滿記甜品 (Moved) New Location

早輪食過一次, 心思思又想再食... 弊啦... 咁落去肯定會肥好多...雪山紅豆涼粉(配綠茶雪糕)--好好味呀!!! 紅豆沙好"傑", 仲有好重果皮味... 綠茶雪糕好重綠茶味... 我選佢做我嘅"今夏最正甜品"!!!!雪山楊枝甘露(配綠茶雪糕)--好味呀!!! 好清涼呀!!! 不過芒果好似爭少少...Honey都話好味, 不過佢話一碗糖水成個飯盒嘅價錢, 都幾貴...

到APM辨事後順便逛逛，但行行下頭暈暈似乎血糖低，走去滿記吃點甜的補充糖份一直很少會光顧滿記，因為其收費確實偏高，而賣的也只是普通款式。今次選了海底椰豆腐花，椰汁估1/3，面頭有很多粗大爽脆的海底椰和軟軟的帶點酸甜的...蘆薈? 底部的豆腐花很滑和香，當然未去到傳統豆品廠的滑的程度，但甜甜的椰汁同豆腐花原來幾夾!椰汁大方的給，不過本身不太愛椰汁，下次請店員分開裝，自己添加好了

等朋友一齊行街，於是去foodcourt食返個甜品先。係滿記叫左個凍食既芒果西米露，入口有濃郁芒果味，鋪面既芒果入口軟綿綿，好食!但西米略嫌硬左少少，係唯一要扣分既地方。但整體幾好

和母親在一杯鐵板燒居酒屋吃午餐，特地沒有多吃也沒有在那吃甜點就是想到這邊來吃個中式糖水。對上一次到滿記已是記不起有多久了只記得是在旺角的分店，觀塘這邊的好像只試過一次，這次來到就點了個沒嘗過的核桃糊黑糯米($23)。下單再到收銀處付款後便立刻可以在店子拿了，核桃糊黑糯米的賣相和示範模具的沒甚麼分別，但附上的竟是塑膠外賣匙！吃起來時有點界咀的感覺，堂食的不應是那黃色的匙子嗎？算了，碗子不深也不淺，二人在餐後分吃是剛好(如多些就當然更好啦!) 核桃糊中有少許核桃粒，核桃味不算濃，黑糯米煮得偏軟，沒甚咬口但可幸份量也算不少，混和核桃糊同吃也可吃到最尾。整個成品的份量其實不多而且核桃味不太足可見用料不多，售二十三元確實有點過高，難怪母親也說做甜品的真好賺！

第一次知道原來有雪山楊枝甘露，於是便來一試。但奇趣地，原來的食材薏米已用完，所以便以黑珍珠來代替。但總算是一個意外的收獲，因為黑珍珠比薏米更夾口，口感不錯。更開心是配上綠茶雪糕，味道就更多了一個層次。

雪山涼粉:30元.我覺得好貴.不過滿記總店在西貢..一早就知是行貴價路線.雲呢拿雪榚.香滑.而底部一些花奶.一些係牛奶.加埋碎冰...一方面,不會太甜...另一方面.由開始吃到尾都係凍的..絕對係最佳的消暑甜品30元..間中一次..無所謂

看完一套極之差勁的電影，滿心覺得不是味兒，甚至有點燥火上升。又是時候給自己一個藉口，喝啖糖水潤返下。叫了最簡單的紅豆沙，用匙羹一舀已知對辦。紅豆色澤鮮亮起沙，配合足料的蓮子百合，未試已知夠滋潤。甜度方面亦調校得宜，吃一碗已把肚子填得脹脹的

今晚請好友和她的囝囝嚐泰國菜，吃得肚子脹卜卜。之後她硬要拉我來滿記，請我吃甜品，非常客氣。記得上次同學仔推介白雪黑珍珠，就要一客。這款甜品賣相討好，以雲尼拿雪糕打底，上面舖滿香蕉粒，芒果粒，龍眼乾，椰果和黑珍珠...由於用料豐富，每一口也有不同的滋味，最適合我這個花心鬼 唯一不足之處是味道過甜 囝囝開始扭計了，是時候回家啦！

