潮苑餐廳 (Closed)

揀咗肉絲炒麵叫外賣，點知變咗肉絲撈麵，如果唔識煮好心唔好出，失禮自己，呢一碟即係經典中嘅經典，其次服務態度好唔掂，香港仔出名冇啖好食，但係唔好繼續令街坊們失望。

呢間嘢嗰啲阿姐服務差，態度差，乾炒牛河配可樂寫到明$60，張單打$68，你唔睇真啲真係俾佢跣到。佢仲話電腦錯唔關佢事。啲員工係咁掛住打牙胶，搞到啲嘢又送錯，廈門炒米送咗個星洲炒米嚟⋯你做啱晒啲嘢咪傾飽佢囉⋯⋯餐牌價錢加嘢飲全部正價，又唔講聲，佢話餐先唔係正價，提一句啫⋯⋯佢話你做咩唔問。冇所謂，洗得幾十蚊受下氣正常嘅，不過我下次唔會再去受氣啦，唔該晒。

啱啱行完山搵地方食下午茶，係同街嘅小巴站旁有幾間好類似嘅餐廳選擇，最後都係揀左呢間，因為有下午茶餐食，價錢亦相宜自選雙拼粉麵 $ 36選擇唔少，火腿，煎蛋，腸仔，餐肉，沙嗲牛肉，芝士腸，雪菜/炸菜肉絲等等，我地揀左煎蛋沙嗲牛肉米粉，沙嗲牛肉量係平時見開茶餐廳比嘅兩倍，圖中蛋下面遮住左啲架😲沙嗲牛肉醬無問題，問題係肉醃到好鬆散，過晒火，另外佢唔熱，就咁室温放上去就算。。。銀芽肉絲炒麵 $ 42非常有鑊氣，夠脆，銀芽肉絲芡多亦足料XO醬雞扒炒烏冬 $ 42XO醬唔太食得出，但係同樣碟頭大，份量多，雞扒肉質結實彈牙，烏冬夠味夠鑊氣，同時因為鑊氣而比較多少少油喺底今時今日下午茶呢個價錢都算係咁，而且佢地似係做街坊同小巴司機生意，因為睇到有熟客傾計，小店可能有不足，但係希望至少支持下，唔好一味投訴

這間餐廳我都常常去，食物質素是有點下降，但食開就算，對上一次食蒸排骨飯排骨唔熟，在想可能間中失手，和收銀說了聲就算.這次食蒸魚飯，因為食過好食，點知今次中伏，來了看到一大個魚頭心知不妙，其實我很少會投訴，有時看到毛髮都拿起就算，大家都知道叫樓面換飯簡直就是自殺一樣，但這次忍不住，一大個鯇魚魚頭，我直接向樓面說了只有四啖肉，還要有骨，然後白飯一大碗，樓面說下次我可以叫魚腩，我想說為何責任要卸給食家，落單為什麼又不問我要不要魚頭，不要說有很多人都喜歡吃魚頭，我覺得喜歡吃魚頭是吃大魚的魚頭，鯇魚魚頭根本沒什麼好吃，只有少量內臟，也不要說魚頭很貴云云，值錢的魚頭只是大魚，$48買個魚頭只有少量魚肉，我覺得是呃錢.我吃完了魚肉和梅菜，白飯還有一大碗，喝了幾口檸茶，一怒之下走了，這間餐廳，我永遠不會再去.P.S. 相入面那4啖魚肉被我吃掉了，不是如相中一啖魚肉都沒有，但最後當然是吃不飽，也沒心情吃了，再見了潮苑餐廳

有晚同我先生食晚餐，望入去好少客，心諗而家疫情冇乜人仲好啦！入到去我先生點左「燒汁芥末牛粒飯」，碟飯黎到我地堅係呆左，白飯隔離放左幾粒牛，完全冇一滴汁，我先生問一個侍應係咪漏左比汁，收銀有個女人態度好差咁叫過黎：d牛用燒汁炒，個飯冇汁架！意思係要乾吞！我同先生講算啦，可能d牛好入味易送飯呢.....點知咬d牛，第一咬緊硬膠，第二除左少少少芥末味，一d燒汁都冇，我先生嬲得濟將碗羅宋湯倒落飯度食，完全係唔知點解好似受罪咁！食到一半，又見到頭髮又見到洗鍋嗰d龬絲，即刻直接埋單去第二度食過，百幾蚊食個惡夢。

有冇投訴電話？雖然我知投訴都冇用，食到一肚氣。腸仔蛋轉炒雙蛋，點知佢嚟到係腸仔炒單蛋，同佢講換番炒雙蛋，佢拎走條腸仔先算，俾返個單蛋我，我問尼個係炒雙蛋，佢話咁，走腸仔都係一份蛋，Ok~ (個姐姐個樣都已經西晒) 之後到通粉，叫左火腿鮑魚絲通粉，啲火腿鮑魚絲變壞左(臭縮，酸到一入口就知)，同阿姐講，阿姐聽完就算，當冇事發生，繼續做自己野，之後再同佢講多次，佢話咁多人食完都冇問題，佢問番我想點。有冇問題你叫廚房一試就知，但佢哋完全冇處理，而家飲食業完全冇服務可言，失望。無冇量體溫，同隔離個個有1.5厘米距離，地方污糟，一條枱布走天下，垃圾直接掃落地下。最失望都係食物變壞冇人理，繼續出比客人食😋😋唔知香港仔其他附離潮X係咪都係咁

