琥酌 (Closed)

好耐之前已經聽過朋友講話呢一間餐廳食吉列牛好出名，但一直都未有機會試，前幾日終於去咗，一試果然唔錯！安格斯盛合一嚟到就嗌咗個安格斯吉列牛套餐，店員會將點着咗嘅爐加上油比你燒，可以按自己鍾意嘅生熟程度自己燒牛肉，肉質口感嫩滑，加上吉列嘅外層口感，好夾！蒲燒鰻魚丼呢個鰻魚丼份量啱啱好，鰻魚鮮甜好味，而且唔多骨，鰻魚汁亦都調製得啱啱好，唔會太甜，整個配搭好吸引！鹽燒油甘魚鮫平時都食得多三文魚鮫，估唔到油甘魚鮫都幾好食，油甘魚鮫嘅肉唔算好多，但係肉質都幾好食，唔會太乾。而且鹽燒嘅魚皮香口好味，唔錯！果然係名不虛傳嘅吉列牛餐廳呀！

近排掀起一陣吉列牛熱潮，搞到我都心思思搵下有得食吉列牛既餐廳😃從朋友口中得知呢間店出名高質又抵食，所以就拿拿聲去book😃我地兩個人叫左安格斯吉列牛，鹽燒油甘魚鮫，蒲燒鰻魚飯一齊share主打既安格斯吉利牛，果然無令我失望，份量好多👍🏻 外面好鬆脆，但粉漿又唔會太厚，加上裡面油花均勻既肉質，輕輕燒一燒就已經岩岩好😻鹽燒油甘魚鮫都好出色，魚質好嫰，配埋餐廳提供既醬汁，令人好開胃，唔會覺得油膩最後講下蒲燒鰻魚飯，鰻魚份量好多，肉質肥美，每一啖飯都可以配埋鰻魚一齊食👍🏻👍🏻最後讚下餐廳服務好好，我地一食完d碟，唔洗叫都有人會即刻幫你拎走。 又會keep住留意洗唔洗幫你加茶👍🏻

安格斯吉列牛。吉列安吉斯已經有4成熟。可以任我們再燒至全熟。但我本人喜歡食生野。餐廳給三款調味料去搭配。我比較喜愛傳統。加小小鹽就配食。完全一絕配合。明太子手羽雞。肉質豐厚。鮮嫩肉滑。汁液四濺，外皮脆內軟。和牛涮涮鍋。湯底用味噌湯底調配。用多款菜式去煮配和牛成鍋。牛肉半熟更添湯鍋內的化學作用。令成個鍋更美味可口。配菜吸收每一滴和牛汁液顯得更無與倫比。

我老公係食肉獸，especially steak 🥩 ！今日岀左去太子做野，累足一日，決定食好d! 上網發現呢一間餐廳勁多好評！ 一於係動盪的日子裹，對自己好一點。一嚟到就點左一份安格斯吉列牛，牛嘅份量都算幾多，每一片牛肉都又厚又大件。有三個醬料任你選擇，有芥末醬，有鹽醬，有岩鹽。 我覺得最有驚喜嘅就係芥茉醬。非常之creamy，有效去除牛嘅油膩 。同牛好match，冇估過芥茉醬竟然有咁嘅效果。感覺上吉列牛冇個啲一早整定俾你嘅吉列肉排咁熱氣，而且佢嘅炸粉唔係好厚，啖啖肉，滿滿肉汁😆好滿足另外叫咗$48嘅明太子玉子燒。喺日本餐廳入邊，呢一個玊子燒算幾平。其實玉子燒都幾需要功夫，我都幾鍾意❤️最後叫埋剛和牛唰唰鍋。估唔到呢個價錢竟然真係食咗和牛，脂肪比例平均，有入口即溶嘅效果我鍾意佢有滑滑嘅豆腐，索晒啲湯一齊食食完一餐牛牛盛宴，成件事好開心😃

