渾喆 (Closed)

登打士街眾多嘅飲品店，渾喆門面比較簡單清新，粉紅色嘅主色好襯佢地水果系列嘅飲品。因為平時已經飲夠珍珠奶茶等等，見店員大力推薦鮮果系列，仲話係100%即榨果汁整嘅，於是叫左滿口菠蘿綠茶 大（$36）時興嘅奶蓋配搭菠蘿汁，飲落好新鮮，真係有一粒粒菠蘿！奶蓋拍得住喜茶嘅奶蓋！更好嘅係唔會飲多啖就覺得好甜好濟，同菠蘿汁意外嘅夾！整體甜度非常適中，就算飲晒成杯都一直唔覺得太甜，咁睇嚟真係真·果汁整嘅！😋推介啊

旺角出名多手搖飲料 一條街加加埋埋都成幾間 要出眾的確係唔容易 通常我都係見到邊間少人買邊間 或者飲開邊間飲邊間😂今次試左間新野 雖然冇人排隊 但我覺得質素比有人排隊既手搖飲料店更加好 性價比都更加高👍🏻👍🏻我同我朋友買左滿杯水果阿薩姆四季春同埋黑糖珍珠碳焙烏龍鮮奶茶🤤佢既水果阿薩姆四季春同其他台式飲品台既招牌水果茶有得鬥 幾出名 但如果唔中意飲太甜 建議可以少甜 杯野飲水果好多 好足料👍🏻另外杯黑糖珍珠碳焙烏龍鮮奶茶都係偏甜 但佢既珍珠係幾香幾好味 同埋杯奶茶重奶味多 個人口味黎講幾中意😂去到諗緊飲咩個陣員工都會介紹我飲咩 我最後揀四季春佢仲會提我茶味淡啲 如果想濃茶味既話 揀紅茶好啲 服務態度好好👍🏻完全唔會趕時間咁對客人

行街行到熱辣辣，緊係要飲下d透心涼既野飲啦係登打士街有唔少既選擇，就揀左呢間渾喆我叫左黑糖珍珠鮮奶，朋友就唔知飲咩好，店員推介左原隻芒果綠茶比我地我發現我地點既都係有架仲有d新產品我果杯一拎起d黑糖仲熱架，店員都有提要搖勻先好飲都幾多珍珠下好煙un,奶味幾重唔會好甜但又有陣陣黑糖味朋友果杯就有大大粒果肉，味道唔會好甜。而淡淡既甜中有綠茶既香味，原來芒果與綠茶既味道都幾夾。我平時唔飲綠茶既，試左朋友果個幾啖，感覺芒果味好出，似有少少茶味既芒果沙冰咁如自備杯仲可平2蚊,支持環保又有優惠

鋪頭雖然鋪頭就喺大街，第一次去唔係太識路，而且鋪頭細細間，要靠佢嘅招牌同其他鋪頭嘅招牌先搵到，佢嘅招牌有好多花花圖案，好得意。朋友叫咗滿杯水果阿薩姆紅茶，正常甜度，少冰。朋友覺得味道唔錯，仲有好多生果係入面，有士多啤梨，西瓜，奇異果。佢好鐘意個個杯嘅設計。可以轉開個蓋食水果，好方便。而我就叫左滿杯水果四季春，去糖少冰。四季春茶底唔算特別濃，但都有茶香味，加埋水果一齊飲好清新，一樣有西瓜，西柚等等嘅水果。水果茶仲好解膩。依家夏天咁熱，真係好適合一路行街，一路消暑。鋪頭仲有好多唔同嘅野飲，期待下次再去試過！

夏日炎炎，係旺角行街買衫，太熱想買杯野飲解喝～貢茶呀幸福堂飲到厭！然後經過一間叫「渾喆」既手搖飲料店，覺得個名好得意，就試下佢啦～很粉紅的門面～喜歡～有好大個餐牌睇，方便大家一路排一路諗飲咩～門店都圖文並，吸引眼球～我嗌左黑糖珍珠碳焙烏龍鮮奶茶大杯 ($28)大杯size真係好大杯！而且啲黑糖珍珠佔成個杯4分1，好足料！我吾記得嗌小糖小冰，但飲落都吾太甜喎，而且天氣咁熱都吾洗小冰因爲好快溶，特登叫左碳焙烏龍，好滿意，口感順滑，茶味後韻十足，同黑糖好match！排隊等拎野飲個陣，店員叫我試下新野飲季節限定既白桃茉莉花茶嘩！個白桃好新鮮，好甜好清涼！桃味好濃，濃過茶味，好中意！下次試呢個！

