牛腩王 (衙前圍道)

Open Now

Now Closed

經過見到牛腩王，個名咁犀利，諗住差極有限，點知都係中招。我食咗個牛腩撈麵不知所謂！啲牛腩又喊又難食，服務好一般，間店一浸味！可以話係全港最差嘅牛腩，大家千祈唔好亂食

第一次寫食評 從來都懶得食 但今次真係不吐不快 服務態度非常差 （員工非一般的冇禮貌 即使禮貌對待佢哋 但佢哋嘅回應都非常差）等好耐不很止 食物衛生質素比之前差很多 真心失望 ！以前最愛呢一間宵夜店舖 今時今日已經變成一間非常差嘅店舖

每餐都要想食咩都真係好煩架，好彩附近有間牛腩王，間五中都會去下，因為味道確實還不錯，而且價錢都合理啊。五太餓的時候，我通常都會點一份雲吞，而朋友就會點海南雞飯，然後2個人會點多個炸餃子加凍檸茶，甘就已經好飽了，先120蚊度，價錢算係OK啦。個雲吞入面好多蝦肉，又大粒，個湯五咸，剛剛好。其實炸餃子滴餡好似炸雲吞甘，不過皮係好脆既。海南雞五算太肥啊，配的飯好香好好味。總體來說還可以既。

出到九龍城 Kowloon city 唔知食咩好 又想平平哋 可以選擇嘅唔多每次諗起 又會掛住嘅 就係間牛腩王嘅口水雞 spicy chicken 呢個口水雞 好抵食 又大件又滑 個醬汁真係好辣 配埋個暖粒粒嘅白飯 rice一個女仔一餐係食唔晒㗎 啲雞多到要同人分享 或者可以留返第二日嘅lunch同場加映嘅 就係蠔油韭菜花 每次都會叫 你間舖頭所揀嘅韭菜花好嫩另外今次要多個上湯雲吞 大大粒 好多粒 清清地 一兩粒加埋落去口水雞嘅醬汁 真係無法抗拒🥰 yummy

今日打完波有啲餓，成班frd黎到九龍城呢到食宵夜，本來因為大部分人打波前都食左飯，所以只想食啲小食，但車仔麵又太多人，又唔想行去黃明記咁遠，之後就係呢間餐廳食粉麵，點知呢間牛腩王啲牛腩令我太失望。如今粉麵店開到成行成市，黎到呢間叫牛腩王既諗住試一試佢個牛腩，點知碗麵黎到啲牛腩呈橙紅色，好似食緊豬手咁，啲似好柴口，又冇咩牛味。牛腩差不特止，河粉都唔滑，亦好厚。總結大家如果黎到九龍城，附近咁多食店，食粉麵都有好多選擇。

記得當時半夜兩三點到啦，我同同事放工經過，見到成堆人係度食野，都餓埋一份。。。然後剛剛有人走，就入左去食野。餐牌價錢都幾抵既，咁我們叫了兩款不同，可以分著吃！是位泰妹寫單，唔識睇中文但廣東話好勁，又靚女！加飲品$8其實比其他地方平，但我還是接受不了所以沒加送上來好細心將蔥放係匙羹讓我們選擇要不要加，真不錯！這是我魚蛋米線，然後和同事分享餸影低，幾好食，魚蛋4粒，魚片兩塊似乎少了些，結果我分出一塊但自己個塊掉左。。。。但咬落去係好正！米線都ok，不過我興趣不大，但我夾左d麵，係勁好食！我下次有機會都食！而雲呑好正，蝦又大粒！ 最後一提既係，隔離個大叔食緊個魚餅配酸辣醬，我們看到口水流。。。但未考慮要不要的時候，大叔用自己私人較剪剪開幾舊請我地食！又真係超好食，但實在太飽就無叫到，忘了拍。但推薦既，淨餸就$35，加麵或米$30大叔是熟客唷然後我看到有一大哥明明經過左，望到我們成排人，返轉頭入店！ 另外好笑的是有幾個客都中招。。。店門前有一塊透明膠膜，我們要推開才能進，可能中間太貼，常推不起來然後一頭狼狽結果頭髮亂掉的撥開在旁邊進

九龍城這間牛腩王是該集團三間分店其中之一，位處人流頗多的衙前圍道。該店的座椅頗為街坊化，太矮的椅背存在設計缺陷，很易與背後的人客肩背相撞。牆上光亮的食品扁燈箱使人很易知道該店之出品。細看其餐牌，使人驚歎一間小店都有如此多的出品。這碗牛筋拉麵頗為可口，牛筋不靱，咬落稔熟無渣，調味亦中規中矩，麵質亦屬彈牙好吃。牛筋飯亦不遑多讓，且加上少許蔬菜，令整碟飯更覺健康。至於這碟海南鷄飯，賣相頗佳。飯加上鷄油，令其變為微黄色。酸蘿蔔食落頗感開胃爽口。鷄則畧嫌徧淡，但加上配汁則覺恰到好處。用8元加配的咸檸七亦算抵飲。有整粒咸檸供應，配上一罐七喜，大熱天時尤覺解渴可口。至於冠名之牛腩因忘記影相，未能在此顯示。牛腩軟硬適中，頗具咬口，調味亦不過不失。總括而言，該店出品屬街坊可接受水平，是否價廉物美？價廉肯定是，物美亦頗接近矣。