漢和麵飽西餅

Open Now

Now Closed

面飽又平又抵食。味道okay. 最感動係老闆每星期都派飽比老人家。相比起賣個面飽都收成幾十蚊既大店有心店，有人情味得多。而且起有心店買一個飽，就可起漢和買十個飽。勝價比高。聽說老闆早前比人攪希望大家支持

星期日洗係健康院洗完傷口，就即刻去對面漢和麵包睇下有乜好食。一行入去已經聞到好香麵包味，但我一入去就係咁搵睇下有冇豆沙糯米燒餅賣。眼大睇過龍差d睇唔到，好彩二家姐睇到唔係就冇得食。一見到諗都唔諗就買左三件豆沙。睇落雖然好厚但用夾一夾起已經知好軟。比完錢一岀門口就即刻放落口食。嘩！真係好好味呀！已經好耐冇食過，依家好多地方都冇行賣呀，有得賣既又整得唔好食。漢和整得好好味呀，咬落好軟熟又夠糯米香，紅豆又唔算太甜。幾啖就比我食晒一個，食完又食左二家姐個半個，真係好食到停唔到口🤣🤣

次次去開沙田，都要買這家鋪頭的麵包 ，吾單單是平，更重要真的有麵包味，吾似連鎖店的空氣麵包，食完=冇食，次次去到，都要買幾十蚊，好似批發噶,勁好食！同埋唯有在漢和才能證明自己不是胃口大，是出邊的麵包縮水！

偶然間來到瀝源邨睇醫生，見到呢間麵包店，又有小食賣，齋餡麵包都賣得好平，七蚊三個，超抵！唔係迷你包size喎！但我有興趣試佢嘅小食。門口招牌寫住大哥小食，漢和麵包， 一睇就知係舊式屋邨先會有嘅麵包店。 小食都好平，咁啱差唔多午飯時間，試下佢嘅炒米粉，同埋碗仔翅。炒米粉$10一碗，大碗， 份量真係超多，呢日太遲來買，賣剩嘅炒米粉全部裝滿畀我，好開心！不過，用料少d, 火腿，蔥，蒜蓉，就係呢幾樣， 米粉就好大量，味道方面比較淡， 唔記得叫佢加甜醬，辣醬，同芝麻添，可惜。碗仔翅，都係要大碗的，同炒米粉一樣的碗size, $15,見到佢真係裝滿曬。 加咗麻油胡椒粉醋。用料超多， 可能又係因為賣剩最後一碗，全部裝曬畀我，所以沉底的用料全部都畀曬我，啲湯的質地比較稀，但係用料豐富，有冬菇，粉絲，瘦肉絲，雲耳，木耳，好爽口。味道方面亦非常好味，鹹淡適中，加咗胡椒粉，麻油，醋，味道更好。推介食呢度嘅碗仔翅！下次會再幫襯。

等整證件無野做，週圍睇下有無野食先🏃🏻‍♀️🚶🏼‍♀️行下行下，見到間好舊式的麵包舖，最正的係，個店名係麵包制造廠😲自設工場👍🏻諗起細細個的時候，屋企樓下都有一間，但是當週圍開始有美X,東海X⋯⋯都係敵不過連鎖店⋯竟然係沙田見返里啲「老店」🎊一間舖就係工場整麵包，一間就賣成品❤️最正都係，麵包店入面有個小corner,賣下的小食菜乾豬骨粥+四條腸粉大家估下幾錢呢😏😏😏開估⋯只係$20咋😱時光倒流十年的價錢丫🤗再睇下啲麵包，全部都係傳統款式👍🏻重有一樣好重要的野唔知大家有無留意到⁉️係真真正正時光倒流先會見到的野🤤🤤🤤就係「價錢」‼️‼️‼️$4 一個麵包咋🎺🎺🎺🎺🎺抗通漲丫，材料唔洗錢咩⋯⋯雖然瀝源村係老區，但係好多地方都俾領匯收左，狂加租，搞到小店無晒，變做連鎖店😤里啲良心老店真係超級無敵少見到了重要好有善心，免費派包

從雜誌見到報導，於是特意去望望。本來打算買個齋包，但被個椰絲包吸引咗椰絲包非常好食，甜度剛好，餡料豐富，麵包軟熟，仲要係4蚊雞 （或 10 蚊 3 個），真係超值！係鋪頭幾分鐘，已經見到麵包不斷出爐 我已經好耐無寫食評，但值得為呢類實而不華既小店出山！

每次在對面健康院睇完醫生, 我總會過來幫襯這間小店, 它的出品大都價廉物美, 而這澳門豬是我至愛, 才$3.5, 那裡找, 而這包大過拳頭, 質感厚實, 吃過十分飽肚, 抵讚!!

今日黎左瀝源邨漢和買面包做聽日早餐屋村面包店o既面包通常都比較廉價，呢度都唔例外，$8.5有三個有餡面包，另外見到比較特別o既係合桃方包，$4有四塊都想試下就買埋   1. 芝士火腿包 就算廉價外表都唔馬夫，面包上充滿豐富芝士，火腿捲在面包內，味道咸中帶甜   2. 餐肉包 一片厚切o既午餐肉夾在包內，面包軟淋配合餐肉很美味   3. 吞拿魚包 餡料唔算多但以呢個價錢算唔錯，咬落去有吞拿魚香味道   4. 合桃方包 合桃粒舖係麵包入面而無掉出黎，面包就同白面包一樣只係加左合桃有d粒粒係入面幾好趙口而且合桃唔苦，呢個突破配合得幾唔錯   ##屋村面包一直比我o既印象都幾好，除左價錢平價味道仲唔錯，我諗要周圍尋覓下好味平價面包食

星期六的早上，我們一早來到沙田的娛樂城。為的不是即場的娛樂，我們是為了日後的娛樂辦理證件。不知不覺，原來已經夠十年了，時間的確是過得非常快。網上預約的日期、時間及地點都不合我們心意，太太建議乾脆的一大清早來沙田排隊，用返古代既方法，攞籌好似更加實際。就在我同太太二人接力排隊之際，我們也接力地各自出走去選購自己的早餐。我先行出去，在瀝源邨的一家古早味麵包店找來了兩個傳統的港式麵包。一個是我常吃的叉燒包，另一個是甜甜的紅豆包。有一點可惜，一大清早買的麵包不是熱辣辣的，右邊叉燒包雖甜，但充斥了洋蔥，而且食落去，感覺到其內餡有空洞的感覺，包子夠大，但餡細小。左邊的紅豆包就好好多，質感鬆軟，味道豐富，而且內裡的紅豆沙，甜美連皮衣，紅豆的這一種甜，凍食也非常之香口。店子古老，早上賣麵包之餘，旁邊另有一檔供應腸粉炒麵，味道雖是普通但for上珪上學速食，算是不錯的一個選擇。

$4 一磅8片方包, $4.5一磅8片麥方包, 算是沙田最平之一吧?因為位置不好, 這間店的包很平, 方包比百樂更平但平是平, 它的麥方包有點硬, 隔天後吃就更差, 麥的份量也不多, 而且包裝欠奉, 但$4.5這個價, 也不應有什麼期望的...