番茄18

Open Now

Now Closed

今次同朋友黎到將軍澳依間懷舊茶餐廳試下，朋友介紹呢度主打個番茄湯底好味食物方面叫左特色番茄濃湯通粉配牛乳炒蛋瑞土雞翼麵底轉左米線，米線彈牙吸哂番茄濃湯味，湯底食得出係新鮮番茄整成嘅湯好濃郁，炒蛋好香滑，雞全翼醃得好入味好正焗番茄18豬扒飯醬汁酸酸甜甜，豬扒煎得香口，炒飯底乾身索曬番茄汁肉汁，重點係半融嘅芝士相當惹味飲品叫左紅豆冰，好多紅豆嘅紅豆冰配椰汁好正，整體方面，食得好開胃既一餐，番茄愛好者必食

通常海旁餐廳唔係貴就係淨係食個景，好難搵到間cp值高嘅餐廳🥹位居海濱附近嘅番茄18喺我心目中可以話係少有嘅海旁高質餐廳！🍜招牌蕃茄叉燒湯米粉 $42 🌕🌕🌕🌕🌑由於我係朝早11.幾黎食，所以仲有早餐set，送埋煎雙蛋同多士😆番茄湯底都算濃郁，但未到好鮮甜、好出色。份量方面幾足料，多番茄🍅同埋多叉燒，而叉燒竟然比到驚喜我！佢睇落唔係平時食開嗰啲叉燒，似係普通豚肉，賣相不太吸引，但入口竟然有燒過嘅焦香味，而且好軟淋，一啲都唔鞋🤤米粉都好爽口彈牙。呢個價錢食到咁嘅質素真係超值👍🏼👍🏼👍🏼🍚招牌厚切豬排雙蛋飯配秘製香蔥豉油汁 $52 🌕🌕🌕🌗🌑呢個飯餐份量都算多，豬排大塊之餘仲有兩隻蛋同時菜😆蔥油唔算好香，係合格水平～豬排都幾香，而且肥瘦比例剛好，唔會太瘦太鞋，但如果肉質juicy啲會再好食啲😋整體黎講，呢間餐廳cp值十分高，尤其開喺海旁，好少有咁高質嘅平民價餐廳！如果喺附近返工一定會成為我嘅飯堂😆

蕃茄麻辣湯米線 配 招牌瑞士雞髀 $56呢間個蕃茄湯超級超級濃，酸酸甜甜，超級開胃。雖然食得出係加咗茄膏，但佢真係超級濃蕃茄味。我呢碗係蕃茄麻辣湯底，所以係蕃茄味嘅基礎上加咗啲麻辣嘅香氣，兩者之間好夾，好特別！我叫嘅係小辣所以唔會好辣。個米線滑溜溜，好味😆招牌瑞士雞髀真係超級大隻。瑞士汁味好濃，所以就咁食有啲鹹，一定要配麵食。雞髀都燜得好嫩，唔會柴。鍾意食肉嘅一定會好滿足柯華田脆脆 好飲，但唔特別，如果唔快啲飲嘅話上面啲脆脆會淋曬

佢哋嘅炸物用發泡膠盒，但結果係會成個盒都被熱到溶咗。其實佢哋明明有可入微波爐嘅膠盒，唔會溶。叫啲唔係好熱嘅瑞士雞髀又識用靚膠盒，炸野就用唔受熱膠盒。都唔明點解唔用，上網睇下原來係會致癌。除咗食物安全有疑慮，叫佢地嘅飛哥餐永遠唔分湯，浸到啲麵林晒，基本上係見唔到湯，變左撈麵，同埋叫炸物會外賣盒溶晒之外，佢地嘅野食其實唔差嘅。希望餐廳嘅員工可以睇到，改善這個問題。除左食物質素，食客的健康都是很重要。想多啲幫襯你地，但都要做好啲先得嘅！😄😄

今日放假，又係屋企附近睇吓有咩好食先🤣見到有間番茄18 之前都食過佢啲蕃茄麵都幾好食😋所以今次就唔試佢嘅番茄，一於試吓其他蕃茄以外嘅嘢食！口水雞我覺得呢個好好食！個汁唔算好辣，雞都唔係幾鞋，幾滑！估唔到喺茶餐廳食到好食嘅口水雞，呢個係最意想不到嘅！下次我會再encore呢個口水雞西多士正常發揮，係正常茶餐廳嘅西多士胡椒豬肚雞湯米線湯底濃郁，胡椒味重雞方面就可以再好少少，不過整體嚟講算好ok 以呢個價錢！炸雞翼一碟有三隻，正常發揮啦！手撕雞麻辣薯粉呢個我覺得正正常常，不過轉薯粉，都唔使加錢，呢個抵讚！總括而言呢間茶餐廳價錢唔貴！食物質素都OK、性價比算高！值得一試！

