瑞榮小館

Open Now

Now Closed

疫情之下餐廳6點停止堂食，成日煮有時都想叫下外買。瑞榮小館喺石塘咀已經好多年，舖頭裝修已經有啲舊，不過入面都好乾淨企理。樓面阿姐好友善，慢慢同我落order，落完之後又比我改order，其他餐廳已經鬧到我飛街今晚我哋叫咗一個中式牛柳，薑汁炒芥蘭，豉汁蒸排骨，仲送咗一個南瓜西米露嘅甜品俾我哋。由於太肚餓關係，唔記得相機食先。佢個中式牛柳好好味，食得返我兒時嘅味道，牛肉又唔會過韌，老人家都食得到。豉汁排骨佢即叫即蒸所以都等咗成四五個字，不過都值得嘅。佢哋今日special仲有花生炆豬手，梅菜扣肉，下次我再嚟試吓！

今日準備下晝打8號風，趁打風前快快手食個午飯，跟住番屋企避風今日黎到瑞榮小館，格局係普通茶餐廳，迫迫地唔算特別整齊，但都算係企理是日午餐有A-E鍾意咖哩的我就梗係食A餐🤤🤤味道老實就好一般，飯偏太硬，咖哩又唔算好有咖哩味，但勝在足料同夠大份，飯好多，我都差少少食唔曬，牛腩都幾多，對比起其他茶餐廳黎講真係都算多，岩曬大食一族另外有杯餐飲，凍飲+$2 價錢算公道喇，香港地依加周圍食都貴，$50 樓下都算係咁

有天下晝路經西環探個朋友, 朋友帶我來這裡, 介紹我試杯熱奶茶。其實近年都很鮮有在港飲奶茶, 因為我認為現在香港無論說什麼絲襪奶茶, 什麼冰鎮鮮沖, 但總是回不到以前的味道與水準。什麼金茶王, 什麼茶博士, 濫竽充數, 基本上找不到一口香滑有茶味而又味道留長的。反而在澳門街上仍有機會找到比較好的, 真不知香港人所謂地道特色去了哪裡?!朋友的極力介紹, 當然一試無妨。正值下午茶時間, 正好坐坐吹吹風。有見餐牌下午茶餐索價由十七蚊起至三十多元不等, 心想, 香港的成本上壓的確竄高得太快了。一件油多去才兩塊麵包一小堆牛油, 加一個茶竟要HK$17?? 用料成本過不了一元, 那剔除賺價, 其他成本要多少錢呀?? 所以今天找不到好吃的是理所當然的, 因為根本無可能承擔這一樣的成本。說時遲, 那時快, 好好的兩杯熱奶茶端到你面前。茶色光澤都十分不錯, 茶略有香味, 不算強, 但可以。入口, 奶茶順滑, 仍有奶香味。不過茶味沒有, 茶的角色在這之中得不到平衡。而入喉依然滑溜, 但因為入口味道不夠, 所以後續的味道亦消散得快, 順滑感覺頓時變得啞色了。不過整體來說, 這奶茶已在平均線之上了, 可是依然

8月21日, 晏晝一路行下行下, 就行到去石塘咀, 想食嘅2間餐廳不約而同唔係執咗就冇開… 求求其就入咗一間茶餐廳, lunch時間都冇人, 不過冷氣反而好夠~::: 粟米班腩飯 + 凍奶茶 ::: $37心血來潮好想食粟米班腩, 雖然貴貴地要成$37, 心諗都唔會太差掛… 等咗10分鐘先嚟, 欣賞佢即叫即整, 個粟米汁仲係好熱辣辣~ 不過班腩份量唔多, 亦都唔係好新鮮, d肉有少少霉…凍奶茶可以接受, 中規中矩…::: 蛋牛治 + 凍奶茶 ::: $18塊蛋牛餡都幾薄, 不過牛肉份量比例都算多~ 只係塊蛋煎得乾咗d… 白麵包都好薄, 質地乾硬, 似係隔咗幾晚夜… 唔算難食嘅, 只係唔新鮮囉.我杯凍奶茶要咗少甜, 茶味澀奶味稀… 都幾唔得.呢間茶餐廳食物質素只屬中下, 好難再有機會食…