餐廳：琥酌 (太子)地址：太子西洋菜北街159A號地舖講起吉列，唔知大家會諗起咩呢？吉列豬扒？定係吉列魚柳？近呢幾年香港新興嘅吉列牛唔知大家又有無試過呢？比起前面兩者，仲多左一款樂趣就係可以自己燒去決定生熟程度，食飯能夠有多少少選擇權去揀自己想要嘅熟稔程度，同話事燒幾耐，都不失為一種享受太子西洋菜北街有一間叫琥酌嘅日式居酒屋，除左有各式各樣嘅日本清好似清酒梅酒咁，仲有日式火鍋、丼飯、刺身同吉列牛食，吉列牛仲有A5和牛同肩胛肉眼同美國安格斯肩胛肉揀頂級安格斯牛吉列御膳 $368安格斯肩胛肉取自豬背脊前方到肩胛骨位嘅肉，屬於豬身上運動量比較多嘅部位。肩胛肉嘅肉味比較豐富，而且肉香亦突出濃烈，加上帶少少筋又有啲油脂，以吉列嘅方式煎香，唔洗加任何調味都已經好好食琥酌丼(小) $68琥酌主打牛肉，而呢個琥酌丼就係和牛同安格斯牛肉粒配自家製醬汁嘅飯，一碗飯就可以試勻兩款牛，牛肉亦切成碎粒，加上野菌同香甜嘅醬汁，惹味得黎仲有好重牛肉香明太子手羽燒(2件) $48手羽先係日本名古屋嘅特產，名古屋當地嘅做法係先將雞翼炸好，然後再搽上唔同醬料，最後灑上香料。琥酌嘅明太子手羽燒將明太子塞入無骨雞翼入面再炸香

依間吉列牛專門店喺OpenRice到出晒名，於是今日就嚟朝聖。必試嘅一定係，吉列牛，分量都好多，超過$10 塊，最欣賞嘅係佢側邊有多蔬菜，有南瓜，甜薯等，可以食完牛肉之後燒嚟食，減低油膩感，呢點我喺其他吉列牛專門店我都係見唔到嘅。另外仲叫咗琥酌丼，牛肉好多，而且一啲都唔難咬，配上牛肉汁撈飯食一流。我之後仲叫咗和牛唰唰鍋，想讚下嘅係，湯底唔會好鹹，但入邊嘅娃娃菜就好入味，食咗咁多肉，可以食返啲蔬菜平衡下。

個人一向對吉列牛情有獨鍾，可惜香港可以食吉列牛嘅餐廳並唔多。而琥酌就係其中一間令我非常欣賞嘅餐廳。今次我就去左食太子果間，6點半去到人並唔算多，食物亦都上得好快。我地就叫左一個吉列牛，一個明太子釀雞翼同埋一個和牛壽喜燒。吉列牛本身係牛嘅話，我地自己放係鐵板上燒大概30秒，可以根提個人喜好自己控制生熟度。牛排入口非常嫩滑，相當好食。明太子釀雞翼亦非常唔錯，明太子味突出。和牛壽喜燒令人相當驚喜！壽喜燒湯底甜甜地，唔會太濃味，就咁飲都冇問題。和牛食落入口即溶，非常嫩滑，相當值得推薦。

You can still feel the texture of the beef which is really good.-「吉列牛」就聽得多呀，到底佢係點黎咖呢？原來早就係明治時代，由西方傳入吉列牛烹調文化。但當時期既牛肉價錢比較貴，唔係個個應付得起。為左配合日本人口味，慢慢改用吉列豬同蝦，後來慢慢被重新掀起吉列牛熱潮，再延伸到利用小型烤爐比客人享受自己燒既樂趣。而今次我就同朋友黎到呢間專食吉列牛既專門店「琥酌」。店面面鋪唔大，不過簡約原木配搭水泥牆非常搶眼，帶出現代工業風格，有種新派居酒屋既感覺，唔會有好大既壓迫感！👇📌頂級安格斯牛吉列御膳 - $368👉餐廳既吉列牛套餐有平有貴，我就揀左呢個經濟型安格斯肩胛肉。呢到既處理程序會先將原塊牛肉沾上自家吉列炸漿，再放入高溫炸爐大概一分鐘，再厚切呈上。咁樣裡面仲保留到鮮紅半生狀態，再按自己鍾意既生熟程度，再放上小型鐵爐慢慢煎熟佢。Staff建議每邊煎返20-30秒就岩岩好，要留意時間好重要，煎耐左係會影響成個口感同埋肉質會變韌。而每啖肉都可以配搭返秘製醬汁，包括辣椒岩鹽、柚子胡椒、和風芥末。但我就認為食牛肉一定要原汁原味，先係最好食

