玥屋

Open Now

Now Closed

同朋友book左位食晚餐，入到去之後我閂返對門，然後其中一個師傅定格望實我幾秒，我以為咩事 ，之後佢勁無禮貌咁講「唔該下次唔好咁大力閂對門，對門會反彈」。我係用正常力度閂門，如果你咁驚整爛對門，不如係啲客人閂門前禮貌啲提醒下或者貼張notice。而且之後我望住每一個客閂門既時候對門都會反彈！會唔會係你對門有問題呢？個師傅態度咁差已經有hard feeling 上菜時師傅都黑口黑面，好冷淡咁。其實之前都幫襯過，個時態度都ok，可能出左名就唔休做。好食過佢既日本店大把，真係唔需要貼錢買難受。食完之後，我地幾個異口同聲話「成餐飯都好似比人聽住我地講野咁」🙈 成程都好唔自然，想同朋友舒舒服服咁食飯，傾下計，但要就住就住。可能地方太細所以好應聲，佢地都唔想聽我地講野既🤣

今日去大角咀食日式地區小店玥屋，上網睇相都幾吸引，下午打去見夜晚有位就去試試。睇order紙價錢中等，唔算好平好貴，選擇小店黎講夠食。呢度會扮日本店，師傅係你面前整，之後一舊舊放你面前隻碟。我集中講我覺得好食嗰啲。-蔥呑拿魚腩👍🏻，叫左軍艦，壽司，手卷，都唔錯，軍艦同手卷大大啖最滿足。-呑拿魚奇脆卷👍🏻，應該係玥屋自創既款式，唔錯既，脆口，少少辣，幾得意。-汁燒帶子👍🏻，呢個真係幾好食，帶子輕輕燒過，香口，紫菜夠脆，好食。-其他真心一般般，below average(出面普通元氣板前). 要塞飽肚就叫喇。******************************👍🏻好食 | 👌🏻可以 | 😔 難食評分 : 5.5/10簡評 : 食物ok. 偽日本店唔好要求咁高。行過見到有位口痕就試，唔使特登黎。

位於大角咀既玥屋🏮係奧運站行𝟏𝟎分鐘內到🥰係匯豐中心對面一啲都唔難搵♥️餐廳位置得𝟖個到🙈所以記得預約位置啊😚➣特上壽司定食(💰𝟏𝟏𝟎)呢個價錢已經包左𝟏𝟏件壽司同一個油甘魚手卷🥰呢個係午市先有啊🤭好中意佢地既飯係整到細細舊🤤女仔都可以食多幾款呢~其實我都食左好多款🍣推薦下我比較喜歡的😆➣蟹籽沙律(💰𝟑𝟎）➣三文魚奇脆卷(💰𝟔𝟓)➣蔥吞拿魚腩(💰𝟏𝟓)➣帶子(💰𝟏𝟓)蟹籽沙律係我食過最爽口🤤蟹柳同蟹籽都唔少架😆三文魚奇脆卷係必點✨我試過同男朋友𝐬𝐡𝐚𝐫𝐞唔夠 嗌多左份每人食𝟔件😂 佢地既刺身好鮮甜用料新鮮～蔥吞拿魚腩係大過件飯🤭🥰帶子都大大粒好鮮甜🤤不過幾次食海膽都有啲腥🙈 👧🏻：會𝐧次回訪的一間餐廳！我可以一個月食幾次都冇問題♥️今次午市黎食每人只係食左~$𝟏𝟑𝟎🤩爭鮮價錢但超高質呢😙

🍤燒三文魚奇趣卷 $65（5/5）‼️推薦‼️上面層三文魚好肥美，燒完個陣油香味再出啲！中間包住既天婦羅炸蝦好酥脆加左啲沙律醬同蟹籽，完全係perfect match!!😻整體黎講味道出色，口感幾有驚喜🤩🍣刺身（5/5）宜間鋪頭既食材幾乎全部都好新鮮，唔會有雪味腥味，重點係價錢真係好抵❗️大部分都係$4-$9就有😵 重點推介：白玉豚，劍魚腩😻油脂勁豐富！汁燒帶子燒得好香好creamy一啖放入口超滿足🔥 另外象拔蚌，赤貝，墨魚都好鮮甜爽口‼️🍱壽司（4.6/5）壽司既大細啱啱好，食落飽足感高少少🤏🏼特別推薦貝類✨一件壽司切左3塊系面一啲都唔吝嗇！而三文魚都係厚切，口感飽滿🐠 反而吞拿魚就麻麻哋。Btw, 食過一次真係會成日心掛掛，已經encore左5,6次啦😆 但係鋪頭位置唔多，想食記得要預早book枱啦🤪

