潮代 (Closed)

因鐘意食豆腐,所以就算同老婆以經一人一個餐係到食緊都係到叫左鹵水豆腐來加‘食送’。老婆話豆腐質地幾好﹐有豆味。但本人覺得如果d豆腐可以暖番少少有d微暖同埋個鹵水汁如果可以帶少許甜味會好味些。雖然十零二十蚊唔係貴﹐但因佢地每樣份量唔會比好多﹐所以以呢個價錢得呢個份量就唔係咁底。 雖然冇遇到以下食評所講佢地既服務態度﹐但如果佢地可以增加佢地既份量﹐可能可以改善而家冇乜人幫襯既情景。

睇完LP篇食評,身同感受,第一次同家人去食,我叫了方魚肉碎粥,雖然份量唔係好大(但幾好食),有小食送(餃子x2,但係好難食),不過$15都唔係貴,我屋企人就叫了其他食物,仲叫左鵝片大家食,佢地都話ok,但我就覺一般,因份量唔多,相對我覺得有d貴(與同場其他檔口比),仲有個卥味檔師傅,黑口黑面,我食了一次已經同屋企人講我唔會再食呢檔!之後我屋企人同我又在美食廣場食飯,我當然無買潮代d食物,但我屋企人有問他們的四寶飯係邊四寶,答案係師傅俾咩就係咩,咁都得???好野,佩服.......結果我屋企人都無食,我覺得個師傅可以set定每日係邊四樣野,咩叫師傅俾咩就係咩,如果佢俾左d垃圾我都要嗎,佢地一d都唔專重食客,我無權干預人地點做生意,但係我有權選擇唔食佢d野囉!!!

係門口貼左紙四月頭開, 點知要到四月尾先開張. 香港人貪新鮮頭個幾日人龍很長, 簡簡單單點鹵水鵝等當晚餐鹵水鵝($30) - 例牌價錢, 第一次買份量真係好多, 但第二次再去已經加左用蓮藕墊底, 鵝件鹵得幾入味, 不過就唔夠滑方魚肉碎粥($15) - 粥得外賣碗一半份量, 太稀, 唔得昨晚諗住又買來食, 但原來外賣已沒有做例牌, 外賣每樣都要斷斤秤, 限制多多, 咁麻煩下次都係咪搞