好耐冇食過地道港式早餐，突然想食咸牛蛋治，去咗呢間平時見都多人排隊嘅街坊茶記.選擇真心多，基本上乜嘢都有， 值得一讃環境乾淨衞生寬敞，裝修都係有心思嘅老香港情懷.凍檸茶配蔥花蛋牛治，個蛋好滑好香好足料大大份，不過牛肉如果可以多啲仲好. 唔會似平時啲咁咸. 順帶一題，餐廳伙計係推車執野送餐，對員工好好起碼不用勞損，通道係特別design for推車. 另外少見咁多staff, 好有系統pack 外賣，樓面廚房都多人，可見老闆都好好唔係洗死人先！

餐廳比較近將軍澳海旁，位於住宅商場地舖👀但平時比賽少日頭經過，今日經過有啲肚餓就試吓😋🤪餐牌超級多選擇，睇到人眼花撩亂🥹食物種類繁多，絕對有一款啱你🍽值得一提嘅係餐廳內部裝修好特別，有好多特色本土情懷嘅設計🤠✨午餐招牌番茄湯通粉配牛乳炒蛋 自選一餸 $52見餐廳個名有番茄點都要嗌下茄湯！🤣先入為主覺得番茄比較適合配牛肉🤣所以揀咗鮮牛肉，牛肉份量好足，有差唔多八至十片👀另外鮮牛肉口感好嫩，厚度適中👍🏻比一般肥牛厚✨另外用咗細粒有咬口嘅通粉，份量同樣足🤪最驚豔到我嘅係真·香濃鮮茄湯🍅茄粒好香甜，大小剛好，湯底完全冇茄膚味嘅甜味🥹係好清甜嘅鮮味，果然係招牌🔥熱辣辣上好正🔥✨招牌胡椒豬肚雞湯米線 $59湯底濃郁🫶🏻米線好有嚼感💯胡椒同酸菜嘅比例啱啱好，可以互相襯托出大家嘅味道，腐竹、雞同豬肚好入味！豬肚口感適中，唔會太韌，另外雞件非常鮮嫩，份量十足🍽會話呢間餐廳嘅招牌絕對係誠意十足🤤✨八妹麻辣凍豆腐 $28本身偏愛滑豆腐🤪平時食到嘅凍豆腐比較多係皮蛋或者肉鬆，今次呢個係類似凍版麻婆豆腐👍🏻🔥豆腐非常嫩而且好入味，肉粒味道香濃份量非常足，另外辣油份量唔會太多，啱啱好調得到味之餘唔會油🤤表面仲有啲

番茄18 這是一間懷舊嘅茶餐廳，店內佈置懷舊，港式茶餐廳風味， 一入到去我媽咪就話好有親切感，話係下午茶常到嘅聚腳點。媽咪食招牌瑞士雞髀 , 佢話味道好好， 一啲都唔鹹， 雞肉好嫩滑， 食完都唔使飲好多水。 值得推介👍🏼👍🏼👍🏼跟懷舊紅豆奶茶我食四川炸醬厚切豬扒飯，厚切豬扒好大件無欺場， 口感好好， 軟骨多汁， 一定要試， 下次返嚟， 下次下午茶都係食番呢個。😋😋😋跟杯咸檸七都係嗰句冇得輸Lunch set我見餐牌都係50$至60$， 好抵食我見隔離枱菠蘿油好吸引下次都要試一試 😋😋😋

性價比非常高，以舊香港裝修為主，另有一番風味，地方大，以卡位為主，坐得舒服😌主打番茄濃湯，所以全部都係番茄湯底😄😄招牌番茄濃湯牛肉米線，果然係招牌，超足秤，啖啖番茄肉，非常濃郁，令到整個湯升左級，而且係用鮮牛肉，轉左太陽蛋和丹麥多士招牌瑞士雞脾，甜甜哋，好入味好香，超級好食😋招牌番茄濃湯豬潤米線配牛乳炒蛋、多士，勁多豬潤，炒蛋好滑好正，炒得好好👍蔥花鹹牛肉炒蛋治，熱辣辣，勁多餡，蛋滑牛肉嫩，最抵死加左蔥花🤣冇得輸呀😋

今天叫了外賣，豬扒飯 + 雞髀飯。豬扒好像擦紙膠一樣，雞髀肉質很硬。本身叫了凍奶茶，送錯了變了凍檸茶，有3片檸檬，但是3片是一舊過，3片痴埋一齊，跟本篤唔到，加上又淡，好似沒落糖一樣。我及家人吃了一半就沒再吃了。有時想香港很多餐廳好像提供劣質食物給客人，但是它們都維持到，真是不知為何。之前都吃過這間餐廳，都不是這樣差的，不知道變成了這樣。希望它們可以做啲，用心做食物給客人。它的位置已經不太方便，恐怕之後繼續這樣的話會越來越少人幫襯導致結業。

