無名炭爐伯伯雞蛋仔 (Closed)

睇到伯伯俾人拉既新聞，我哭了。仲記得有次路過同伯伯買雞蛋仔，伯伯整個時四圍望，好驚有人來拉佢。我諗住橫掂等緊d雞蛋仔熟，就拎錢俾佢先，佢竟然話﹕等d雞蛋仔熟左先俾啦。本來「貨到付款」係合理，如果伯伯突然要走鬼，我會白白冇左10蚊，但係由伯伯口中講出來，就知道佢完全係一番好心，想自力更生，但求有尊嚴地活著。食環處要執法無可厚非，不過有冇必要一個月內捉咁多次，唔通伯伯好蝦d？今日報章亦有講伯伯既雞蛋仔在openrice好評如潮，正所謂人怕出名...其實，大家愛佢好似變成害佢... 因為佢無牌的...伯伯既雞蛋仔就好似屋企人煮飯俾自己食咁，可能唔係最好味，但係一定最有人情味。而呢種味道正因為無人情味既制度所壓倒，可悲！希望伯伯可以好似中環既鞋匠咁有個生存空間。支持伯伯！

昨天一時多經過銅鑼灣道，不見雞蛋仔伯伯，心想今天天氣這麼好為何伯伯會不開檔。銅鑼灣道上罕有地見到很多警察，隱約聽到有警察說：有無搞錯，十日拉三次。當時心想難道伯伯被拉了，所以沒開檔。很久以前給伯伯在 Openrice 寫了一篇食評，寫前聽伯伯說：生意難做，一星期被食環署拉2次，連罰款和被充公的搵食工具共用了五千多元。我已為他心痛和難過。試想那五千多元就要他白做五百多盤雞蛋仔了，而五百多盤又要花了他很多天無償的日子。對一個七十多歲的老人來說著實有點奢侈。所以我在給寫食評的同時，也期望食環署人員會就伯伯的個案酌情處理，好讓有心自食其力的人得享生存空間；而我自己也決定，只要每次經過銅鑼灣道或駕車在附近都會找時間幫襯伯伯買上一至兩盤雞蛋仔。有一段時間，試過連續很多天都幫襯，有時自己吃不下，也買回家給家傭吃，全為給這老人家一點支持。今早看報得知伯伯昨天真的被拉了，而且是八天拉了三次，所以引來很多街坊的不忿和聲援。雖然這最終都幫不上忙，伯伯還是被拉了，這證明人間有情，但食環署人員有情嗎？不希望食環署人員可為伯伯做些什麼，但至少希望他們用法理以外的人情去體諒這些為生活而奮鬥的老年人，高抬貴手，盡可能

每次經過大坑總會想起阿伯的雞蛋仔, 充滿炭香而且粒粒雞蛋仔都是飽滿的, 吃一底已經很飽.可惜今日看到新聞, 阿伯被食環署針對, 常常被掃檔, 今次還廿多人去掃檔, 太過份了, 一個小檔口需要咁多人去掃嗎, 跟本就係欺負阿伯http://news.hkheadline.com/dailynews/content_hk/2011/04/11/144941.asp

