漁県市場

Open Now

Now Closed

同朋友係太子隨意搵野食，一望就望到對面街呢間餐廳由於我都好鍾意食刺身，所以就揀左呢間啦下午3點幾就無咩人同朋友一人揀左一個丼飯配餃子同麵豉湯另外再叫左佢叫兩隻明太子雞翼同一客沙律得老細一個自己整，所以都要等下丼飯相當好食😋好新鮮而明太子雞翼入面就有一大舊明太子係到講多無謂，睇相最實際一定會再返黎食嫁性價比相當高，老細又相當友善又用心製作下次要試下d生蠔希望老細長做長有XxxxxxxxxxxxxxX

屋企開Party🎉朋友介紹左太子《漁県市場》，事前預訂左兩盆48件壽司外賣自取🍣晚上去到準時有得拎✌🏻店主好細心咁用多層保鮮紙包裝好，怕我哋拎返屋企途中受碰撞而震散哂啲壽司🍱亦用好冰包冷藏住🧊食物方面：壽司飯都好實淨(由太子拎到返官塘都仲keep到)，而且落嘅壽司醋亦剛剛好😎超厚三文魚壽司好新鮮、香蔥拖蘿蓉壽司超香超足料、火炙帆立貝超有驚喜，微微火炙過，食落口勁鮮甜😋三文魚籽赤蝦壽司夠哂大隻又夠爽口🦐整體嚟講🤔所有嘢性價比都好高，屋企人都讚話好抵食😋下次再開Party或者經過太子都會再encore嘅日本小店

門口啲相好似好吸引，無野做又試吓伏😗👍🏻質素其實係有嘅👍🏻$12食到鯛魚、池魚，其他舖頭都唔止 👍🏻三文魚籽解雪幾好，仲係乾身 脆卜卜👍🏻紫菜仲係脆👍🏻三文魚算不錯，夠肥又夠厚👎🏻甜蝦解雪做得唔好，蝦頭出哂水，室溫到有啲驚👎🏻啲飯好甜、又散又濕👎🏻冇乜冷氣，比個太陽射住 堅熱👎🏻有三文魚🍣但無$3壽司👎🏻魚類壽司上面配料做多咗 個味唔夾🙎🏻‍♀️：總結行過，冇嘢做，可以試吓，過吓口癮，冇下次

每次係太子想食壽司外賣就會諗起呢間壽司店，次次都係WhatsApp落單後再電話confirm比埋錢，所以老闆都已save埋我電話😂其實呢間壽司既性價比算高，就咁單叫三文魚壽司都係$3，其他普通壽司都係$6-7件，我覺得都算係咁，佢既壽司飯落既壽司醋岩岩好，但唯獨係d飯太散，如再實淨d就好d🫣每次我都會叫赤貝，真鯛 ，凡立貝 ，三文魚腩 ，火炙左口魚，墨魚 ，甜蝦 同馬刀貝，我覺得魚生都算新鮮，價錢都係200-350內，每次都大約20幾至30幾舊，我自己就覺得想買番屋企食下日本野都唔錯

第一次叫點單外送，旺角送到沙田，預計送抵時間係65分鐘，由落單到收到total用左70分鐘，路途唔短，只係遲左5分鐘，絕對合格！電單車外賣黎到，包裝都仲算ok，有兩個冰袋包住，keep到凍，呢下算貼心，抵讚食物方面，壽司有大件有細件，但有d真係細件得可憐海膽蟹膏丼只係食左一半，因為真係難食到嘔帆立貝壽司淋bet bet，毫無口感，又係食剩唯一覺得好食既係三文魚腩壽司總括而言，想食平壽司可以去試下，但唔好有咩期望

夜晚自己一條友食唔知食乜好周圍行。。行吓行吓見到依間日本嘢，所以就好食唔好食到時一次啦。。。一個去都有兩個人叫緊到會嗰啲，我諗應該味道都OK掛舖頭就主打外賣㗎啦一睇就知，因為得四人枱同埋一行吧枱我諗總數座位都唔會多過8個。不過佢個價錢牌價錢都唔算特別平以太子區來講，最後叫個海膽蟹膏蟹肉當飯+可樂，總數130幾蚊！價錢話貴唔貴話平唔平囉叫做，但係正常你見佢店面比呢個價錢你就會覺得好似有啲唔抵囉，因為我見餐牌上面其他魚生飯係去到400,500一個俾錢嘅時候攞張$500出嚟，點知佢話爛咗唔收！我望一望張銀紙我先至係爛咗少少我諗一cm內嘅長度啦。。佢話俾銀行話得多所以唔收喎！咁佢態度上綱冇嘢嘅但係你會覺得唔舒服囉，不過最後我用八達通俾咗錢嘅到江山原來有個麵豉湯仲有三隻煎餃子，味道都OK嘅！不過呢個價錢可以有更好嘅選擇囉我覺得

我上次諗住一個人入去食幾件壽司，咁我又唔係食得多，諗住叫10件試吓先啦。比咗張單個師傅，佢就望住張紙話使唔使叫咁少….本身都冇乜心情㗎啦， 之後出到嚟嘅嘢食…真係普通到不能再普通。😑

臨時臨急出咗去太子做嘢，都睇吓附近有咩好推介嘅日本菜啦，就搵到呢一間細細間嘅日本餐廳，開頭見到鋪入邊得一個人以為應該係麻麻地啦唔夠膽有太大期望，但睇落佢嘅Menu都好豐富好吸引，於是乎我哋就叫咗一個海膽蟹肉蟹膏當同埋燒楠肉當，個味道出乎我哋意料之外都好好食，另外佢仲有好多其他日本餐廳冇嘅嘢食 佢啲蠔都好多種類我哋叫咗一個活赤貝，活赤貝喺其他地方都比較少食，都好鮮甜嘅。下次去太子附近食日本嘢我都會返番呢間餐廳再試其他🤡