26-12-09最近喜歡到西環這邊食東西,,可能這邊店舖比較有特色..這天下午,肚子餓到什麼也說不出, 只好就近找一間(似樣)的餐廳食飽就算,,最後找到瑞榮小館..一入去, 老闆非常客氣, 問坐邊, 我便是但找了一個位置坐, 拿起餐牌, 原來都幾多野食, 價錢也不算太貴,, 但比起右邊的海亮 就貴多了,, 然後點左香草雞翼麵 熱好立克 香草雞翼拉麵 我相信22蚊一個餐 要求也不要太高吧 有3隻雞翼和幾條生菜,讚的是雞翼不會太(林), 當然是新鮮出爐..呵呵.. 好立克 . 跟自己沖的一樣,, 沒什麼特別..一間普通餐廳.. 價錢中等.. 一試無妨

天氣悶熱，行街都要抖一抖。見到瑞榮小館的茶餐幾好，我和老公便入去試下。我們叫了腿蛋治、西多士和涷奶茶。 腿蛋治一上枱便熱騰騰，麵包又夠軟，味道很好。至於西多士則有花生醬夾心，而我和老公則喜歡沒有夾心，雖然如此，其味道也是ok的。不過最失敗是涷奶茶，沒有茶味，只有澀味，也不夠奶，較為失敗。

hae到咁上下，由正街行去山道睇下有咩好野食，來回左幾次，最後朋友仔決定左呢間我初時唔太想入既瑞榮。因為，好多時經過呢度都唔覺有人入去食。叫了2個菜，每道菜既份量都頗多，仲會送白飯糖水各一碗。咕嚕雞球($40)肉多配菜如洋蔥菠蘿青椒都多，微酸中帶甜，十分開胃。椒鹽鮮魷($58)粉漿薄薄的一層，夠乾身，底下鋪滿炸米粉，很是不錯。'食送'菜是挺好，但服務麻麻。首先女侍應只顧睇電視，叫佢點菜，就真係講完佢就寫低再撕低張紙走人，全程有我地講佢聲都無出過。就算唔話"'食送'菜好快黎，都至少問下我地要唔要湯或者汽水啦。第二，有個女人係我地食食下既期間，突然伸隻手過黎收左我地未用既湯匙。唔知佢地係咪早收鋪啦，但其實當時都只係九點鐘左右。我地未用，但唔代表遲d唔用，就算真係唔用，你都唔駛咁呀，若果真係10點幾就話o者。第三，有另一個女人唔知係咪老闆娘，次次經過我地張檯都一定望住我地d'食送'，一路行一路望，目不轉睛，朋友仔話佢可能職業病，要睇有無漏單，但佢唔係望一次，而係三次。咁野都幾滋擾人。另外，食野期間，成日有d蚊滋仔飛黎飛去。朋友仔仲話，坐低無幾耐就覺得個身有d痕，間鋪真係多小昆蟲。題外話，呢間

因附近幾間都坐滿，即管試吓嚟呢間食吓早餐。無論是店名、裝修格局都有點老氣。早餐有多款，由A 到I 餐，叫了份通粉配熟蛋：通粉未煲夠喉，湯太淡冇味。雙蛋分開兩隻來煎，可惜又乾兼燶咗啲。至於杯熱奶茶就唔夠濃亦落得唔夠奶，比快餐店還差。幫趁一份早餐並不能苛求，但個個侍應都無厘精神、行步路都慢動作咁。可能係因為此店一早營業( 早上四時半開始)，捱咗幾個鐘啩…對某些真正early bird 而言，起碼叫做有個地方歇吓腳，歎杯茶--- 但它絕不是我那杯。

幾好食,又唔算貴,服務ok每個小菜都送一個白飯比較喜歡"錦江海鮮煲",上枱好夠熱,送飯幾好

Pursuant to the recommendation made by the fellow below, I ordered 福建炒飯.In answer to the contentions made therein, I say that:-(a) the said dish was not made with 芥蘭but rather it was the stem of 西蘭花;(b) true to the extent that the said dish was not made with 隔夜叉燒, but it was shredded chicken with skin;(c) I do not think the said dish was 好好味or 食到好有幸福既感覺;(d) overall, it was sightly above average. At least it was better than the 福建炒飯from 新釗記next door.Overrated.

