滾動雞煲火鍋餐廳

Open Now

Now Closed

其實元朗區有很多好吃的餐廳，好像今次這間餐廳，之前也經常路過都沒注意到，好多時人多的大家才注意到😅😂，所以不一定排長龍的才好吃啊，我個人比較喜歡坐得舒服的環境，今天發現了這個小店，外面看以為只是吃火鍋及雞煲，再行近一點看看原來有下午茶餐，於是進去試一下，2個人點了個西多士及沙爹牛肉脆朱包餐，真的要推薦這個沙爹牛肉脆朱包，包外脆内軟，牛肉嫩嫩的，而且味道還不錯的，掛住吃忘了拍飲品😅另外服務員💁‍♀️的態度也非常好👍大家值得試吓🥳

諗住新開，同朋友試吓，食物質素一般！其實唔緊要但埋單時發生唔開心事情埋單時發現同餐牌價錢唔同，有幾樣野收多左幾十蚊當然要同店員講反聲，但店員一開口就話哩張餐牌幾年前！大聲夾惡，無諗過退番錢比我！之後佢問：「咁您想點呀？」算！我當做善事，以後唔去！而佢亦無諗過退錢比我！最後佢仲恐嚇我：「唔好比我係社交平台見到您地寫我！」當刻真係好嬲，比錢食飯講道理仲要受氣大家切勿去，真係食到成肚氣！

聽住元朗嘅朋友介紹好多次話好食加抵食，終於決定同女朋友去試吓，搭西鐵去喺朗屏站落車，行過去大約5分鐘，個位置因為係內街，我又唔熟元朗，但都唔係好難搵，因為朋友話喺大榮華後面，鋪面普普通通，似一般茶餐廳設計，入到去都算大間，坐低咗侍應都幾好禮貌（呢個要加分），問有咩好介紹，佢話有兩款雞煲選擇，滾動雞煲（傳統雞煲）及黃酒雞煲，我見佢地可以揀半隻雞，所以每樣揀咗半隻一共兩個煲，等咗大約十分鐘就有得食喇，先試個滾動先，我哋叫咗小辣，辣度控制唔錯，D雞都幾滑，配料亦十分多同埋已經跟埋一碟生菜唔洗加錢，跟住再試個黃酒雞，呢個係朋友極力推介，個湯超好味呀（最後成煲湯飲晒），出面好少地方有得食，因為我哋得兩個人，所以叫唔到太多嘢食，佢哋呢度除咗雞煲之外仲有小菜，我見隔離枱叫D小菜都好似幾好食，同埋見到佢哋碟安格斯牛肉好大碟，但係都係二百零蚊，最後食完埋單都只係三百蚊左右，以呢個價錢真係超值，呢間可以再食，下次多啲人可以打埋邊爐。