灃美小食 (Closed)

收工成11點,街上面冇咩好食,走去澧美搵野食.買個碗仔翅,炸燒賣,牛肉球,蝦餃,糯米雞翼,就即場企係街邊食,唔洗年初一去排大隊,去同人迫,哩度乜都有得食,飯又有,足料老火湯又有,點心又有,而且哩度絕對係良心小店,贈食與基層人士,碗仔翅足料,有齊胡椒粉醋同麻油比你落,糯米釀雞翼好巨大,塞到成隻脹卜卜,食到好鬼飽,蝦餃即蒸,皮彈餡有蝦味,落埋辣油仲正,牛肉球真係好似酒樓食果d 咁,炸燒賣香脆,入面煙韌,加埋椒鹽送啤酒一流,最後仲買左醉雞翼,哩度必食既蝦醬雞翼同冬瓜茶返去,食左咁多熱氣野要飲返d 冬瓜茶清下熱氣XDD不過,澧美小食依家暫時停業,搵緊新鋪位,希望你地快D 開返啦.

主要做外賣生意，門外可另設幾個簡便位置堂食。老闆十分友善，一腳踢好忙，亦好多網上訂單。.🔸蒜辣雞中翼飯 ($34)分數: (7.8/10)雞中翼好夠辣，蒜味好香，十分入味，又惹味。雞中翼啲汁，令到最底嘅飯比較濕。。。份量多，飯好多，雞翼有4-5隻。.🔸栗子合桃粟米雞湯($38)分數: (7.3/10)佢地親自煲，冇味精，好足料，好多湯渣，不過湯本身個味道較淡，唔係好夠味。.💈深水埗元洲街1F號地舖

夜晚放工，唔想自己煮，我會行過嚟這間小食店買外賣回家食。店內的人，友善又好傾，係度等嘢食時吹下水，有這店做街坊真不錯喔👍🏻炸燒賣 (HK$15/6粒)即叫即炸，炸得脆口，不點醬汁齋食都好味😋花膠淮山雞湯 (HK$48)已經獨立包裝好，回家剪開倒入碗就食得。多料，有幾塊花膠、幾片淮山、仲有雞中翼。花雕雞中翼 (HK$34/6隻)這個花雕味比較甜，好特別喎！雞翼入味又腍身，正呀😋京葱羊肉水餃 (HK$35/5隻)我見這款是 #期間限定，不想太多就點了。大隻足料，另外有碗上湯，帶回家之後先加入上湯，水餃就不會腍晒，不過羊「蘇」味有點重。

蝦醬炸雞翼飯都幾有蝦醬味，唔錯，幾特別同埋雞翼幾大隻碗仔翅拼魚肉兩溝，我覺得OK啦，不過不失，仲有魚肉都算幾多炸曼頭炸得好鬆脆呀食唔停口掂埋煉奶好正煎餃子個皮唔厚OK既！炸雲吞好食呀！裡面係啖啖肉正呀！陳皮魚蛋OK 啦呢間野真係好多人我都等左好耐哈哈另外，鋪頭D人好Nice呀