滿漢小館

Open Now

Now Closed

簡直不知所謂，入到去見到老闆娘喺度自己食緊嘢，見到有客入嚟都幾好客，但過分吹噓自己餐廳嘅食物品質，話自己啲小籠包生煎包啲肉係新鮮嘅，跟住我就嗌咗兩個生煎包，一嚟到已經覺得唔對路，並唔係大家認知皮薄的生煎包，反而係平時酒樓包點嘅嗰種包，一口咬落去皮係鬆軟腍，至於個底更加沒有脆，肉汁更完全消失，老闆娘過於自吹自擂了吧，另外我也點了鱔糊以及回鍋肉，兩道菜都淡茂茂，鱔糊有啲燶嘅味道，難以入口，至於回鍋肉一啲辣都冇，餐廳要好好改善食物質素先吧，老闆娘過度吹噓自己餐廳的食物好食，卻為何連生煎包呢啲耳熟能詳嘅食物都做到咁？

18/4/2025 星期五，復活節假期的第一天，好多人北上或者外出旅行，我哋就留港消費！今日到九龍城，經過這小店，見到佢有特色甜品「驢打滾」，咁就要幫襯試吓啦！午餐時間，首先叫個「二選一套餐」，我哋揀咗：-上海回窩肉，－上枱，香噴噴，回窩肉微辣啱我，半肥瘦肉片薄身，烹調入味，好食。蔥油雞半隻，雞肉嫩滑，啖啖肉，蔥油惹味，食唔停口。油豆腐粉絲湯，好多餡料，份量足，粉絲湯不油膩，廚師好嘢👍🏻。套餐配以白飯及菜飯各一碗。飲品揀選了凍檸檬茶。最後，梗係要叫甜品啦！一客「驢打滾」。新鮮製造，熱辣辣，甜度適中，煙煙韌韌，好正呀😋店員細心招呼，見我哋食完午餐，好快清理枱上餐具，換以乾淨的細碗，給我哋食甜品用。體貼細心的服務，美味可口的食物，是留住客人的要素。 我哋在這食店享受了悠閑舒服的午餐😊。

第一次幫襯這間滿漢小館，好耐冇食過上海嘢，於是點幾款大路的上海食品與及一款特別嘅點心。老童關肉夾饃：皮脆肉鮮滿漢小籠包：皮薄多汁肉鮮高力豆沙：即叫即整熱辣辣四川擔擔麵：自家製手工麵，煙靭好味服務態度：親民友善用膳完畢，要求兩杯熱水。員工10分細心，因為店內只有滾水提供，所以預先加了少許冰塊於水杯內，才給我們。香港而家這個時勢，有這樣服務態度好難得，最後買單時才知道原來沒有+1 ！一定會再encore ！

今天我想和大家分享我在「滿漢小館」餐廳的一次不太愉快的經歷。 我原本期待在這裡享受一頓美味的午餐，但最終的體驗卻讓我感到非常失望。 #### 服務態度欠佳 首先，我想談談服務方面的問題。 在點餐的過程中，我嘗試詢問幾道特色菜的具體做法，因為小孩剛病好，想吃食清淡一點。但得到的回答卻十分簡略甚至錯誤。 這種服務態度讓整個用餐過程蒙上了一層陰影。 #### 上錯菜且拒絕承認更讓人無法接受的是，我們的餐桌上出現了一道炸的雞扒時，我們向店員指出，點菜時店員明明指䓤油雞不是炸的，小孩怎可以食這麼熱氣的菜呢。 當我們向店員指出這個問題時，對方不但沒有道歉，反而態度強硬地告訴我們，炸雞扒不吃皮也不熱氣呀。 我無語了，顯然店方不願意承認錯誤，也沒有採取任何補救措施。 這種對待顧客的態度，實在讓人難以接受。 #### 總結 綜上所述，「滿漢小館」的服務品質和錯誤處理方式都遠低於我的預期。 我相信每個商家都會遇到一些小問題，關鍵在於如何妥善解決這些問題，以及是否真正重視顧客的感受。 遺憾的是，在這次經驗中，我沒有看到「滿漢小館」在這方面的努力。 因此，我很難推薦這家餐廳，也建議那些正在考慮前往「滿漢小館」

