瑞士咖啡室 (Closed)

有同事話呢間餐廳最值得推介係薑汁奶茶!!本身已經試過一次了，今次想再試多次第一次黎叫左餐廳最出名既瑞士汁雞脾常餐一黎到見到個多士超厚再搭配埋奄列一齊食未食個意粉都覺飽了🤣🤣當然瑞士汁雞脾先係精髓，個瑞士汁都幾濃烈下，雞肉嫩唔會太過硬，食落都有口感原來薑汁奶茶係隠藏餐牌黎！要主動問侍應有冇佢先會俾你最正既係熱薑汁奶茶係唔洗錢架好可惜既係當我第二次（都係一星期後）再黎，侍應話夏天唔再出熱飲了第二次黎我既同事叫左 “男人的浪漫”👬💕呢個餐岩晒啲大食既男人，有熱狗奄列，個熱狗仲有成隻手板咁大好誇張😱😱另外仲有碗豬朳腸仔麵，個個男同事食完都捧住個肚飽死🤣🤣呢個餐好高性價比，如果女仔細食的話，share食都夠飽😆😆

下午茶餐～鮮牛肉加肉丁一丁麵👍🏼👍🏼👍🏼正丫喂～！麻油是另上的！配上一杯茶走..雖然我不解為何茶走一杯不滿😂🤭絕配！🤪令人回味無窮！長知識系列：茶走可少甜又少奶😂👍🏼下了一場雨但仍然。。。每次來麵很喜歡這裡的裝潢，每次來麵有新鮮感，不是餐廳會轉裝修，只是好奇的我總會望東望西的到處張望另想分享一段小插曲：話說有位食客阿叔話搵到條唔知咩毛係佢碟食物到，最後搵經理處理，我想讚揚一下經理處變不驚和友善幫食客更換了！最後附上從外拍進內的餐廳照片。

侍應態度非常差，完全理解唔到點解可以有優質旅遊服務認可。.平時係荔枝角食開，覺得還好，今次係樂富食，衛生情況十分差。叫咗早餐F，碗五香肉丁麵黎到竟然有大大隻曱甴。我示意叫侍應過黎，佢大聲呼喝我問我有咩爭我呀，我平靜咁同佢講，佢仲笑笑口同我講，平時一時時都會有，講完就攞走換個碗俾我，一句對唔住，或者一絲唔好意思都無，亦都無問我想點處理，好似已經見慣不怪咁。.之後朋友嗰個早餐B無跟據order轉成通粉，侍應仲要教訓我地，怪責我地麻煩到佢，換黎換去到頭來搞到自己又要再等。.都癈事浪費口水，之後見到隔離枱都係落錯單，得啖笑。.真係唔會再有下次。好食嘅冰室，大有地方在。

瑞士咖啡室門口同店內都充滿住懷舊既氣息 有本土茶餐廳用語做裝潢 同一大幅由麻雀堆砌而成既店名牆 好有地道文化特色 用黎打卡就一流喇平時黎親都要係門口等一陣位 不過今次就唔洗喇 因為食既時候係平日既下午茶時段下午茶餐既款式好多 而我哋今次揀既係瑞士常餐 叫得瑞士咖啡室 一定要試試佢個瑞士啦 大大隻「瑞士雞翼」印係餐牌上面呀叫咗個A餐跟咗杯熱奶茶 瑞士雞翼大大隻有兩隻 成隻俾鹵水汁包裹着 切開肉身係入哂味既雞翼 唔會乾爭爭 食落香甜滑溜 加埋足秤米粉、兩片牛油多士同埋炒滑蛋(餐廳出咗告示話會轉哂火腿奄列做炒蛋**) 配埋杯港式奶茶 大份又好食 認真不錯朋友嗌咗既瑞士常餐B隻瑞士雞脾 一樣大件夾Juicy架

