Video
Telephone
23262578
Payment Methods
Above information is for reference only. Please check details with the restaurant.
今日好想食粥，順路經過嚟咗呢間生記食，試吓好唔好味，因為添好運執咗。入到嚟嗌咗兩碗碎牛，加炒麵，再加炸兩。等緊嘅時候已經不停見到好多街坊或者附近返工嘅人嚟買外賣。當中就見到啲老夥計不停同啲老街坊打招呼👋🏻講笑話，真係覺得好有人情味。啲嘢嚟到嘅時候個粥底真係好綿同埋有米味。(今日新聞仲講緊日本搶購大米，真係要好好珍惜米。）個炸兩條油炸鬼仲係少少暖同脆卜卜。炒麵就食返細路仔食嘅味道。我覺得下次都會再嚟，臨走嘅時候嗰啲夥計自己又喺度鬧下交，真係覺得人真係會老，呢班夥計日日傾吓偈鬧吓交，咁樣又可能過咗佢哋嘅大半生。走嘅時候就買咗個鹹肉糭外賣。因為聽日龍舟節🐉。試吓好唔好味。✨人情味係咩味㗎，咪就係鬧下交同埋講吓笑話囉。💫
continue reading
揾食肥華食粥口味異於常人，鍾意較稀粥底嘅粥，所以新蒲崗呢間粥店所做嘅粥底就合晒肥華心水，被肥華譽為食粥嘅首選之才，3月9日肥華心血來潮想食壹餐熱辣辣，又啱口味嘅生滾料粥做午餐，於是就同靚媽到此店開餐，今日肥華就選擇咗碗祇售$31嘅白粥底及第粥，此店呢款生滾粥售價偏低，但真材實料，及第粥應有配料，豬潤，豬心，豬肚，豬粉腸，豬肉丸一應俱全，加上食材新鮮並無將貨就價，係一碗低食又好食嘅A+級評分粥品。至於肥華為靚媽柯打嗰碗$38有味粥底嘅生滾滑牛豬腰粥，用料和味道亦喺高水準之作，但個有味粥底較杰所以旅祗獲肥華A級評分。而今餐兩個售$12配角此店名物炸兩腸粉及 白滑齋腸水準依然，再加上嗰杯$8啱晒肥華口味超甜荳䊢，呢個午膳粥餐近乎完美。⭐️⭐️⭐️⭐️⭐️👍🏻👍🏻👍🏻👍🏻👍🏻
continue reading
新蒲崗傳統粥舖，食懷舊糖水 + 炸兩。芝麻糊（$12），比較糊身，少少芝麻味。炸兩（$12），即叫即製，需時約十分鐘，腸粉皮薄且滑，油炸鬼依然微脆，味道不錯。枱面有齊三色醬同芝麻。
continue reading
咁啱同媽咪去開新蒲崗所以就去食好耐無食的生記粥店的，不過佢一點也沒有失去它原有的特色。入到店內，就能感受到濃濃的人情味，好多街訪坊食。儘管近來物價上漲，但生記的價格依然仲係好親民，絕對是物有所值，呢家香港地真係唔易食到咁平的野，即使係粥都係咁話。我地點了一碗皮蛋瘦肉粥。一口下去，溫潤的粥底配上彈牙的皮蛋和滑嫩的瘦肉，實在是回味無窮。香氣四溢，令人胃口大開。仲有一份炒鴛鴦，即是炒麵加炒米，兩種不同的麵條完美融合，口感豐富層次分明，我比較鍾意炒麵，比較有口感和入味。最後，仲有一份香酥可口的炸兩，腸炒皮真係真心讚，入面油炸鬼都仲好脆，令呢餐午餐非常圓滿。
continue reading
老街坊多年前食過，印象唔差。今日叫外賣，叫碗艇仔粥，起初樓面大嬸扮聽唔到我講嘢，反而問我後面果位要咩我以為佢眼花或是者有d撞聾，因為之前有個朋友已經同我講過佢成日都聽錯，落錯單仲要態度非常之差。幾經辛苦終於可以溝通到，拿咗外賣返屋企食，食完完全唔值，更加受氣，唔會再幫襯了。
continue reading