之前在這裡試過生蠔🦪不錯，因為對即制手握壽司情有獨鍾，今次試試外賣壽司想不到成就解鎖。壽司師傅神乎奇技將 14件壽司🍣 拼埋做一個魚生飯盒（如圖），其實如果外賣盒好貴可以同客人講外賣加 2蚊，我相信大部份客人都唔介意既，如果貪平就去爭鮮啦！件壽司又唔駛返工，唔駛搞到好似朝早迫地鐵咁既 😅😅😅如果當佢係丼飯咁食風味又不同了，日本帶子鮮甜，日本海膽新鮮軟滑無腥味，蟹肉蟹糕辣螺肉味道也不錯，整體用料新鮮價錢公道。

好耐無等朋友收工啦，然後係太子揾野食，今晚想食日本菜不過太子又真係小啲選擇啵，咁岩行過見到哩間小店，我見好多人都買外賣走既，但都有人係堂食既，因為堂食位置唔多既，不過見有位我同朋友一於就試吓啦😋😋😋佢哋個Menu大大張，睇得好清楚，揀啱食咩就直接係嗰大menu圈底好方便🥳我地每樣嗌左小小，❤️ 三文魚腩🍣 睇岩邊舊魚腩就叫師傅切🤝🤝三文魚腩黎講我覺得唔係話最肥美既，不過魚脂都算係濃郁既，奧米加三爆登🤩🤩🤩🤩 ❤️芝士玉子燒❤️濃郁既芝士配上沙拉醬蓋上玉子燒上面，再用火槍燒一燒，都不錯既，只係玉子燒既質地唔夠滑🥳🥳🥳 ❤️火炙芝士三文魚🍣性價比真係好高，咁嘅價錢係合理size 既👍👍👍微微火炙過，香濃既三文魚油🤤🤤🤤鮮帶子係屬急凍既，所以就唔會特別好新鮮，而且食落有根，下次都係試吓$38一粒嘅新鮮帶子先

剛才吃了一小碗辣而不飽的粉仔．．．　好似無食過野咁一路行番出大街突然見到一間叫做漁県市場的日本食店再仔細睇原來有好多野食喎！仲有即開生蠔生蠔區原來開蠔咭可以更優惠，其實係預付幾隻我的單點刺身三重県生蠔$48/隻今次先來兩隻日本三重県生蠔原隻活赤貝 (HK$32)新鮮即叫即開, 夠爽甜食完刺身，我點既海鮮丼師傅就為我送上赤蝦海鮮丼 , 百幾蚊有如此多料，舖滿飯面呢喃未食見到都好開心呀 !  (丼還會付送一碗湯)赤蝦大大隻鮮甜海膽 帆立貝三文魚籽依碗海鮮丼有質有量真心抵食 !  各類海鮮刺身也不錯 !

住了太子10年，一直都有幫襯漁縣市場外賣，前兩日食左客左口魚裙邊壽司，好難忘，果個重魚脂魚油味道今日專程去買，今次選左6件三文魚，20件壽司，一個卷物三文魚超厚切超長$8@勁抵！淨係食三文魚都抵墨魚一般，得好細片，劍魚腩好肥好好食，蟹膏係每次必叫今次發現有個叫做蟹膏赤蝦卷$39原來係蟹膏，赤蝦放在加州卷，抵食喎，有4件蔥拖羅好香好足料，好味道食食下，發現一件好傷心既事漏左我最想食既。。左口魚群邊😭😭😭😭好想食呀。。。點會咁架。。😢

路過太子入黎幫襯下..估唔到舖仔細細又幾多選擇咼..價錢中規中矩啦..個意想不到地多人幫襯..🤣坐低咁耐都一路有人入黎買外賣..個位置係正太子站附近..都難怪咁多人既..唔洗成日食嗰d連鎖咁悶嘛..👍🏻

I've been coming here for over 2 years, the quality is always the same, really fresh fish, nice thick slices are being used and the warm dishes are delicious as well(Try the Beef Udon). I usually go for the prepacked Sushi, which is amazing value. Best Sushi Restaurant in the Prince Edward area!

之前聽朋友講呢間日本菜雖然主打外賣, 但係 好味又抵食, 於是特登過嚟試下, 點知就中巨伏🙈首先坐低冇耐就見到檯面有隻黑色圓形嘅跳蝨好活潑咁彈下彈下, 雖然我哋即刻調咗枱, 但都feel到有野咬... 😖不過我哋都照嗌嘢食, 兩個人叫咗啲壽司、手捲、魚生飯, total 170首先嚟碗麵豉湯, 都係沖粉冇乜特別然後嚟特選魚生飯, 想問店員拎隻匙羹, 點知佢勁串咁叫我用返飲湯嗰隻匙羹咪得囉😮三文魚無味, 三文魚子同下蝦唔太新鮮...然後就嚟壽司同手捲, 手捲唔知點解痴唔實打開咗, 個樣都幾好笑! 我叫咗兩款唔同嘅三文魚壽司: 包括普通三文魚壽司同三文魚腩壽司, 男友問點解啲普通三文魚壽司啲肉散開曬望到啲飯咁肉酸, 啲顏色同三文魚腩又完全唔同咁奇怪, 呢啲係咪就係傳說中嘅鱒魚? 仲有件油甘魚壽司腥臭到一個點, 好難食!!!冇下次