相信大家都對呢個位於大坑既伯伯略有所聞﹐ 好似開檔時間無定時﹐ 用炭爐黎整等等。事實上﹐ 炭爐伯伯既雞蛋仔同出面既完全唔同﹐ 唔單只係口感味道﹐ 更加有既係風味﹐ 同人情味。星期六既一個下晝﹐ 同朋友去坑順興諗住食個滑蛋叉燒飯既途中﹐ 就見到伯伯剛開檔。身旁既朋友從來未食過﹐ 就算朋友胃納有限﹐ 聞到伯伯整緊既雞蛋仔所發出既香味﹐ 仍然忍唔住買左一底。整好之後﹐ 比錢既時候﹐ 伯伯完全唔介意我地其中有一蚊係毫子﹐ 仲同我地好好聲氣講﹐"要襯熱食呀"甘﹐其他鋪頭? 比兩個五毫子都噪到你失暈﹐ 晌未食之前﹐ 已經食左人情味落肚。不過﹐ 唔好味既﹐ 點講都無用。 新鮮既時候﹐ 外脆﹐ 內軟﹐ 蛋心係鬆化既蛋糕感。有蛋味﹐ 但係亦有D發粉味。講味道﹐ 唔係最好﹐ 但係講用料﹐ 就一定足。咬左一啖後﹐ 你會見到係好似蛋糕仔。由於要去食滑蛋叉燒飯同車仔腸粉﹐ 所以無食晒放左入袋。 幾個鐘頭之後﹐ 個雞蛋仔既口感﹐ 超似細個極其中意食既蛋糕仔。呢底雞蛋仔﹐ 可算係新鮮食又得﹐ 遲D食又得~ 其他? 一凍左就又硬又唔好味。賣十蚊就可以甘﹐ 邊間雞蛋仔得?今日新聞﹐ 原來伯伯近排被食環署勁拉。令我諗起前

係幾個月前見到咁多人排隊購買伯伯的雞蛋仔 又見到大家都話咁好味之後幾個月前就走左去買黎試下 走左去買返底不過就唔記得影相><"我去個時唔多人排~所以好快就有la見到伯伯對人都幾熱情~好似做每一底都好開心咁..我相信伯伯真係鍾意整雞蛋仔俾人食如果唔係都唔會驚走鬼~~同仲整得咁好味對人咁細心la講返雞蛋仔先~我1個人真係食唔哂.我先前以為係依加周圍食到d雞蛋仔咁~都係空心原來伯伯個d係入面好似蛋糕仔咁真係第1次食而外面個d好脆~我食唔哂..放左係到一陣..之後再食都仲係好脆真係好好味~見到樓下個位話上次伯伯俾食環處捉到真係有d擔心因為我依加去大坑都好小見到伯伯

我每日都食伯伯的雞蛋仔，你話超好食，我唔敢寫包單，人人口味唔同，但那份懷舊感，街坊的人情味，就是不能取締，我相信大家都能明白，好味不只是那純粹的味蕾刺激，還有那份人情味，時代與環境的情懷，但今日我買完後冇几耐，就看見食環處的人，五個圍人個，又拉又鎖，趕盡殺絕，他唔衛生嗎？他礙街嗎？我做街坊一啲都唔覺，我看到最後的畫面，就是他們把他拉走，大坑的人情味，已被啲乜乜地產商，收樓集團，無量業主，迫到所如無几了，炭爐雞蛋仔，還有機會見面嗎？

最近跟友人們談及香港小食掃街文化，大家傾得興高采烈，邊條街賣嘅臭豆腐正，邊間咖哩魚蛋夠彈牙，邊間牛雜夠入味，大家總有共同答案，唯獨對雞蛋仔就有唔同見解。有人對利記王國讚不絕口，有人對低調高手果份真功夫百般欣賞，更有人受電視神化後，特登去西灣河朝聖，雖然大家意見不一，但就同樣對大坑果位無名伯伯所做嘅雞蛋仔異口同聲讚好！無名伯伯以炭爐燒出外脆內厚嘅傳統雞蛋仔，年青一輩或者食唔慣，不過呢種口味正係我地最懷念最樸實嘅一種。蛋漿比起其他小店較濃稠，而且黏性特強，所以做出來嘅雞蛋仔亦份外飽滿。有幸跟伯伯傾左一陣計，佢透露多年來一直都沿用四隻雞蛋做出三份雞蛋仔嘅份量，我仲笑住同伯伯講：「物價飛漲下會唔會因價就貨架？」伯伯回望我一眼，再低頭努力做雞蛋仔，口裡就話：「後生仔，開稀左就唔好食架喇，最緊要大家覺得好食同食得夠飽呀！」心想有一定道理，抵你多FANS！然而，伯伯在說話尾音及面容上流露一點唏噓，到底係為左百物騰貴影響而慨嘆，定係因為走鬼而擔驚受怕呢？就喺呢個時候，新鮮熱辣嘅雞蛋仔整好，將十蚊交俾伯伯，說句多謝，開始在呢份雞蛋仔中感受伯伯多年嘅努力。每一粒雞蛋仔瀰漫住陣陣炭香，呢種碩果僅存嘅香氣，除

