漢發麵家 (大南街)

Open Now

Now Closed

豬潤麵雖然看似簡單🤡但食材處理和烹調手法其實都十分考功架😈漢發就憑著多年來的鑽研，成功將豬潤麵變成招牌名菜⭐️近年甚至成為遊客愛店，令平價食材都得以升價十倍☄️———————————————————————豬潤有五件，每件都大大塊而且非常厚切🤗表面口感爽脆彈牙，內裡綿密軟嫩😋熟度剛好👌🏻血水亦清理得相當妥當😚無腥臭味，愛好內臟人士絕對會感到滿足🥰湯底方面雖說不上清澈亦未算混濁🤓麻油味與酒香十分突出😃薑味偏淡，雖然與出前一丁麻油味有點相似😂但對比起來較為清淡舒服😌味精感覺亦不重，可以放心飲用😉醬料方面可以選擇配煉奶或糖漿🥞傳統的我選擇了經典的糖漿🍯西多光看賣相就知空氣感十足💨金黃的麵包充分吸收了蛋漿🐣口感十分鬆軟🥰甚至令我有少許在吃疏乎厘班戟的錯覺😂中層的花生醬份量亦夠慷慨🥜味道十分香濃，配合無限任加的糖漿，絕對是重甜人士的天堂😇———————————————————————雖然漢發兩款名物都的確頗有水準👍🏻但定價始終太過進取，CP值唔高😫令人回頭意欲大減🥲可能偶爾光顧一次就已經足夠🙂

見到咁多好評，專登過嚟試。等位等左大半個鐘，滿心期待。叫左豬潤牛肉麵同鯪魚球豬潤好厚漲卜卜，望落去好靚，一咬落去個口感完全唔知食緊咩，無豬潤味，似係梳打粉發水發到脹，勁難食，完全唔想食第二啖。個湯又味精，飲完之後勁口渴。仲要唔平。諗唔明點解咁多好評😓😓😓鯪魚球係可以的。但絕對唔會再幫襯呢間。

突然想食豬潤，捻吓維記宜家豬潤湯底薑味好重頂唔順，相比之下漢發朱潤大隻得黎又好溫柔，所以直撲漢發。🍜【豬潤公仔面】/ $52豬潤夠厚口感一流，也很爽脆，食落啖啖都係肉非常飽肚。不過可能熟過頭有D豬潤有些硬（講真豬潤熟D安全完全冇問題），50蚊算係咁喇。對比維記湯底薑味就好淡，清清地冇咁燥，飲咗唔會頸渴。🍪【炸菱魚球】/ $40菱魚球炸出黎好熱氣，我只敢食一個。食起身有魚味，又夠大粒窩，不過蘸醬唔夠食咁好似麥當勞茄汁（我食一包薯條要3包茄汁）。

我有個老友好鍾意食漢發，幾乎每個月佢都會揸車過嚟接我去大南街食，但大南街泊車好艱難，成日抄牌，但老友依然堅持一個月食兩次，有時等錶位等得耐，甚至冒住抄牌嘅危險double parking。講返漢發，嚟得梗係食豬潤，厚切豬潤夠曬嫩滑，但宜家唔係次次都咁高質，豬潤有時會有根，我覺得自從開咗灣仔同旺角分店質素係差咗少少，但整體都十分唔錯。如果三個人以上我哋會叫多一樣小食，通常係叫圓形嘅西多士，炸雲吞或蜆芥鯪魚球，佢嘅熱奶茶都好出色，但略嫌奶多咗少少，可以減返些少，茶奶比例平衡返會更加好。

今日瞓醒突然好想食麵 然後就諗起佢 十點幾呢個時段去漢發就一定唔會多人仲可以慢慢嘆早餐牛肉撈粗+凍央少甜=$86多蔥絲多炸蒜係呢度嘅標誌擺放得咁靚令人食慾大增圍邊嘅牛肉全部都灼得好粉嫩入口軟滑冇渣面頭灑左適量嘅蝦籽 加少許大地魚湯會更易撈均粗麵乾爽冇鹼水味 不過調味有d過咸（個湯都係）凍飲依舊大大杯奶茶&咖啡嘅比例啱啱好 少甜更嚐到凍央嘅真味飲到杯底冰粒依然健在解暑一流以前繁忙時間會限制一次過落單（冇得加單）不過依家呢個時勢就冇左呢個限制lu非繁忙時間仲可以慢慢嘆nice

漢發真係食咗好多年，佢嘅豬潤麵相信唔使多介紹，食過佢嘅厚切超滑豬潤就唔會再去第二間，可能真係食得太多年，雖然美味依然，但人就係咁衰，好食嘅嘢自然會希望更好食。自從佢開咗兩間分店之後，我哋都係keep住去返大南街總店，但發現豬潤水準差咗，偶然會有筋，雖然如此，但整體都有90分，我當然希望每次專程過嚟，食一碗豬潤麵係完美的。豬扒雙蛋飯飯要係必食，有一次撞到發哥同啲朋友嚟食，佢都係食呢個飯，燶邊豉油蛋再加即煎滑嫩豬扒，真係冇得頂。如果三個人或以上我哋會叫多一款小食，蜆芥鯪魚球，炸雲吞或西多士，今日就食佢嘅特色圓形西多士加煉奶，三個人share少吃多滋味。值得一提嘅係佢嘅奶茶都係冇得彈，冷熱都好好飲。

試過灣仔分店覺得普普通通，但朋友總係話佢非常好食，今日喺深水埗附近做嘢所以你唔食個早餐，事實證明總店係真係好啲嘅我叫咗個豬潤米，豬潤勁厚但係啱啱好熟，個湯有紹興酒香味，凍奶茶走甜亦都夠濃，唔會啲冰溶哂之後淡茂茂好似凍奶水整體感覺被灣仔分店贏幾班

