港島粥記海鮮火鍋 (Closed)

今日行過銅鑼灣見到有間新嘅粥底火鍋做緊特價，$198有A4和牛仲有海鮮，計埋加一都抵到爛即刻諗都唔諗上去試。好彩平日walk in 都唔係好多人，一坐低order海鮮套餐就上海鮮set！D蝦新鮮到扎扎跳，差D跳咗出個碗，其餘D蜆同扇貝睇上去都好肥美，最正一人有一隻鮑魚，仲有蟹整蟹粥。衝完一輪海鮮之後就到二輪肉食，仲有好多蔬菜類，手打牛肉餅好似一片片既牛丸咁😂粟米可以再煮耐d,煮左20分鐘都好爽甜！第二輪多嘢到呢張枱都放唔落，食到咁上下已經飽到咩咁女仔就唔洗食咁多，同行既朋友都好飽！不過都一定要食埋個粥底火鍋，鮮甜到不得了，吸收晒啲海鮮嘅精華,而且有其他配料可放落粥送食。另外值得加分嘅係嗰jar竹蔗茅根，淸甜！真材實料！仲有姐姐嘅溫馨提示，perfect池👍🏻

本身同朋友約出黎食飯仲諗緊食咩，就見到呢間海鮮火鍋做緊198蚊試食價，咁難得會有咁平價既海鮮火鍋就入左去試！店鋪新開環境好乾淨舒服，平日夜晚咁啱唔洗等位就入得，落單之後一碟碟海鮮好快就送到！相裡面係5人份海鮮，有沙白、白蜆、鮮元貝、鮮鮑魚、海蝦同肉蟹。份量好足同新鮮，海蝦仲好生猛！整體海鮮質素都好有驚喜size都好大隻，海蝦爽口、蟹肉嫩滑、鮑魚彈牙，其他都好鮮甜！ 叫左一jar竹蔗茅根，店員即刻介紹係佢地自己煲既，味道清清地比較健康。另外嗌左份蝦餅，食落去都ok爽口，但我覺得芫荽味淡左d~ 食完海鮮，店員就將A4和牛、豬腩肉、豬梅肉同其他蔬菜上碟。本身對和牛冇太大期望(因為係贈送)，但一食入口發現真係好滑好有牛味！仲以為食完海鮮可能之後既食物質素都係普普通通，但連牛、豬都好好味，而蔬菜方面蜂巢豆腐出色！食埋肉、菜之後，店員就即刻攞埋粥底配南瓜同芋頭出黎加落火鍋煮，不過我個人覺得冇需要再落，因為成鍋粥已經好足料，同想保留返海鮮既鮮甜味。整體海鮮都好新鮮冇雪藏味，野食份量好夠，店員服務好快同地方環境都乾淨。試食價真係超值，有機會都會再幫襯！

今日去試SOGO對面黃金廣場的粥底火鍋。朋友仔食過介紹我話必試喎，唔講都真係唔知呢個商場開左火鍋店，原來係今年3月新開嘅。遲左放工去到大家已經開曬鍋啦，哇～成枱海鮮！仲要只係上左一半咋，肉類都未上！我仲以為$198試食係快餐店個種，每樣少少試下味，完全估唔到係咁足料！最興奮嘅係，原來唔係我想像個種蒸氣火鍋再加粥，而係食店一早淆好左煲粥，將粥同粥水分開，以粥水做鍋底，最後完曬個火鍋，先將個棉粥放返入個精華粥底入面，成件事真心驚喜。佢地有教學教點煮個粥（落左咩先），枱面有曬每樣食材煮幾耐，有埋計時器，我地幾個平日少煮海鮮嘅，都唔駛估估下推介：1）海蝦上到枱都仲識跳，要用碗蓋實嘅，原來每日下午5:00先返貨（這店只做晚市）真心新鮮2）鮑魚好鮮味（竟然有鮑魚！）我地用黎煲鮑魚雞粥3）A4和牛好香，但豬腩片仲好味，估佢唔到4）竹蔗水個味同出面真是唔同，職員姨姨推介必飲話明沒加糖精，係落紅糖煲，好有家的感覺，40蚊唔駛一杓可以有6杯，自家出品，我飲完勁問佢地有無得外賣（可惜沒）5）佢地嘅調味沙薑必試，唔多講～因爲出面沒呢種調味料6）全個鍋係粥水底，沒鹽沒味精，全吸收食材嘅鮮味，但本人鐘意濃味嘅，最

