Video
6-min walk from Exit B, Olympic MTR Station
continue reading
Introduction
The restaurant allows the customers at the theme park of kaleidoscope, full of colours, mirror and floral-patterned wallpaper. You can relax in our lavish restaurant and experience our signature French cuisine surrounded by elegance and all our foods will definitely tickle your taste buds.
The concept of slow cooking comes from France. The word “Kaleidoscope” is a combination of the Greek words “kalos”, meaning “beautiful” and “eidos” meaning “form”. Our restaurant features a place of harmony and peace overlooking the hustle and bustle of the city and the environment welcomes you to walk into a world of stunning kaleidoscopic flower sea.
continue reading
Opening Hours
*Lunch Last Order: 16:00 Dinner Last Order: 21:30
Mon - Sun
12:00 - 17:30
18:00 - 22:30
Above information is for reference only. Please check details with the restaurant.
Recommended Dishes
本來想遲一些才給這間唯美餐廳正評的，但竟然結業了！位置很偏遠但很值得來一次，如果還沒有結業的話。。。門口的萬花筒好漂亮啊！好像去了主題餐廳一樣餐牌也很唯美，好像樂園～擺盤的心思，裝潢的心意也在，應該好多女生都喜歡吧～這邊的牛排是先切好的，５分熟，沒有筋也很ＪＵＩＣＹ，加上ＧＲＡＶＹ也有茄子，意外地很好吃啊！這個要搗碎上層糖片的蛋白霜批很有意思，那個批不很油膩但卻很好鬆軟好吃，不過那層糖片不能吃啊，要注意呢！
continue reading
最近，聽好友講，位於大角咀晏架街香港西九龍絲麗酒店1樓的餐廳 <漫花燈火 OMG> 已結業！ <漫花燈火 OMG> 是一間令人可以盡情打卡的萬花筒主題餐廳！ 所以，在 3 月頭，我就一於約好友來這裡， COVID-19 新型冠狀病毒肺炎疫情之下，慶祝找到新工！恰巧！當時 3 月，西九龍絲麗酒店外牆裝修，趁尚未天黑，我便先找找，看到 Google map，我應該在附近，卻是找不到外牆粉紅色的酒店，於是問一問大角咀街坊，原來我已經到了對面，是酒店外牆裝修，圍上綠色網！當晚，跟好友火鍋晚餐後，我帶他走到餐廳所在地！其實！晚上走到這條屬於工廠區的晏架街，已經水靜河飛！ 單是看到酒店外面，已經令人卻步！ 圍板的入口，好似給人賣豬仔的感覺呢！ 只見到有張椅子，保安員剛剛行開了，搭 lift 上一層，部 lift 又滿佈木板，猶如走入一個裝修中地盤！當我們踏進餐廳，絕對別有洞天！ 除了地板鋪滿迷你彩色磚仔之外，天花板、四周圍也充滿三角形的鏡子、地下好似七巧遇板的圖案，拼砌而成，令人勾起童年回憶！自己猶如走進一個巨型萬花筒中，視覺效果特別又驚喜！ 粉紅色的餐椅給人更夢幻的感覺！就算當時尚未實施限聚令，空間感亦算充裕！ 桌子上備有色彩繽紛的餐具及消毒濕紙巾之外，還有餐廳自家製的萬花筒，好讓食客享受看萬花筒圖案千變萬化的樂趣！由於我提早好幾天上 Openrice app booking，當日中午，店方已直接致電給我確認 Booking，並提醒我用餐時間 1.5小時，我亦問一問店方最低消費？！要 $150 每人！落單前，我們再問多次店員，最低消費要幾錢？！要 $150 每人！好友聽見，他認為 COVID-19 新型冠狀病毒肺炎疫情之下，餐廳竟然要求最低消費！！！ 換言之，焗住每人至少要點兩樣嘢啦！為了保障食客及店員健康著想，每位入座的食客要先被店員量體溫，無問題才可安排入座！非常認真！西柚蘋果梳打 (少冰) $52西柚本身的酸澀，混合蘋果的酸甜，味道酸甜而清新！ 亦都冰涼解渴！關你賓治 $68其實是雜果賓治！口味偏甜，比較我那杯，味道明顯較濃！至於甜品方面，我經 Openrice app 訂座時，已註明慶祝找到新工！我還打算給好友一個驚喜！怎料！