早前與友人往大坑的「民聲冰室」吃午飯，剛步入銅鑼灣道不久，已看見蛋仔伯伯的踪影，其實當時已極想試試伯伯的手藝，因素知伯伯的營業時間不定，難得碰個正著，反正聽別人說這裡的蛋仔已久，但我就一次也沒有吃過，耐何友人對雞蛋仔有童年陰影，望著這街頭小食也不為所動，所以我只得遠眺蛋仔一眼，算是望梅止渴。這天下午，一個人獨自去偷歡，決定再往大坑碰碰運氣，果然見到伯伯的手推檔口，而且竟然無人排隊，真好。向伯伯說出想買一底蛋仔後，他以純熟的手法把稠身的蛋漿倒入一個如蜂巢的餅模內，然後把它合上，經倒轉過後，靜候一會，伯伯便用那特長的叉齒把蛋仔從模具內挑出來，再放在架上讓它攤涼，跟著小心翼翼地把已降溫的蛋仔放入紙袋，遞給我時還連聲道謝，真讓人窩心。現在傳統的街邊小販，少之又少，以木頭車仔作檔口，用炭爐和模具烘焙雞蛋仔的，相信更是鳳毛麟角了。聽伯伯講，原來他已七十歲過外，一生約花了三十多年的光陰在售賣雞蛋仔上，果真是老手一名啊！其實製造雞蛋仔，乃易學難精，由烹調時間、火候，以至放涼、入袋方式都是一門學問，不可能一朝一夕就學懂，要做得好吃，雖包括外脆內軟，有蛋香、無烘燶，方為上品。至於這包雞蛋仔，雖然是即製，但

從大坑的Classified走出來，未幾便嗅到香氣，心知雞蛋仔伯伯離我不遠矣。急不及待從伯伯手中拿著剛炮製好的雞蛋仔，熱得燙手又燙口。趕快吃一粒，炭香味不太重，蛋味亦較薄弱，但勝在夠脆口，餡亦足，粒粒飽滿又實在，是可以接受的。亦由於太飽肚關係，若然自己吃完一底，恐怕沒有能力再在大坑掃食，還是跟大家分甘同味好。伯伯辛辛苦苦做出來的雞蛋仔，水準不算差的，但我還是比較喜歡大澳那位伯伯既出品。$10/底，不妨一試。

** 話說食完個『民聲』個『小肉山』，再去會一會雞旦仔伯伯！ 沿OPENRICE所指 中華遊樂會行.....行了大半條街都唔見！，正想走之際，俾我個貓鼻嗦到好香脆既野~~~~~一定係雞旦仔伯伯係附近！走前多幾十步見到伯伯啦~~算有緣咯~~ 見伯伯好似好緊張，四圍望來望去！我影相佢重緊張D添~~~佢話要走鬼，咁就即買一餅先！ $10 ，佢好好人俾我先，之後再有好幾人走來，有個好似揸車黍買添~~見伯伯真係不斷加炭，哈~~有D似以前係戲院門前D炭燒尤魚！真係唔好意思，伯伯同我傾兩句，有餅燒焦作廢咗~~ SORRY ！睇佢整真好簡單易做！其實真重好飽，一路傾都一路食，真特別香脆D，不過要特登揸/坐車黎買就唔會啦~~都係唔好咗人，走去坐車走人，後來返到家以為會淋唔食得，點知原來個袋有小孔梳氣，重脆可食！

每次行過銅鑼灣道...都見到呢檔灰燒雞蛋仔好多人排隊...但因為次次都趕著返工既關係...無時間排埋一份...今日特登早左十五分鐘出門口...目的就係為左排雞蛋仔...等左十幾分鐘左右....我終於有得食啦...一食落口...個表面係超脆...而裹面係勁豐富勁香既雞蛋味...而且唔係太甜..正粒雞蛋仔係實心架...十足一粒蛋糕仔一樣...所以一底超級飽肚...十蚊一底..物超所值呀...題外話：問左個伯伯...佢每日會大約十一點鐘開檔...賣哂就會收檔...