喺九龍城剪左頭髮唸住行出太子道搭巴士走但又未食野經過見到門口餐紙有擔擔麵同小籠包就入左去，入到去大把位於是就坐最就腳既地方坐底後拎本餐牌望望先餐牌上所有嘢既一定價都幾進取唔知成品好唔好食呢🤔叫左碗擔擔麵碗野嚟到打左個凸湯面浮左一層好厚既紅油(心唸今次乃硬野🙈)樓上野前拎左兩個碗仔嚟😃啱曬用嚟裝油畢左成碗油出嚟🤨😨都幾恐怖,個湯底完全無味😩🚁🚁🚁🚁🚁🚁，仲叫左個小籠包三樣野之中個小籠包最正常！但為返成12蚊一個😨冠絕同區相同食品🙊🙊醉雞雞超肥😨所有雞皮我掉曬去另一個碗仔度雞肉食落得酒味之外完全無其他味道🙈🙈又乃🍌🍌🍌得面既系肉落到底系頭頭尾尾比埋翼尖系死罪！(系人都知賢尖得層脂肪包住骨隻雞成長期間所吸收既有害物質都會喺翼尖度)，希望越大失望越大🙊🙊系香食野已經系日常🤑🤑🤑唔好怪人假期北上食野🙊🙊🤫🤫🤫收咁既價錢出D咁既野比人食😲😲😤😤所以我一定會寫返編食評比人參考❗

去法國醫院睇完醫生，當然入九龍城醫肚啦～行過福佬村道，原來都有唔少食肆，呢間未幫襯過，見佢啲上海菜都幾吸引，帶住個上海老細，就一於試下啦！坐低叫咗個醉豬手咬住先，再慢慢睇菜單～佢個豬手好有咬口，爽口彈牙！係我鍾意嘅口感！🥰👍🏻花雕好好味，我一路食…一路飲…😅唔會太鹹～隔離枱食緊肉夾饃，響香港未試過，都試下！好香脆～加咗蛋感覺唔錯，不過佢個饃用咗手抓餅，好容易碎曬～我覺得肉餡可以多啲～😁生煎包好食！！包皮鬆軟，有少少肉汁～小籠包熱辣辣，湯汁香濃，不過都係嗰句……餡料少咗啲啲～😁😁😅叫多個素雜錦，呢個要讚！！好足料，除咗菜同筍～佢個素雞用咗煙燻嗰隻，仲有香菇、蔬菜同大量百葉～食完都好飽肚！要一讚係佢嘅鮮磨豆漿，好香濃，又唔會太甜～以為咁夜冇人，點知食到就埋單，仲有人入嚟食宵夜～店員可能覺得我哋差唔多年紀～播咗啲懷舊歌（最愛陳百強）仲問我啱唔啱聽呀？！🤣🤣菜單上仲有好多其他餸菜，下次可以嚟試下！

九龍城呢間上海菜嘅裝修坐入去好有年代嘅感覺。價錢嚟講唔算太平，但小籠包和炒肉片之外其他味道一般。上海回鍋肉味道還可以，但是菜吃下去的時候感覺有點油。價錢：$108家鄉炒肉片肉質嫩滑😃炒肉加上大蔥很夠味，味道很濃郁但加上飯一齊吃剛剛好！價錢：$92楊州炒飯炒飯夠大份，但係食得出食物使用的食材不是很夠新鮮。價錢： $88小籠包是所有食物中最好味的味道啱啱好，小籠包入邊嘅湯汁味道不錯！加上必沾的醋😉味道一流！價錢：$48

向九龍城見最多既餐廳一定係泰國菜，西餐火鍋都唔少。但就冇見過有上海菜館，所以開頭都有期待既。首先講裝修，唔講你唔會知係只係開業幾個月。老土簡單同大陸風味極濃，唔講肯定會以為係老字號。打開餐牌發現，價錢唔算親民。大部分菜餚價錢都平均超過$100或以上。所以就選擇左$298 兩菜一湯既晚市套餐：我地選左上海回鍋肉+銀芽鱔糊；套餐仲包2碗菜飯+2碗酸辣湯。如一般既上海菜，回鍋肉惹味濃郁；但味道偏鹹。銀芽炒鱔糊尚算爽脆彈牙，非常惹味。見係食大閘蟹既季節，所以就叫埋蟹粉小籠包。蟹粉小籠包 $92/籠有4隻，但上面既蟹粉分量得一點，相比起普通一籠小籠包只係$48/籠，果少少既蟹粉就顯得有點貴。可能因為蟹粉分量少，所以完全食唔到蟹粉既味道，有d失望。

難得響九龍城有上海菜，擔粗粗試一試。本人最喜歡食湯年糕，本身年糕冇味道，所以湯嘅濃道同味道至係靈魂。可惜呢碗雪菜肉絲湯年糕食咗幾啖就放棄。湯冇味之餘又清過史雲生清湯，肉絲亦冇味。就係呢碗湯年糕，冇其他原因叫我去幫襯多一次。