店方完全弄錯了！ 女店員向好友說聲：生日快樂！ 並送上註明英文生日快樂的甜品！在確認電話中店員問我是否需要在甜品中加上？我已要求跟我註明的文字加上！完全犯上低級錯誤！好友見狀眼定定！我覺得 O 嘴又一臉尷尬！ 我心想 Oh my God! (跟店名一樣 OMG！) 當我正準備找店員更碟上正字眼時，轉頭，女店員即刻走過來補鑊，話攪錯咗！由於，不同甜品選用不同器皿或碟子盛載，因此，未必每款甜品可以加字！落單後，隨即店員已通知原先我想點的甜品 "開啟潘朵拉的盒子" 已售罄！ 另外，黑色碟子的甜品不能加字！森林和原野 $158芳香鬆軟的抹茶海綿蛋糕，茶味清香，甜度剛好，整體不算甜膩！啡色圓球狀的是朱古力雪糕表面灑上朱古力，令其無咁快融化！況且，抹茶蛋糕蘸上朱古力雪糕，別有一番滋味呢！ 兩者也做到好朋友！如果唔係免費加字的話，單以抹茶海綿蛋糕配雪糕而已，其實性價比都低！阿菠蘿13 $108這是以原半個菠蘿盛載的菠蘿雪葩， 富有菠蘿的果香甜！清新健康！他唯一擔心的就是菠蘿會否重用？想再幫襯，恐怕無機會嘞！除非店子開新店！
continue reading
早幾日結婚周年 👰🏻🤵🏻，兩公婆偷閒二人世界出去食lunch🍽，一間心儀已久嘅靚餐廳 ------ 漫花燈火典型港女打卡餐廳，由一出已經靚到嘩聲四起，萬花筒般入口，餐廳內色彩繽紛但異常配合唔會太花，無論係🌺🌸花牆，七彩櫃，圓筒連玻璃樽牆身裝飾，都睇得出設計上嘅巧思。每張檯放上一個萬花筒，既夢幻又勾起童年回憶本身對靚餐廳食物質素不抱太大期望，但呢一餐絕對超水準😱🤩😋• 富士山的雲端上檯時一杯白色一杯淺藍，仲有一堆裝飾，侍應叫我哋自己倒，富士山🏔升起咗🤩勁靚勁夢幻！藍橙雲尼拿牛奶唔會太甜，好飲！• 慢煮比利時橄欖豬鞍超厚身豬鞍🍖實在要慢煮先可以保持咁嫩滑，切開時中間仲係少少粉紅色，咬落肉汁爆晒出嚟• 黃金蟹肉黑橄欖醬意粉相當多份量嘅蟹肉淋喺意粉上🍝，食到尾仲有蟹肉喺碟底，落足本• 潘多拉的盒子限量供應嘅招牌甜品🍨，糖膠整成嘅罩蓋住鮮果撻，用附上嘅小木槌敲爛罩有gimmick。鮮果撻內餡好surprise地用上berry 雪芭一間咁靚咁好食嘅餐廳，仲要有優惠50%off，埋單唔使$500，非常滿足！正想bookmark做食堂以後紀念日唔使煩，點知今朝有朋友send單新聞嚟，業主收返間舖做到31號😫雖然寫完食評大家都未必食得切，不過都好希望記低呢次美好嘅回憶
continue reading
間餐廳3月底結業😔好彩之前同朋友book左，可以喺結業前黎到。酒店裝修緊，要由側邊搭lift上去。餐廳門口好靚😆好啱打卡食物都有好多款，樣樣都好似唔錯。我地叫左：羽衣金藍焦糖果仁話梅西瓜沙律（$98）有個三層玻璃樽分開裝住焦糖果仁，藍莓青瓜同話梅西瓜，有塊菠蘿擺頂👇🏼。食嘅時候要將菠蘿放埋一邊，一層一層倒晒落碗沙律菜度，撈埋就食得😆過程好似自己整沙律咁👨🏼🍳個沙律食落好有驚喜，好食😋焦糖果仁加落羽衣金藍估唔到好match, 成個沙律好有層次，口感豐富👍🏼👍🏼啲菜都好新鮮西班牙辣肉腸白酒忌廉煮藍青口（$128）西班牙辣肉腸咸咸香香好野味，白酒忌廉煮藍青口，無咩酒味，忌廉汁太thick,質感好似白膠漿😰。啲藍青口煮得啱啱好，唔會過老，但啲汁好明顯係煮完淋上去，整體味道一般。開啟潘朵拉盒子（$168）起初睇相，只覺得係一個fruit tart多左個罩罩住。朋友要影相打卡，就叫黎試下😅望落都真係一個普通嘅果撻😛食落...啲士多啤梨好甜，撻皮牛油味重，撻饀食到啖啖都有莓肉，唔會好甜，幾好食。不過價錢真係貴左少少。我地仲叫左杯雜果賓治-關你賓治（$68）個名好搞笑😆但味道麻麻地。啲餐具都好用心，色彩豐富，靚👍🏼令到食野都開心啲。每枱都有個萬花筒，可以邊等食邊玩邊影相呢度睇得，食物都唔差，唔係得個樣，個朋友打下卡唔錯嘅。
continue reading
為咗慶祝朋友生日，當然要揀一間坐得舒服，而且又靚嘅餐廳慶祝一年一度嘅生日。上網見到備受好評的漫花燈火 環境相片很美，所以特意預早book食飯，幸好有位。現在到餐廳食飯也不用太擔心，因為店員會先幫客人量體溫，確保沒有出現發燒等等任何病徵才可用餐。店員服務殷勤親切，先給我們四杯水，然後我們就商討點什麼菜式，每款菜式的名稱也特別，我們一口氣就選了四款食物。店員幫我哋落單之後，我們就各自去影相自拍打卡，我感到彷彿置身於一個萬花筒影館一樣，很夢幻。而且每一台都有一個萬花筒，仔細一看入面嘅效果非常精緻的骰，難怪也吸引小朋友來用餐呢！等了大約15分鐘左右，食物開始慢慢上菜了，主菜的橄欖豬鞍用木板盛載着，頗有份量，而且肉質很鮮嫩很林，底下還有一些配菜，當中的茄子很入味。壽星仔鍾意食意大利飯，我們就點了牛肝菌意大利飯，他也大贊意大利飯煮得恰到好處，有一點半生熟的口感，而且味道好濃郁，好快就食晒了！朋友喜歡 semifreddo AL caffe的味道，甜品在森林和原野最適合他不過！食飽飽之後壽星仔都大贊這裏環境很美很美，難怪那麼多女士們捧場！
continue reading