瀛豐放題料理專門店 (Moved) New Location

小朋友生日飯唔知去邊度搞，因為有成20人，有大有細，就得呢個又就唔到第二個嘅口味，所以就忽發奇想不如食放題算啦，又係有朋友介紹嘅情況下試咗呢一間放題，銅鑼灣都真係有好多間放題店，自己都食過幾間，覺得間間都差唔多，預咗呢次都冇咩驚喜㗎啦，點知……上到去見到個門面，嘩咁細嘅，入邊啲枱咁迫嘅，心諗大獲啦，唔通呢次會中伏，仲要咁多人一齊。點知當我哋開動嘅時候，啲嘢食原來好食到停唔到口，我哋有部份人叫咗生蠔海膽餐，我哋叫咗好多生蠔海膽，落完單冇耐就送到嚟，絕對冇拖我哋時間，而且所有食物嘅質素都係非常好，印象中好似冇一樣係唔好食嘅。呢一間係絕對值得推介嘅放題店！

星期日老公突然話想食放題，係網上亂咁搵就搵到兩間，呢間覆得快就幫襯佢。上菜快、成日清枱，好乾淨，地方細細但舒服既。服務好，榴槤雪條同榴槤糯米滋留下深刻印象。期待可以加錢升級。

店鋪放題選擇多 中式日式泰式都有 好少放題有泰式食🤩放題價錢抵食 更可升級放題 有埋生蠔、海膽帶子、燉湯等 .▫️刺身一開始就叫左個刺身拼盤 內有冰山蚌、八爪魚、三文魚、鮑片、馬刀貝、角螺、赤蝦、油甘魚、希靈魚 超豐富！赤蝦大大隻又鮮甜😍😍😍而海膽帶子 2者放埋一齊好夾 好鮮甜 另外生蠔🦪都好大隻 有海水味▪️炸物有天婦羅🍤、芝麻雞翼、炸香蕉、芝士年糕、黃金豆腐、炸芋球等 必食芝麻雞翼 炸得香脆 肉嫩🫶🏻▫️熟食有多款泰式小食 豬頸肉、生菜包、串燒、金邊粉、炸蛋、冬陰功湯、馬拉盞通菜😍 馬拉盞通菜出奇地炒得有鑊氣！All in左2碟😜 燉湯超足料 飲落好清甜▪️甜品及雪糕除左雪條外 仲有甜品櫃😍😍有Tiramisù、布丁、泡芙同榴連糯米糍🥰

首先一入門口一見到的格局環境就心知不妙，成個茶餐廳甘的格局，的位完全吾好坐，非常壓迫。加左$138任食生蠔刺身碑酒，坐底第一件事梗係飲碑酒；第二自助裝碑酒的膠杯有漬，加上飲品款式吾多。第三酙完碑酒緊係試吓的生蠔剌身，點知剌身擺盤賣相完全吾掂，睇見都冇食欲，刺身冇鮮味完全係吾知食緊咩，第一round叫左6隻生蠔，食左一隻就知吾掂，冇再食，仲話係即開生蠔，完全冇海水味，真係吾知係咩生蠔。第三試下的熟食；點知又係成pat屎甘，我地兩個人食的碟就每樣一兩件用個骨碟上，吾講以為食緊廚餘。第四壽司飯係熱，仲要成個鼻屎甘，真係懷疑個廚師係咪煮開中餐扮壽司師傅第五，海膽帶子又係吾新鮮，－睇顏色就知，帶子淋pat pat 包住的溶既海膽，帶子冇帶子味，海膽亦冇海膽味到最後我地兩個人每様試左的就冇再食，真係食吾落，其一賣相擺盤完全似人地用的骨碟裝的㕑餘甘，其二味道真係垃圾。之後搵左所謂既經理𡃁仔反映，態度囂張，我地食左半個鐘就比錢埋單，真係食吾落。佢話的碑洒膠杯用洗碗機洗係會有漬，其實有乜理由膠杯會重用，好心啦，膠杯應該即棄，又吾係玻璃杯，衞生情況極度欠佳，大家自求多福。我既負評全部有根有據，有圖有真相，