最近見到好多朋友都去咗依間食吉列牛，而我都唔執輸今日決定試吓有幾好食佢雖然細細隻但係入邊好足料，用美珍葉咗啲蟹肉加埋啲蟹膏一齊食，新鮮炸粉唔厚，蠔肉質飽滿鮮甜，炸物嚟講佢算係出色雞翼入邊已經去咗骨，用明太子同搞碎左嘅雞肉釀係雞翼入面，有明太子嘅鹹香，好食到今日嘅主打吉列牛喇，我哋決定食好啲叫咗個安格斯牛，自己係個爐上面燒一燒已經食得，果然係幾好食喎，好有牛味，有咬口但唔鞋，高分👍🏼我哋兩個大食積最後都嗌多咗個鍋，湯底甜甜地，食下啲蔬菜平衡返，而湯底配蔬菜亦令到成件事加晒分，滿足哂～

上次同老公食完吉列牛, 念念不忘, 今日心思思再去食❤️ 今次坐bar枱嗰邊 好似日本d 居酒屋咁🍺明太子手羽燒 $48外皮薄脆, 咬開鮮嫩多汁, 好juicy 包住滿滿嘅餡料脹卜卜 熱辣辣上枱!!!到主角出場啦🤩安格斯盛合 $368有3隻醬料鹽燒汁,岩鹽,芥末沙律醬俾你點 我自己就最鍾意岩鹽, 可以帶出牛肉既油香味❤️配埋asahi一流!!! 吉列皮薄身, 牛肉睇落新鮮有光澤, 個人覺得煎熟少少, 每邊大概20秒岩岩好!!! 入口鬆軟肉味濃!!!最後加多個飯!!!琥酌丼 大 $118安格斯牛加黑松露汁炒, 入口好香好濃牛肉同黑松露味🐮 食晒呢個飯兩個人岩岩好夠飽

坦白講，呢間鋪頭食物質素係唔錯。雖然價錢唔算平，但係屬於一分錢 一分貨既食店。可惜既係，因為職員既問題，我唔會再選擇幫趁。事源：我朋友叫左一個$108自選mini丼x2，我唔肯定究竟係朋友講錯、指錯定係侍應聽錯、睇錯。本身朋友想order既係牛舌丼，但係上枱既食物係安格斯牛丼。因為，唔係預期既食物，我地搵左一位職員表示我地唔係嗌呢個，而果位職員亦好好禮貌表示可以更換。但係，當佢拎入廚房時，原本幫我地落單既職員就大聲話「明明佢係要呢個架喎，而家又話唔係，麻鬼煩」。雖然最後係換左，但係成餐飯都食得好唔舒服。如果，同一件事發生係快餐店或者茶餐廳，我絕對接受，但係係一間日式唔算平價餐廳入面，我只可以講，我不能再貼錢受氣

