肉炒飯, 京燒羊腩, 可惜高力豆沙賣晒.牛肉餅繼續好食..但京燒羊腩 變左 乾燒羊腩, 超級乾, 柴皮, 好韌, 咬唔開.失望

今日經過宋皇臺 突然諗起呢間好出名既清真牛肉館於是就去左食 離地鐵好近 只有3-4分鐘步程一行入餐廳已經覺得好懷舊好有5/60年代舊香港冰室既感覺😂打開menu見到好多中菜一查發現原來係呢間新疆果邊既清真菜所以會有好多中菜元素酸辣湯 麻婆豆腐 土豆絲 呢度都會有叫左最出名既牛肉餅$48/2件 老實講 比我想像中貴不過佢又真係大件又飽肚淨食牛肉餅已飽 都唔需要食咩麵飯正餐牛肉餅皮偏厚同乾不過裡面就好juicy 一咬開少少就已經會流到成個碟都係肉汁但味道呢 我就覺得無睇落咁好食🤔因為牛肉味唔太出淨係食到咸咸地咁我唔會話難食 但無乜出色既地方酸辣湯都一樣只係不過不失同連鎖餐廳君戶鍋貼大王既酸辣湯比呢間既酸辣湯唔夠香 唔夠辣 唔夠足料淨係酸味比較出但整體無乜酸辣湯既香味食左兩樣野 埋單$87我覺得呢間野有d名過其實唔知近年水準下降定點路過食下ok 專程過黎食就不必了

//07 06 23 間中有雨🌦️20:51 九龍城 打鼓嶺道清真牛肉館近年清真食品喺香港越嚟越多人認識而牛肉餡餅更加係數一數二 最出名嘅小食👍🏻；脆卜卜嘅金黃色外皮🟠🟡入面包住舊又香又惹味嘅牛肉餡🐄一啖咬落去 爆到成口都係熱辣辣嘅湯汁有時仲會唔小心 辣親個咀添🤤🤤🤤🤤不過自從位於太子嘅“馬家莊”執咗之後就無再特別去搵類似嘅餐廳!!!但遠在天邊 近在眼前👀係九龍城原來都有一間超過30年以上嘅老字號睇嚟今次可以回味返正宗嘅牛肉餡餅啦🥳~~~牛肉餅 HKD$48 x 2件———————————————————————外皮煎得未夠焦香 唔似即煎但入口餅皮都有脆嘅感覺皮薄餡多 肉汁飽滿 而且一咬即爆汁 要小心內餡超熱 好易辣到個咀牛肉餡混合咗洋蔥、蔥等配料食起嚟又香 又惹味不過食多幾啖 會覺得肉汁有啲鹹 有啲油膩咖喱牛腩拌麵 HKD$65———————————————————————香濃嘅咖喱 同印度咖喱取向唔同少少辣吊味 但又唔會辣到食唔到牛腩炆得好入味 口感軟糯 而且份量都算多但可惜麵無嘜味道 口感似淋咗嘅烏冬下次都係揀返配飯會開心啲羊肉嗆湯麵 HKD$66————————————————

女友小熊生日去咗旺角意粉屋食晚飯，完全唔掂! (見另文) 相信繼老麥同老鄉雞之後，第三間拒絕幫襯嘅黑名單中!第二晚即刻落九龍城食清真牛肉餅! 希望去間有質素嘅餐廳補償一下心靈損失!對上一次幫襯已經係兩件前嘅事，上網睇睇先知道已經搬咗落同區另一個更大面積嘅店舖，空間比舊舖闊落一倍! 坐得更舒服!牛肉餅係必點，另外麻油雞，清真小籠包，酸辣湯同京燒羊腩各一客!麻油雞雖然麻油味唔夠突出，但雞肉同雞皮口感嫩滑非常，好過不少燒味店D油雞白切雞!習慣食小籠包嘅爆汁係清湯，清真小籠包嘅湯汁有D似豉油顏色，味道同平時食開高質素小籠包無太大分別，當然小心熱到辣咀!酸辣湯比想像中辣，小熊話一D都唔辣，當然啦! 佢已經係一隻辣椒嘛! 酸辣湯係先酸後辣，辣味比酸味重，但未至於勁辣，而酸辣湯足料，滿意.牛肉餅同小籠包一樣，湯汁同樣顏色偏深，牛肉餅同以前一樣,爆汁! 牛肉餅好熱，餅內餡料都好熱，而且都係食到爆汁，雖然已經小心進食.最驚喜係京燒羊腩，相先羊騷味不大，但羊腩肉質非常鬆軟又 Juicy，最難得係羊腩連帶小小羊軟骨，果D軟骨先經典，少少冧身少少脆口但唔硬，可惜份量太少! 唔夠喉呀!原本想話先行去街頭鴻興同三

上次外賣試過佢嘅牛肉餅覺得幾好食所以今次去堂食試埋其他菜式好冇味😂大約6點9到唔洗等位就可以入得嗌咗牛肉餅，羊肉小籠包，咖喱牛腩，蔥油餅同賽螃蟹。佢每樣份量唔算多，兩個人食晒大約6-7成飽。牛肉餅同之前一樣都係超爆汁，亦都好足料😬個餅皮燒到少少焦香脆口，值得一試。羊肉小籠包皮唔算好薄不過個肉餡好大舊🤣食落個比例唔係好平衡🫣咖喱牛腩係我覺得最好食之一，炆得好腍喺好入味亦都唔會覺得辣👍🏻配白飯非常好蔥油餅就普普通通，略嫌有啲太乾同厚🫣賽螃蟹我都覺得係出色嘅，入邊有足料嘅帶子粒，加埋蛋黃撈埋好滑，啱晒配今餐啲濃味嘅嘢🤣

🍽️ 清真牛肉館 📍九龍城打鼓嶺道33-35號地舖-💫牛肉餅（ $48兩件）一啖爆汁！牛肉混合洋蔥、蔥等配料，足料惹味👍🏻👍🏻皮脆香口，唯一可以挑剔嘅就係汁入面有好多油💫賽螃蟹（ $88 ）蛋白嫩滑鮮美，有大量瑤柱、魚肉，呢個菜清淡得來夠味👍🏻👍🏻👍🏻完美💫清真炒飯（$80）炒飯粒粒分明，有微微嘅辣味同香料味，加上大量嘅牛肚、牛腱、雞肉粒同埋大蔥，成件事好惹味！💫高力豆沙（ $34兩件）咬落去係滿滿既空氣感，熱辣辣既外皮上有好多砂糖，但配埋紅豆餡唔會太甜🤌🏻🤌🏻🤌🏻好似食緊疏乎厘咁樣-🌟名不虛傳！果然係經常獲獎嘅食店！每一道菜都好出奇😍😍🌟上菜速度好快，每個餸都係熱辣辣🫶🏻🫶🏻🌟見到店內除咗慕名而來嘅遊客，仲有唔少街坊，店員都會好熱情咁同街坊吹吓水，幾有人情味🥰🥰🌟店內衛生環境有待改善😅😅地下好多用過嘅紙巾推薦指數：4/5抵食指數：3/5#foodloverin852 #852 #foodie #hongkong #九龍城 #KowloonCity #清真牛肉館