銅鑼灣又一間抵食放題🥰有得任食生蠔🦪同海膽帶子(加$138升級)刺身都有好多選擇😚三文魚、吞拿魚、油甘魚、鮑魚片、螺片、希靈魚八爪魚、赤貝、赤蝦等！肉質都算新鮮彈牙！最鐘意珍寳赤蝦，超肥美、勁大隻！！🥰生蠔🦪生蠔嘅Size都算幾大，食落好鮮甜同埋都算好肥美，配埋檸檬汁一流🍋海膽帶子✨超大隻帶子！！好彈牙新鮮☺️仲有超多泰式菜式😗全部都好入味，勁高質！飛天通菜同辣椒膏炒蜆都係我最愛！仲有甘葉香蒜炒魷魚都好香好入味🦑冬陰功湯有驚喜，又唔會太辣～炸物放題必食，有天婦羅等選擇，熱辣辣，但炸粉再薄啲會更好😆芝麻雞翼必叫，外皮香脆，入面都嫩口～📍 瀛豐放題料理專門店 (銅鑼灣)銅鑼灣駱克道491-499號京都廣場10樓

燉雞湯好足料，相信應該燉咗一段時間，成個湯飲落去好清甜好舒服！之後食咗六隻即叫即開生蠔，食落去味道好新鮮，亦食得出有新鮮海水味，配檸檬汁或者茄汁食都好配合。之後食咗一個帶子配海膽，將帶子鎅開一半，然後將少量海膽放喺中間罅隙，咁就可以同時食到帶子加海膽嘅味道，先貼未加上海膽嘅少少鹹味，感覺上都幾配合。刺身拼盤嘅賣相都唔錯，望落去各樣嘢都有光澤，食落去都好新鮮。各種嘅火焰壽司都好好食，選擇嘅種類都足夠，最欣賞嘅係張芝士擺面燒得好好食，其他普通壽司品質都唔錯。

開頭都係抱住試下既心態，仲多加一百蚊任食蠔但估唔到隻隻蠔都勁大隻，仲處理得好好，酒店級數都不為過，食10隻, 成餐已經回左本~好有特色的帶子釀海膽，成件事好名貴~燉湯好足料同好好味，估唔到連中式野都掂~ 任食刺身質量都極高，除左有多款魚生，仲有多款貝款 ( 我最LIKE)魚生厚切，貝類都切得好大件，唔係碎濕濕刺身處理得好好，唔會成舊冰，亦唔會好腥赤蝦勁大隻呀~  除左日式料理，呢度既泰國料理都好正平時食泰式生蝦都唔平架，呢度竟然有得任食泰式生蝦, 一食就知係正宗泰式野，個酸辣汁真係無得輸飛天盏炒通菜都好夠鑊氣， 超好味~ 第一次放題食咁多菜~HAHA 辣椒膏炒蜆即炒架，好香，勁有大排檔風味~ 蒜蓉焗帶子好香口 特別想讚下呢度既飲品，除左有好多款揀。仲有一D平時少見既，而且唔係CHEAP 雞野，連道地 MR JUICY 呢D都有，絕對係有落本架~  特別推介下個 Watson's 椰子梳打, 其實PINA COLADA 黎，好少酒精，但幾好味，第一見呀~甜品方面都係任攞，但食得太飽，已經食唔落試左個豆腐雪糕 ，幾香豆腐味 (呢個BRAND 都係好野黎) 呢度食物質量非常好，不論熱食, 凍

