潮鵝城

Open Now

Now Closed

今日途經太子，想買滷水返屋企食，經過呢間滷水店，買左$60拼盤(半斤，可選四款。揀左紅腸、豬肚、鵝腎) 一隻豬耳$20, 一隻細鵝翼$18，四兩墨魚$50 個師傅切拼盤時，已經覺得奇怪好似冇秤過，每樣拎一舊即刻切。返到屋企用電子磅發現嚴重呃秤，半斤應該係302.4g 但實際只有241g。如果以$60半斤作計算，足足呃咗客人$12。同埋紅腸係大陸防腐劑味紅腸，好難食！其他滷水不過不失，豬耳、豬肚、鵝翼都夠味，鵝腎唔入味。就算你幾好食都好，咁唔老實永遠唔會再幫襯！

以前喺界限街舊舖做燒味同滷水時都有幫襯開，現在轉左去新鋪雖然只做滷味，但師傅👨🏻‍🍳冇轉，一樣咁好味扺食。見佢只得一個食評，實在忍唔住手要寫吓📝。上次二佰三十蚊一大盒滷水鵝，再加一盒鵝肝、豆腐、豬耳、雞腎，但忘記了影相。滷水鵝🦢味道啱啱好唔會太鹹，啲鵝肉好淋，皮唔韌亦不會太肥，雞腎豬耳都好味，尤其鵝肝亦很滑。今次食滷水鴨🦆下庄只是三十五蚊，但食咗幾件之後才記得影相。今次雖然係鴨，但質素並沒有下降，當然肉身冇鵝咁厚喇。

今日剪完頭髮經過，見老細間鋪執得好企理，佢仲好細心咁遂件遂件放好d鵝翼呀頸呀、腳呀咁，睇得出佢好俾心機去打理個鋪頭。買左一盒佢執定嘅鵝翼連腳，盛惠$30。一拎到番屋企就食，仲有d暖暖地，係新鮮整嘅nice！老細仲俾左少少滷水汁我地，鵝翼雖然細細地，但佢隻滷水汁勁好食喎～ 好香！有少少藥材味但唔重，唔咸！食晒都唔會頸渴食到我同屋企人停唔到口，食晒先醒起唔記得影相 淨係影到個外賣袋咋 亞媽仲話下次要買多d，仲有佢d滷水豆腐睇落大舊又入味，下次一定買黎試下