Video
9-min walk from Exit D1, To Kwa Wan Station
continue reading
Telephone
36194268
Payment Methods
Above information is for reference only. Please check details with the restaurant.
這是一家快餐茶餐廳。每次經過老闆娘都很盡力拉客。應該是新開的關係所以希望跟街坊打好關係。我叫了他們的A餐炸豬扒煎蛋，有咖喱或茄汁可以選擇，可選擇飯或意粉。環境是2023年新開的，所以也寬敞整潔。炸豬扒是吉列炸豬扒，感覺不多油和外面很薄，不會覺得膩。意粉不夠汁，所以有點淡。茄汁味道還可以。老闆娘服務殷勤，有入店到結帳也是滿面笑容這裏外賣自取有八八折優惠。13:00時間會相對多人， 12:00至12:30的時候還好。
continue reading
同朋友👩🏻🦰一齊喺紅磡/土瓜灣，我絕對唔熟悉呢區，朋友👩🏻🦰就喺呢區返工，對呢頭比較熟悉😅，佢帶咗我嚟呢間地道小菜館，話呢度新開、幾好味、超抵食🤩$75「蝦仁炒蛋」：蝦仁🍤肉質結實😋，雞蛋🥚炒得幾滑😋$80「瑤柱扒時菜」：要咗菜心，菜心🥬新鮮幾爽脆😋，加埋金菇、瑤柱 喺面，簡單好食🤩$85「豉汁蒸䱽魚」：我哋點菜嘅時候，姐姐話䱽魚好新鮮，係佢啱啱喺街市買返嚟🤩；䱽魚蒸咗出嚟，真係幾新鮮，䱽魚肉質結實，加豆豉蒸，蒸完再加香蔥同埋醬油，惹味🤩呢度叫餸包 白飯一碗或湯粉一碗，例湯一碗或咖啡/茶一杯😋街坊價錢，依家食仲有88折🤩，真係抵食🤩，另外，小店招呼好好😊
continue reading
晚餐時間係土瓜灣附近覓食，行經見到呢間門口標榜新開張有折餐廳好熱鬧，貌似生意好好…..於是決定一試，行到門口剛剛見有一檯入座，有個笑容好好既叔叔見到我地，招呼問係咪食飯，下一檯就到我地，我地不以為意，於是熱辣辣係門口等，等左一陣直至有一位樓面姐姐先再見到我地企左係門口，於是出黎又問係咪食飯：‘唉呀，食飯快d入黎la！’果下都不以為意，七點幾入到餐廳裡面明明有幾張檯係吉既，個叔叔（貌似老細）叫我地係出面等 ，有檯又唔叫人入，然後出面睇就以為好好生意要排隊….餐廳內冷氣吹到衡…熱天入黎一定無投訴，坐低落左單，兩個人叫左兩個煲，姜蔥魚腩煲，麻辣雞煲. 包白飯同湯.西湯售罄，得返中湯，湯好快就上檯，湯是豬骨瓜味道正常，不是味精湯.然後其後半小時左右，我地由熱辣辣入黎吹冷氣到覺得凍，望住d侍應不停出入密密出同pack外賣，然後堂食客人密密催單…..依舊得個等，話整緊，就黎….睇住右邊果檯四人早過我地入座，都未上過菜🤔，然後左邊果檯遲過我地入座，order左個稍微貴價的蒸鱔，極速就蒸好上左檯，連同一個啫啫雞煲都好快上埋，只不過…右邊果檯早好多order既同樣有啫啫雞煲都未上…繼續好好耐性催單….好啦，終於過左唔止半個鐘，我地既薑蔥魚腩上左檯…..成個煲勁雞肋，細細份，大把薑塊，蔥頭，面頭2-3舊帶勁多骨既魚肉，我地餓到相都唔記得影，底部全部係魚骨魚頭…..我地O曬嘴，同個叔叔反映，得返黎回應：‘喔，係吖，可能廚房魚賣曬啦….