潤發飯店 (Closed)

老豆最鍾意行深水埗. 行到累就梗係搵間野坐低食下飲下啦. 深水埗做街坊生意. 最緊要平靚正. 差唔多間間食肆都上過報紙編輯推介. 老爸千揀期揀獨愛地鐵站轉左行兩個鋪位的此間茶記是日晚試第一味餸. 蒜蓉豬扒. 呢味餸等左好耐. 等到飯都凍哂. 不過食過之後就知道好值得等. 香香的蒸蓉入哂落豬扒的深深層. 但又唔會太咸. 炸得岩岩好. 一d 都無焦味. 外脆內軟.一咬落去 仲有肉汁標出. 可以餸2碗飯 第二味西蘭花尤魚. 好快上碟. 用料新鮮. 無得彈第三味. 要叫少少菜. 海鮮粉絲煲. 粉絲之多可以叫少一碗飯. 海鮮份量一般. 但亦十分入味

店名 ..... 一定令你有些霞想 .... 你無?!? ....你應該唔係香港人…見到門口有人買飯，諗咗一輪 ….. 到底”新明發”定呢間呢…?? 。心知，深水埗的”新明發”都唔荒好㗎喇，但原來…”潤發哥”重大鑊，中晒伏。鳳爪排骨飯，餐牌寫: $19，超平，鳳爪味道和口感免強可以，但顏色就好鮮 ... 有d驚。排骨，好多淤色，唔知係未死前被虐待…哈哈…其實笑唔出….，大舊骨加淨肉，跟本都唔係一件過的排骨。飯身極差，好淋，飯身爛開但未致於粥樣，反而豉油味道可以。雞札，餐牌寫: $17，被鳳爪排骨飯嚇親後，心情向下沉，雞札來到，賣相唔差，心情又轉翻好少少，但除了那塊腐竹皮好些少外, 其他都係….無言…. 雞件肉質又係暗淤色，魚肚硬中都有些少爽，火腿…唔敢食了。香片茶，有香片味…. 好驚訝....哈哈哈….$19 + $17 = $36, 交$36比老闆, 但老闆話係$40喎...., 哎…食完....都晒無心情, 都費事問佢…四蚊!!… 吭!… 當買個喊評!!!

一家人做冬，阿媽想食羊腩煲，又冇乜好酒樓選擇，就聽朋友介紹試下呢間小菜館。Book定位唔駛等，一去到有張大枱，平日成8點9都仲有好多人。孝敬阿媽，梗係第一時間整個羊腩煲。嘩~~ 好大煲好滿! 價錢200幾，比起酒樓做特價百幾蚊但係得幾粒羊肉，份量真係大好多倍! 羊腩炆得夠林夠入味，夾極都仲有，仲有好多冬菇，枝竹，馬蹄，夠晒足料，一行10人都食唔晒。加埋大大兜生菜，索晒d濃汁，正! 嗌左半隻沙薑雞，好似13X，肉夠鮮夠滑，食得出係新鮮雞，連雞胸都唔嚡口，幾好。豉椒炒蟶子，都係13X有6大隻，蟶子肉厚大大舊，爽口鮮甜，抵食又好食!東星斑，200幾都算大條，蒸得啱啱好，肉質軟滑又夠鮮，豉油調得啱啱好，夠味得嚟唔會太重蓋過魚嘅鮮味，平時少食魚嘅我都忍唔住食多幾舊。仲有幾個菜想寫...睇住咁多先，下回待續...😃

某星期六中午兩點過後, 太座問想食乜? 突然想起黃師傅那裡的鳳爪排骨飯! 所以愛比較的我隨即想到友人K講過$2X的鳳爪排骨飯比較貴, 有時都會到潤發買鳳爪排骨盅飯貪佢平只賣$1X,於是乎同太座講不如去潤發飲茶呀, 雖然她有點唔願意但見我話到唯有勉強奉陪, 兩點多到現場, 電視上直播賽馬實況, 8成員工/ 茶客目不轉睛地盯住電視營光幕, 口中念念有詞,有些甚至在商討怎樣”夾份買”? 完全似係屋企玩緊咁! 十足十街圍賭格局不過莊家係馬會而已,點心價錢大部份平均價$12 只有少部份才要$16實在係平, 所以這裡咁多長者客, 由於點心是已經ready咗只是放在蒸籠車上, 所以係一叫即到, 是日叫咗:粉菓 – 表面唔見摺痕只見滑溜溜嘅表面心裡一涼, 皮是一般的三倍厚, 餡料連沙葛粒粒也省了,只有一堆獻汁, 咸而沒有鮮味亦沒有咬口, 牛肉球 – 只係食到有肥豬肉味, 知道咬緊一粒肉丸, 鮮竹卷 – 三種點心之中最好味的一點了, 起碼個汁同餡都似模似樣,17蚊鳳爪排骨飯 – 半隻鳳爪, 幾粒豬梅頭肉, 飯是無味飯, 所以唔灑上少少醬油都幾寡下,一盅飯兩個人(長者)都夠食, 點心質素實在係難以接受,

