瑞士咖啡室 (Closed)

太差了，一入去叫我等等又叫我出返去，之後叫野食喇，食到半路四季豆好鹹諗住換佢地又講左講右，一啲都唔好態度仲要話照道理應該唔鹹。。。唔知咩服務黎我入得去食野就要受你氣?仲要我等緊人黎好似我去個廁所都唔俾敢。。走果時仲要啤住人，咩餐廳黎嫁。。

今日食咗樂富嘅瑞士茶餐廳，覺得非常失望。啱啱開始有依間餐廳嘅時候，都好開心落到有啲好食的野食。早前有食過質素還是正常茶餐廳嘅水平，但今日再試，質素卻令我好失望。最失望嘅係瑞士餐廳連瑞士汁都煮唔好。望落去好像煮焦咗的黑色，向侍應投訴時，她卻一副係咁嫁啦既嘴臉， 告訴我們煮耐了就是這樣，我們也很無奈。唉，從此樂富又少咗一間可供選擇的餐廳。

中午時段找了呢間餐廳醫肚， 走進店舖有一些懷舊的感覺而我很欣賞一幅牆是用麻雀堆砌出來的 招牌名字而我們點了兩款炒粉麵1. 星洲炒米一嚟到賣相已經很吸引， 但味道一般， 蝦仁完全無味2. 羅漢齋炒麵炒麵熱辣辣脆卜卜, 感覺好有鑊氣, 但很奇怪這個羅漢齋炒麵裏面有茄子的， 還送通菜半條， 感覺這碟炒麵很唔專業。

原本無寫開食評既我都忍唔住要留個負評，俾個幾十蚊食個常餐都要寫自己難受，奉告各位別幫襯！野食一般無特別，食隔離個間太興好過。本人絕非打手，只是要表達對呢間野既極之不滿！在門口排隊無人理，行入去問侍應有無位，佢竟然話我行入黎望都無用，仲話以為我買包，轉個頭俾左個卡位一個無排隊既阿姐。問佢點解無排隊都有位，個侍應竟然話唔知，叫我自己問個客。之後就十問九唔應，完全唔想做生意。呢間野個名叫瑞士咖啡室，其實唔知同中環個間有無關系，如果無關係既話，請不要用呢個名，有關系既話，咁呢間比中環差很多！

樂富要搵好食的麵包，我會首選瑞士咖啡室。但是佢哋的服務態度一流，如果嗰日對你溫柔，你就會好驚呀~今日我哋去買麵包嘅時候，已經差唔多賣曬。我哋跟平時一樣，揀咗合桃提子包、雞尾包同埋叉燒包。有時我喺度買嘅時候，好多人都係買佢哋嘅吞拿魚包。不過，我就冇買喇，因為吞拿魚包擺喺屋企一段時間，會變得不好吃。除非新鮮出爐，即刻食咁就唔同啦。今日發現佢哋嘅合桃提子包比以前大縮水，真係百物騰貴啦~佢哋嘅雞尾包呢，同康年差唔多大，都一樣咁好味。

中午時段突然下大雨, 來到樂富商場, 想食瑞士咖啡室, 近年冰室開到成行成市, 西餐價錢, 冰室食品, 平均冰室食個午餐要五十蚊!排了一陣對, 二人枱好快就有位! 點了瑞士雞脾麵, 配俺列, 多士。 最近早餐午餐茶餐, 幾乎日日食多士。野飲和食物好快送到, 雞脾, 夠入味, 唔乾身, 好食! 其他如火腿俺列, 多士, 也不錯。和朋友坐了一段時間, 也沒有催趕住交枱, 近兩點, 午餐時間完結, 冰室人流也慢慢減少。希望舊冰室可以keep住做, 有人承計。新冰室做出自己的風格, 招牌和水準!

之前已經去過好多次，今次同媽媽2個人去食晚餐，入面都好full 下，唯有去一張4人枱搭枱，繁忙時間搭枱真係無乜所謂，但埋邊坐媽媽隔離個阿嬸攞個袋頂住媽媽，又張餐牌同放餐牌既架丶調味料等推哂個黎，媽媽其實實質得番張枱既7成位坐，已經一肚氣，跟手見有卡位有人走，於是想調過去，阿金毛哥哥（侍應之一）就話晚間卡位唔比2人坐，但環顧附近幾枱卡位，3張有2張都係坐2人，而且店外是無人等枱，唔比轉位焗我地坐番原位，同佢解釋唔聽之餘態度又差，我覺得真係揀人黎‘恰’，我明白繁忙時間盡量都要搭枱，亦都接受搭枱，但咁樣雙重標準，揀人黎‘恰’，真係令人不爽，於是當機立斷離開唔幫襯，即係D野幾好食都好，咁既服務態度，真係接受唔到，如果你裝修得好，但服務態度仲衰過大排檔，咁真係金玉其外⋯，Review番呢間餐廳大部份comments都係有關服務和員工態度，希望餐廳好好撿討～