我就專鬥氣，人哋話唔好食，我偏要去試吓，越寫得差越要試真啲⋯⋯結果正如所料，如果差到咁，今日開張，明日收皮啦。由點心、冷盤到小炒到大菜，樣樣都水準以上。結論係，有啲人一係脷脂遲頓，一係心黑到盡頭。

之前九龍城印象只有泰國野，而家有間新嘅上海野，舖頭不大，全新裝修，乾淨企理，衛生整潔，小籠包、生煎包都係即時製作，味道，火候都唔錯，小籠包皮薄餡靚，有湯汁，食得出系新鮮料做，比鼎X豐好。酸菜魚份量足夠飽，味道微辣，幾正宗，魚肉及配料都幾好。我問過佢地出餐咁快，d食物都系熱既，不似整定。佢話師傅都有5、6位，出餐可以快，下次會去試其他菜式。我見有3位說呢間非常難食，專登去試下，結果不是咁，聽聞有現代丐幫會以敲腳骨方式去達到佢目的🤣🤣🤣，不知呢3位系不系呢🤔️

見裝修時已經好期待；因九龍城無好食嘅上海菜一開就去試；見菜式都多無茶供應；一黎就叫你試下自己整嘅豆漿：二十蚊支……唔覺得有咩特別叫左小籠包；正常…無特別…算叫做當日最好嘅；但貴上海湯粗；完全無味，面質又林小雪吞；個湯咸到呢，雲吞又咸醉豬手；完全無味；仲要好多毛肉夾膜加旦；叫做有味；但唔係好食走時同老闆娘反映返個豬手無味；完全無味；佢都無心聽；只係話可能今早先整未夠味；跟住就執枱是示意叫我哋起身比下一枱客我去果時係中午十二點半；你未夠味就唔好賣比客食啦………一定唔會再去…好伏；全九龍城最難食

係九龍城反工，基本上所有餐廳都食勻哂，之前見佢裝修滿懷希望有新嘢食，食完同我同事異口同聲九龍城難食top 1。價錢唔平，以為收得呢個價質素有返咁上下。個擔擔麵完全冇香味，有少少肉碎，乜配料都冇，唔講都唔知食緊擔擔面。呢個$108嘅辣子雞，其實就係豉油炒雞，個味超怪。仲有食咗個肉夾膜，我覺得算係全餐最好食嘅嘢。仲有仲有，叫咗杯凍檸茶，一啲茶味都無，係一啲都無。埋單二百幾蚊，冇食過嘢咁，跟住仲要去搵其他嘢食。仲有明明係啱啱裝修完試業，但係啲裝修溶溶爛爛咁，周圍都好似黐立立咁。講真，請我都唔會再返去食。

係九龍城新開嘅上海餐廳，菜色唔少，每道餸味道都一般，冇乜特別，唯獨價錢「特別貴」。擔擔麵味道一般，唔算難食但份量偏少，每樣嘢佢收既價錢同連鎖上海餐廳嘅價錢差唔多，四舊窩窩頭小得可憐但價錢唔平…

做咗第一個寫呢間食評嘅人 😌小籠包，味道正常，包皮都唔易穿，幾個餸最好食係呢個。酸辣湯$42，都夠味，冇𡁻口，我覺得$42一碗，只夠一人份量，就貴啲D，同埋冇酸辣湯麵揀，淨係做酸辣湯。韭黃銀芽炒麵$80，都好夠鑊氣，正常味道，不過價錢都係偏貴，九龍城好多食肆都有得食，仲平D。樟茶鴨$168，我第一次食，老公喺其他地方食過好多次，佢話好好味，所以我都好期待呢個主菜 ⋯ 點知 🥺 你哋覺得呢？😅 先睇賣相已經大打折扣，色澤都唔吸引，我估係叫貨翻熱，唔係全部自己醃製，當時我立即上網search過都有袋裝散賣，自己翻熱就食得。講返隻鴨，有少量骨，碎濕濕嘅肉，而味道鹹鹹哋，冇乜好突出嘅味，乾爭爭，有啲皮嘅位就有少少🤏咁多多脆，我好後悔叫咗呢個餸，因為我覺得唔好食，而老公都話食過咁多，最差係呢間。做小籠包呢類食肆，有茶提供係基本，但係佢冇，我哋問佢，佢話只要熱水，仲 sale 雪櫃有其他汽水~~ 大佬呀！ 都唔夾⋯ 門口貼紙話 「試業期間，免加一」，如果之後要加一，我就唔會再嚟，因為本身價錢都係偏貴，又冇茶提供，加埋一就有啲伏。