潮 . 囍薈 (The ONE)

Open Now

Now Closed

今次係呢間位於尖沙咀一個比較繁華嘅商場。入邊啲裝修係潮州嘅風格，非常有趣同獨特，因為香港比較少潮州嘅酒樓，今次仲食埋大閘蟹，味道非常好，其他潮州野食都ok,但價錢有點少貴

這裏場地算新淨，不到2年。座位濶落，不太嘈吵。 食物質素不錯。間中做的優惠套餐性價比高。個别菜色可能偏貴。團體宴的十圍送三圍好超值。去了六次以上。帶來的朋友也自己再去。跟部長談起來才知道，名字中的潮，是新潮的意思。不是以潮州菜為主。雖然他們也有潮州菜色，但滷水不是最好食。其他廣東菜色很好。飲茶點心比好多酒樓好。但七折只限少量點心，要注意。

報紙見到大閘蟹蛇宴$1488半席好吸引🤩遇到黃經理非常窩心，入席前更細心通知蒸蟹需要20分鐘，叫我哋通知佢先至叫廚房開始蒸蟹，半席蛇羹都有一整鍋，隨後豉汁蒸鱔非常新鮮夠份量👍🏻羊腩煲好靚酥香又軟熟仲好夠份量，蛇汁唐生菜鮮嫩爽脆，半席鵝就當然係半隻啦，鵝皮脆卜卜👍🏻仲有臘味糯米飯，薑汁桂圓茶同第一度菜嘅大閘蟹嚟返一個頭尾呼應完美終結。順便一提之前食評見到好多彈服務態度差！本來我哋今晚都有啲戰戰兢兢，或許我今天非常好運，遇到黃經理細心又有禮貌又貼心，員工亦都非常友善，完全覺得係超值又舒適嘅一餐

本身係想食18樓的星海，點知被包場，唯有落左黎試試佢。第一枱客就係我地，但等咗成個鐘先上第一樣嘢食，點知啲野全部都係難食，係超難食，超難食，超難食。包唔流心，扁扁的。乳鴿唔脆超咸，得酒味腸粉等咗個半包嘢都差唔多成個半鐘，凍冰冰的。以為有服務拉，都係冇，超差體驗，第一次忍唔住寫食評就係因為佢

巳幫襯此店多次，服務員人數少，態度冷漠。明明星期日列明早上十時開，但要坐到十一時才可下單！找數永遠沒有現金找回！不如列清楚用餐時間和祇收電子貨幣！超差！！！！.不會再來！唔怪得坐到中午十二時，還有好多空位。

本來以為佢有一個海景，食物質素應該OK。點知叫嘅點心全部係暖的，即係唔熱似係用微波爐叮嘅，並唔係即叫即蒸。今時今日酒樓這樣是不合格。最大問題一間酒樓連水都係唔熱嘅。貫徹稻香集團一般只係用一個暖水壺俾你。但係暖水壺倒出嚟嘅水只係微暖，所以啲茶葉都沖唔出茶味。其實間酒樓大約11點開門12點飲茶點會唔熱。證明啲水其實已經係隔夜嘅。咁嘅服務質素根本不能接受。由於呢間酒樓是稻香集團旗下，佢嘅點心同一般稻香及其他集團成員酒樓是一樣的，但佢嘅點心都比起稻香集團其他嘅分店為貴。價錢收得貴，但點心及服務都比其他差，沒有理由再有下次。

今日lunchtime同同事飲茶新開嗰陣嚟過一次 味道份量都唔錯午市有8折 折完之後都算平依到樓底幾高 又有大玻璃透光食嘢同吹水都幾舒服 但唔知點解 開咗咁耐都唔多人😂點心：-原蝦燒賣皇（1件） $20-生拆鮮蝦餃（1件） $20-潮州粉果（1件） $12全部都可以逐件嗌 依樣都幾細心 可以唔使湊人數🙌🏻味道就正常酒樓質素啦剁椒蒸排骨 $50啲剁椒辣辣哋 都幾惹味幾好食小食：-黃金炸饅頭（3件） $35-香煎瑤柱蘿蔔糕 $40-風味燒汁茄子 $40主食：-銀芽肉絲煎脆麵 $148夠晒香同脆 唔錯耶~~埋單每人都係百鬆少少

同班朋友唸住去食團年飯，叫左好多樣野食，真係越食越嬲，野食份量少到一人得一塊都算，我都要求唸住d野食普通正常味就算，點知一碟成兩百蚊既安格斯炒牛河仲衰過茶餐廳水準，色水就有，但成碟野無味，雞煲份量少到應該一人一塊都唔知有無，因為一上來就唔熟，嘩！😡d雞肉係生架！😓仲有d茶淡到無色，好似沖左好多次飲左好多次，得返少少色同無乜茶味羅！我真係嬲到相都無影，後尾個幾碟餸一啖都無食！我好少會打千字文甘多字，因為真係希望d人唔好中伏！

