滔滔餐廳

Open Now

Now Closed

好早去食早餐都幾多位下 唔洗等位.叫左蛋牛治(烘底)配熱豬古力蛋牛治(烘底)都幾好味的其實都好難唔好味 哈哈.熱豬古力還好一般吧 無咩特別但埋單要$26蛋牛治($13)+熱豬古力($8)+烘底($5)完全係覺得勁掠水囉真係有咩理由加熱飲要加$8咁多同埋烘底都要加$5真係不得了啊哩間野～總括：味道是可以的　　　但價錢真係不能太接受吧.

是日筆者竟然去扒龍舟, 有驚無險, 上岸後立即吃點東西定驚. 第一次來到稻稻, 點選了豬排炒麵(HK$35). 先說分量, 足以二人食用. 至於味道, 真的不濟, 麵條是整個油炸, 一點較軟的位置也沒有, 筆者以為在吃巨形版媽咪麵, 吃了一點已不想吃, 真的很油膩, 完全不及格.及後早上筆者腸胃炎, 它們的衛生情況令筆者懷疑.

星期天, 太太去了上班, BB也交了給我父母照顧. 一個人開著車子, 又唔想咁早返屋企. 於是入滿缸油. 一個人遊車河, 慢慢的遊回西貢的家.路線如下, 由美孚出發, 先上沙田坳道, 再經安達臣道入將軍澳, 之經清水灣入西貢, 入了去蠔涌村, 再入深山的界咸, 百子林等地. 回到西貢公路時, 差不多4點了. 可惜的是, 蠔涌的餐廳星期日不開. 第二個選擇, 就是來到白沙灣的茶餐廳, 輕輕的食碗麵仔, 下午茶.這一間鋪, 同旁邊的金九記一樣一超級不好找. 也是在白沙灣中心地庫, 好就好在佢既鋪位近碼頭的通道, 又有大大個招牌係路旁. 比起金九記, 容易找得多. 落到黎, 呢一間野, 不就是茶餐一間麼. 不過, 此茶餐廳, 歡迎你們自攜海鮮, 好讓他們弄一個美味的海鮮晚餐給出來. 而且, 門口一大張大字報, 顧客們還可以向他們訂盆菜. 果然不只是茶餐廳呁簡單. 我是為了下午茶而來的, 而且只是一個人, 所以都是來一個公仔麵餐, 再嘆一杯港式的熱奶茶茶.因為是公仔麵餐, 一般來說, 我是獨沽一味的. 拚乜拚物, 我都係要拼返個五香肉丁才能夠開開心心的食公仔

朋友建議去西貢食飯, 起初以為去碼頭附近的海鮮酒家食, 但車子駛入了山板的路口原來朋友帶我去食滔滔, 一間之前沒有去過的餐廳, 格局簡單, 甚至可以話似茶餐廳, 不過食過之後, 有尋到寶藏的感覺!auntie係此店的常客, 菜色自然由她發板, 油鹽水大蜆的評價很高, 當然期待! 吃的時候覺得, 蜆很鮮甜, 就像新鮮從海中撈上來即刻煮來吃的感覺, 妙極了! 有證據的!! 有一隻蜆的肚內, 居然有隻寄居蟹, 如果係養的蜆, 早已把之消化了椒鹽吊桶係另一味覺探險, 這裡的椒鹽不是很咸, 很辣, 很多味精, 很商業化的味道, 反而就像去了平民住的漁村, 進了其中一戶人家吃的平實風味, 樸實的味道令我可以專注品嘗吊桶的鮮味, 雖然店主提供了喼汁, 但我沒有用, 原汁原味的吃掉四個吊桶咕嚕肉普通的味道, 就當作家常便飯其中一餸, 想要一點有湯的送飯, 也就要了一碗銀絲米粉, 比白飯更好! 再要一樽啤酒, 吃得很滿足, 相信, 我一定會再來!

20081214 今日一行三人嚟到清水灣放風箏, 玩左大半日好肚餓, 於是入埋西貢食飯, 揀左食海鮮, 滔滔餐廳, order左:魚頭煲 : 有x燒, 薑蔥, 蒜頭加埋燒過既魚頭再放煲煮...正避風塘炒花蟹 : 雖然d蟹細隻左d, 但夠晒獲氣又唔會乾晒, 岩岩好豉椒少蜆 : 一般貨式, 唔算特別蒜蓉白菜 : 一般3個白飯3支嘉士伯埋單HK$298, 以價錢嚟講確係算係好味又抵食

一行二十多人,自備專車,遊完西貢碼頭,由經常到此潛水釣魚的哥哥仔帶領下到此開餐!拾級而下,幾有地窖feel?!霸佔兩張大台,一眼睇見阿修賢哥同屋企人係度晚飯,不過都懶理,先叫半打啤酒消消暑,阿係賣二十皮大樽就一d都唔貴。叫左一個辣酒煮花螺,一個白烚,辣的較惹味,一個椒鹽瀨尿蝦(泰國螳螂),後來更encore,味道確有料到,不會死咸,全晚最欣賞!一個椒鹽鮮魷,好脆口,白灼西蘭花,夠health,泰式炒芥蘭,有咸香!蝦醬通菜,也不俗,生炒骨,有水準,炒聖子,略嫌有少許沙,薑蔥花蟹,以大隻新鮮花蟹作料,蟹鉗夠巨型,真係啖啖肉!炒蜆算是收貨。最後是「海石蚌」,全晚最失敗,難怪連伙計也不作介紹,一入口,根本是「海養」,再蒸得好都係無用,味如嚼蠟!知道係西貢碼頭先買定靚魚,真失策!總共飲左四支加士伯同skol,都幾happy~

係三星灣游完水, 搭番船係呢度落, 上次講過來呢度晚飯, 今次順路就試一試. 因之前食左D小食, 所以四個人都只係叫左三個食送.上湯白菜仔- 上湯味好淡, 白菜仔就無沙煎蠔餅- 蛋既份量絕不欺場, 唔會只係得一堆粉漿, 而蠔仔食落有鮮味, 整得唔錯.豉椒炒蜆- 炒得算惹味, 但就幾多吉殼白飯x 2汽水x 2啤酒

我同糯米去完西貢剪頭髮, 剪髮個阿姨建議我地黎滔滔食豬骨煲...糯米一聽到就話要去試下...所以我地由西貢車去...我地泊係碼頭我地一心去食豬骨煲, 點知...原來豬骨煲係用黎打邊爐架...我地都好失望...我地最後食左椒鹽白飯魚避風塘豆腐-->都唔係真係個D避風塘(無炸蒜, 又唔辣)上湯白菜仔-->D上湯麻麻地魚香茄子煲-->熱辣辣OK好味...有好足料咸魚..2碗飯一支可樂好普通一餐飯...