瀛東

Open Now

Now Closed

第一次寫食評，係特登上OpenRice寫😋起外賣平台嗌三文魚親子飯，送到過嚟超多三文魚子超驚喜！已經嗌過三次以上，每次都大大份🩷好滿足 見到open rice其他食評 只可以講呢間餐廳一直有喺度進步 嗌過蟹柳沙律幾大盤🤣一隻手咁大可惜冇影相🥲 希望大家多多支持 好餐廳

今日返工叫飯食，係外賣app box 叫咗18$沙律大家睇吓原來依家$18係食兩啖沙律喺街市舖租應該唔貴，但係點解可以賣得仲貴過沙田新城市呢？街坊生意原來係咁樣做㗎 ？

首先叫左2個餐有另加啲小食，但等左成個鐘佢只係送左啲小食黎，正餐消失左，再問下先知佢分開左成2個人去送。呢個係咩玩法？之後個飯終於到左，但麵豉湯勁淡完全可以掉。仲要叫咖喱豬扒飯，但個飯係凍既。唉~好唔掂既餐廳

我係嗌外賣嘅。嗌之前本身冇睇到openrice其他人comment，諗住試新嘢。外賣見到有蟹肉三文魚親子丼，寫明喺松葉蟹肉，諗住試吓。送到黎，一開盒，就見到松葉蟹肉，變左做蟹柳碎上。。之後先睇返openrice，原來已經有人中過伏。。事後佢有refund到，但係唔夠碗飯。。。不過咁，壽司飯係算好食嘅三文魚同魚子似乎都正常。所以建議如果大家想照食嘅，唔洗叫有貴材料嘅飯，食平嗰啲就算。。

據所知今年5月中有位後生仔頂替左瀛東該鋪位去經營，而本人亦未親自嘗試上一手既食物質素，不能與此作評價。但今日所見食物賣相唔太差，雖然未能做到街坊價錢，但質量亦唔算低，可以再值得一試~

完全唔掂，難食，衰過爭鮮，炸蝦天婦羅，隻蝦細到，咬落口，得啖炸粉，仲有一大陣油味，壽司唔新鮮唔再講，舊飯仲暖暖地，啲魚生無哂魚生味，好似擺左好耐咁，啲wasabi落一大堆，一啲都唔辣，只有彈冇讚，劣食首選

呢間餐廳其實我幫襯過幾次，不過今次嘅經驗我永遠唔會再幫襯。話說我叫咗外賣送餐過嚟,點知上到嚟唔係我叫嘅嘢食,我打電話俾餐廳，一開頭佢話下次補返俾我，我話唔得，因為我係今日叫嘅，之後佢話老細會親自送返嚟, 搞到成45分鐘之後先返嚟，個老細話作為賠償，叫我哋喺送錯嘢食嗰度食兩舊，冇錯係兩舊，其他佢要拎返公司，我已經冇問佢拎賠償，送上嚟嘅態度好差，仲叫我落大堂去拎！！！仲有我叫嘅嘢食係芝士軟殼蟹卷，佢送上嚟嗰陣見到根本都冇芝士，不過我都算，如果再送到黎都唔知要等幾耐！！！