大家在觀塘街市吃到一口也是熱氣,當務之急是吃個甜品解熱氣,此一帶的甜品店不多,大家便行到去APM的滿記.幾年前APM開張時後,的確很旺場,幾年後的一個平日晚上,人氣仍然旺盛,在Cook Deli找個五人檯也難.滿記是唯一的選擇,我想吃豆腐花,於是者來一碗芝麻糊豆花,其他朋友也是差不多選擇.一向偏愛凍吃,芝麻糊味道香濃,反過來豆腐味不見得特別香濃,吃下去幾滑就是事實,$22是可接受的價錢.值得一提是滿記用來盛甜品的碗子,碗底的圖案每個不一,我這個是小童畫像,加上芝麻糊的痕跡,顯得有一種靈異的感覺.

突然有股湯丸癮~在觀塘沒啥選擇之一~竟然要向滿記低頭~~站在舖前考慮一會~~卻記起滿記只有白芝麻的湯丸~不合胃口~~最後改選同樣熱辣辣的荔茸西米布甸~~店員愛理不理~沒有尾音的態度也罷了~反正只是落單~拿到收銀處~回來取貨三個步驟~沒甚交流~用錫紙封面~內無乾坤~但微焦的表面印象不錯~~為食的小比一口就一大匙放進口~熱得吐了出來~~~大比卻擺出一副”無你咁好氣”的樣子~~已習慣了~~~荔茸甜度不高~與西米蛋奶香甚為配合~布甸質感帶黏帶糕狀~整體卻不太甜漏~也是秋冬不錯的選擇也~~~~最好是安慰了剛才狠狠被芝士吉列豬打敗的情緒

星期五晚同老公去麗港城嘅真味鮮廚度食完晚飯, 貪食的我話要去apm買榴槤pancake返屋企食, 去到滿記忍唔住要叫兩個甜品即時食~~未食佢哋啲榴槤產品之前, 我一定食白雪黑珍珠, 所以要咗一個, 另外食一個雪山榴槤~~~雪山榴槤將會是我另一必食之選, 啲榴槤好香, 加埋芸呢嗱雪糕同椰汁冰, 超正最後再要兩盒榴槤pancake, 一個榴槤布甸返屋企慢慢歎~~~

「太極兩儀」是恒常的道理，小時讀書已受教。其精妙之處有如孫子兵法般可廣泛、概括地援引，連菜色也可﹖無錯，正如這個白雪黑糯米。小妹食完飯，係APM逛了一圈，想食番個甜品抖抖。就去到滿記買咗個白雪黑糯米。白雪黑糯米裡面有椰奶沙冰，黑糯米丸內有黑糯米，玉米，芋頭粒，好香口，軟腍得來又煙韌，好有口感；加上椰奶沙冰，有椰奶的香同滑，令成個甜品味道豐富而不單調；而且小妹最鍾意凍冰冰的甜品。唯一不足是幼幼的沙冰粒裡內有少少比較粗身的冰粒，若果全部都是幼幼的，就perfect啦。黑糯米加白椰奶果然係絕配，恒常的大道理也可用於日常生活的細節裡，放諸四海皆準。

八月十一日 (星期三)同老公仔吃完了拉麵,回到觀塘我仍很肚餓,要老公仔陪我吃甜品才安心回家又不太想吃雪糕,就到了food court的滿記吃甜品點了一個芒汁雜果豆腐花share吧!芒果本身比較酸,其他生果味道一般有點則甚至沒有味道豆腐花很滑,是整個甜品最好吃的

今日係apm 食完飯見到滿記,心血來潮想孝敬下屋企人, 於是買了滿記的招牌楊支甘露及杏仁茶外賣, 我就食左楊支甘露, 開左咁多分店, 水準依然沒有下降, 西米一樣咁有口感, 依樣係自己係屋企冇辨法整到的 多數都會整到一pat野, , 芒果肉都足料, 西柚彈牙, 抵讚

響觀塘食完飯 行左陣apm坐低食個滿記 叫左兩樣野芒果pancake($19)入面好似冇果肉 不過層皮加埋d cream系幾好食^^芒果西米露+豆腐花($24)芒果酸到暈-_- 豆腐花唔夠甜-_-有點名大於實既感覺 不過算了 價錢又不是太貴-_-