之前疫情好嚴重既時候，諗住去買外賣點知無開。而家疫情緩和左，諗住撞下彩，夜晚8點打去問佢外賣幾點last order。唔知職員定老闆一聽電話態度已經勁差咁話：「你最好而家落order 搞得黎都9點幾。」我心諗而家先8點，點樣會搞到9點幾？但唔緊要，可能我唔識壽司製作其實好複雜，所以我話 ：「好呀！我望一望menu 即刻打返俾你落order」佢一聽到呢句就cut 我線！原來咁唔想做生意，想支持下都唔希罕，唔緊要啦！以後都唔！會！幫！襯！

疫情期間禁晚市 都知小店難涯想幫襯小店 呢間聽講好食 所以試下外賣要等1個鐘 都無問題先點餐比錢 1個鐘再返去拎去到拎點知漏左1盒即同店員講 店員只講一聲「哦」唔好意思都無句 等多陣拎返去屋企發現少左兩份炙燒三文魚…去到問可唔可以叫外賣 店員一句話「等一個鐘」仲要係咁漏單….完全好似唔休做咁雖然價錢唔貴 質素幾好但無下次了 有啲貼錢買難受感覺

幾年前誤打誤撞食過一次晚飯，仲要係walk in🫢之後睇返啲食評先知道原來係難book位餐廳之一，當下覺得自己好好彩😆竟然咁都walk in 到。食左一次之後就放唔低佢，隔幾個月又想再食！小小既地方有幾位師傅不停手整壽司，見佢地真係好忙，外賣單同堂食都好full，所以唔好期望可以同師傅有交流，有時真係唔敢打擾佢地🫣Lunch cp 好高呀，覺得都好夠飽🥰唔逐件介紹，不過用一個要highlight .. 就係汁燒帶子，超鐘意。

無論去食過幾多間壽司舖都好 大角咀呢間小店最好食 價錢亦都比較相宜 所以每次一諗起想食壽司就會諗起呢間小店不過由於店舖堂食位唔多 所以最好就係早一日打定係去book位lunch time時候 限時食一小時不過其實時間都好足夠㗎喇 因為三個師傅做幾枱客 出菜都好快手呢度每一件壽司都係師傅收到單之後即整嘅 所以好新鮮 壽司嘅飯size係剛好一口份量 本人好鍾意另外每次必點嘅一定係燒三文魚奇脆卷外面嗰層三文魚夠曬肥美 而中間嘅炸蝦再加埋沙律醬 簡直係絕配啊

哩日難得早收工約左朋友係大角咀打波 打波前急急腳食D野先 就醒起哩間傳聞好好好好好難book 好難有位既壽司小店之前都有經過想食 但鋪頭真係好細 夾埋只有6-8個位 所以一直都無緣今日黎開 見6點鐘 佢岩岩開鋪 全世界岩岩先放工 人潮未到 就walk-in 搏下結果好好彩 booking 有空檔 只要我交到枱就得咁我都係快食 當然冇問題一坐低就睇menu叫野食 哩度menu簡潔 但選擇都唔少 分別都係 壽司 刺身 沙律 前菜 卷物我都主攻壽司最平5蚊就有一件 上枱已經有驚喜 原來每件size相對都比較迷你 飯量較少 但魚生配料比例正常 賣相吸引 魚生質素睇落都新鮮海膽尚算清甜芝麻八爪魚 refreshing 玉子好食墨魚有咬口 鮮味其餘水準都偏高希望下次都有機會再黎慢慢品嚐 聽到其他顧客仲有叫即開生蠔 下次試試佢!  