叫咗西多士加炸雞翼之後淨係畀杯嘢飲，等咗成十分鐘都未到但我啲朋友全部已經到曬嗰啲嘢食，明明落單個時候佢都有覆述多一次西多士加炸雞翼。到頭嚟再問佢，佢話冇落單sorry都冇聲。以後唔會再幫襯。最後仲要等多成十五點分鐘佢先畀個餐嚟，仲要我再催先嚟。足足等了25分鐘。

今朝去香港仔食早餐，時間唔多，所以搵間茶記食諗住食個快早餐。叫左個A餐：火腿鮑絲通粉，炒蛋方包，凍奶茶奶茶算有茶味，都叫好飲；通粉就無咩好講⋯通粉囉！差不多食哂個通粉，個炒蛋都未嚟，同阿姐講，當然係話等陣啦，再望下其他食客，大部分都係未有份蛋嘅！再食埋少少通粉，見到有幾份蛋出嚟，當然無我份啦！飲埋杯奶茶，最後我等唔到了，要返工了，由落單到我走，大約20分鐘左右，耐唔耐就見仁見智喇！不過我自己就覺得耐左少少！

因工作關係，今日去咗香港仔中心附近做嘢，午飯時間去咗係香港仔中心附近嘅潮苑食咗碗牛腩粗麵，加多枝細可樂，牛腩麵都大碗，牛腩好冧，麵冇皂水味，好快又食哂我今日嘅午餐啦，埋单嘅價錢尚算可以，跟住繼續努力去工作。

我每個星期六都要去香港仔同人補習，而學生仔都比較勞起，所以都會食大早餐，通常我自己一個就去食魚旦粉，有人陪食就食呢間. 事關個早餐大份，我地可以share, 佢個魚柳真係好好食!早餐我就通常食A餐，但有一次我地試過叫佢個魚柳，無諗過早餐俾咁大塊，同煎得咁好食! 魚肉滑啦，又唔會太散... 話哂佢係吉烈又唔應該同鬼佬既 fish and chips去比，但撇除個面，個肉真係同靚既 fish and chips有得fight! so far食左都唔止5次，次次成功地叫到既keep到個standard!

這晚家中無人願意煮飯，全家只好外出用膳，這次為求方便選擇了在家附近的餐廳「潮苑餐廳」。這間餐廳是區內鮮有會開至深夜的餐廳，是食宵夜的好選擇。我們這次點了三個餐，包括了鐵板套餐之海陸空（雞扒，豬扒，魚柳），一客咸魚雞粒炒飯，一客是日晚餐（香草汁魚柳蟹柳飯）。而味道方面，總體而言餸菜比較入味，所以單吃有點略嫌重味，但炒飯的調味又略嫌不足。還有這邊的餐湯（羅宋湯），整個湯所有的味道全都被辣味所覆蓋，這方面則令人有點失望至極。總括而言可，飄忽不定，時咸時淡，難以捉摸來形容。

呢間街坊茶記，係香港仔係街坊都識，唔係唔好食，只係質素好飄忽，遇到師傅心情好期實是正的，今日就比我屎忽撞棍食到好西。凍凍地，臀部痕癢，叫左個鐵板食下，$78黎講叫合理價，間間咁上下，有飯或意粉，中西餐湯加熱飲，如果食物高質，性價比係高的，只可惜佢個底花花地，當買大細搏一搏。一上到黎，嘩，中獎，今日好西黎！星期三晚上，收音機播住賽馬，肯定師傅贏左馬仔。大大件，擺到靚一靚，個底有好多配料，又蒜又洋蔥，真係算係咁啦。今晚塊扒到煎得靚過人，唔太生，唔過熟。餐湯同意粉屬正常野，汁醬都係大眾口味。總結：睇你好唔好彩，食平靚好西指日可待。

楊州炒飯 份量少得可憐 以後都唔會再黎！店員態度惡劣，無禮貌，得過且過，無可能份量少成咁 得碗仔咁上下，hea做 真心唔會再黎 特登申請帳號黎劣評呢間野！！！！！！！！！!!!!!!!!!!!!!!!!!!!!!!!!!!!!!!

火都黎埋，入到去個侍應叫我隨便坐。咁咪隨便坐囉，淨返個卡位。跟住有個男人識個收銀，當住我面同個收銀講話我食得咁平霸住張死人枱，然後係咁不停飛啲粗口過嚟，收銀唔出聲任由佢侮辱啲人客啦。你咪禮貌啲問下個客，可唔可以轉第張枱囉，唔駛咁趕客既！

早上送完囡囡去上堂後，有九個字時間，冇野做，最好當然係食個靚靚早餐，打陣機，才接返囡囡，就perfect la. 今日叫咗個番茄蜆殻粉+多士+凍奶茶！出奇的好味道！坐卡位舒服，唔會趕你走！