今日氣溫有點冷，故特意到附近的潤發飯店買了一盒鳳爪排骨飯。回校後，我吃了一會。當我提起一塊排骨時，一個怪異的物體映入眼簾。我靠近看，竟見到一條帶細爪的腳和昆蟲的尾部！！排骨裏竟然夾著一隻小蟑螂！！！我本放棄，想掉去吃三分之一的飯盒。但朋友勸說，故拿著飯盒到店裡要求賠錢。到了店面，我要一店員看明那排骨裏的蟑螂。那人卻想拿掉那蟑螂！！！我捉住她的手，阻止了她，並要陪同我的朋友作證。另一店員本想給我換另一盒飯了事，但我不敢再吃，故要求賠錢。最後在我和朋友的說話下，那店員最後賠了錢。她最後的一句成為了我寫這份食評的原因：「依d情況係大酒樓都有！唔洗0禁大驚小怪！」這都叫大驚小怪，那是否要在飯裏有隻死老鼠才大驚小怪？衛生是一食肆成功的基本要求。不衛生的，多好吃又有何用！！至於為何排骨裏夾著一小蟑螂？那可能只有那死去的蟑螂才知道……

見開左好耐, 又覺得係深水埗屹立咁耐既小炒菜館, 應該都唔會差得去邊, 所以約齊人去試下, 點知瀨野打去訂位, 問我留唔留餸, 我問有咩要留, 佢話豉油雞, 我心諗豉油雞都要留? 橫掂黎開, 梗係留啦, 跟手又問我留唔留海鮮, 下, 海鮮唔係要睇下當日有咩新鮮先食既咩, 點留? 咁我話唔洗12人, 食左好多野1.豉油皇中蝦 - 因為冇芝士, 所以嗌左豉油皇, 唔錯, 又唔算貴 $12兩2.薑蔥肉蟹 – 唔係好夠味, 唔知點解樣樣上枱時總係唔太熱, 唔夠鑊氣, 3.蒙古骨 – 唔好食4.味菜豬肚 – 唔熱就梗, 總要豬肚冇味菜既味, 似白灼豬肚+味菜伴碟5.青芥辣牛肉 – 係出面食多數係牛肉粒, 呢到係牛肉片, 當堂扣一半分6.椒盬豆腐 – 好難會煮得唔好食7.雞油豆苗 – 可以8. 啫啫芥蘭煲 – 芥蘭有少少苦9 . 豉油雞 – 又唔熱又唔熟但係要預訂既豉油雞, $180, 食得出係雪雞, 真係越食越火, 求其係超市, 燒爉檔買都好食過佢10. 蠔餅 – 唔係潮式, 係茶餐廳式, 因為用雞蛋, 叫蠔仔奄列似D11.生炒燸米飯 – 冇食到, 唔知好唔好食12.豉油皇炒麵 – 合格唔知點解

站了一個多小時辦理完車牌後,腳仔軟軟的想找間食肆坐坐,可是人算不如天算的一場攔門雨令我站在黃金商場附近,我還未找到地方落腳耶!!與此同時眼角睄到右手邊有一大車蒸籠, 點心車?!不如飲茶....只是店裡好像準備落場似的,還是外賣好一點了。 點心車前兩位大哥正在吹水閒聊,沒有怎樣理會我唯有打岔,幸而也沒有令他們不快。半小時後回到公司一看,兩款點心仍保持原狀, 沒有太過走樣。 本來想吃排骨飯, 只是看到有久違了的粉卷又令我改變主意,只因現在供應粉卷的食肆愈加見少,每次見她一定會點。很多時遇到的粉卷外皮也會以現成河粉代替,並不如腸粉般現拉,這裡似乎也不例外,米白色粉皮偏厚,久蒸之下以筷子一夾已開始碎開,可是邊邊卻有點乾,誰叫我下午二時多才來買呢!肉餡基本是豬肉、甘筍、芫茜組成一件有點嚼勁的肉團,調味不過重還感到當中豬肉味,有點像吃燒賣,跟兒時吃過的雞絲粉卷感覺不一樣,澆上甜豉油後味道也是不錯的,別看她比腸粉細小,其實也蠻飽肚的。 蝦餃看來竟有點像公仔點心, 摺得算細緻緊密的澄麵皮不太透明但有嚼勁,煙煙韌韌的總比黏答答又爆開的好,意外的在爽口蝦肉裡發現肥肉粒蹤跡,雖然仍是沒加筍絲,但有來自肥肉的