這間位於銅鑼灣的人氣日式放題餐廳，主打日式、泰式及港式，食物選擇非常之多，價錢又親民，適合和家人或朋友聚會，建議先行訂座。晚市放題 - $249升級任食生蠔及海膽火焰帶子+$138或 任食海膽火焰帶子+$118即開生蠔刺身即叫即開的法國皇家生蠔，生蠔個頭適中，肉質肥美飽滿，有著清甜的海水鮮味，不帶鐵鏽味，配檸檬或生蠔汁。海膽火焰帶子雪白肉厚的帶子軟綿鮮甜，輕輕火炙帶微微焦香，夾著豐腴的海膽好甘甜。刺身拼盤色彩繽紛的拼盤極吸睛。含豐富魚脂的三文魚好爽滑鮮美、火炙吞拿魚赤身軟腍脂香、清爽的油甘魚充斥魚油香氣，還有八爪魚、鮑魚、螺片、赤貝、赤蝦及馬刀貝等刺身。燉湯(送)真材實料的老火燉湯好滋潤，有雞、瘦肉、蟲草花及圓肉等等，入口好鮮甜。泰式食物方面，泰式燒元貝有著肥美碩大的元貝肉，爽脆的裙邊和軟糯綿密的月牙位，充滿著層次；泰式魚露燒蝦淋上鹹香的魚露提鮮不少，蝦肉爽滑彈牙；泰式蝦餅即炸特別酥脆不膩，飽滿的蝦肉餡好彈牙；港式食物方面，串燒牛柳串著軟嫩多汁的牛肉，充滿沙嗲香味；燒菠蘿香甜多汁；甘葉香蒜炒墨魚鬚爽滑彈牙富濃濃蒜香。日式食物方面，大蝦天婦羅薄薄的炸衣酥而不膩；粟米蟹籽沙律爽甜的粟米淋上

今日去呢間勝價比高嘅日式料理放題，平日下午時段都係每位$219，升級任食(+138/位)任食2小時，可以無限追加法國皇家生蠔🦪及海膽帶子，仲可以任飲生啤1664。Follow/Like FB 或IG 送左個蟲草花煲雞湯，好清甜。食物種類多，有刺身、壽司、炸物、串燒、泰式料理等等，當然仲有甜品🍮雪糕🍦同飲品🧃。刺身船有齊肥美三文魚🐟、希靈魚、赤貝、仿鮑片、鮮甜珍寶赤蝦🦐，每款都很新鮮。法國🇫🇷生蠔🦪入口綿滑鮮甜，肉質滑溜厚肉，鐘意吃蠔可以不斷Encore。厚切海膽帶子好鮮甜，口感豐富，首先感受到帶子既彈性肉質，再嘗到甘香既海膽味道。熟食選擇都好豐富，燒元貝、炸雞軟骨、泰式炒鮮魷、冬陰功等等。飲品有茶類🧃、果汁，罐裝咖啡☕，甜品方面布丁🍮、榴蓮糯米糍都唔錯。

加左每人$138生蠔🦪、海膽帶子海膽超少、生蠔沒海水鮮味，仲差過10蚊隻生蠔，但吃完其他放題食物，先知生蠔同帶子已好正常！刺身不新鮮，熱盘每樣都偏甜、樣又難睇，最好吃係炒蔬菜，生菜包有酸味，泰式炒蜆甜到爆，蟹籽沙律酸的，但點解有咁多好評，大部份等級3、4的打手，好難相信會有人encoreOpenRice 對於差評評審嚴謹，為何刷好評的偽評語又冇人監察，最後冇一樣吃得落口，每人盛惠$426，超正！好識化妝的店鋪順帶一提，服務係ok 既

叫二十碟，上大約八碟，非常不愉快！生嘢上齊，壽司同熟嘢原全唔知去咗邊，生蠔完全係用清水洗，已經冇晒味，食唔飽又話夠鐘，睇嚟都冇下次，四百幾五百應該仲有好多選擇，祝生意興隆！