夏天熱辣辣，尤其是係旺角呢d人多車多既旺區，真係行多兩步都出曬汗啦~~~呢日同朋友出左黎食晏兼行街，雖然食飽無耐，但行左一陣已經好熱想飲野！！！而呢條街真係好多飲料店，經過呢間既時候店員派左杯試飲俾我，幾好飲啵店員試杯試飲係佢地既招牌之一：“菠蘿王子”咁就一於要杯大既“菠蘿王子(滿口菠蘿綠茶)”HKd$36啦我既“王子”好快到手，大大既一杯飲落既有菠蘿既香甜，味道天然，固中既甜度亦唔會蓋過茶底既清香加上“王子”好夠凍，感覺好解暑！！！我仲加左6蚊要奶蓋，佢地個奶蓋都做得幾綿密，味道帶微咸，同“王子”都幾夾！！！呢度仲有好多款唔同系列既飲品都幾吸引下次經過都可以試試（自攜杯具仲有可以環保d同減兩蚊添！！）

行過旺角見到呢間野 咁岩派試喝試喝既係菠蘿茉莉綠茶 感覺好清新 仲有果粒咁就同朋友買左杯試下見到有限定 仲要係我最愛既桃就買左白桃茉莉綠茶中杯 來試好有驚喜 因為感覺好清新 同埋又唔會話好甜因為出面有啲果茶 落左好多糖你會食到一絲絲嘅果肉 有桃既味道總會有啖啖嘅綠茶香 推薦呢杯朋友是就係呢杯多肉葡萄茉莉綠茶咁都係叫左中杯 佢上面嘅沙冰打得好均勻同埋都唔會太甜另外都食到葡萄嘅香味和茶味唯一敗筆就係底下的葡萄太酸 影響左整體嘅味道 如果中意食酸既朋友或者會鍾意有機會再試埋其他

手搖首選💕💕💕💕渾喆#旺角登打士街黑糖珍珠鮮奶 少冰中杯($24)係登打士街一行都係手搖既美食街，比鋪頭既勁有少女心既粉紅色櫻花門面同本土先明既食字店舖加試飲價18蚊就有得飲黑糖珍珠鮮奶，忍唔着要叫杯試下。黑糖珍奶係冇叫錯既，相比起幸福堂、老虎堂，渾喆既黑糖珍珠鮮奶相對出色。虎紋色同手搖既甜度既配合係我一直都嚮往既味道，珍珠勁有咬口，唔係黐黐立立嘅感覺，相反係爽口彈牙。裝修方面舖頭嘅特色較為簡單舒服，但勝在飲品出色。強烈推薦。

#渾喆 (旺角)近排天氣勁熱☀️🌞出親街都想飲啲透心涼既野。出旺角行街等朋友打街既時候，發現登打士街開咗一間新嘅飲料店👀門面粉紅色櫻花做襯托「渾喆」。🔥等到火滾既我要飲返杯野❄️降溫。心水有兩杯，奶蓋士多啤梨綠茶🍵滿口菠蘿茉莉綠茶🍵。問左問員邊杯好，佢話菠蘿比較清新而士多啤梨比較甜。咁既天氣都係清新啲好。所以揀咗菠蘿🍍。但係甜度最多只可以係少甜。茶底茉莉味好重，菠蘿係新鮮甜菠蘿，從杯中都可以見到一絲絲既菠蘿🍍。整體上配搭得幾好，都幾清新。不過可能本身菠蘿就甜關係，叫咗少甜都係甜左dd😳如果可以再少啲甜就好啦。冰都打得好細，冰感重適合降溫。除左大熱既飲料之外，佢仲有好多自創，出面比較小見既飲料。期待下次試其他。黑糖珍奶推廣價真係勁抵。IG/FB:eat_neverlandOpenRice/DianPing: yplyplypl Email: eatneverland@yahoo.com

琴日打風前又熱又焗☀️又要買野飲啦💦今次見到旺角有間本土飲品店支持下先🇭🇰😋.菠蘿王子 ($36 大)一拎已經見到一層層菠蘿蓉飲落菠蘿味香甜加埋茶底令味道更加清新D都幾夾飲到落底都食到菠蘿碎粒咖.滿杯水果阿薩姆四季春茶($34 大)第一個感覺係好多水果目測有西瓜 西袖 橙 士多啤梨奇異果 檸檬 果味配得唔錯 成杯唔會好甜 加上茶味都好出我推薦呢一杯 超級消暑解渴😋飲完可以食埋D水果!.另外有一樣我覺得幾好係佢地除左鮮果茶系列外其他有係有分大中細Size細Size平平地細細杯 (eg :$18有杯細黑糖珍珠)好岩好似我咁叫黑糖個類成日飲唔晒既人

