燒賣王子 (Closed)

燒賣係好多香港人喜愛既街頭小食之一👅E.L都唔例外但出面好多都係中央工場做口感太粉無魚香味 食落就麻麻地🤨而近日係黃大仙竹園街市覓食道搵到間都唔錯既燒賣🤘🏻.食店標榜係手工燒賣🍢除左有普通既🐟魚肉燒賣之外仲有少見既🦑墨魚汁燒賣.雙拼燒賣（$20）一叫即刻夾上黎 食落熱辣辣䜴油唔會太咸 帶少少甜味燒賣軟熟得黎有彈性唔會好似食粉團甘墨魚汁燒賣口感軟綿得黎仲有啲墨魚粒😋食落有口感 整體表現都幾ok👍🏻.地址：黃大仙竹園道15號竹園廣場地下竹園市場.

店員態度惡劣! 20元8粒的燒賣, 初次嘗試, 當然每款都想食, 店員不但沒介绍。仲話你估喺你屋企咩, 無可能任你揀。她未經顧客同意, 又自行加辣汁在燒賣上, 蓋咗燒賣的原味。我根本唔食辣。她更自跨即叫即蒸, 需時10幾分鐘。最後, 咪夾咗一早蒸定的燒賣。大家出來食嘢買嘢, 都要開開心心消費。第一次光顧, 已換來一肚氣。竹園街市的食店何其多, 買燒賣的, 又不只你一店, 獨巿生意。要顧客受氣, 真是無下次! 店員又不禮貌的對待。

早前黎過哩度買，不過當時店員話太早未蒸得切所以最後無買到，今次開完會經過就黎試下睇下有無得買，有喎叫左份黑白燒賣(手工燒賣/手工墨魚燒賣~各4粒), 咖哩魚蛋，夏枯草黑白燒賣，黑即係墨汁墨魚燒賣，白色皮包住黑蚊蚊好特別，墨汁味好香有墨魚粒粒口感好好，普通燒賣唔會似平時食既肉質好削好霉既感覺。咖哩魚蛋真係幾辣下，但好刺激食完咁衝擊既野食，嘆返枝夏枯草清一清熱因為係手工燒賣，整完即蒸，但會需時，趕時間就要留意啦！

我有舖食燒賣既癮，早排上網見到啲必試燒賣既推薦，就想逐間逐間試哂佢。琴日終於的起心肝，去左呢間燒賣王子試下。個地點距離地鐵站有啲遠，行上去條路又斜，但基於人生路不熟，唔識駁小巴上去，唯有死頂行上去啦。上到去個廣場都好多野食，定力少既話，真係會俾其他野吸引左。去到燒賣王子，嗌左一份手工燒賣一份黑燒賣，每份15蚊6粒。手工燒賣就係普通既魚肉燒賣，但係就同平時食開成舊粉嘅好唔同，軟熟好多。黑色就係墨魚汁燒賣，有啲墨魚粒粒，好有咬感，其他地方好少見。整體來講，呢間既燒賣都幾特別，幾好食

經過一輪雜誌、網上媒體介紹喺竹園夜市，難得去開黃大仙，就去竹園夜市掃下！其中入面值得分享俾大家嘅係燒賣王子 👍🏽當日咁啱有姐姐即場包燒賣，我地就問下方唔方便俾我地一路影下相，一路等下下一轉燒賣蒸好，睇住佢即包，即蒸！我地就一出蒸籠即食，加埋少少特製辣汁，成件事好完滿

突然有點點肚餓，但又唔想食得太飽，怕晚餐食唔落，所以口痕想食小小野，就諗起早前係電視有介紹過既燒賣店係附近，聽講全部都係人手造既燒賣。叫左個從來都未食過嘅炸燒賣黎食，都係第一次食，蒸燒賣就食得多，炸就未食過，今日正好可以試吓有咩咁特別。剛炸起既燒賣脹卜卜大大粒，加埋椒鹽，賣相都唔錯，望見都流晒口水食落外皮有點香脆，魚肉彈口，幾好味，價格平，可以再黎食不過炸燒賣就唔好外賣啦，建議立即食，因焗住會變淋晒😊

There are quite a few branches of this.Previously went to the joint at Lam Tin as it was more accessible but sadly they didn't have it.In a way, it was good they didn't have since it made me venture into WongTaiSin as there are loads of delish eateries here with small dine in areas.You will find curry sauce and other condiments at the counter which I didn't really use except for the chili and soy sauce.Shaomais getting ready to be steamed!The black beauties being served.Overall, I loved the blac

我本身買飛時就10幾號，要等十分鐘，OK我等！但十分鐘後開始叫飛就叫廿幾號。大佬呀，乜玩法？你一籠燒賣又唔系多，一陣未叫到我就賣晒，咁我又要等？等多幾多籠？要等幾耐？真是味道都糸其次！咁既服務就……………………真是祝你長做長有啦！

最近竹園街市翻部後，領展就打造左個竹園夜市出黎，大部分嘅店舖都由早上營業至凌晨一點！ 早前上網睇好多人都介紹呢間燒賣王子嘅手工燒賣好好食，專程落住雨都要過黎一睹佢嘅風彩。呢間燒賣王子除左供應手工燒賣外，仲會有腸仔同腸粉賣。黑白燒賣 $20/8 由於我地專程試佢嘅墨魚汁燒賣，所以就只叫左呢樣。墨魚汁燒賣 $15/6粒白色嘅外皮，包裹住黑色墨魚汁魚肉，非常衝突嘅外表。味道有別於一般魚肉燒賣，魚肉比例較多，入面仲有墨魚粒粒增加口感。值得一試。