一早起身,當然要食返個靚早餐啦！咁就同仔仔去食呢間,叫咗個腸蛋+丁麵,熱奶茶及腿通+熱狗+凍華田價錢合理,都係70埋單老實講,呢間食既味道真係唔差,肉丁又多又夠味,都又唔會太淋,腸蛋都好難好出色既腿通湯底夠味,又多火腿,應真不錯奶茶就差少少,不及一般茶記但呢度服務真係好差,我覺得叫野食係比人鬧緊,大大聲同野又掟野,落枱次次都嘭嘭聲再好食都冇用啦！要好好新練下d員工

樂富廣場平台有間叫瑞士咖啡室，裝修得幾特別，有一幅用麻雀大大隻字合成掛牆畫，真會令人回味打牌嘅愉快心情餐牌就有好多種類餐可選擇，我比較喜歡簡單啲，最緊要有杯奶茶最後叫左個磨菇奄列餐配上多士，整體份量足夠，杯奶茶好好，夠滑有茶味，多士又夠厚，正

前陣子苦惱午餐去邊到食，機遇巧合下去左樂富，發現原來樂富收收埋埋都有好多野食！😏而且係地鐵站附近！然後見到人多多，原來係瑞士咖啡室！唔洗岀咁遠都食到🤣🤣叫左個常餐食，不過忘記拍照了😓😓 佢包奄列包多士，隔離位先生見到我咁多野都羨慕了✌🏻✌🏻 不過感覺同其他分店差很多。。如果唔加調味料可算冇味，同我係屋企自己煮一樣打算食酥皮蛋撻，點知佢上左普通餅底😐一忘發現佢係直接係櫃入面嚟岀嚟，成個係唔熱的，連麵包鋪嘅都好食過佢想著想著，港色茶記嘅奶茶應該不錯吧。😅盡在不言中了，下次都係去遠少少，返旺角食個紅茶，起碼佢會叮返熱個蛋撻比你🥧

同朋友仔行完山後到樂富食返個tea~食物質素係ok 既，不過就受氣囉。。首先要叫好多次先幫我地落單。。到叫野食果陣，我地一路講員店就一臉唔耐煩到食物黎喇，粗粗魯魯咁拍一聲放枱上！因為我地有6個人，仲要迫埋張細枱，啲野食已經唔夠擺，我地已經用手拎住一碟，努力清左啲蛋呀果啲先！點知佢再送餐黎時，「命令」我地要執開個位俾佢放野好啦！食食下店員倒瀉野，飛左啲奶茶去我朋友塊面同件衫度，佢地並無提供紙巾亦冇講唔好意思！當冇野發生過咁，完全冇理過，想點呀？！我地一路食野，間中都聽到跌野聲，其實佢地咁 ”衝衝” ”撞撞”又唔見得快左好多囉 講到食物, 質素係OK既, 但啲服務真係要改善下...瑞士雞奕常餐雞奕好入味，肉質幾嫩，味道佳，公仔麵硬度煮得剛好，不過湯底冇乜味！

以懷舊裝飾風格嘅茶餐廳，門面已經相當吸引。舖頭入面一樣懷舊，連壁畫都係用麻雀砌出嚟，好港式風味!早餐選擇超級多，早餐供應到12點，啱晒我呢啲懶瞓一族。而早餐方面，最特別同最想試就係早餐極品嘅沙嗲牛肉潛艇。火腿奄列、仿鮑片火腿通粉+沙嗲牛肉潛艇 $40份量超大!! 飽到我都食唔晒呀!!仿鮑片火腿通粉味道方面，仿鮑片略為咸咗少少。沙嗲牛肉潛艇個包烘過，有少少脆卜卜，沙嗲嘅味道好好味!!牛油皮蛋撻($5)，蛋部份甜咗少少。早餐B - 沙嗲牛肉麵 配 餐肉、煎蛋、牛油多士。沙嗲牛肉好味，麵就比較淋身少少。牛油多士味道唔多，只係唔夠脆。一般都要排隊，但等候時間都唔算好耐，下次會再嚟試其他早餐。

一去到我地坐個位係風口位好凍，問其中一員工可唔可以轉位，佢話有位就轉比我地。到我地轉位後，另一員工見到就大聲同其他員工講話我地自己轉位，搞到當時其他人望哂過黎，又過黎話我地要轉位要去問門口的員工，我地解釋話係有侍應幫我地轉，佢就話頭先個侍應係話唔到事嘅，成個過程佢都好惡同唔耐煩，佢地講到好似我地錯咁，但其實我地唔知邊個先可以幫我地轉位，我地都有問過先轉的，所以呢間餐廳嘅員工溝通好差，而且對人都好無禮貌，我地由坐低到走比三個員工鬧左。。。另外餐廳環境都好污糟，櫈上面有好多飯粒，以後唔會再去。

講真，香港地少人多，搭枱係閒事，而香港人都習以為常，但點解有吉位都一定要人搭枱呢？就因為一d員工令到成間餐廳既質素下降就唔值得囉！Ps去過荔枝角分店是沒有這個問題的！

食物資素不錯，但服務員質素差，很無禮貌！落單時，服務員態度很不友善；送餐時，很粗魯，飲品也天一半地一半。如果太興是10分，這家店肯定是5分，不過一分錢 一分貨，明白的；只是消費者感覺不爽！