經過旺角呢頭 緊係去最多野食既登打士街去掃下街啦 呢排天時暑熱 行行下都出左成身汗 所以就買返杯凍野消消暑 呢間鋪頭好顯眼 唔難見到 而且裝飾幾靚 所以就試一試先睇返個menu 其實野飲既選擇都幾多 唔比一般既台式奶茶店少 比大家睇睇先咁我地就叫左2杯凍飲 因為太熱所以我地都分別叫左大杯奶蓋綠茶（$26）同埋奶藍士多啤梨綠茶（$36） 咁size下底都有圖比大家參考下咁兩杯野飲都叫左少冰少糖 我地都覺得個甜度叫左少糖係岩岩好既 首先講下個奶蓋先 個奶蓋好creamy 好滑同埋咸咸地 幾易入口 綠茶底做得幾好 茶味濃 唔會得甜味蓋過茶味 有少少苦澀既味 可能有人會飲野鐘意甜返少少既就撈埋奶蓋一齊飲就岩岩好啦咁奶蓋士多啤梨綠茶就將冰打碎左撈左落去杯野飲到 好透心涼 解暑一流 另外都有d士多啤梨既碎果肉係入邊 幾岩鐘意食士多啤梨既人 杯野有士多啤梨味既同時都唔會失左茶味 幾有趣 我個人就鐘意撈埋奶蓋一齊飲啦 咁就更加滑啦飲落去！鋪頭都有其他推介 例如黑糖珍珠鮮奶 咁大家經過都可以試一試 價錢都唔貴 另外自己帶杯介有得減2 蚊tim

平時飲開沙冰一定會飲到一d生果系列，而最具代表既飲品就係芒椰奶西，相信好多係葵廣附近返學既朋友，一定會飲過。今日黎到呢間手搖飲品就相當有誠意，佢既芒果特飲係原隻芒果渣碎，我係店出面偷望到真係成舊芒果，雖然吾清楚係用邊種芒果，但佢重點係質感令人滿意，因為普遍既沙冰一飲到底既時候會有5分1杯都係冰沙，而佢既冰沙係同芒果肉完全混合，入口不會冰還冰，果肉還果肉，感覺就有d似麥記既奶昔，分別只係冇奶係入面，用黎止一止渴係吾錯既選擇。

今日同好姊妹去旺角行街，突然發起珍珠奶茶癮，望過對面馬路，見到呢間店個名幾得意，就一於試吓新嘢先! 有三個size供選擇，大中小任君選擇，尼期流行黑糖，已經試左好幾間，一於點杯黑糖珍珠奶茶來試試，賣相合格，珍珠份量好多，飲落口甜度適中，有淡淡茶香，奶味唔會太重，黑糖落嘅份量剛剛好，唔會太甜，搖勻後，整杯茶變了淡淡奶茶色帶點粉紅，至於珍珠，食落有口感，煙煙韌韌，微甜，整杯茶整體調教得不錯👍🏻朋友揀咗四季水果茶，賣相吸引，裝滿新鮮水果，份量都唔少，飲落充滿水果香味，最啱鐘意清新清淡的人白桃茉莉茶同多肉葡萄苿莉綠茶都係期間限定，襯佢未完結前要黎試試

途經旺角登打士街，琳琅滿目嘅小食店同飲品店，行到汗流浹背的時候，好想飲番杯清新解渴嘅飲品，正當唔知揀邊間時，突然比呢個好靚嘅招牌吸引過去睇下個menu, 有好多款式嘅選擇，有鮮果荼黑糖珍珠，手作姸茶，芝士奶䀆，芋艿，加錢可以加珍珠，芋圓或者芝士奶蓋，飲得健康可以揀增加益生菌嘅多多添！綠茶，紅茶，烏龍茶經常飲，今次就試吓特別嘅春茶，點左四季春茶，等左一陣，店員就遞上一杯賣相吸引嘅四季春茶來，茶內有百香果,菠蘿,青檸,西瓜,橙 西柚,士多啤梨，飲落有驚喜，味道不太甜，茶香之餘再帶一點生果的清香，尤其是百香果嘅幽香更吸引，喝一囗後立即消暑解渴，真係值得一試值得一讚，支持環保，自𢹂杯具盛飲品，可減$2， 下次我都自己帶杯黎，為環保出一分力！

行過登打士街見到開咗間新嘅手瑤嘢飲鋪頭，今日天氣極熱。諗都無諗就係呢間買嘢飲😅😅😅😅佢有芋艿、果茶、芝士奶蓋、黑糖珍珠同妍茶系列。個人喜愛飲黑糖鮮奶，所以唔理熱唔熱都會叫黑糖鮮奶飲😅飲落唔會太過死甜、鮮奶好有味唔會淡到溝水咁（有啲鋪頭嘅鮮奶飲落飲淡奶、十分之唔討好）。珍珠有咬口煙韌！拎個時員工會幫我搽乾淨杯身同幫我插埋飲管（有問我係咪即刻飲）令我有啲驚訝😂😂😂而男朋友叫咗水果系列嘅，我見佢真係係入面成個水果打入去👍🏽十分有誠意。飲落好清新，係夏天飲無得彈！🥰下次落飲應該會試下佢嘅芋艿系列👍🏽有驚有喜