兒時極愛吃的零食是炭烤雞蛋仔, 很脆, 很香, 一元一底, 一毛三個, 無錢吃也圍住睇. 現在多用電, 剛好行過見到食評盛讚的雞蛋仔, 立即一試.感覺受到欺騙, 雞蛋仔不太脆, 沒甚麼味, 只感到一粒熱粉團, 完全不是兒時感覺, 亦比不上電烤的. 總之一底四個人吃, 也你推我讓, 年宵行完也未吃完.愈想懷舊, 愈失望. 有多少間蓮香居?

第二站, 就是一同行到街口, 一嘗這裡的雞蛋仔.雞蛋仔 $10: 6分, 八個人分吃, 要了兩底. 雖然用上木炭去燒, 不知是否近日的印尼炭品質較差, 吃落口是沒有木炭的炭香. 剛做好, 當然是熱辣辣, 但蛋香一般, 每粒都是實實的, 吃多幾件都覺得飽.不過能夠一試傳統的炭燒雞蛋仔, 也是種緣份. 繼續努力吧.

伯伯既雞蛋仔應該都算係我童年回憶我自己住大坑既，睇住佢係大坑賣雞蛋仔賣左過十年細細個讀小學呀媽接放學返屋企段時間總會係街口撞到佢，呀媽總會叫我嗌伯伯，然後買一底俾我，個時先賣緊5蚊定6蚊生意都幾旺架個時，以前街口係佰樂戲院黎，個區得呢一間戲院，所以人流都幾多傾開計都知佢好多野，佢老婆仔女係大陸，係香港係得呢檔生意撐起頭家好多雞蛋仔車係冬天先開，但係夏天卅幾度有時都會見到佢，曬住做真係好勤力有時會見佢唔到，因為佢無流動小販牌，有時俾人沒收左架車生意都無得做，要自己砌返架新車有段時期佢好慘，佢以前住鐵皮屋既，唔知點解燒左，屋企財產都無晒，好慘。 仲記得上左報紙，見到佢好企左係堆瓦礫前面好無奈個樣生活所逼，佢之後都有繼續做之後都有幫襯既，但係有次屋企人係超市見到佢係度揀d裂左既特價蛋，之後就無買啦 講左咁耐故，離晒題，係時候講下佢d野食 以前佢d雞蛋仔都係用溝左真蛋既彈醬整，個時佢d雞彈仔就偏脆，空心既，同而家好唔同可能回憶總係美好，其實我都係鐘意佢以前既雞蛋仔，香口d，而唔係而家既實心雞蛋仔或者佢覺得實心，令顧客覺得抵食雖然係咁，有時等巴士都會行過少少幫襯下佢大家行過都捧下場，日日對住個炭

一個字讚 其實大家唔雖要奇怪 阿伯點樣失手 ? 雞蛋仔唔好味咩, 非也…你睇下呢抵雞蛋仔散晒架仲要咁岩輪到我, 有無咁好彩 ?? 就係咁好彩 …. 雞蛋漿比一般的濃淍, 顏色也較坊間的略深色由於用炭爐關係, 明火燒的關係, 成品也較快大約10 分鐘伯伯已消化了10 多抵, 終於到我有得食啦 其實炭爐傳來的味道是很奇妙的; 不是直接食物的香氣但很攝人啊 ~ 熱辣辣 (但散了) 的雞蛋仔送到手中, 十分興奮之餘也急不及待隨隨放進口中粒粒肉心, 結實而有張力的雞蛋仔, 感覺是充滿蛋香而且像吃中式雞蛋糕 很飽滿的樣子因為充實關係, 吃了半抵已有飽意 又不捨得放棄, 吃到最後已涼了點, 但還保持到脆口好味 最後也 KO 了一抵 阿伯你係得既