超耐無食過放題琴晚黎到呢間超人氣銅鑼灣放題店夜晚六點黎到已經坐左半間餐廳一開始黎左六隻帶子刺身+海膽 同 六隻生蠔帶子大大粒好鮮甜 海膽都幾鮮甜生蠔就普通啲 比較淡口唔太甜 但都係新鮮的之後就到我地最愛的刺身鮑片同北海道角螺刺身都超鮮甜 我地encore左幾次😍三文魚腩 油甘魚都好重魚油香味😍蟲草花雞湯好好飲感覺食完好多生冷嘢 飲番碗暖呼呼又滋潤嘅湯好舒服😌燒扇貝同芋泥波波都熱辣辣好好味最後我地仲食左杯朱古力雪糕同榴蓮糯米糍 都好好食😋交枱時約莫8點 𨋢口企滿下一輪嘅食客所以包保食材新鮮 食海鮮刺身都好安心！！

新春想同一班好朋友食餐好，就去咗 瀛豐放題料理專門店。瀛豐放題位於銅鑼灣，鄰近地鐵站，地點非常方便，係聚會嘅好地方 刺身方面都真係好多款式選擇，包括三文魚、油甘魚、希靈魚、赤蝦、八爪魚、馬刀貝、角螺、鮑片、赤貝等。刺身都係厚切，食落啖啖肉；赤蝦係珍寶size，有接近筷子咁長，睇到已經流口水。除咗刺身拼盤，只需加$118，就可以任食海膽火焰帶子，厚肉帶子包着鮮甜海膽，既有海膽和帶子嘅鮮甜，同時附有火焰嘅香味，好抵食生蠔控應該都好鍾意呢度，只需加$138 ，就可以任食新鮮生蠔，生蠔大大隻有好厚身多款壽司選擇，花之戀、火炙左口魚邊、鵝肝帶子壽司、原條穴子壽司、牛油赤海蝦壽司仲有好多選擇～另外加$68就可以嘆到蟲草花燉雞湯，燉湯非常都足料用上硬鮮雞件，仲有唔少材料，飲落好滋味除咗刺身海鮮類，都唔少熟食選擇：大蝦天婦羅、芝士年糕、芝麻炸雞翼、和味一口牛、辣酒煮花螺。每一款熟食都唔錯質素，食唔停口。香茜三文魚湯係我推介之一，香噴噴嘅芫荽配上香濃嘅三文魚湯，好香好有魚美，喜出望外。除咗日式食物，仲有唔少泰式食品，包括泰式魚露燒蝦、串燒（牛柳、雞肉、豬柳）、泰式燒元貝、青木瓜沙律、泰式酸辣鳳爪、泰式肉

早前朋友食過哩間《瀛豐放題料理專門店》話好高質，預早book定今日來試吓🤩平時食放題好少有任食生蠔，哩度不但任食，仲係好似buffet咁即叫即開即食，所以係好新鮮，令我好放心食😋刺身都唔弱🤩有我最喜歡嘅鮮帶子海膽🤤帶子大大粒鮮甜肥美，海膽又唔腥。其他刺身都食咗好多🤤以上剩係食多轉已經回本啦，另外仲有燉湯飲添！熟食方面有多款日本炸物🍤天婦羅，泰式炒蜆，燒元貝，炒菜同生蝦等。。哩幾款推薦😋飲品同甜品區都乾淨企理，任飲汽水啤酒🍻甜品等。。餐廳雖然不算大，但有生蠔任食已經夠吸引，唔同時段價錢由$209-$249又平又抵，值得來試👍

好耐無食放題，亦好耐無食高質既放題😋服務非常好，整體收碟流暢度都好快脆，食放題最驚食完成枱野無人收，呢到完全唔會有呢個問題☺️升級版仲有生蠔同海膽帶子食，緊係加加加😍海膽帶子❤️勁新鮮 絕對值得升級海膽鮮甜，帶子鮮嫩，好好食🤤生蠔🦪肉身肥美，蠔味鮮仲有唔同種類既壽司🍣刺身同熟食刺身都好多品種，珍寶赤蝦大大隻😍，貝類都有幾款，三文魚係切得勁厚身又大件，完全滿足左食魚生自由😙，份量足，品質高🤩壽司同熟食都好多款，每樣都好吸引，係以QR code自己落單，入面有埋相，超級貼心而飲品區甜品都係自行出去拎另外值得大讚係，Encore既都保持到食物水準，完全唔會hea出😏