工作關係，又再來到樂富廣場，當然又要找個下午茶。來到這間茶餐廳，雖是茶餐廳，裝修也頗為特別，以「麻雀」砌成餐廳的名字，作為一幅掛畫。每張枱上也準備好簡單的調味品，餐具以及餐牌。下午茶也很多選擇，可算豐富，最後選擇了黑椒牛柳絲炒麵，以及一杯熱奶茶。不用等候多久，黑椒牛柳絲炒麵以及熱奶茶為我送上。色與香味皆有，陣陣的炒麵香已經很不錯，色彩也很吸引。炒麵有部份是乾的，很脆口，有部份是沾上黑椒汁，這個黑椒汁不辣，有陣濃香的黑椒味，味道不濃很適中，牛柳絲軟軟，配合黑椒汁更香，整個炒麵香而滑，味道非常可口。熱奶茶，入口香滑，茶味十足，卻又沒有茶的苦澀味，港式奶茶的獨特味道。雖是連鎖茶餐廳，可是味道卻非常好，一洗連鎖經營的普通味道之感。

今日嚟到週末早上排隊排到開哂巷嘅瑞士咖啡室，今日排左15分鐘，全場搭枱，卡位小圓枱大圓枱統統要搭枱。最吸引嘅係佢個極品早餐，除左1碗鮑片肉丁通粉，火腿奄列，仲有1隻大。熱。狗。通粉奄列都係茶餐廳大路野，不過不失咁啦，但佢隻熱狗真係不得不讚！！好大隻，用料足，味道好，最緊要係有誠意，門口排哂隊成間鋪都係人咁多張單，但係隻熱狗係有烘過的，一啲都唔馬虎。不過奉勸一句，去得茶餐廳就唔好期望有好嘅服務，叫個人嚟落單都叫左5分鐘。

瑞士咖啡室位於樂富廣場地庫。週末下午茶時間門外排了十數人， 等了大約十分鐘便有位。餐廳門口有一個放蛋撻麵包的櫃。餐廳內有一幅由麻將砌成的招牌掛在餐廳的中間，十分搶眼！唔知是否因為新年價格有所不同。點了兩份茶餐。沙嗲牛肉潛艇配奄列（$44)包麵是脆的，有很多芝麻， 有很香的芝麻味。 沙爹牛肉味道很濃，牛肉都好腍。奄列普通。沙嗲牛肉加司華力腸兩併麵($37)（加了$4轉了出前一丁）一碗正常的沙爹牛肉麵，但司華力腸得半條，有些差勁吧！整體來說，這間餐室裝修很特別，食物都可以， 可以一試。

咖啡室以懷舊茶記的設計，入口處有一排䥫閘為裝飾，牆上亦貼滿以往常聽到的港式口語化字詞。瑞士常餐A瑞士雞翼公仔麵，雞全翼有2隻，中型size，巳煑得淋軟，骨同肉一壓便很容易分離，唔駛弄污手都可以吃得乾乾淨淨。瑞士汁很稀色淺，帶有微微甜味，當然與太平館的瑞士汁不可相提並論啦！只是略甜的豉油雞翼罷了。瑞士常餐B瑞士雞脾公仔麵，雞脾大大隻，色澤較深些，啖啖肉。配牛油多士、火腿奄列厚多士烘得鬆軟，奄列份量都算大，火腿絲亦多。熱檸蜜，夠蜜糖，唔係淡而無味的。以$50-52 左右一份常餐來說，算份量足，但就沒有太大驚喜了。

黎到樂富見到呢間餐廳都多人排隊 就一於試下先 入到去叫左個瑞士雞翼麵 佢個汁係另上既 要自己淋汁 其實一擺底覺得個麵干爭爭 哈 不過麵ok既 味道正常 野飲方面凍奶茶 都係麻麻地 奶味重過茶

