源記海鮮飯店

Open Now

Now Closed

每隔一陣又會想來坐坐.這日收工同同事三個人三個麻甩佬叫咗三個餸.兩支啤酒南乳香酥骨.枝竹火腩豆腐煲.咕嚕肉等咗好耐好耐都仲未有.唯有追追啦.哥哥仔答案話廚房做唔切.不到五分鐘, 就上枱南乳香酥骨.炸得無以前食既咁乾身.雖然略遜一籌.我仍然喜愛枝竹火腩豆腐煲.火腩同豆腐得幾舊.枝竹勁鹹好難食.真係做得好求其咕嚕肉個汁打得幾靚.睇d色都知.有大排檔水準.食到唔停得口全晚最氣憤的.Ｄ洗碗阿姐.問佢幫攞碟辣醬等咗十五分鐘整體上.菜式水準尚穩定.奏效今日服務和食物有些失望.可能因為今日忙些價錢大眾化.食物仍有大排檔嘅味道.會給它多一次機會

日前在新聞組,見到有版友強力推介老廟熟食市場的"源記"燒鵝,眼見食評中相片色水麻麻,但聽佢描述得繪影繪聲,都係要親身一試才能証實.$18一碟鵝飯,連例湯,賣相比小弟在新聞組看見的相片好得多.論牌面真係蔗渣價錢,有無燒鵝味道?都有,皮算脆,但幾齦,鵝味都有,但未算充實,肉質仲幾鞋口.例湯西洋菜,飲落都幾清甜.在熟食中心吃著這個燒鵝飯,庶民風味十足,美味就談不上.如果個飯係$30,一定比喊面,但賣到$18,實在無餘地繼續去批評.$18一客碟頭飯,就想吃到自家燒的燒鵝,似乎有點要求過高,不過見到此店的小炒,比燒味更加吸引.擇日再來.隊啤吃小炒,正宗老廟風情.

放學後和同學到大排擋宵夜喝啤酒, 天氣開始熱起來, 亦估計不到話大排擋竟然有空調設備, 清涼舒服但可能太多人吸煙, 最後仍焗了一身煙味. 同學們點了六七個小菜, 其中印象深印的是椒鹽牛仔骨, 十分香口; 蠔餅和椒鹽鮮魷則比較差勁, 粉偏多了一點; 整體上這幾個小菜份量十足而且價錢經濟.