經常在將軍澳區想吃美味早餐，因此聽朋友推介去了吃番茄18 ，去了一試，果然是有驚喜！😲😲😲我點了一份早餐是有牛扒、炒蛋，果然相當不錯，牛扒都是鮮嫩多汁，以平民化早餐來說，都是性價比很高👍🏻👍🏻👍🏻👍🏻至於環境方面，他是一間頗有趣的餐廳，周圍都是一些舊香港的裝橫，讓人一入去有種好像去了70年代的香港一樣，又是另一番滋味☺️☺️👍🏻番茄18裏面的地方都大，有很多卡位，但是由於性價比高，每次去都有機會要排隊，而且地點會有一些入，需要找一找😃

下午路過快食個tea set, 本身想試下蕃茄魚米線話曬間嘢個名用蕃茄應該係主打，可惜賣曬，咁唯有試吓其他嘢. 其實好多選擇，茶記熱門items 當然on list 啦，不過呢度好多特色湯粉， 有藥膳雞，胡椒豬肚等等，我就試呢個蔥油雞米線配熱檸蜜.一上枱，哇哇不得了，碟雞分開上，爆多蔥，油同豉油都好大碟， 雞滑好味. 個粉就ok 份量唔算多，雞好似多過米線咁. 順帶一題, 呢度啲位坐得舒服唔迫， 食完可以去附近海傍散下步！

週未放假係屋企唔想煮早餐又唔想出街😬所以叫左外賣早餐。番茄18既堂食同外賣都冇令我失望過, 而且亦都好想食招牌番茄湯麵, 所以二話不說就叫左呢間餐廳外賣✌🏻🍅招牌番茄餐肉粒湯通粉番茄湯非常濃郁, 因有用鮮番茄所以湯底亦會食到粒粒番茄蓉。通粉中間可以吸晒D湯, 所以每食一匙通粉都可以飲埋湯底, 食完亦唔會覺得口渴。早餐配上炒滑蛋同多士🥪滑蛋非常滑一D都唔乾, 多士如果堂食一定會更出色。🍅另一份早餐係招牌番茄叉燒湯米粉, 米粉係比較爽口果款, 但都有掛汁, 同樣係好好食😋

今日食lunch 係朋友嘅介紹下，黎左呢間位於將軍澳區嘅番茄🍅18試下，其實我無話超級鐘意食番茄湯底，都係試下好唔好食，但呢間舖頭無令我失望😻今次我叫左麻辣番茄湯底，估唔到呢度嘅湯底可以有埋麻辣，唔係普通嘅酸酸地，好岩我胃口，同埋麵底有上海麵揀，我好鍾意食上海麵，麵好掛湯，而湯底味道好濃，好好味👍🤤至於小食我就揀左佢地舖頭出名嘅瑞士雞翼，瑞士雞翼係雞全翼嚟嘅，估唔到雞翼醃得好入味，超級好食，極力推介！😍😍😍至於同行友人就叫咗普通嘅常餐，麵底嘅餸揀咗牛肉，而且配有牛油多士同埋炒蛋，係一個味道唔錯嘅常餐。消費價錢，每人50多結論：推薦鍾意食蕃茄湯底嘅人一定要嚟呢間舖頭試下，推薦麻辣蕃茄湯

裝修好有風格，牆上有好多舊香港感既懷舊鋪面，好適合打卡。🥢招牌牛肉蕃茄湯配牛乳炒蛋麵 $44招牌果然係招牌🤣🤣個蕃茄湯非常有驚喜❗❗❗湯底好濃郁，酸酸甜甜咁，好開胃🤤🤤牛肉是鮮牛肉，唔會太軟都唔會太韌，但個重點都係蕃茄湯🤣食個陣公仔麵麵質適中，唔淋唔硬😋🥢飛女餐-招牌瑞士汁雞髀撈公仔麵配牛乳炒蛋、丹麥多士 $60 轉雞髀+$3瑞士汁雞髀非常入味，唔止得雞皮有味，雞肉入面都吸晒瑞士汁，而且雞肉唔老😍🤤牛乳炒蛋炒得有過龍，有少少老。丹麥多士食落好香牛油味，酥酥脆脆咁🥰🥢綠椰冰 原價$26 跟餐$10綠椰冰唔係周圍有，綠豆蓉同椰汁各佔一半😍😍椰汁味濃，不過綠豆蓉就有D硬，但都幾特別🤩評分：味道：⭐️⭐️⭐️⭐️環境：⭐️⭐️⭐️⭐️整體：⭐️⭐️⭐️⭐️————————————————————————