玥屋

Open Now

Now Closed

呢間一度被認為係性價比之鬼不過小店只有八個位左右每星期一就開放booking遲少少都未必有位而且位置少偏僻 唔易搵壽司平至$5件定食$105多達十件價錢上頗吸引當然 質素就一般我嗌左F特上壽司定食材料亦唔係最新鮮值得一提呢度有罕有嘅白豚壽司呢個比唔少人推薦嘅燒汁海苔帶子又未至於驚艷到係必點item整體而言 質素平平無奇確實有點名過於實但以$5左右一件 就的確無得太挑剔可以稱得上係比$3爭鮮/壽司外賣店較好嘅選擇

呢間壽司店其實都食過好幾次，外賣又有堂食又有。 對比起其他壽司連鎖店，呢到真係抵食夾大件。 每次黎都會叫既蟹子沙律。 好fresh, 份量唔少， 沙律醬又唔會過多， 好似都係$30， 好抵食。 第一round壽司， 其實每次黎都係叫呢啲，呢幾款係我個人推介： 白肉豚，好突別既一種魚，食落口唔似食緊魚，好似肉既口感，都好香口； 玥屋蛋，佢係上下兩塊蛋中間夾住一舊飯，太夜黎會賣晒，可見係有幾受歡迎； 甜蝦刺身，一次可以食好多隻！幾蚊既價錢仲要大大隻蝦，第二到真係食唔到；海膽軍艦，一舊壽司有兩舊海膽，仲要好肥美，佢所有軍艦塊紫菜都係脆的，好正！ 今次黎仲試左饅魚$8， 好大條，又肥美，不過略厭唔太熱。 總括都好推薦呢間餐廳，佢既刺身係必叫，而壽司都feel到係用心之作。

🍣特上壽司定食$105⁣（吞拿魚、白玉豚、三文魚腩、劍魚腩、油甘魚、帶子、赤貝、甘蝦、鰻魚、海膽、玉子🍳）⁣第一次食就嗌左個定食試試鋪頭水準，試哂咁多款overall都唔錯🥸。最特別嘅係白玉豚，外貌雖然同劍魚腩有啲似，但味道出奇地鮮甜😋😋。⁣⁣‼️鰻魚🐟 $8 (8.5/10)⁣鰻魚即叫即燒，$8細細舊一啖一件，我地encore左兩round😎好好味！⁣⁣🍣蔥吞拿魚腩 $14 (8.5/10)⁣隨性嘅蔥吞拿魚腩放係軍艦上面，蔥香、肥魚，一啖超超超滿足🥰⁣⁣‼️燒三文魚奇趣卷😆 $60 (9/10)⁣奇趣卷中間夾住啲天婦羅碎同沙津醬，夾埋上面一大塊三文魚，又脆又厚實嘅質感超正🙌🏻🙌🏻⁣ ⁣🌸花之戀 $14 (8/10)⁣肥美嘅三文魚加埋沙津醬，每一啖都超滿足😍。⁣⁣🔥燒三文魚$7（7/10）⁣三文魚雖然肥美但只有輕輕咁燒左一下個面，冇嗰種三文魚油嘅半溶感覺。而且少左沙津醬就硬係少左啲調味咁🥺⁣⁣🌊帶子 $14(8/10)⁣帶子幾大舊同鮮甜☺️☺️！⁣

Deluxe Sushi Set 🍱 特上壽司定食 $105 有吞拿魚、白玉豚、三文魚腩、劍魚腩、帶子、油甘魚、赤貝、甘蝦、鰻魚、海膽、玉子同蔥油甘魚手卷 🐟 Sushi, Sushi rolls & Sashimi 壽司、卷物 、刺身 🍣 象拔蚌刺身、白玉豚、三文魚卷、馬刀貝將兩樣嘢食一齊放，整體來講都幾新鮮，飯嘅份量太少，酸味適中，要食好多先飽，性價比唔高，啲刺身都算鮮甜，店舖雖然細但唔會坐得太迫，但係職員服務態度都幾差，有少少黑口黑面💰人均 $130

得個平，壽司好普通...冇乜邊款真係好好食。打電話book枱態度好差，第一次book唔知原來只可以book一星期內，同埋星期一十一點後先可以book嗰個星期。師傅語氣好似好不耐煩。我會prefer俾貴少少食啲好啲quality,始終見到佢環境覺得衛生唔太好。

