Video
Exit B1, Jordan MTR Station, Exit C, Yau Ma Tei MTR Station
continue reading
Telephone
22345169
Opening Hours
Today
11:30 - 21:00
Mon - Sun
11:30 - 21:00
Public Holiday
11:30 - 21:00
Public Holiday Eve
11:30 - 21:00
Above information is for reference only. Please check details with the restaurant.
佐敦逸東酒店有一個food court，裏面嘅裝修格局好有復古嘅感覺，整體幾大幾有空間感，裏面有唔少美食，而且價錢平民化🫶！今次見到呢間主打食牛肉拌麵🍜嘅小店，有多款唔同嘅牛肉種類可以揀，配料份量幾足，而且煮得夠入味，加埋日日新鮮製造嘅刀削麵，超正！🤩-——————————————🐂◖沙茶鮮牛熱拌麵◗ $57鮮牛肉份量好多，撈埋沙茶醬，夠晒入味！熱拌麵配料有溏心蛋、青瓜絲、油蔥稣，蔥花同芫茜，麵底揀咗刀削麵，撈埋拾香椒麻醬，麻香惹味，三兩下就食晒成碗麵！🐖◖汁煮肥牛湯麵◗ $54試完一個拌麵試埋湯麵，用上私房牛骨湯，麵底係手工麵，麵質幼身，口感爽彈掛汁，肥牛牛味都夠，但就相對上普通少少～🐓◖大牛雜◗ $85牛雜一碗都幾大份，有齊牛肺、牛膀、牛肚同牛腸，醬汁煮得好入味，而且咬落好軟腍，最鍾意佢個牛膀，好粉好軟綿，底部仲有啲蘿蔔墊底，但覺得佢個醬汁偏鹹少少～🌟Encore指數：8/10
continue reading
發現酒店入內又一堆隱形食店在地下food court位置，比地面便宜很多，還有最大特色的蟹黃麵，於是點了數種小吃與此麵，價廉物美超大滿足。首先，一口鮮蝦豚肉及韭菜豚肉雲吞中，細細一口大小食完的方便，還有泰式辣醬可沾，邊走邊食也可的小吃。然後是炸地瓜球，超級軟糯帶有芋頭甜香，皮薄餡料多。主菜當然不少得蒜泥白肉及蟹黃熱拌刀削麵。大堆蒜泥加辣醬配豬腩肉薄片涼拌青瓜絲，經典無得輸。而麵食即有3色蔬菜盤和蟹黃醬做餸，可以叮囑店員蟹黃醬與麵分開上，蟹黃醬有一絲絲蟹肉與蟹黃，蟹油溢出於醬汁中，非常咸香，直接食醬感覺超豪華。然後分開上後，淨麵更可混與蒜泥白肉，一麵兩食感覺超值。而3色蔬菜中即有醋雲耳、蕃茄仔及青瓜芝麻醬，沒叫飲品的解渴正好有夠清新。
continue reading
估唔到逸東酒店而家開咗個美食廣場，選擇相當多。今日想食碗牛肉麵。沙茶鮮牛拌麵唔錯。濃郁嘅沙茶湯底帶微微香辣味，少少甜中帶鹹。牛肉片切得適中，口感嫩滑，吸曬湯汁嘅香氣，麵條煙煙韌韌，厚度十足，拌麵仲有好多唔同嘅配料。汁煮肥牛湯麵牛骨湯香味濃郁，滑潤口感，好暖胃。肥牛片肉質嫩滑且帶有少許油脂香氣，麵條煮得彈牙，吸收晒湯底濃郁嘅精華。粟米豬肉雲吞雲吞嘅餡料非常實在，再加上清甜嘅粟米，甜味足嗰種，好juicy嘅感覺，薄薄嘅雲吞皮包住。配牛骨湯，味道相當不錯。黃金炸雞球配蜜糖芥茉醬 炸雞大大件，唔算油膩，蜜糖芥末醬甜甜酸酸。白桃冷泡茶加配飲品估唔到不錯，白桃味夠香，茶味平衡適中，味道不甜。
continue reading
晚上到了Eaton Food Hall LG樓揾食，老友發現到一間食牛專門店，佢喜歡食牛，就點餐後坐低🪑等食囉。沙茶牛三寶刀削湯麵，湯頭香濃惹味，牛三寶有牛筋、金錢肚同埋鹵牛面頰。牛筋入口煙韌有咀嚼感，充滿了骨膠原，金錢肚有彈性，而鹵牛面頰則軟滑可口，沒有肥膩感，刀削湯麵煙韌有彈性。牛筋拌麵，大量的芫茜、蔥同埋青瓜絲，醬汁要了香椒麻，刀削麵掛汁，帶有椒麻香味，口感香而不膩，加入埋牛骨湯，香濃更加正。小食的魚蛋同牛面頰，估佢唔到份量咁多，我地食完碗麵都飽晒，要帶回家稍後再品嘗啊。份量多味道又夠，價錢親民好抵食。
continue reading
尖沙咀逸東酒店作為尖東地標之一，除左人氣海鮮自助餐普慶、米芝蓮粤菜逸東軒之外，地庫其實仲有個隱世Food Court，今次就黎同大家介紹其中一間人氣小店 一 牛響度拌麵🌟沙茶牛三寶飯 $77一碗有齊金錢肚、牛筋、鹵牛面頰沙茶帶有花生香，金錢肚帶咬口，牛筋充滿膠質，牛面頰軟腍入味🤤👍🏻👍🏻🌟牛腩熱拌麵(拾香椒麻) $57刀削麵口感煙韌，掛得到汁，牛腩滷得軟腍入味，搭配拾香椒麻，麻中帶香，令到整體感覺更加惹味🤤👍🏻👍🏻🌟慢煮嫩滋味手撕雞 $38手撕雞可以自選蒜泥/口水/胡麻醬我選配胡麻醬，手撕雞份量都比得吾少，都幾扺食🤤👍🏻🌟青蘋果冷泡茶 $12意料之外，香氣十足之餘味道清新，搭配以上可以解膩🤤👍🏻📍牛響度拌麵地址：彌敦道380號香港逸東酒店Eaton Food Hall LG樓1號舖#尖沙咀 #牛響度拌麵 #拌麵 #牛響度 #留港消費 #支持小店 #逸東酒店 #覓食尖沙咀 #食在尖沙咀 #為食關注組 #牛腩熱拌麵 #香港美食地圖#尖沙咀食乜好 #沙茶牛三寶飯 #青蘋果冷泡茶 #慢煮嫩滋味手撕雞 #九十後行到邊食到邊 #LGBTQ友善#HKIG #HKIGER #HONGKONGFOODIE
continue reading