滬小川餃子麵館

Open Now

Now Closed

呢間舖個位之前已經轉過手好多次，每次經過都冇諗過入去。有一晚接完個女放學，因為太肚餓又唔想行咁遠，所以經過就是但入咗去。叫咗酸菜魚米線，川味蛋同豆漿。米線同魚片份量足，d湯底有驚喜，好好飲，酸辣適中，有鱼湯底味，魚片好滑又唔會過度調味，一試愛上，連食咗2日，我覺得好啱香港人d辣度。川味蛋就冇乜特別，如果有糖心會更正，而豆漿就唔太甜。今次冇試佢嘅餃子，有機會下次試下。希望呢間小店可以做耐d,因為真係食得出佢d食物係用心做出嚟。

呢個舖位一年轉幾次手，今次呢次終於叫做食中九龍城居民口味，叫做平民啲，不過食過一次真係唔會再去坐低嗌咗個餐，問個呀姐跟餐杯野飲可唔可以加錢轉奶茶，佢同我講可以加$26, which is 係樽奶茶嘅原價嚟，咁就唔係叫加錢，係叫另外嗌多樽奶茶，最後嗌返餐包嘅冷泡茶然後落完單，佢出咗張外賣單俾我，貴咗8蚊，駁我唔睇單？落完單勁耐，麵都嚟埋，樽茶都未到，原來係呀姐唔記得咗。牛腩麵嚟到，成碗都冇乜味，自己落咗幾羹辣菜脯先叫好啲。又等咗勁耐，今次個呀姐醒咗，過嚟問我爭啲咩，我話一份湯餃一份煎餃一份跟餐小食湯餃嚟到啖而無味又係自己加咗幾羹辣菜脯，特別係粒鮮蝦雲呑，細粒過麵舖嘅雲呑份煎餃嚟到係暖嘅，上碟吹都唔洗吹就擺到入口。份涼拌小食反而係最後上枱嘅，真係唔明呢啲煮都唔洗煮嘅野點解會係最後先到？而對於一間標榜自己專做餃子嘅舖頭嚟講，佢嘅餃真係極為普通，一啲都唔出色，做到新客生意都未必會有回頭客。自己包嘅餃分分鐘好食過佢。

新開張去過一次食過味道還可以，之前服務差人手亂，十問九唔搭態度，或許可能新開張，今日我再次去食，感覺大大改變，人手服務都好佐好多，忙而不亂見請了個新姐姐好好禮貌，今次值得讚👍🏻下，雖然店鋪細，但食物方面還算可以，就係座位少，繁忙時段可能會等下位但都安排得好好，理解，，希望繼續保持下去，會繼續支持

種類繁多，但其實一點都唔好食，貴價唔飽，對我而言係屬於垃圾級別，落單嘅員工好有問題，問非所答，知唔以對，要求外賣送餐近，但都唔接，態度惡劣很差，我眼見過佢對其他自己同事都唔啋唔理唔應唔知，我問佢就一問三不知，一見老闆回鋪就轉變成熱情態度對客人，两個面孔！辛苦那位同事，忍唔住鬧交佢，就咁辭職唔做，我親眼見到，只會落單收錢那位，呢個真係人才👍🏻