聽聞呢間壽司小店一路都好難book位，好受歡迎，今次終於有機會嚟食啦！午餐時間來至可以叫午市套餐，叫咗一個特上壽司定食，有吞拿魚、白玉豚、三文魚腩、劍魚腩、油金魚、海膽、帶子、赤貝、甘蝦、鰻魚、玉子，另外配蔥油甘魚手卷，成個套餐咁多嘢都似係$105 另外散叫多幾件壽司share。我覺得最好食反而係燒三文魚奇趣卷，燒過嘅三文魚好肥美，好香魚油，中間有天婦羅，好脆好好食！呢度啲壽司比起出面嘅壽司形狀幼長身，壽司overall質素正常。價錢係平既，但未至於超好食。小店舖位真係好細，所以會限住時間俾你食，都體諒嘅，如果要食最好打電話預約先，留定張枱俾你。

✏️𝚂𝚞𝚜𝚑𝚒玥屋-😋: 8.4/10-得8個位嘅壽司小店🍣🤎大家去一定要預早幾日Book位吖～ Walk-in好大機會會冇位的😯我兩次都係去食午市😋午市set lunch真係好抵！ cp值💯🥳-▪️特上壽司定食 ($105)有11件+1件手卷：「吞拿魚、白玉豚、三文魚腩、劍魚腩、油甘魚、帶子、赤貝、甘蝦、鰻魚、海膽、玉子、蔥油甘魚手卷」白玉豚係一種油魚 奶白色 肉質爽嫩～呢個set真係超抵食 仲要有海膽！海膽唔會有臭腥味食材新鮮👌🏻▪️👑燒三文魚奇趣卷($60)🧡卷內包住炸麵球 脆卜卜～ 卷外就鋪住厚厚嘅炙燒三文魚 塊三文魚仲要係肥美嘅～ 食落去外軟內脆 好有驚喜！🎉 WOW▪️辣吞拿魚腩脆卷 ($60)呢個有輕微少少少少辣 同三文魚奇趣卷一樣都有脆脆🤩▪️另外仲單點左啲壽司👍🏻個人覺得個三文魚子軍艦上面d三文魚子有少少過鹹-總括而言：Lunch Set好抵食！👏🏻有個缺點係張凳坐得唔係幾舒服😧 奇趣卷必食🥳

每次想食壽司，都會諗起【玥屋】🍣🤤之前已經嚟過好幾次，難得疫情影響之下都可以保持到水準👍🏼每款壽司用料都好新鮮 (有圖有真相)，入口嗰種鮮甜味真係無得輸😋以呢個質素嚟講，咁嘅價錢實在超超超值🤩好多人會介意佢嘅環境同衛生問題，以個人嘅玻璃豆腐肚認為...食咗咁多次都無肚痛，應該無乜大問題嘅🤪想去食記得早D訂位，舖仔細細經常爆滿，我哋食緊嘅期間好多人想walk in都無位😅

本身見到禁多正評都抱有期望但食完之後真係唔會再食首先裝修比較狹小，典型嘅小店可以接受。食物方面，刺身嘅存放比較唔衛生同埋令到刺身唔新鮮（見圖）。叫咗個炙燒帶子，味道同口感都同普通帶子一樣。另外，赤貝味道好腥、吞拿魚唔好食，玻璃蝦好普通。個丼飯加咗酸蘿蔔同腐皮係幾特別嘅，但個人黎講唔係好欣賞個味道。三文魚腩同吞拿魚蓉味道尚可，帶子10蚊粒size對比其他餐廳係幾抵。另外衛生方面，成間餐廳睇見其實唔算衛生，同埋打電話落booking嘅時候店員態度都唔好。整體質素嘅話，以同類型日本餐廳黎講算麻麻。

今日係第三次去食lunch即日打去book位 3點有位去到後佢地驚小朋友坐冷氣位凍親即刻安排其他位比我地 又問小朋友要茶定要水 好貼心上食物都係比左小朋友先我女最中意青瓜卷 佢地係將青瓜切絲壽司刺身大件飯就細細夠 食多幾件都五怕啲飯重要握得好好 五會一夾就散刺身都好新鮮平靚正😋😋😋