黎呢度係見198套餐價錢好吸引!平時食海鮮火鍋都係蒸氣海鮮既,不過呢間係真係拎D海鮮放入粥水度打邊爐既!全程都要用個timer黎計時!驚過左時間老左唔好食!侍應會一開始先講解點樣食法，而且枱面都有張紙寫住教你點樣煮,每樣野要煮幾多分鐘呀咁!坐低冇耐，就先比調味料你先,因為佢地係放雪櫃既,調味料款式唔多，不過其實食海鮮都唔洗太多野調味，個人推介係佢地既沙薑!係廚房自己整嫁!完全將海鮮昇華左! 朋友仲問有冇得買返去整沙薑雞~~可惜係冇得買既~落好哂調味料就會上第一round係海鮮黎~大部份都每人一件，蟹就每人半隻!仲有少少蟹膏!蜆有2款，都幾多又冇沙，食得出咸鮮味! 細果d就甜D!蝦就好大隻!而且新鮮到係咁跳!!肉質爽口彈牙!鮑魚大隻肉質都幾好!元貝就有D大隻有D細隻D..但都好食既!差不多食到6成飽，仲上左碟文昌雞，朋友話要叫黎煮雞粥!!侍應話煮3分鐘就好喇D雞~我地就先落一半食，再另外留起一半最後煮粥食!不過D雞好多雞毛....我有少少感冒所以都冇食喇..之後就叫左碟蝦餅，真係冇乜芫茜味，厚肉彈牙!原來係加左馬啼，應該係越式做法?食到呢度，店員推介佢地廚房自己煲既!咁我地試左一壺，$3

好耐無食粥底火鍋，這間都整體唔錯，可以再encore1. 價錢198，粥水湯底，套餐海鮮幾豐富，蜆，貝，鮑魚都好鮮甜，蝦好生猛，蟹就就唔係好大隻，但都有蟹膏 ，而且價格取勝2. 肉類方面，A4和牛中規中矩，豬腩肉有驚喜，以為會好肥膩，點知煙煙unun，又唔覺得膩喎3. 食到甘上下，開始食蔬菜，峰巢豆腐口感幾得意，粟米都幾鮮甜，出奇地廚極都爽爽的4. 最後加埋南瓜芋頭煲粥，鐘意加埋鷄件一齊煲，唔知係米加左粥水關係，雖然加埋芫茜冬菜花生， 味道略嫌清淡，不過很飽肚了5. 值得一提係飲品竹庶茅根同酸梅湯，竹庶味道好清，有紅糖味，睇落真材實料，酸梅味濃味點，但兩者同火鍋都好配，打邊爐點可以唔飲野6. 調味料方面，一般辣椒蒜頭唔少得，竟然仲有沙姜，吊味一流7. 另外叫左碟蝦餅，48蚊6塊有點貴，但幾好食，鮮炸爽口，應該加左馬蹄，點埋甜酸醬正8. 這度d姨姨侍應服務抵讚，主動，換碟好快總括而言，銅鑼灣區這個價位同質素都算抵食

數天前發現這家粥底火鍋餐廳，見價錢定位不太貴所以訂台了。準時18:00到達已有數台客人用膳中，坐下後店員詳細地講解流程，例如價錢，烹煮方法和散叫食物價錢。另店員提醒$198套餐不包飲品，要加一並一直站在桌子旁詢問我們不止一次飲什麼，這點我很不喜歡，難道套餐內不包飲品我一定要額外點？難道我不可以不飲？難道我不可以飲餐廳提供的免費水？百思不得奇解，最後屈服叫了一樽茅根竹蔗水，已預先店員會否很甜，店員說廚房新鮮煲而且太甜，而且可倒6杯，最後飲完發覺只是普通味道，很甜，樽內放了很多茅根竹蔗，最少霸了1/3個樽，也只是能裝滿6杯很少的玻璃杯。桌面上也有顯示$198餐內有那些海鮮+食物，還有顯示每款海鮮烹煮時間。電磁爐Watt數不弱，粥水很快水滾，店員已取了沙白、白蜆、海蝦、鮑魚和元貝到來，沙白很重海水味，不錯，白蜆味道鹹淡適中，海蝦蝦肉彈牙新鮮，鮑魚質脆爽口，正，元貝略為遜色沒什麼特別。店員見我們差不多吃完以上5款海鮮，已經中途取來肉蟹，肉蟹尺寸不大，清洗大致乾淨，(未吃蟹前我跟友人談論洗蟹方法，店員還走來跟我們說因爲這些泥蟹，他們清洗得很乾淨)但我發現蟹夾的轉彎位還有少量污泥，😔蟹肉方面鮮甜可

