珍寶餃子

Open Now

Now Closed

日前去咗土瓜灣開工，lunch想搵吓有咩好食，見到呢間餃子啲相覺得唔錯，就入去試試。叫咗韭菜湯餃，黎到哇咗一聲，啲餃子好大隻，真係珍寶size，皮好薄好滑，食到韭菜餡的香，不會死鹹，有屋企自己包黎食的感覺。再好奇叫多咗支椰汁豆漿，好似見到外邊有呢樣嘢賣，出奇地夾，食完餃子飲啖確實爽！見到隔離檯叫咗款有肉鬆的，原來係特色餃子，下次有機會返土瓜灣會再試試佢👍👍冇其它評論所講的咁差，又叫人去某店，好彩冇俾呃到

十分垃圾的餃子服務態度十分差野食又凍又難食你地係用超市餃子扮自己整？我未試過食啲咁難食嘅野我都係食番太子美味餃子算垃圾已經係好好聽嘅形容詞唔同意可以自己去試大家去食就自己諗我未試過咁嬲

真係未試過咁難食, 又要受氣, 職員態度極差, 啲餃子同雪藏餃子冇分別, 仲要睇完推介專登過嚟食, 我同屋企人都好後悔, 千祈唔好幫襯, 呢間鋪不值推介, 同太子美味餃子店完全冇得比,

食晏見依間環境幾好入左去Qr code落單 冇套餐全部單點叫左鮮牛肉蔥油拌麵($48)同無糖可樂($8)價錢都算正常但係蒽油拌麵啲蒽油少到似食緊白烚麵一啲味都冇 唔會有第二次

餐廳當日只有我一枱客人，但係在場三個員工，又或者可能係老闆一家大細啦，反正淨係掛住傾偈，同埋玩手機睇視頻笑到好大聲。咁都唔緊要，但係到問佢哋嘢嘅時候三個都無一個聽到，差啲要行過去親自請佢哋幫手，唔知以為佢哋先係客人，而且答問題既態度仲十分惡劣，完全唔似做緊生意。最後食完叫埋單都叫咗三次先聽到，講緊由頭到尾都剩係得我一枱客，個場又冇電視又冇音樂，兩個老既嘅聽唔到都話啫，唔通連個後生仔都係聾既？嘢食唔係難食，但係同類型食物嚟講價錢真係算貴，加埋呢啲服務態度，難怪冇人幫襯啦，無下次！

係土瓜灣返工聽講有間舊餃子鋪翻新搬左鋪就一於lunch 試試 因為土瓜灣附近都試左幾間，呢間係最啱口味，價錢都幾貴餃子加埋豆漿都成70幾蚊抵唔抵食見人見智，餃子都大粒又足料，個鮮牛麵真係意外收穫估唔到都出色！粟米豬肉煎餃10隻 $59大大隻啖啖肉 而且煎到金黃色，咬落都仲有肉汁 ，粟米同豬肉比例岩岩好。鮮牛肉麵+ 牛肉餃（3隻）$67牛肉食得出好新鮮，牛肉份量都多，湯底就無特別，唔想淨係食餃嘅朋友十分推薦呢個！朋友share左粒雲吞俾我食，佢嘅雲吞都好好食！蝦好爽口彈牙。凍豆漿$12如果有無糖版本更好，有啲甜未必適合每個人！

星期日去咗土瓜灣嘅呢間餃子店食lunch分別叫咗韭菜豬肉煎餃同大白菜牛肉餃子湯麵呢度嘅煎餃主要淨係煎一面 食落外脆內軟都幾juicy 不過略嫌有少少燶另外嘅湯餃好易夾爛可能因為皮都比較薄 同埋覺得大白菜牛肉餃唔係好夠味 不過配埋上海麵咁食都ok豆漿就正正常常無咩特別

店員落錯枱號要我重新再落。等左佢改單。唔夠時間食，變外賣。外賣加2蚊OK但佢地唔識包。D野漏晒。下次都係堂食🥹🥹雖然5粒雲吞姐.....真係好失望.....下次要包好D，唔綁結咩都漏啦。

以前廿幾蚊5隻……而家要四十幾蚊7隻……貴左好多🥲🥲🥲但係環境好左好多….店員多左，間鋪大左…..但食開舊價，轉貴左咁多難免有少少唔習慣😂😂😂未必再成日去了

搬鋪後首次探店📍舊址已吃了幾十次💭成條街要清拆🥺幸好只是搬 不是執😌環境新淨好多😍諗住會承機加價 佢又冇👍🏻豆漿換咗包裝 係細枝過以前Menu有啲唔同冇咗昔日常吃嘅豆腐花😭多咗幾款糖水 不過寧願稍移玉步去隔離間浩記話晒糖水專門店 人地米芝蓮推介嚟呢到都係食返餃子啦維持3種煮法：煎、湯、蒸上海麵嘅湯底依舊係嗰隻味！正😭我叫多蔥真係好多🍀而家用手機QR code落單變晒了☹️ 舊鋪好有台灣地道小店風情🙁餃子裡面食到骨以前從來未試過反映下，店員問咗廚房話係豬肉佬責任🙃🙃會再去嘅，希望珍寶做好啲QC🥹

舊舖搬新舖，只係相隔多一條街加一支燈位距離。一向喜歡食餃子嘅我，都無損搵食嘅心情去到見門面好闊落好光猛Menu都換上全新的，價錢方面與舊舖難免有相差。有所調整都是理解的價錢需變，但希望質素唔會變吧～點了以下幾款食／飲品：招牌韭菜豬肉煎餃🌟🌟🌟🌟🌟-真心推介，每次都會order呢款餃子，外脆內juice真係不得之鳥大白菜牛肉煎餃🌟🌟🌟-味道一般唔夠濃郁，一試無妨。鮮蝦飛魚籽雲吞🌟🌟🌟🌟🌟-大推！真係超好食又爽口又有鮮味。大大粒唔配面都夠飽湯底有少少胡椒味，不會太濃。凍椰汁豆奶🌟🌟-個人口味覺得偏甜，下次都係飲返普通豆漿可以了。總括而已，做開街坊生意嘅店舖已經少之有少，但現在呢個大趨勢加價都屬正常，但希望食物質素可以繼續Keep到，雖然比起舊舖行遠左少少，黎開紅磡嘅朋友又想食手工餃，定必推介紅磡珍寶