Video
8-min walk from Exit B, Kowloon Bay MTR Station
continue reading
Telephone
23021668
61331181 (WhatsApp)
Introduction
It mainly serves Chaozhou and Shunde cuisines; and private kitchen service is also provided. Among them, brine dishes and Chinese soup are the signature items. You can enjoy meals under a comfy and simple style design.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
-
Online Booking Service Not Available
老朋友外地返港飯聚，食家朋友喺「王朝潮順館」安排好八人菜單。呢間都幫襯過好多次，潮州打冷、打邊爐、雞煲同小菜，無論幾個人或者同一大班朋友都好啱食。本灣大左口魚(兩食)購自西貢碼頭艇仔檔 $400/ 1條(約3斤半) ❖ (一食) 左口魚刺身食家朋友到西貢碼頭揀靚魚，而家大左口當造，買條帶過嚟加工。一上枱成條左口魚曬冷咁棟喺度，夠晒睇頭，一遍白雪雪刺身晶瑩剔透，魚身切成薄片，刀工了得。左口魚味道屬於清淡，口感彈牙有嚼勁，配泰式酸汁清新提鮮。❖ (二食) 椒鹽魚頭魚骨食完刺身，就將魚頭魚尾連魚骨用椒鹽炸，外炸得香脆，魚骨都可以食埋，原來都仲有好多肉，魚肉嫩滑熱辣辣，配大量炸蒜辣椒，香口惹味。❖ 膏蟹蒸手剁肉餅 (2份) $936兩隻膏蟹好新鮮，爆滿蟹膏，蟹肉實淨鮮甜。肉餅因為係新鮮手剁，質地鬆化有肉汁，唔會死實實，加咗馬蹄同少少鹹魚，增加口感更提鮮。將蟹蓋啲蟹膏撈落啲肉餅度，蟹膏甘香味滲晒入肉餅，加埋啲肉汁撈飯食，啖啖充滿蛋黃質地嘅蟹膏，簡直返唔到轉頭。❖ 薑蔥龍蝦煎腸粉 $928呢個腸粉真係好招積，兩隻大龍蝦，新鮮肉厚彈牙，用大量薑蔥爆炒，薑蔥汁充滿龍蝦精華，煎腸粉墊底，兩面煎得焦香，口感煙韌，索晒啲汁嚟食勁鮮味。❖ 黑蒜花膠湯 $628湯料十足，有雞同排骨去煲，花膠大隻，黑蒜溶晒入湯，好清又唔膩，入口順喉，香濃又帶點甜。❖ 薑蔥豬什 $198好有鑊氣，採用新鮮豬什，味道同口感真係會食得出，完全無腥羶味，生腸爽脆到無朋友，粉腸夠晒粉，豬肚彈牙有嚼勁，豬膶鮮嫩，醬油味香濃。❖ 啤酒鵝 $438用Gas爐上枱滾住食，成份鵝下莊份量十足，用啤酒同香料去煮，鵝肉融入咗啤酒味道，又帶點香辣，好鍾意食鵝掌同鵝翼。針墨購自西貢碼頭艇仔檔 $80 (2條) ❖ 白灼鮮墨魚西貢針墨當造，差唔多全部艇仔檔都有得賣，新鮮嘅墨魚簡單白灼已經好鮮甜，口感爽彈，尤其旗位置特別爽脆，用芽菜墊底更清爽。店長熱情好客，仲出動私伙燒烏魚子請我哋試，濕潤軟糯口感配威士忌一流。連埋碟鳳梨咕嚕肉、白飯同汽水，埋單$3476，每人$500有找，我哋係book咗房，由五點半食到餐廳收工，飲飽食醉好盡興。#王朝潮順館地址：九龍灣牛頭角道3號得寶商場地下A7號舖
continue reading