今晚在朋友介紹下，第一次黎試呢間粥底火鍋。平心而論，食物質素OK (蜆有沙，同埋份量好少，例如每人只有兩片牛肉），但服務真係好差。搵人加湯或者叫可樂叫成15分鐘都冇人黎，去到最尾侍應黎幫手整粥問都唔問就壓爛哂啲南瓜同芋頭，同一枱人其實有人兩樣都唔食，結果去食粥底火鍋冇食到粥！後來同侍應反映佢話我地冇講，我地話整爛之前都冇問，跟住侍應話咁你地下次自己煮。請問呢個係應有嘅態度嗎？其實同樣價錢有其他選擇，今次真係貼錢買難受，以後都唔想再黎！

🔎港島粥記海鮮火鍋📍銅鑼灣軒尼詩道502號黃金廣場9樓全層-朋友話想食呢間粥底火鍋 陪佢黎試下 暫時有試食價每位$198的套餐每份包括：鮮鮑魚、鮮元貝、海蝦、肉蟹、白蜆、沙白、蜂巢豆腐、豬腩肉、豬梅肉、粟米、本菇、芝士腸、手打牛肉餅，另外每人送2片A4和牛跟埋粥底。 一開始可以落左D調味料先，之後佢會收起，基本嘅匙油、蔥、蒜、指天椒都有嘅 另外仲沙薑，一開始都唔知係咩黎，都係照落埋先。我地果日book左8點半去食 落單嘅時候已經話無哂海蝦同肉蟹，換鮑魚同元貝比我地，其實book左枱都可以無貨呢點有少少嬲，不過你無都無計架啦，都係要轉，但好彩鮑魚同元貝都新鮮大隻 咁都無咁嬲。枱面有寫哂每樣海鮮要煮幾耐 有埋計時器都幾清晰方便 整體都幾新鮮 份量亦都岩岩好 唔會太多食唔哂亦都唔會唔夠飽，不過無配飲品 另外嗌都係偏貴。最好味我覺得係鮑魚，A4和牛同手打牛肉餅都好好味！其他就係咩太特別。試食價黎講都幾合理，質素唔算差，不過唔算好出色，而且貨量控制得唔係咁好，但未必會再試多次，所以試唔到佢蝦蟹嘅水準了。最後比左張9折卡我地下次用 但睇睇日期 得10日... 無野啦

上次偶然係facebook見到有新開張優惠 $198就有海鮮粥㡳火鍋就即刻黎左試下今次已經係第二次黎食 仲有張9折卡送 好抵食!鋪頭嘅姐姐教我地食左蜆先 啲蜆好肥美好新鮮!而啲鮑魚亦唔欺場 又大隻又彈牙 好好食總括而言 啲海鮮好好食 而啲和牛雖然得四塊 但鮮味十足 啲姐姐亦有不停行過黎教我地點食 service真係幾好 又會勤力咁倒我地食剩嘅殻最尾嘅湯㡳有曬咁多精華之後 就會倒啲粥入去煲再加啲南瓜同竽頭 真係好香!最尾結帳果陣又送多左9折卡俾我地 真係好好食又唔貴 一定會encore!

因為見到d飲食既網頁有介紹，所以就貪得意去左試下，因為係新開業所以有送埋和牛兩片果d，d海鮮就如圖片咁，一開始建議落左d貝殼類既食物先，所以我地都跟足指示，都有講明係幾多分鐘，有埋個計時⌛️俾你，所以好方便，食材真係好新鮮，海鮮都好鮮甜，剛食完d海鮮都驚會唔夠食，但之後都有埋d配菜，再加上有粥底，所以係完全夠食既，食埋d配菜之後，服務員會幫你加入南瓜、芋頭，先煮好先，之後先再加埋粥入去，因為之前d海鮮既關係，個粥底係有埋海鮮既味道，所以食落係幾好味

