玉林苑燒臘專門店

Open Now

Now Closed

岩岩去玉林苑，食開叉燒/燒骨/油雞，諗住求其買個 雙餸飯。見到佢就收鋪，個枱剩番有紅腸、油雞、燒骨、燒肉，咪嗌個燒骨油雞飯拎走。師傅竟然話 冇燒骨，紅腸岩唔岩。我就知道駁黎都冇意思，佢係唔x賣俾我。結果叫左個紅腸油雞飯，佢咁樣做野，應該隔一排都唔會食。

玉林苑真係由細食到大住置樂嘅人，一定食過中學嘅時候就一路食嗰時仲係$25一盒識到而家都要$32外賣lu不過燒味飯就一直都咁好食，叉燒蜜汁令到佢哋好令身，師傅會比半肥瘦，食豉油雞或者白切雞，雞肉都係好嫩嘅，師傅仲會比好多薑蓉，完全唔會就住就住。例湯就要睇你買嘅時間，晏晝就會濃郁啲，去到夜晚可能就係加水返煲。不過整體嚟講就係高質嘅街坊燒味店，經常幫襯！

入屯門搵男友，嚟到置樂附近見到「玉林苑燒臘專門店」有燒雞翼食，就被吸引咗入去，可惜入到去先知賣哂😖外賣燒味飯不論單雙拼都係$3️⃣2️⃣==========🔹堂食燒味飯 $55 (單雙拼同價)送例湯/冷熱飲品揀咗燒肉油雞飯，份量豐富油雞全為雞髀位，誠意十足，肉質嫩滑調味不過鹹燒肉皮脆但偏厚，肥瘦適中肉質緊實，鹽的份量剛好白飯水份略高偏濕，飯香一般；蔥油味道偏鹹凍奶茶甜度適中，奶跟茶的比例調配得宜，茶味不錯推介指數：8/10==========🔹鹵水雞翼 $24/4隻冇燒雞翼唯有食滷水雞翼，雞翼飽滿賣相得體雞翼非常嫩滑，入味而不過鹹，反而帶點點甜6️⃣蚊一隻真係非常抵食，有驚喜推介指數：9/10==========整體用餐體驗滿意，燒臘質素高，定價合理，值得回訪下次一定要試燒雞翼‼另外叉燒為腩叉，都要試埋😝

小弟兒時好掛住一間黃大仙好味既燒臘店童年時覺得該店是最好吃的燒臘店到大左搬入屯門，食到玉林苑的燒味後！覺得兩間店的質素應該差唔多結果早兩日小弟去黃大仙工作，有幸再光顧該燒臘店，決定比較一下！有睇我食評應該知我講邊間，因為真係唔應該比較！黃大仙的燒臘店質素大褔下降，又貴，十分後悔！到今日終於可以再光顧玉林苑的叉油雞飯跟例湯！真係好好食，叉燒口感一流，油雞多肉少骨！例湯味道濃厚，呢d先係好好食既燒臘店！都係30蚊，跟湯加5蚊！真抵陪伴玉林苑成長20幾年，由大舖搬細舖，燒臘味道始終如一，真係好好食！ 希望玉林苑長做長有，陪我白頭到老！ 最少 我覺得此店舖係我人生中覺得最經濟最好食既燒臘店

大家唔知屯門一路以來有一間高性價燒味？就係位於屯門置樂嘅 玉林苑！其實已經開咗好十幾廿年都有！佢喺街坊心目中有一定地位。不過因為舖租問題，由大舖搬咗細舖，最厲害嘅就係人氣不減！叉雞飯！燒味舖經典！你可以叫佢出 肥叉 瘦叉 都得，小文就鍾意食瘦叉！無咁肥同多肉D嘛。個叉燒平衡攞得好好，唔會太重叉燒醬味 同 玫瑰露味！雞一貫水準，一定係滑嘅！仲有啫喱！肉質纖細，都有雞味wor! 叉雞飯好味就證明燒味有水準！其實仲有'老'水雞翼，燒雞翼，其他燒味加餸！你地都可以試下斬舊叉燒返屋企！

回想起30年前佢我最鍾意食嘅嘢係咩 當然就係 我中學附近有間燒肉店叫玉林苑 但呢間嘢係唔知幾年前日搬咗個位佢到而家呢個新位 但我發現佢哋食嘅味道係完全冇變㗎完全係好好味好好食一盒蛋飯飯子 如果你去咗呢間嘢呢就叫咗個燒味雙拼飯就係油雞而佢啲油雞呢就好有豉油雞味咁燒鴨呢就好有燒爐嘅炭火味完全係色香味俱全一級正、但而家佢呢個呢餐呢就總共一係48蚊港紙咁樣仲送多個例湯嘅咁係湯呢都幾人味嘅咁啲食材呢都算幾新鮮嘅而且入面呢嗰啲師傅呢入到去呢就有加一般嘅感覺完全唔值得再去食得

由細細過大舖開始食開，而家大舖變到細舖都依然成日幫襯！小弟自問食過哂屯門所有燒味店，呢間肯定係第一，富健花園果間係第二！其他既燒味店，可以不試燒肉一 皮夠脆油雞一 豉油味濃叉燒一 肉汁夠濃其他野都唔錯加5蚊仲有碗湯！佢既瀨粉 同樣出色，令小弟一星期總要食一次燒味舖雖然間間一樣 食材都十分單調同冇益，但呢一間好明顯睇到老細真係擺個心經營，食快餐首選我會揀呢間！

家常便飯，又想免煮，既然行到屯門置樂就順便去玉林苑買燒味，原本佢舊鋪係置樂另一個位開左多年。當年結業係令到好多無飯家飯少左一個開飯熱點，因為佢夠平，平均外賣一個燒味飯都係三十蚊左右，份量又多。油雞乳鴿上色（豉油）後靚到不得了。今晚加餸食乳豬，平日聽長老講五點過後就冇哂乳豬，今日睇下買唔買到先。去到半隻乳豬仔得返半條身，之後要左一半，乳豬皮十分脆，肉亦好嫰，唔會成口油，亦唔會肉身過咸，只不過要$75，十分抵食。＊＊佢間鋪每日差唔多收鋪就會速銷，即係平幾蚊叫你買多D。

去開屯門做野，有一個鐘頭食飯時間，話多唔多，話少又唔少，人生路不熟，好不容易先喺置樂嗰邊揾到個錶位，喺附近見到間燒臘飯店，見d燒臘都似幾好就入去食下！原來呢間鋪頭由90 年到而家，數下數下，都算係一間老字號！本來想坐低叫個雙拼飯食，不過睇下餐牌，發現坐低食要$48, 外賣$25 , 咁即係逼我買外賣啫，見外面天氣唔係咁凍，就叫左個燒肉油雞飯去外面公園坐低食！可以屹立不到成為一間老字號必定有佢既原因，燒肉皮係爆脆皮，仲脆過薯片，油雞d皮入晒味，除左有老抽味外，仲有一陣應該係玫瑰露酒既味道，雞肉嫩滑，以$25價錢嚟講係幾抵食！另外我仲加$5叫左個例湯，估唔到會咁足料，有咁大舊瘦肉，仲有好多蘿蔔，呢$5 真係抵俾！所以話能成為一間老字號，必定有佢既原因，價錢同食物既質素都係好重要！