再次光臨, 專登帶家人來食潮州美食。上次試過，讚口不絶，環境，食物，服務，都非常滿意，價錢合理！今次再光臨，食物保持水準，環境不變，但服務員有一位女主任，令整餐飯失分地方，難得一家人聚餐，拍片留念，正當小朋友影相時，個女主任不段同小朋友講： 要汽水嗎？小朋友無出聲，主任不停問，小朋友被佢轉移視線，火都來😡😡！到我地影大合照，叫主任幫手，佢走來倒啤酒，全部望住佢，等佢倒完三杯酒才施施然同我地拍大合照。其實你唔想影，我可以叫其他職員，其他人都好友善。整體食物，好食😋👍🏼推介海皇泡粥，鮑魚雞煲，魚翅煲👏🏻👏🏻。環境寬敞，乾淨整潔。

這個地方非常好，侍應安排我們坐窗邊一張圓枱，可以望到尖沙咀和維港海邊，窗外美景怡人，酒樓地方好闊落，樓底好高，裝修設計裝潢，非常之吸引，加上只得幾枱食客，感覺非常寬敞而且很寧靜，一家大細，三五知己，商務聚餐是一個非常合適的場地，除此之外洗手間也很乾淨，洗手盆設有鹼液，吹風機，裝修設計好貼身。我們叫了一個鐵板乳豬🐷，用火爐㷫著一邊吃，乳豬的皮也變得非常脆口。最值得大贊的就是那個魚雲湯，湯內的用料非常足料，用火㷫著令湯非常溫暖，魚湯🐟的鮮甜及魚雲的口感，喝進肚內非常滿足，其它餸也味道也非常出色，整體來說，這舒適的環境加上美食一起，價格也不貴，勝價比極高，大力推介

好姊妹生日梗係要揾個好地方，要坐得耐d吹下水(我真好怕限時)，本身有朋友年尾结婚預訂左喺“潮囍薈"。舉行婚宴，所以已知地方新净又大。我推介左大家去呢度食晚飯。酒樓職員招呼很好，食物質素都吾差。我地叫左推介孖寶~鹵水拼盤+冬瓜盅都係468。冬瓜蛊飲極都有，而且5個人都叫左吾少食物。 如果朋友想食中菜但環境好兼價錢吾貴又吾限時，一定推介呢間

1/7 and 2/7連續兩日午餐，食品唔錯，有景睇👍坐得舒服，之前已經食過晚飯👏👏，可以推介，價錢合適👍，大伙兒聚會更佳，成個埸係婚禮場，唔錯因為回歸，仲有七折，真係抵食，六人消費，折扣後平均$100左右

朋友從外國回來，想食中餐晚飯，發現The One 有一間食潮州嘢嘅酒樓，從OpenRice查看，食評唔多，原來是新開的酒樓，今日我來試試晚餐!早一天打電話訂枱，響了好耐才有人接聽，呢點大家要留意，比點心機等候。我哋去到12樓酒樓大堂嘅時候，已經有侍應迎接，進入酒樓人數唔多，只得一台客，適合聚餐和傾偈。酒樓地方好闊落，樓底好高，裝修設計裝潢，非常之吸引。侍應安排我們坐窗邊一張圓枱，可以望到尖沙咀和維港海邊，洗手間乾淨，洗手盆設有鹼液，吹風機，裝修設計好貼身。重點當然係食物，我哋叫咗一個四人套餐，有滷水併盤，小炒皇，沙巴班，銀杏豬肺湯，上湯時菜，精味食品，再加了一個拼盤，東星班同鮑魚雞煲，散叫半隻燒鵝，魚頭煲可以不食太普通，但一定要試海皇龍蝦湯泡飯👍🏼整體食物樣樣都好食😋，東星班同沙巴班蒸得好滑，服務一流，員工好友善，好有禮。下次一定要再來，親未人多要去多幾次，係聚會一個好地方，7個人食全部加埋$26xx, 抱住肚走😊😊

新開張確係唔同，點心都是新鮮整出來的，非常之有心，希望保持這個水準吧！ 要推介佢哋個叉燒酥，逐件賣，新鮮滾熱辣出嚟，外脆內暖，有水準兼性價比高！另外瑤柱蛋白炒飯，炒啲飯出嚟一粒一粒嘅，真係唔錯唔錯！