新開張既粥底火鍋，每人$198，價錢優惠。一set套餐，包左唔同既海鮮同肉類，都好足料新鮮。根據建議既時間煮海鮮，仲可較餐廳俾既鬧鐘提醒，非常貼心。服務方面：侍應非常細心，經常更換骨碟，清理台面。而且非常好傾，仲幫我地分菜。環境方面：地方非常寬敞，燈光合適，環境清潔，廁所亦非常衛生。食物方面：全晚的海鮮都是非常新鮮的，經理強調所有海鮮都在鋪頭內養著，即叫即劏，非常鮮甜。肉類、菜類都很新鮮，而且種類十分多。總結： 價廉物美，下次必來。

同三五知己gathering最鍾意就係去打邊爐，今晚朋友介紹嚟銅鑼灣黃金廣場呢間港島粥記海鮮火鍋試試啦。入到店內環境寬敞舒適，服務員態度都非常好，細心推介店內食品，火煱湯底是用粥底來打邊爐的，加上材料新鮮，火喉十足呀，牛肉係A4和牛簡直係超級超級正，雞肉、海鮮都非常鮮甜肥美！新鮮生蝦、白蜆、鮑魚、扇貝仲有我至愛嘅蟹簡直又甜又好味呀！所以全部精華都集中到粥水𥚃面，再加上南瓜芋頭粒味道就非常好。吃得太開心忘了拍照呢！一定會再來吃啊😋

地方舒適，入到去唔覺得有好大陣火鍋味，裝修別緻簡單為主，亦都係幾寬敞既。加上服務很好又貼心,一黎到就幫我地安排好入座位置，用料新鮮，份量亦非常足夠，加上配搭有蒜泥,沙薑,辣椒仔同埋蔥4款調味料,唔算多但係連豉油上到枱都係凍既,真係好細心。生蝦猛跳，隻隻都咁大隻,用個蓋吸住佢都仲會跳晒出黎;和牛超正,話晒都係A4黎有肉味保證,用黎打邊爐真係岩岩好，元貝大如手掌,放隻手埋去,都唔知手大定元貝大添呀，鮑魚吃落很有口感。白蜆沙白互相輝映，白蜆清甜沙白清香，豬腩片，豬梅肉，爽口而不肥腻，雞肉，鮮美嫩滑。配菜如粟米、本菇、娃娃菜，豆腐、芝士腸、手打牛肉餅都非常豐富,一點也不馬虎，其他小食也很出色，尤其是蝦餅做法好，木耳唔算太辣，好適合香港人口味。最後南瓜粥和芋頭粥食到人lam lam脷，在銅鑼灣只收這樣價錢最是超值，美中不足是營業時間只做到零時三十分，若能延長到二時就verygood,說到底，真是抵食扺讚!冇得輸。今次美食團又再受到朋友讚不絕口!

最愛試新餐廳、有火鍋就更加正去到銅鑼灣happy hour 完、想打過邊爐又記起朋友介紹話有間新粥底火鍋店好底食、話唔洗$200、海鮮同牛都好得、仲有啤酒又底飲、所以就去試試。一去到D伙計已經好好招待、之後每人叫咗個餐(D 蝦真係仲跳緊架、蟹肉超肥美好甜) +半隻雞再加小食送酒、超級飽！！個小食雞軟骨同木耳一定要叫佢哋可能新開張未係好爆、所以冇分段時間、可以慢慢食、對我嚟講係銅鑼灣區真係一個超底超好坐嘅食飯地方、我覺得值得推薦*話住食忘了拍照

這間港島粥記海鮮火鍋 坐落銅鑼灣黃金地段，終於找到時間一試，居然給我們大驚喜。先講裝修：因為我們BOOK左間VIP房，即時已有服務員招待入內，眼見一幅落地玻璃窗，好開揚！天花上還掛了一盞大燈，細心看看才發現是用餐具組合而成，相當形格。（好特色，我最喜歡）服務態度非常棒！簡直Ｎumber 1，每道海鮮都親切送上笑容款待，而且份量還很足呀！白蜆和沙白好肥美，雖然細細隻！生蝦就名副其實，生蝦咁跳！元貝好似手掌咁大，鮑魚正常SIZE，總括而言物超所值！海鮮太多喇~看圖吧！A4和牛見到都流哂口水喇！仲叫左隻文昌雞，可能吃太多海鮮了，覺得略遜一籌。另外仲叫多左點小食，重點必試係炸蝦餅，好正而且彈牙！這間火鍋真係很用心，我會比102分！