今天1人下午茶時間來開餐，當然只點了一種食物，但都有點意外驚喜，足夠寫一篇食評。豆豉班腩炒麵（7.5/10）首先，眼前這道很平常的「豆豉班腩炒麵」，但一上桌就覺得有點驚喜，就是用了這款闊邊內裡窄的碟，首先令這個炒麵看起來不會東一堆西一堆，比較好看。其次是面層加了幾根西式的伴菜，雖然只有幾根，但也有點綴作用，而且青青的蔬菜味道亦調和一下這道味道濃郁的中式炒麵。炒麵脆口香口，但整體來說有點味道太濃，有點咸，應該是芡汁味道太濃所致，建議稍為清淡一點就夠了。班腩亦保持到脆口，做到少粉多肉，口感不錯。不講主菜班腩還是旁邊伴菜青椒，份量亦足，吃到飽肚滿足。以42$價錢，還附送熱飲，實在抵食。至於服務方面，見不少其他評語表示職員態度差劣，幸好我沒有遇到此問題。相反，當天的男經理態度還好，向他說聲「唔該」他也會回應「唔洗客氣」。雖是簡單一句，但已足以令我這顧客感覺良好！期望保持更加好的服務水準！

樂富廣場平台間瑞士咖啡室，裝修好特別，有幅用麻雀大大隻字合成掛牆畫，可能老闆係麻雀發燒友，餐點就好多選擇，下午茶套餐，我喜歡吃奄烈加杯凍飲，價錢合理，環境比較嘈雜，服務員態度就麻麻地，食物味道都可接受

等左五日終於放假，今天去左樂富探下朋友，大家好耐冇見，喺朋友屋企不經不覺一傾就由朝傾到夜晚，大家都肚餓就一齊去左食晚飯。朋友帶左我去樂富廣場一樓的瑞士咖啡室，一去到已經有人排隊，我地排隊等位等左約五分鐘左右就入得，吾算好耐。今晚叫左瑞士常餐A $50 包火腿奄列牛油多士，瑞士雞翼公仔麵，可轉通粉、意粉、米粉，雞翼幾香；另叫左撈公仔麵餐B $50 瑞士雞脾撈公仔麵，瑞士汁好惹味，但雞脾肉唔夠滑。套餐奉送咖啡或茶，凍飲加$3。

Very bad experience. Very bad service. Very bad hygiene problem. Would never ever go to this restaurant again. Not recommend for anyone planning to go.

年度的開放日又來，預計又是忙碌的一天。為了裝備一下自己，晨早就決定食一個久違了的豐富早餐，飽餐一頓才往開工....這裡早餐的類別與選擇算是十分多樣化。小弟今天是要來吃個飽的，所以就把心一橫，點了一個deluxe版本的餐....不知這兒的菠蘿油是否自家焗製，但見它烘得熱熱的上桌，"菠蘿皮"甚脆亦鬆化，包身亦軟軟綿綿的，片裝全脂牛油一整件夾進包中，甚滋味....腿奄則處理得甚不錯，蛋炒得不老甚軟滑，火腿絲也多....將通粉變成較健康的米粉，米粉弄得甚具咬口；火腿絲同樣份量夠慷慨；唯一要彈的是彷鮑片質地是尤如擦膠般，韌得要吐....近來已不將喝的東西拍下來了，原因是小弟已齋掉了茶啡，幾乎每一趟點的都是熱檸茶，那影來幹甚 ?吃過一頓豐盛的早餐後，抖擻精神，又去開工可也....

第一次食瑞士咖啡室，見晚市價錢唔算太貴就入去試一試啦。其實都係普普通通一間茶記，裝修得靚少少同幾特別。比大家睇下個環境😄見佢叫做瑞士咖啡室，心諗呢度既瑞士雞脾或者瑞士雞翼一定正啦，叫呢兩樣實冇死。所以諗都冇諗就叫左瑞士常餐B ($52) 。比大家望一望個menu先。我轉左公仔麵做意粉。咁先講下佢個雞脾。其實都幾失望，以為係招牌菜啦。D雞脾肉完全唔滑啦，瑞士汁又唔夠濃，但又夠鹹。反正個味道冇咩層次😢 之前係紅冰食瑞士雞翼仲正~然後個意粉就正正常常啦，唔洗評價。😂多士都夠脆既，正正常常咁啦。但奄列真係麻麻啦，平時好食既奄列都會有蛋汁係裡面，呢個就好乾身🤔總體黎講，普普通通，合格既，但唔洗專登去試佢雞脾同雞翼🤔