深水埗飲茶糸列第一回, 某星期六起身無聊之餘同太座約友人K到這飯店用午膳,皆因友人K在附近返工的緣故,時間尚早, 去到才十二點, 店內只座了3成人,我們的點心叫了:蝦餃- 蝦較細隻, 新鮮度一般, 調味稍稍過了火牛肉球- 這裡的也是色帶白,看顏色還以為是豬肉做的, 但味道又是牛喎,口感不錯,只係色水較為淡而已鳳爪- 很傳統的味道但獻汁沒有太糊口,又OK鮮竹卷- 汁較多, 少一半汁會好D灼油菜- 夠大碟又灼得剛好春蛋燒賣- 肉丸同蛋都好好食糯米雞- 雖然是15蚊一隻, 但也值得, 係稍嫌蒸得過耐飯裏頭少少過濕, 饀料很多,不會只是有些類似漿糊物體的東西,而是有一大片肉,這裡一出蒸飯是待者們會大聲嚷出蒸飯名字,要食飯的人會要,剩了拿出門口外賣,相當有趣,只要不介意搭枱其實這裡也不錯, 價錢亦很平易,不過晚上這裡會變身成為海鮮飯店, 價錢又會是另一回事了

潤發食過好幾次, 不過次次都冇影相, 今次就拎部手機影0下啦, 順便介紹俾各位.次次黎親都會叫條魚, 不過今次 D 魚貴冇叫到, 所以叫0左第二 D 海鮮.豉椒炒蟶子: 好新鮮肥美, 冇沙, D 殼冇炒到爛晒, 正! 金牌蒙古骨: 炸得好鬆脆, 個汁酸酸甜甜帶好少好少辣, 夠野味! 椒鹽瀨尿蝦皇: 大大隻瀨尿蝦皇, 一開二, 最貴係呢味0勒.椒絲腐乳通菜: 新鮮冇渣, 冇投訴清蒸鮑魚仔: 鮮味, 不過少D椒鹽雞翼尖: 同瀨尿蝦一樣野, 不過份量十足, 好似食極都有咁! 抵食! 呢度晚飯唔係好平, 不過勝在味道中庸, 唔會好咸. D 野都幾多殼, 最少黎換0左三次碟, 服務好好. 不過如果去食, 最好係坐樓下, 樓上試過服務就差 D.

約埋老友記去黄金砌部機。間場時間食個快飯，就去對面呢度一盅兩件la..正式標準平民食店，同D公公婆婆、地盤佬、大叔一齊，邊食點心邊睇電視送飯，一樂也...食物水準認真麻麻，叫做唔係認真難吃ge，但好味一定拍馬都追唔上...都係之後要去新香園整件蛋牛治烘底先得...

點心超抵，沒有裝修，只有平凡，找到以前細個時飲茶的點心味道，據街坊說師傅仍然是毎天親手做點心的. 推介：傳統點心及蒸飯．

己隊在足總杯,無厘頭輸波的一夜過後,隔夜的先甜後苦味道,似乎亦殘留在胃部.係時候要清一清.拖著友人去飲早茶,麗閣西九一帶無甚選擇,索性徒步到幾百米外的黃金,對面的"潤發"歎茶.這間飯店早上作茶市,晚市以小炒為主,同最出名的"小菜王"遙遙相對.店內茶客以公公婆婆為主,我輩有點顯得非我族類.座位亦不多,一張大檯,搭幾族人也有可能.店內格局,又不是污煙彰氣之類.環境光猛,亦有部Skyworth LCD TV在店內,播著亞洲電視.小點$8,中點$9,茶芥$3位,兩個人似乎延續昨夜之大食傳統,沒有餐單,見到四圍食什麼,就叫甚麼.一輪急口令之下,已經叫到一檯都係.蝦餃未夠熱,我同你焗到陣啦.)蘿蔔糕岩岩先煎,食住呢d先.)燒賣,鳳爪,還有魚翅餃,鮮蝦銀針粉.區區六味點心,已看到搭檯的婆婆目瞪口呆.蝦餃細細,皮不算厚,蝦肉沒甚味道.魚翅餃在這等酒家少有,味道一般.鳳爪,燒賣也是大路貨色.反而鮮蝦銀針粉,這味是兒時其中一樣早茶中最愛.當然吃不到以前的味道,只是有得吃,便吃.外面煎蘿蔔糕就三件一碟,潤發就比夠四件,驚你食唔飽.即叫即煎固然新鮮熱辣,本身也吃得很多蘿蔔絲,用料足.$8一碟很抵吃.再來碟叉腸

經常上OR睇料搵食, 係時侯作出貢獻, 回報各位食友好介紹. 這家不見經傳的小菜館係平靚正之選, 值得一試!已經試過數次, 除了價錢便宜, 份量相當超足外, 最重要係質素一點不弱. 印象最深係清蒸筍殼魚, $50一條, 新鮮甜美, 真無話可說. 炒菜吧, 或者不是頂級, 但起碼是生炒, $30不到, 仲想點? 食雞有雞味, 食肉有肉味, 菜有菜味, 魚有魚味, 不知從何時起已是奢望. 終於再找得到, 能不快哉!