Video
Above information is for reference only. Please check details with the restaurant.
垃圾茶餐廳污糟邋遢又貴..之所以仲有少少客源係因為哩度附近得佢1間車站餐廳...建議行前少少有個商場石離商場嗰度好多嘢食。屋村嘅餐廳，開咗好多年。除咗裝修好咗錢賺的多咗之外無一是處。食物水準好差衛生好差，價格好貴。食個餐都冇嘢飲嘅。仲要加錢。一間低檔快餐茶餐廳，搞到好似一間高級西餐廳咁嘅價錢，收得貴唔緊要,你服務水準，其他硬件水準你要跟上。
continue reading
上社交平台睇下午茶有咩食，嗌咗個下午茶餐，結果上到嚟話社交平台寫錯，收我午餐嘅價錢，仲話冇得改。大拿拿收多咗我$20。唔好去。🤬🤬🤬🤬🤬仲要俾我見到外賣員將一袋食物擺落地下，衛生極差。服務態度又唔好，衛生又差，千祈唔好去！個飯食落又油，好似飲緊一桶油咁，又鹹，有三高嘅人一定唔好再去食。而且餐廳大多做屋邨老人生意，如果見到嘅話就提佢哋唔好再食，一嚟唔衛生，二嚟唔健康，唔好再食。祝大家平安健康。
continue reading
食lunch時間懶得行落去商場，於是就求其係屋企樓下呢間茶餐廳求其食個常餐就算。常餐佢係1. 奶油豬/多士/方包2.火腿奄列/煎雙蛋/炒蛋3.麵+一送咁樣既，視乎你揀咩送就大概41-45蚊左右。以屋村茶餐廳黎講其實都ok貴，不過呢間好似係屋村內唯一一間茶餐廳如果唔係就要行到落去商場所以都ok多學生或者住附近既貪近過黎食。我叫左煎豬排+奄列+奶油多，奶油多入面d醬好多都流曬出黎豬排平時食好似霖d既但係今日好柴好麻麻⋯其他野就叫不過不失啦
continue reading
星期日總會同爸爸同仔仔一齊來食早餐。可能就腳嘅關係，人流係幾多。醒神傳統早餐 $32我點嘅係 火腿通粉，配腸仔炒蛋加麵包，附送熱飲。通粉份量OK，味道正常。腸仔得一條，炒蛋偏油同薄身。方包是薄身走邊方包，如果要變多士需加$1。雙拼中式粥麵套餐 $32點了一碗粥（是日粥是皮蛋瘦肉粥）同腸粉。粥偏咸，但算綿同足料，但唔大碗。腸粉唔算大碟，蒸得較冧身，會落齊甜醬同麻醬先上枱，味道OK，但可惜無芝麻。價錢來說，唔算抵食。不過佢開得早收得夜，好多人都因為就而食。
continue reading
食物越黎越貴 出品越黎越差 ! 印尼炒飯 ! 我都唔知自己食緊乜!食到成口油!呢盒係咪重油炒飯?食左三淡掉左去垃圾筒 不知所謂 ! 唔會再幫襯! 55$ 買埋D垃圾食!
continue reading