朋友介紹話呢間嘅潮州菜好食，於是佢約埋我哋一齊嚟食，呢到食晚飯嘅時間係分兩個時段：第一個時段 （18:00-20:00），第二個時段（20:00-22:00）。我哋book 咗第一個時段。餐廳還境唔算大，座位還可以，餐牌食物種類多，我哋點咗以下食物：--爆醬薑蔥桶蠔：鑊氣十足，超惹味！肥美肉嫩生蠔脹卜卜，好爽脆。炸蠔炸粉好薄，增加酥炸口感。-醉乳鴿：濃濃酒香，肉質嫩滑。-豉椒蟶子煎米粉底：蟶子：鮮香惹味，肉質爽彈。煎米粉：煙煙韌韌。豆豉嘅香味加上幾款椒嘅甜味，配搭埋聖子同煎米粉，惹味非常。-鹽燒馬友：油脂豐富，肉質比較緊實，味道更有鹹鮮味。-凍蟹：蟹肉味鮮甜，清爽。-百花雞：雞裏讓入蝦膠，外層香脆，內裏爽口彈牙，口感有層次。酥炸鮮奶：外表金黃酥脆、內裡潔白軟嫩。 咬一口，酥化軟滑，奶香味濃郁。整體食物質素好食，店員服務態度好好，值得推介！
continue reading
位於九龍灣得寶商場的人氣潮州菜餐廳😆，「王朝潮順館」，提供多款味道正宗的潮州菜式及順德菜👍🏻，以滷味及燉湯為最著名，由30年老師傅主理🤣，味道正宗，質素亦相當有保證，餐廳裝修簡約❤️，環境舒適，晚飯時間亦是座無虛席😝，餐廳亦有提供私房菜服務，大家記得預先打位‼️- 酒香鵝肝粉嫩鵝肝味道鮮香，份量十足😆，入口即化，帶有淡淡醇厚清新酒香，香而不膩，亦可以加入秘製鹵水汁，配上白飯上面，滋味香口🥳- 皇朝特色醉乳鴿乳鴿起骨後，以鳳凰型式擺盤☺️，賣相吸引，鴿肉帶有威士忌酒香，酒香鮮嫩，肉質腍嫩，必點招牌功夫菜之選😍- 生炸蒜香雞炸至金黃酥脆🐔，雞皮香脆，肉質細嫩，肉汁豐沛，表面加入大量黃金炸蒜提鮮，相當香口😛- 海蜇拼豬耳海蜇爽彈繳滑😎，微辣醬汁，相當開胃；豬耳卷紋路清晰，充滿骨膠源🤩- 順德炒米麵加入魷魚，肉絲等豐富配料炒香，濃郁惹味😛大家經過九龍灣得寶商場，不妨一試‼️
continue reading
這間位於牛頭角潮德打冷，是香港local人常吃的人氣店🔥，原因老廚師係30年潮汕廚師，非常正宗👍王朝特色醉乳鴿，食材新鮮，用上威士忌🥃來醉乳鴿，上菜時賣相展翅高飛🕊乳鴿肉質特别嫩，散發岀濃濃酒香😝王朝酒香鵝肝，鵝肝中間仍呈現粉嫩顏色，熟度剛剛好入口即化，醉酒香氣散發，鵝肝配一口飯，油膩感全消蠔餅，也是打冷常吃菜式之一新鮮即叫即炸，熱騰騰♨大大份酥脆而鬆軟，當中蠔仔🦪還要很大粒飽滿，整份蠔餅蠔仔份量十足，配啤酒🍻吃認真一流金銀蛋通菜，這個也在香港普遍會吃啲菜式先炒通菜後用上高湯加上皮蛋弄成，清熱潤腸，此菜質地軟嫩鮮美，配上獨特皮蛋味道炸鮮奶一條條金黃炸鮮奶，絕對係飯後甜品🥰一口咬去，粉漿好薄酥脆，內𥚃潔白嫩滑，牛奶🥛香滑，順口，大人小朋友都愛吃😍另設有廂房，親人，朋友聚會，私人空間談天說地👍
continue reading
晚餐時段都幾多人 一家大細食👨👩👧👦而且好多都book 左位環境都算企理乾淨坐得舒適 唔會的逼逼亟亟 💺🥃威士忌醉醉乳鴿擁有30年經驗老師傅上菜一刻叼着得好靚 手工精緻 遠距離都聞到濃濃嘅酒香味乳鴿肉好嫩滑 好入味招牌菜鵝肝🪿意外驚喜 😍嫩滑鵝肝 嫩嫩的紅色 剛剛浸熟師傅都小心翼翼地切片🔪食落口入口即溶 🤪送飯一流 配埋滷水汁蠔餅🦪大大份 分量足👨🍳滿滿的 大大粒的 肥美蠔仔加入雞蛋麵粉酥炸🐣外層香脆內層鮮香毫無蠔肉腥味 新鮮鮮香👃金銀蛋通菜🥬當然唔少得菜啦份量大大碟 而且通菜都幾嫩口價錢又唔貴 性價比都幾高🤩炸鮮奶🥛超耐冇食炸鮮奶工序繁複 出邊比較少有味道恰到好處而且幾鍾意外層炸脆口感作為甜品一流🙈📌王朝潮順館 (得寶商場) (九龍灣)九龍灣牛頭角道3號得寶商場地下A7號舖分店地址：王朝潮順館-大全街42-44號地鋪#香港美食 #旺角美食 #超抵食潮汕菜 #家傳潮汕味 #hkfood #hkfoodie#潮州打冷
continue reading