玖零後 (Closed)

手抓餅嘅配搭好唔好味道相沖，但實在太遲開鋪，有時2點諗住去玖零後食晏都唔得，因為佢未開。可能有太多野要準備都唔定，所以咁遲開，但我認為如果佢早啲開，相信可以吸引到更多嘅客人。不過認真幾好食嘅，大家不妨去試下。

見係黄店黎試下，但份量真係太少，性價比勁低。叫咩冇咩，味道好一般，其他地方有更多更好選擇，無論堂食外賣餐具都係即用即棄，好唔環保。應該唔會再幫襯，店主真係要好好改善。

一向支持這間小店，酸辣粉及小食味道不俗。特別喜愛他們的麻辣雞翼和手抓餅。而且名為玖零後，又後生仔主導，支持一下。但昨天再去幫襯的時候，所有員工都沒有戴口罩，準備食物的也沒有戴手套。期間不斷談話，有人玩手機。手機是最多菌物品之一，玩完手機即觸模食物，十分不衛生。最後仲有一個冇戴口罩的員工在廚房食物面前咳。雖然酸辣粉水準像以往一般不俗，但愈食愈不安，萬一為了一碗酸辣粉染病便後悔莫及。最後唯有全碗倒了。

之前行過玖零後－直好想試，四十幾蚊三餸個酸辣粉份量少到喊，跟本食唔飽，碗粉原本有莞茜蒽，肉碎花生，睇返以前Ｄ食評，話比得幾粒仔，今日食個碗直呈通通唔見哂㖭，同埋堂食都用即棄碗同餐具十分唔環保，有待改善

一日一黃店-推介抵食足料手抓餅叫得90後果然黃過黃金 佢地ig fb有明確表態店入有文宣 有提供優惠比手足 免一個餸 有捐下物資最有趣既係 仲可以同店主挑機傳說贏咗有獎品funny🤣.呢日叫左⭐️手抓餅 自己選擇配料加左松葉蟹柳 拉絲芝士 蜜糖芥末醬 埋單$22😋味道勁夾 👍🏻外層有煎香 入面鬆軟😱入面拉絲芝士勁勁勁 邪惡 可睇片😋就咁影 影唔到入面芝士有幾咁爆🙈所以我手撕咗個手抓餅（勁熱.....）‼️就算原價買 都大份抵食 推介.🙈雞蛋挑骨頭mode唯一係個手抓餅 有d油 因為佢左用左牛皮紙唔透油如果加多張吸油紙 吸一吸就完美啦.#玖零後 (大圍)地址：大圍田心街20號雲疊花園商場地下16B號舖.⭐️評分：味道：4/5 如有吸油紙 吸一吸 可加0.5分環境：3/5服務：3/5抵食：4.5/5.‼️想睇更多資訊‼️ig/facebook： hkfunfoodrecord‼️openrice/大眾點評 ： 歡歡增肥之旅

#中意嘅請分享請點讚🍻----------#黃店 💛-玖零後係由90後開嘅小店，年輕人開店唔容易，要支持💪🏻黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！----------😋手抓餅 $13有紫薯餅底/原味餅底，再自己揀配料，配料係$5-$7，再揀醬料:沙律醬/千島醬/蜜糖芥末醬。今次我揀左紫薯餅底+芝士($6)+咸牛肉($7)+千島醬。紫薯餅底好香紫薯味，而且即整好脆好香口，咸牛肉同芝士份量十足，芝士可以拉絲同啖啖肉。-😋玖零酸辣粉 $22 可以揀薯粉/米線，辣度/配料都可以自由選擇，配料$6-$8，份量好多好抵食，附有花生粒+芫茜+榨菜。----------🔎玖零後🚩大圍田心街20號雲疊花園商場地下16B號舖

鮮少到大圍，呢到好似唔算多黃店？🤔🤔選選下，想食酸辣粉，就黎到玖零後。啲野食都幾抵下。兩個人，就叫左一個酸辣米線(是日竟然冇酸辣粉😭)，手抓餅同炸燒賣。酸辣米線個湯好濃香，老闆話係用心熬制，唔係用一滴香嫁🤪🤪🤪手抓餅配左粟米芝士同午餐肉。喎！好唔錯，個手抓餅煎到酥脆，大量芝士可以慢慢玩拉絲🤤🤤選左千島醬，不過覺得有少少唔夾，希望老闆會研制多幾款醬🤔最後個燒賣炸到個外皮好脆，不過略嫌唔夠調味~整體黎講幾好味，可惜既地方係全店用即棄餐具，唔太環保。

琴晚經過呢間黃店，叫左個2餸酸辣粉$35，份量+味道都ok，不過如果個湯少d油會好好多。另外一樣比較唔好嘅地方係堂食嘅餐具都用即棄😅😅😅希望店主可以堂食轉用返可重用嘅餐具啦

嗌左兩個外賣酸辣粉，一個加麻辣雞翼，木耳；一個加大腸，魚皮餃。麵底足料，$26來講算唔錯，但配料份量少得可憐，$6木耳得5小舊（味道：未試真，太細舊太少😅），魚皮餃得兩粒（味道：麻麻地），大腸都係得5舊左右😟（味道：正常大腸味），雞翼（同樣價錢，癱仔雞翼好食好多）味道ok, 平時食開癱仔2-3小辣的話，可挑戰呢度中辣。另外嗌左兩個小食：豬耳/椒鹽燒賣。豬耳味道不錯，同樣份量少；燒賣冇椒鹽味，但都炸得脆既。整體唔算抵食，配料選擇少，但味道ok，下次可能齋買酸辣粉算。