今次係朋友請食飯，佢知道我好鍾意食牛肉，特登揀咗呢間日式餐廳。未食已經多謝定朋友，因我鍾意食牛，仲有幾高級。裝修好日式，未食已經加分。我地點左3樣， 安格斯盛合，和牛涮涮鍋，明太子手羽燒。安格斯盛盒係吉列牛扒薄切， 再放上特製嘅爐上燒熟內部架肉，做到外脆內軟。 一般出面食到架吉列牛外面嘅吉列同裏面嘅肉都 好唔妥協調，一係肉未熟就 吉列太多油。但今次試呢間就剛剛好， 首先師傅炸完外面切都冇切爛曬d吉列，好完整。第二個爐夠熱，可以令肉鎖到肉汁。加海鹽 超好味。明太子手羽燒，裏面包左其他配料，帶有少少辣，無骨易食。入面餡料十足！和牛涮涮鍋，有好多菜同肉仲有隻生蛋，當中有好多甜洋蔥令到個湯好鮮甜，重點係個湯到。食曬d肉，d菜入曬味，d湯都差少少飲曬。多謝my friend請食飯，又知道多一間好店！

識我嘅朋友都知我同寶寶都係牛肉控😈 有我地係度，嗌嘢揀牛肉就冇錯🙈 上星期同個姊妹食飯，佢推薦我同寶寶試下呢間琥酌嘅吉列牛，不論點整都好食wor🤭 佢講到咁我梗係要帶寶寶黎食啦❣️店家門面好有日本feel，好似入左日本橫街見到果d居酒屋咁🎑！入到去仲播住日文歌tim☺️安格斯吉列牛附有鹽燒汁、岩鹽、芥末沙律醬，比食客試吓唔同口味嘅食法❣️我自己就最鍾意個鹽燒汁，我有懷疑過係師傅自己調嘅🤔 味道特別又惹味，大愛💕吉列皮幾薄身，牛肉嘅厚薄控制得好好，根據店員指引，左右兩邊各燒20秒最Perfect❣️口感嫩滑🤩肉質有彈性👍🏻牛肉味香濃💕和牛涮涮鍋配料唔算多，甜醬油湯濃度適中👍🏻 鍋入面主要有：牛肉、娃娃菜同冬菇❗️主角牛肉當然出色，肉質鮮嫩有入口即溶嘅感覺💕明太子手羽燒 $48香熱略帶微辣，餡料飽滿，雞汁豐富，一咬即爆汁😆

旺角警署呢三個月來。我從未接近過。但今晚朋友去約係太子。正正係旺角署後面酒吧街。外面裝修好安格斯吉列牛。吉列安吉斯已經有4成熟。可以任我們再燒至全熟。但我本人喜歡食生野。餐廳給三款調味料去搭配。我比較喜愛傳統。加小小鹽就配食。完全一絕配合。明太子手羽雞。肉質豐厚。鮮嫩肉滑。汁液四濺，外皮脆內軟。和牛涮涮鍋。湯底用味噌湯底調配。用多款菜式去煮配和牛成鍋。牛肉半熟更添湯鍋內的化學作用。令成個鍋更美味可口。配菜吸收每一滴和牛汁液顯得更無與倫比。

琥酌居酒屋就位於太子站附近，地點很方便。居酒屋的裝潢甚具日式風格，座位亦須尚算舒適。明太子手羽燒「手羽燒」就是燒雞翼。明太子帶有點點辣味，口感分明的粒粒的明太子，塞滿在雞翼內。燒得香香的雞翼，加上辣味的明太子，味道甚為惹味。和牛涮涮鍋涮涮鍋的配料除了和牛外，還有雞蛋和冬菇、娃娃菜、紅蘿蔔和大蔥等雜菜。和牛的肉質非常嫩滑鮮味，有種近乎入口即溶的感覺。涮涮鍋的湯底採用了鏗魚湯，味道很鮮甜。安格斯吉列牛盛合這就是全晚的戲肉～吉列牛！吉列牛為居酒屋的主打菜式，切成一片片的生牛肉，讓客人自助放上精緻的小鐵板上燒。牛肉不需燒太久，每邊燒大約1分鐘左右，如果愛吃生一點的話，可按需要減少燒的時間，豐儉由人。安格斯牛油脂分布均勻，燒出來的牛肉自然嫩滑美味。不論是配上岩鹽、鹽燒汁或是芥末汁來吃，味道均非常好。