想試左好耐嘅壽司小店，趁住無晚市堂食係附近staycation外賣番去試一試🤩小店關係人手有限，差唔多七點去到落單要等半個鐘先有，而最後其實都等左9個字至一個鐘左右。主打平靚正壽司果然又新鮮又好食，而且夠曬平叫多啲都唔肉痛。雖然壽司size比平時細少少，不過兩個人200幾蚊仲有刺身、小食（芝麻雞翼），價錢非常合理👍🏻食完覺得飽得岩岩好～-P.S. 開飯比較多人推嘅燒三文魚奇脆卷個人覺得還可以～唔算特別好食，純屬一試無妨。

口袋餐廳，係大角口HSBC對面，好幾年前發現的優質日本店。壽司既價錢係平過aeon當然味道係好幾倍，㛗前Omakase未係咁興時佢會offer off menu。剛剛睇其實食評而家好似有埋Omakase,想試下。

店舖比較細, 堂食大約只有八個位, 每次我都是外賣到取, 所有壽司都是即叫即整, 食材非常新鮮, 價錢非常親民, 所以堂食一定要訂枱, 很快就會full, 外賣都需要耐心等待肉子壽司印有店舖名稱（玥屋）, 誠意之作, 三文魚壽司都厚身, 帶子新鮮好味, 蟹柳壽司賣相就麻麻地, 有點散開, 蟹子粟米沙律壽司份量很多, 很滿足整體來說這個價錢CP值很高, 午市有自選魚生飯套餐, 有定食、卷物、刺身、炸物、沙律, 雖然舖頭細細, 但食物款式都有很多選擇

玥屋已經成為我必食嘅餐廳Top1 已經唔係第一次幫襯覺得佢可以keep到呢一個水準好犀利👏🏻啲刺身好新鮮，價錢平民，每次去都見到師傅忙碌嘅雙手不斷哋整緊柯打，真係辛苦晒。玥屋主打外賣，大角咀嘅街坊應該唔限生，但其實店舖裡都有少量位置提供俾客人坐向到食。今日係24/12 平安夜，好彩一早預訂定唔係應該無1-2 小時都拎唔到壽司，當日我哋6:20pm 去到門外已經排滿晒等拎外賣嘅人。必食推介：燒三文魚奇脆卷、玥屋蛋味道：💛💛💛💛💛環境：💛💛💛價錢：💛💛💛💛5x💛為最高回頭度：9/10整體而言我覺得玥屋新鮮，好食同抵食，真係大角咀必食嘅食肆

已經嚟過好幾次，每次想食平靚正壽司就會諗起呢度😆⁡撞啱當造季節可以食到「賣飛彿 」-- 秋刀魚刺身🤩🤩🤩肉質鮮嫩嘅秋刀魚，配埋加入咗薑蓉同蔥花嘅酸汁真係錦上添花😍⁡師父仲會將魚骨炸到脆卜卜，一魚兩食🥳⁡其他壽司都保持到一貫嘅水準👍🏼不過對比起上一次，壽司款式好似少咗🤔⁡今次叫咁多款壽司之中，赤貝同象拔蚌比較失色赤貝唔夠新鮮，色澤比較差，食落仲有少少腥味...希望下次會正常番~⁡象拔蚌竟然係熟嘅🤯明明之前食過幾次都係生...🤔⁡

🔖一間非常細既壽司店，只係得8個位左右。師傅係面前，你即點佢即整既壽司店，完全體驗到廚師發板既感覺😂性價比非常高，最平既壽司$5就有交易。🔖我見得一張枱不是在師傳面前，所以我見個枱客仔d壽司就係整好一次過比佢地。我就坐係師傅面前，佢真係整完一舊就即放係你面前比你食，佢整到咩就比咩，見佢無特別次序（咪以為真係食緊omakase呀下😂）💡基本上閒日夜晚都係需要book 枱。每逢星期一11:30就可以打去Book今個星期嘅時間。💡當日食就見到有3位師傅係到密密整壽司，因為見佢真係有好多外賣客。Um…師傅好cool，仲要每位都係😂（可能太忙大家將就吓）🍽三文魚刺身（半磅$68）佢係俾你喺雪櫃，揀自己想要嘅嗰一盒，然後拎俾師傅幫你準備。🍽鰻魚卷$20正常🍽燒汁三文魚$7/件正常🍽帶子刺身好甜$14/粒🍽玥屋蛋上下都有一片蛋，中間係飯$6/件🍽汁燒帶子用火槍燒過再用紫菜包住食$16/粒🍽蔥吞拿魚腩卷成大舊吞拿魚茸，多過飯$30/件🍽炸蝦卷$50好新鮮咁炸起，食落去係熱辣辣🍽芝麻雞翼$24/兩件，熱辣辣幾香，咬落有汁🍽帶子裙邊軍艦係勁多料，食落去成口都係帶子裙邊$5/件🙏🏻我有好多刺身都唔食，靠大家