係大圍 好少特別野食 手撕雞呀 譚仔呀 真係食到悶 咁我睇OpenRice 睇下有咩食 咁睇到雲疊有間酸辣粉 咁我就去試試啦 1.湯底 佢話煲左十個 本身有啲唔信 頂你真係好濃豬肉湯2.面底 合格 唔太軟 唔太硬 未去到彈牙 不過都合格3.料 小弟我食車仔面都係食五六個餸嘅 萵筍大腸 豬耳真係出色 4.服務 入面個四眼肥仔真係好招呼 一一解釋 又有禮貌 綜合講句 真係好食 價錢就公道嘅 會再食多次 Suggest 可以加餐飲 因為得汽水5.環境 整齊 乾淨 有少少細個鋪位 不過冇計

夜晚返到屋企想食啲嘢，落樓下得一間90後，新開一陣，睇咗食評好似還好，幾大兜，就買兜粉試下。要咗牛丸薯粉，加個炸燒賣。等咗陣就有，攞返屋企先食。返到屋企一開，哇，咁細兜嘅？肉碎幾粒，花生幾粒，有啲芫茜蔥咁。個湯底都算係咁，但酸辣味真係無乜囉sorry。薯粉粗身少見，但都幾淋，過火啦。牛丸就大獲，貨式已經係超市貨，仲要唔熱，又粉，難食到嘔。我想問點解上一編好評咁大碗？唔好計餸，睇到啲麵滿到丫，你話唔係做妹我真係唔信！仲有兜燒賣，貨色係個啲生粉燒賣唔洗講，炸得脆嘅，但個心就真係一舊生粉咁囉，魚肉燒賣無魚肉味，椒鹽燒賣無椒鹽味，失敗。唯一讚，四眼哥仔幾好禮貌，但隔離個條女就真係無禮貌囉！多謝都無句。下次?bye!

由於無叫過米線，所以只評酸辣粉！惹味，香味，酸味唔蓋過辣味，辣味又唔搶酸味，啲粉好彈，好咬口，唔會淋pat pat！個人推介萵笋，大腸同竹笙！另外必叫小食係皮蛋，啲辣豉油（唔知係咪……）好香，唔似得出面咁得個辣同咸！仲有手抓餅，分別食過普通餅底同紫薯餅底，雖然普通餅底都係脆脆的，香香的，但紫薯餅底更香呢！一定要點蜜糖芥末醬，我試過配牛肉，亦試過配肉鬆加生菜，餡料充足，味道可口！之前可以有得送外賣 一個星期總有2至3次食佢，唔知點解近呢2個禮拜電話熄咗機，叫唔到外賣食，有啲可惜！

因緣家父家母住在大圍，因此對大圍特別有情感，也留意得多。此店已多次易手，上一手估計也是年輕人，可惜沒多久就完結了。今次店名為玖零後，眼見店員也是年輕人，青春是好，最大本錢。店內承接上手以及再上一手的大致格局裝修，賣的是小食，抱著支持一下，點了個手抓餅。等了不到五分鐘，就有了。熱是很熱，可惜很墜手，我就知道油太多。一吃，果然，重手不是代表料足，而是未夠身，酥餅吃進油了，不夠酥。餅是一般超市買到的油餅，大概早在二十年前我已買回家自己加工的食物，十多元五塊那種。配料選了牛餐肉。首先別論貨色好不好，先談誠意，煎都無煎過放入餅內，完全沒有發揮午餐肉的作用口感。然後配千島醬，也見不足，就是白沙律醬加茄汁，味道單調，配上油膩的餅，更見油膩。整體而言，失望。我已身為老人，該當看護年輕人成長，始終未來要靠他們。可惜的是，要經營食店，除了包裝，賣弄本土情，宣傳外，最重要的是食物質素。先不論有多精細多貴重，先談用心，已有不足。更不對比人家真手抓餅有多好。現在連對比鄰近便利店麵包也沒有好，試問如何承接下去？要知道地點不足，一般支持的都是街坊，味道談不上，何來持支以恆。在餐飲當中，有生意買賣，不少經營不善整店出

事關我朋友係住呢間野樓上既 所以咁岩食到 一聽到佢個名即刻想試下 因為我都係90後 其實原本諗住食飽就算 因為佢真係好平 冇諗過會有咩特別 點知一食 真係停唔到 又平又好食真係良心街坊生意 果然係90後

今日係大圍踩完單車，個fd話附近開左間酸辣粉，有我鍾意食既手抓餅帶我地去試下。 去到我叫左個手抓餅同酸辣粉。 個手抓餅真係令我好驚訝，好大塊，岩曬我d大食人士，咁大個手抓餅我加左芝士千島醬先$19。好足料，性價比高個酸辣粉好大碗好抵食，辣得好過癮，碗酸辣粉原本就有肉碎榨菜芫西。二十幾蚊既酸辣粉咁大碗，良心小店同埋d肉碎真係好好食我湯都飲埋無試到距地d小食，下次黎再試下。打尼個食評打到我又流曬口水如果開係我屋k荃灣附近就好啦，可以成日去食