下次黎送多幾舊比你啦…，然後不了了之好啦，又惱又餓，唔上唔落咁，唸著等埋個麻辣雞煲啦….Ok，再等多起碼半個鐘，期間不斷有唔同檯催單，外賣繼續密密出，又不停有人落左單等左好耐催單先話唔好意思賣曬，叫人轉叫其他最後，小麻既麻辣雞煲，味道其實正常，只不過依然雞肋，仲衰過食碟頭飯，又一個餓到唔記得影相，真係惱到數數個雞煲有幾塊雞，總共係6塊….其中一塊係雞翼尖！個煲已經迷你，而薑，三色椒同蔥頭佔個煲1/2⋯⋯我地再同侍應反應，回應係：唔好意思啊，今日突然好多客人…食材唔夠人手唔夠，依然不停招呼人入黎晚餐食電視送冷氣，無盡地等，叫乜無乜，仲要到人催先通知你話無……食到一肚氣，飽曬，好野👍🏽埋單話8折平d，真係忍住到氣講：半價都一d都唔過份！最後，三塊魚，5舊雞，多薑多蔥頭三色椒，兩碗白飯，湯…..收$100，食左一肚氣🥲
continue reading
崇潔街呢度多野食係街坊都知，最近開左間新茶餐廳叫潤禧小廚，食物選擇多，價錢仲好貼地添，是日就同朋友黎左食下午茶😋餐牌實在太多選擇，一下子真係唔知點咩好，除左午餐、常餐、湯飯可點外，成張餐牌嘅小炒都係全日供應，仲有客飯套餐添呀，食咩好呢🤔🍲麻辣茄子牛腩煲朋友話是日快餐無咩啱口味，就點左個煲仔小菜，送白飯、例湯或餐飲。一上枱已經聞到麻辣香，食落小麻小辣幾啱口味，茄子走過油皮脆肉吸滿醬汁，牛腩軟腍有咬口，伴飯食勁正。🐟吉列魚柳配沙律自己叫左個炸魚沙律，炸魚大大塊，炸得香口，魚肉嫩滑厚身，沙律是喜歡的雜果沙律，甜甜地好好味😋🐖秘製千島醬豬扒包仲叫左豬扒包，鹹香豬扒配上蕃茄、生菜，清爽美味，不過秘製千島醬只係白色嘅沙律醬，哈哈，但沙律醬本身已經好夾都唔需要特別調味啦。🧇芝士流心西多士最後係西多士，揀了芝士餡的，芝士果然流心，鹹食西多士都好好果喎，新鮮炸起再加上牛油，真係好香口。🍋凍檸茶&例湯餐飲要左凍檸茶，茶底幾香又無苦澀味👍例湯係紅青蘿蔔豬骨湯，飲落鮮甜，最正係夠熱。試業期間有88折，抵食😆
continue reading
📌 潤禧小廚 - 紅磡崇潔街43-45號地舖🗓(8/6) 星期四 ⏰ 晚上7點左右 💈特式：見到祟潔美食街又有新餐廳開，咁就腳就梗係要去試下啦，餐廳位置係之前唐人美食坊(即係街坊叫開出前一丁)個位，睇樣就應該係茶餐廳性質，加做埋晚市小菜。🥩🍔🌭🌮🥗🥯🥘🍲🍝🍣🥟🍤🍱食物：餐廳新開張，暫時全場做緊88折，有好多晚市小菜餐選擇，亦都有2~5個小菜嘅多人套餐，而家等我同大家講下味道先。蜜椒薯仔牛柳粒 $88 - 小菜就包左一碗飯或湯粉，一碗中/西例湯或熱飲一杯，碟牛柳粒份量都ok，不過就略嫌唔夠鑊氣，同埋蜜糖落得太多，有點過甜，薯仔粒外表亦唔夠香脆，叫做中規中矩，合格啦。霸王雞(例牌) $78 - 例牌大約有1/4隻雞，如果比多$30蚊就會有半隻，肉質都幾嫩滑，表面啲薑蔥亦都爆得好香，豉油就有少少似蒸魚豉油味，整體都唔差。☕️🍵🥤🧋🍺🍷🥃🍹🧉🍾🍶🥛飲品 : 因為我叫小菜套餐只可揀例湯或熱飲，我就揀左例湯，所以無試到飲品。🍽環境：餐廳就係一般茶餐廳格局，不過因為新開張，所以都仲好新淨，環境亦都好光猛。🤵🏻🤵🏻♀️🤵🏻♂️服務：店員服務正常，不過平時返屋企經過都見到佢地好努力派傳單同介紹而家餐廳仲緊新張優惠。💰💸價錢：兩個小菜套餐，埋單正價就$166，新張優惠88折後就唔洗$150，算係正常茶餐廳價錢。🐲💬總結：因為我本身住得好近，見佢地d早餐/常餐/下午茶價錢都唔算貴，相信唔想行太遠或者落大雨時都會幫襯下佢。推薦指數：❤️❤️❤️🤍🤍
continue reading