講起深水埗美食，豬潤麵肯定佔一席位。維記現在水準下降了不少，湯偏咸，薑味重，豬潤也比較薄。而漢發的豬潤相對比較厚，口感一流，也很爽脆，可惜部分豬潤熟得太熟，比較硬身。湯底薑味比較淡，飲多兩啖都唔會覺得口渴。佢哋連午餐肉都係厚切，食落啖啖肉，亦會比較飽肚。所以其實都算得上抵食夾大件。最後點左一杯熱奶茶，各方面都比較均衡，茶温，茶底，茶色，奶嘅比例，都做得好好，好飲。另外，想讚吓佢哋個裝修比較有特色，如果冷氣可以涼一d就perfect 。

似乎不如從前咁好食，但依然要排隊星期六下晝三點到達攞咗飛等咗大約20分鐘坐咗喺埋邊位置，一路食一路流汗，而且空氣比較侷促豬潤麵，豬潤比起以前好似少咗，但係每舊都仲係好厚實，湯底有好濃嘅燒酒味，唔知係咪因為燒酒味太濃，遮咗豬潤同埋本身個湯嘅味道蝦子撈麵加雲吞，面有啲硬身，浸咗個湯都仲係比較硬，雲吞就有五粒，粒粒都脹卜卜，口感幾好食西多士，西多士等咗好耐，唔熱唔脆只能夠講係兩塊搽咗花生醬夾埋一齊，而且沾滿晒蛋漿油淋淋嘅白麵包，的確令人非常失望 另外嗌咗杯涼粉紅豆冰，不過不失冇乜特別，但係$40一杯，飲手搖仲開心🫠

屋企裝修完成已經一個月，不過執屋之路實在慢長，又是一個採購的日子。乘車途中感到肚餓，上網找找深水埗有乜好食，文記、維記丶漢發、劉森記⋯⋯ 咦！大南街漢發最近車站，就咁決定啦！11:30差不多坐滿，幸運地有一個位，叫了碗豬潤米，店員推介配埋炸豬扒，見佢盛意拳拳，就食豐盛一點。厚切豬膶生熟做得好好，湯有淡淡的豬潤味，高水準之作！豬扒醃得好炸得亦好，我並非豬扒控，不過真係必食推介！如果辣椒油質素再好啲，呢餐我敢比100分!!是日消費：豬潤米($52）配炸豬扒($16）+ 凍檸茶$21共 $89

電視的威力真強大。尋晚睇到電視介紹，今日即刻過來試食佢嘅豬膶。老實講餐廳地點真係唔就腳，深水埗站行過來都起碼10分鐘，今日中午都要等左15分鐘先入座。不過佢上菜嘅速度都幾快。叫左豬膶公仔麵同西多士。豬膶真係大塊同厚切，唔老，腥膻味少許可接受。一碗麵有五大塊。如果愛食豬膶可來一試。見電視有介紹西多士係將蛋白同蛋黃分開處理，但食出來沒有什麼分別，加上價錢比其他餐廳貴，所以C P值一般。同埋西多士要等大約20分鐘。不過餐廳服務態度都幾好👍

星期六下午兩點幾去到，大約等8張枱，不過侍應好快手，所以排咗10分鐘左右就可以入座。叫咗佢既招牌豬膶米粉，豬膶厚身好有咬口好juicy，而且有5大塊，食到尾有少少膩，但係好味既。

見到友人嚟過，老婆話去試吓坐低叫咗麫同小食首先上杯凍奶茶少甜少冰之後豬扒蛋麪上枱，豬扒算係厚身，但唔乾柴，仲有少少汁幾好⋯隻蛋仲有蛋汁⋯正之後潤蛋麫上枱，潤身算厚，但唔乾幾爽身唔粉⋯正炸菱魚球淡淡魚味大大粒⋯⋯但個蜆介醬水咗啲同淡咗小小，濃厚番啲會更升華唯一想到⋯其實會唔會好耐之前係自家製麵，若果係而而家仲保留到嘅話就更加正⋯⋯

已經係漢發麵家嘅多年擁躉，連埋父母、親戚、朋友已經食咗佢10幾年，一直都非常喜愛你哋嘅豬膶但係最近呢一兩個月，家人、親人、朋友都已經多次嚟光顧，大家都同時發現麵家嘅豬膶質素開始下降🙈🙈希望只係一時來貨問題啦🙈食左咁多年既老店

深水埗真係好多美食👄👅小菜、車仔麵、Cafe…….🌟真係多不勝數不過最吸引到我就⚡️漢發麵家⚡️正宗包羅萬有嘅餐廳🔥深水埗🐷豬膶麵好多時都會諗到有兩間而我就較🥰鍾意食漢發成日都見到佢排隊👬👬👬👬所以今日嚟到深水埗梗係要食佢啦厚身脹卜卜豬潤👍🏼👍🏼👍🏼滑身 口感夠腍豬扒撈麵👏🏻👏🏻葱山真係值得一讚👍🏼鍾意食蔥嘅朋友一定要試食過返尋味🥰🥰生炸雞翼👍🏼👍🏼外層脆卜卜 肉質Juicy食落非常新鮮🤗👍🏼食雞翼有貼心服務送兩張濕紙巾俾你呢個動作好細心，值得讚👍🏼👍🏼👍🏼呢個涼粉冰犀利😱大半杯都係涼粉我諗而家香港地好少地方做得到😅真係不得了🫶🏻🫶🏻