一向好鍾意食福建炒飯,對我來講,好吃的只有翠亨村及珍寶,但有次心血來潮,在這裡如賭博的叫了一客福飯(茶廳的福飯一向都唔掂),點知...真係好好味,都好用心,食得出係用心做既飯,仲有好多地方都唔會用芥蘭煮,但呢度會,同埋佢唔會比隔夜叉燒你做配料..真係好好味,食到好有幸福既感覺!!之後我0係呢度都encore左好都次福飯!!仲有食過佢既小炒,都好好食,同埋好有街坊街里feel,仲有糖水送,好溫馨!!美中不足係沙薑雞,老實講唔好食..overall呢個食店入左我既list,真係有99分!!

都黎食過幾次,覺得佢0既小菜都幾好味,而且貪唔駛好似某出名食肆排長龍!不過平時食d普通小菜都ok,但今次食薑蔥魚腩煲就份量太少喇!成煲蔥多過魚...雖然味道都唔差,但自己覺得敗筆之處係佢唔似一般咁用個好熱0既煲上,咁變左就比較怏就凍左,冇咁好食囉!唔知係咪魚腩呢樣野係屬貴價野,如果唔係點會得咁少!平均2人都係得2舊左右,兼且唔係大大舊果隻喎,又比較薄身呢!其實佢地都多人幫襯,希望佢地都可以略為改善下呢點!我都幾鍾意佢地環境乾淨,必會再黎幫襯!

聽完各位朋友係呢度話佢地小菜都幾好食,咁我今晚(04/04)就去試下啦...當我入到去之後,就嗜佢地收未,因為我九點八先至去到,之後個貌似老闆娘就話未,咁我就覺得好啦...一入去個感覺好好..有得坐卡位,好舒服~~!!之後就叫左個小菜同一枝可樂,點之當我點完菜之後,就開始覺得怪啦...d人行左出去出面收左個招牌,之後又開始有人拖地..我問d伙計,佢地話返比我知佢地收十點...頂..如果收十點,就唔好叫我入黎啦...要我食到趕頭趕命..有咩野意思姐..我黎呢度食係因為你地d食評,所以佢比我既感覺係會好好..點知原來係咁,非常失望同"褸",好似比人呃左入黎咁...黑店...經過呢次,我以後都唔會再去食..!!

突然間好想食炸薯條, 仲要係茶餐廳曲o個隻,見到呢度有$15tea set, 叫左個炸魚薯條加朱古力,d架位好好坐, 又乾淨!!!真係我想要既曲曲薯條! 好開心, 味道一般,炸魚就差d啦...... 有2舊,不過.. 只係龍利加粉炸, 粉同魚已經離晒,大舊只係因為岩岩炸好, 魚得o個2淡, 雖然味道只係一般, 不過服務同環境都好好,係西環算係少有, 價錢亦都好平

幫襯過食晚市同lunch.先講晚市:家常豆腐... 炸過0既豆腐皮脆, 入面就係布甸質, 加埋炒豬肉, 唔錯.蒜蓉西蘭花.. 好有鑊氣!沙爹金菇牛肉煲... 送飯最好, 甜甜0地, 辣度恰到好處, 好好食!!!粟米斑塊... ok 啦, 我本身麻麻0地鍾意, 所以唔comment 太多.Lunch 就食過自己揀餸揀麵0既standard 茶餐, 食0左火腿+ 餐肉伊麵. 料係一般茶餐廳貨色, 但出奇地好在d 湯唔覺多味精, at least 食完一d 都唔口渴.Layout 亦係一般茶餐廳咁樣, 但衛生情況比同區茶餐廳乾淨10 倍!!! 去得過