呢間大角咀嘅小店《玥屋》，我bookmark勁耐，但試過幾次都無位😑 上個月終於有一日比我涉到入去✌🏻由於價錢真係好抵，幾乎乜都試吓😁 Menu上面冇嘅日本生蠔，由於之前睇見過有人食就即管問吓，點知真係有兩隻俾我試到，細細仔非常鮮甜❤️另外叫咗一板海膽（$105），（本身想叫加拿大的但係嗰日冇貨）雖然未至於好鮮甜但係完全冇臭味非常容易入口，絕對對得起咁嘅價錢❤️其他壽司🍣總括而言都非常新鮮，大細適中，魚生唔孤寒！馬刀貝、蔥吞拿魚腩、三文魚子仲encore 😋😋雖然鋪面細細，但係唔會坐得好迫，以咁嘅價錢有咁高質素，回頭指數極高🥳

Bookmark咗幾年終於都嚟到食小店真係得好少位坐滿應該都係得10個左右我哋2點左右嚟到，好順利唔使等餐牌選擇都好多款而且每款價錢都好實惠Lunch Set F. 特上壽司定食 $105(吞拿魚, 白玉豚, 三文魚腩, 劍魚腩, 油甘魚, 帶子, 赤貝, 甘蝦, 鰻魚, 海膽, 玉子 + 葱吞拿魚手卷)$105有成11件壽司仲係面前即叫即整好抵食白玉豚、劍魚腩、鰻魚、玉子都好好味所以再encore咗不過海膽就有啲失望海膽一板 $105 個frd話唔差，所以再嗌咗一板我就依然覺得唔係好得燒三文魚奇脆卷 $60 (6件)燒完嘅三文魚好香再包住一啲脆脆，口感唔錯整體嚟講，真。平民價錢，味道都唔錯但係又好似被人吹大咗少少

朋友當日book到位 一於試下到底有幾好食！店內位置只有7 8個 所以當日在場人士都係有book位先食到～ 不過空間有限 坐落去大家都有啲逼望到個menu 發現個價錢都係好平～ 所以望都無望就揀晒自己想食嘅壽司！極推薦👍🏻👍🏻 性價比高馬刀貝 三文魚腩 油甘魚 呑拿魚腩 三文魚籽汁燒帶子 燒三文魚奇脆卷大部分都好新鮮 好多都入口即溶🤤 絕對可以再encore! 燒三文魚奇脆卷係朋友話必點！ 完全無中伏！ 下次要試下辣吞拿魚腩脆卷～而其他既 我就覺得普普通通～ 未必會再encore～ 試一次就夠3個人食到勁飽 印象中都唔係太貴～ 絕對稱得上窮人因物！ 有機會一定再去過！

今日放假同老公去出名多野食的大角咀。傳聞中嘅平民高質素日本壽司店。價錢平質素高😍😍😍好彩一早預先book 座位。因為場內好細，只有九個座位，我同我老公就食7:30嗰一場。可以食到9:00。場內冇咩豪華的裝修，但係就有種喺日本街頭小巷會見到嘅小店感覺。名副其實嘅實而不華。我哋用好似點心紙咁樣落單。食完可以加單。一定要嗌下佢哋嘅芝麻雞翼（$24）同埋餃子（$25）。即叫即整超級新鮮，呢度價錢食到呢個質素真係超值。然後我哋叫咗甜蝦壽司🍣，甜蝦比我認知甜蝦之中大好多。而且夠甜🥰海膽壽司就貴少少$22@ 我哋覺得OK嘅，但係就唔會再叫啦。因為呢件壽司反而缺少咗wow factor!!!講到全場令我哋最有wow factor 嘅鎮店之寶就係燒三文魚奇脆卷👍🏻😉一邊脆卜卜，出邊有肥美嘅三文魚🍣口感一流不愧為平民高質餐廳

老友相聚，決定食日本料理。我們一行八人，預早一星期訂枱！店舖規模比較細，我們八人，差不多已包場。這間店舖主打食材新鮮，即叫即整，可以親眼睇到師傅點樣處理啲食材，自然食得放心。我們點了多款壽司；蟹子、黃金魷魚、帶子、花之戀、甜蝦、三文魚、海膽等....另外我們點了餃子及芝麻雞翼。整體都好好食，好新鮮，帶子好大隻，甜蝦新鮮美味，價錢合理。每人大約都係食咗$200! 這間店舖另一特點，就是供應外賣！如果冇訂位，外賣係一個非常好嘅選擇！下次會再幫襯